ޓީޖީއެސްޓީގެ އާމްދަނީ 99 މިލިއަން ރުފިޔާ ދަށަށް!

ޓޫރިސްޓެއް ވ.ތިނަދޫގެ މަގަކުން ހިނގާފައި ދަނީ. މިއަހަރުގެ މެއި މަހު ޓޫރިސްޓުން މަދުވެ، ލިބުނު އާމްދަނީ ވެސް ވަނީ ދަށްވެފައި

ފާތިމަތު ޝަނާ މުހައްމަދު، މިހާރު

12 ޖޫން 2023 - 10:47

2 comments

ރާއްޖެ އަށް ޓޫރިސްޓުން އައުން މި ދުވަސްވަރު މަދުވުމުން، މިދިޔަ މަހު ޓީޖީއެސްޓީގެ ގޮތުގައި ލިބުނު އާމްދަނީ 99 މިލިއަން ރުފިޔާ ދަށަށް ހިނގައްޖެ އެވެ

ޓެކްސް އިދާރާ، މީރާ އިން އާންމު ކޮށްފައިވާ ތަފާސްހިސާބުތައް ދައްކާ ގޮތުން ޓޫރިޒަމުން ނަގާ ޖީއެސްޓީ (ޓީޖީއެސްޓީ) ގެ ގޮތުގައި މިދިޔަ މޭ މަހު ލިބުނީ 718 މިލިއަން ރުފިޔާ އެވެ. އޭގެ ކުރީ މަހު ޓީޖީއެސްޓީގެ ގޮތުގައި ލިބުނީ 817 މިލިއަން ރުފިޔާ އެވެ.

ރާއްޖެ އަށް އައި ޓޫރިސްޓުންގެ އަދަދު މޭ މަހު ވަނީ އޭޕްރީލް މަހަށް ވުރެ 26 ޕަސެންޓު ދަށްވެފަ އެވެ. މޭ މަހު އައީ 120،000 ޓޫރިސްޓުންނެވެ. އޭގެ ކުރީ މަހު 160،000 ޓޫރިސްޓުންނެވެ. މިއީ މިދިޔަ އަހަރުގެ މޭ މަހަށް ވުރެ 3.6 ޕަސެންޓު ދަށް އަދަދެކެވެ. މިދިޔަ އަހަރުގެ މޭ މަހު ރާއްޖެ އަށް 125،000 ޓޫރިސްޓުން އައެވެ.

މިދިޔަ މަހު ޓީޖީއެސްޓީގެ އާމްދަނީ ދަށްވި އިރު ޓެކްސްގެ ގޮތުގައި ލިބުނު ޖުމްލަ އާމްދަނީ ވަނީ އޭގެ ކުރީ މަހަށް ވުރެ އަށް ޕަސެންޓު ދަށްވެފަ އެވެ. މިދިޔަ މަހު ޓެކްސްގެ ގޮތުގައި ދައުލަތަށް ލިބުނީ 1.7 ބިލިއަން ރުފިޔާ އެވެ. އޭޕްރީލް މަހު ޓެކްސްގެ އާމްދަނީގެ ގޮތުގައި ލިބުނީ 1.8 ބިލިއަން ރުފިޔާ އެވެ.

މިދިޔަ މަހު ޑޮލަރުން ލިބުނު އާމްދަނީ ވެސް ވަނީ ހަ ޕަސެންޓު ދަށްވެފަ އެވެ. މިދިޔަ މަހު ޑޮލަރުން ލިބުނީ 73 މިލިއަނެވެ. މޭ މަހު ޑޮލަރުން ޓެކްސްގެ ގޮތުގައި ލިބުނީ 77 މިލިއަނެވެ.

މިދިޔަ މަހު ޖީއެސްޓީގެ ގޮތުގައި ޖުމްލަ އެއް ބިލިއަން ރުފިޔާ ލިބިފައިވެ އެވެ. އެއީ މިދިޔަ މަހަށް ވުރެ 100 މިލިއަން ރުފިޔާ ދަށް އަދަދެކެވެ.

މޭ މަހުގެ އާމްދަނީ އޭގެ ކުރީ މަހަށް ވުރެ ދަށްވެފައިވީ ނަމަވެސް، މިދިޔަ އަހަރުގެ މޭ މަހާ އަޅާ ބަލާއިރު ޖުމްލަ ޓެކްސްގެ އާމްދަނީ ވަނީ 25 ޕަސެންޓު އިތުރުވެފަ އެވެ. މިދިޔަ އަހަރުގެ މޭ މަހު މީރާ އަށް ލިބުނީ 1.3 ބިލިއަން ރުފިޔާ އެވެ.

ޓޫރިސްޓުން މީރާ ޓޫރިޒަމް ޓޫރިޒަމް މިނިސްޓްރީ ދައުލަތުގެ އާމްދަނީ ޓީޖީއެސްޓީ

2 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

12 June 2023

ޓެކްސްތަށް ވާނީމަދެވެ. ޓެކްސްތަކާ ބެހޭ ގާނޫނުތަކަށް ގެނެވޭ ގިނަބަދަލަކީ މަދުބައެއްގެ މަސްލަހަތު ޙިމާޔަތް ކުރަން ގެނެވޭ ބަދަލުތަކެވެ. ދާދިފަހުން އެސްޓީއޯ ޕީޕަލްޗޮއިސް ސުޕަރމާޓްގެ ރެކްތަކުން ވަކިވަކި ޝެލްފްތަށް ވިޔަފާރިވެރިންނަށް ކުއްޔަށް ދޭންނިންމާ އެކަން ތަންފީޒް ކުރަން ފެށުމުން ޖީއެސްޓީ އަށް ލާޒިމް ނުވާ ވިޔަފާރިތަކުން ކުއްޔަށްނަގާ ޝެލްފް ތަކުގައި ބަހައްޓާ މުދަލުން މީރާއަށް ގީއެސްޓި ނުލިބުމެވެ. ސަބަބަކީ އެއީ އެސްޓީއޯ އިން ވިއްކާ މުދަލަށް ނުވުމެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 June 2023

ޓީޖީއެސްޓީ އިން ވައްކަން ކުރާ ކުންފުނިތައް ބަލާ އޮޑީޓް ކުރަނި ތިޔަ އަދަދު ޑަބަލް ގިނަ ވެދާނެ އެވެ. ރިސޯޓު ތަކުން ލިބޭ ޑޮލަރު ރާއްޖޭގެ ބޭންކް އަކަށް ޖަމާ ކުރުމަށް ފަހު ނެގޭ ގޮތަށް އެމްއެމްއޭ އިން ހަދަނި ކޮށް ޑޮލަރު ތިޔާގި ވެ ސަރުކާރުން ފައިސާ ބަހާ ހިސާބައް ހިނގައިދާނެ އެވެ.