ބޭރު ޑޮކްޓަރުންގެ އިތުރު ގަޑީގެ އިނާޔަތުގައި ލިމިޓެއް ނެތް

ރާއްޖެ އައި ކިއުބާގެ ޑޮކްޓަރުންނާއި ހެލްތު މިނިސްޓްރީ އަދި މަޖިލީހުގެ ބައެއް ފޮޓޯއަކަށް ހުއްޓިވަޑައިގެން.-- ފޮޓޯ: ހެލްތު މިނިސްޓްރީ

އާސިމާ ނިޒާރު، މިހާރު

12 ޖޫން 2023 - 12:16

16 comments

ރާއްޖެ ގެންނަ ބިދޭސީ ޑޮކްޓަރުންނަށް އިތުރު ގަޑީގެ އިނާޔަތް ޖެހުމުގައި އެއްވެސް ލިމިޓެއް ނޯންނާނެ ކަމަށް ހެލްތު މިނިސްޓްރީން އިއްޔެ ބުނެފި އެވެ.

އެ މިނިސްޓްރީގެ މީޑިއާ އޮފިޝަލް ފާތިމަތު ޝޫބާ "މިހާރު" އަށް ވިދާޅުވީ، މުސާރައިގެ އާ އޮނިގަނޑުގެ ދަށުން އިތުރު ގަޑީގެ އިނާޔަތުގައި ދިވެހި ޑޮކްޓަރުންނަށް ލިމިޓެއް އޮންނައިރު، ބިދޭސީ ޑޮކްޓަރުންނަށް އެފަދަ އެއްވެސް ހިފެހެއްޓުމެއް ނޯންނާނެ ކަމަށެވެ.

ނަމަވެސް، އާ އޮނިގަނޑުގެ ދަށުން މުސާރަ ބޮޑުކުރީ ހަމައެކަނި ދިވެހި ޑޮކްޓަރުންނަށް ކަމަށް ވާތީ، ބިދޭސީންގެ އޯޓީގައި ލިމިޓޭޝަނެއް ނެތަސް މުސާރައިގައި ފަރަގު ހުންނާނެ ކަމަށް އޭނާ ވިދާޅުވި އެވެ.

މިދިޔަ މަހުގެ އެއް ވަނަ ދުވަހުން ފެށިގެން ސިއްހީ ދާއިރާގެ ފަންނީ މުސާރައިގެ އާ އޮނިގަނޑަށް އަމަލުކުރަން ފަށައި، އިތުރު ގަޑީގެ އިނާޔަތް ވަނީ 10 ޕަސެންޓަށް ލިމިޓޭޝަނެއް ކަނޑައަޅައިފަ އެވެ. އެކަމާ ސިއްހީ ދާއިރާގެ މުވައްޒަފުން ކަންބޮޑުވުން ފާޅުކޮށް ކަމާގުޅޭ ފަރާތްތަކަށް ޕެޓިޝަނެއް ހުށަހެޅި އެވެ.

Sihhee dhaairaa muvazzafubge OT limit kurumun shakuvaa bodu vejje

The most trusted news source in the Maldives

Mihaaru

މީގެ ކުރިން، ހުކުރާއި ހޮނިހިރު ދުވަހަކީ ވެސް އިތުރު ގަޑީގެ އިނާޔަތް ލިބޭ ދުވަހެކެވެ. އެކަމަކު، މި މަހުން ފެށިގެން އިނާޔަތް ލިބެނީ ހަމައެކަނި ހުކުރު ދުވަހު މަސައްކަތަށް އެކަންޏެވެ. ހޮނިހިރު ދުވަހު މަސައްކަތަށް ނުކުތަސް، އޯޓީ ލިބޭނީ، މިހާރު ވެސް އޯޓީ ލިބޭ 8 ގަޑިއިރަށް ވުރެ އިތުރަށް މަސައްކަތް ކޮށްފި ނަމަ އެވެ.

އާ އޮނިގަނޑުގެ ދަށުން ރޭންކް 1-7 ރޭންކުގެ ދިވެހި މެޑިކަލް އޮފިސަރަކަށް މުސާރައިގެ ގޮތުގައި 18،129ރ. އަދި އެލަވަންސް އަށް 10،382ރ. ލިބެ އެވެ. އޭގެ އިތުރުން މަސައްކަތްކުރާ ކޮންމެ ދުވަހަކަށް 281ރ. ލިބެ އެވެ. ހަފުތާގެ ފަސް ދުވަހު މަސައްކަތް ކުރާނަމަ، އެއީ އިތުރު ގަޑި ނުލައި 34،131ރ. އެވެ.

ސިއްހީ ހިދުމަތްދޭ ތަންތަނަށް ބިދޭސީ 35 މެޑިކަލް އޮފިސަރުން ހޯދަން މިނިސްޓްރީން މި ފަހުން ކުރި އިއުލާނުގައި ބުނީ އެ މީހުންނަށް މުސާރައިގެ ގޮތުގައި ލިބޭނީ 28،140ރ. އަދި އިތުރުގަޑީގެ އިނާޔަތް ކަމަށެވެ. އޭގެ އިތުރުން، ބޭރު ޑޮކްޓަރުންނަށް އެކޮމޮޑޭޝަނާއި ކޮއްތު އެލަވަންސް ވެސް ހަމަޖައްސައިދެ އެވެ.

ހެލްތުގެ އޮފިޝަލަކު ވިދާޅުވީ ބޭރު ޑޮކްޓަރުން ހޯދަން އިއުލާނުކުރީ ދިވެހިން ނުލިބިގެން ކަމަށެވެ. ރަށްރަށުގެ ސިއްހީ މަރުކަޒުތަކާއި ހޮސްޕިޓަލްތަކަށް މި ވަގުތަށް ބޭނުންވާ ޑޮކްޓަރުންގެ ވަޒީފާތަކަށް އަންނަ ބުރާސްފަތި ދުވަހުގެ ކުރިން ކުރިމަތިލެވޭނެ އެވެ.

ސިއްހަތު ފިނޭންސް މިނިސްޓްރީ ޑޮކްޓަރުން ހެލްތު މިނިސްޓްރީ

16 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބާ

13 June 2023

ސަރުކާރު ހޮސްޕިޓްލް ތަކުގައި ތިއްބަވާ ޑޮކްޓަރުން، ހޮސްޕިޓަލުގައި ބައްލަވަން ނުސީދާކޮއް އިއުތިރާޒު ކުރައްވާތަން ވަރަށް ގިނައިން ދިމާވޭ. ވަރަށް ހެޔޮ ޑޮކްޓަރަކަށް ވާންވެގެން ބުނާނެ އަޅުގަނޑު މިވެނި ކުލިނިކް ތަކެއްގަ ކޮންސަލްޓް ކުރަމޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަތޭލި

13 June 2023

ބޭރު ޑޮކުންނަކީ ކޮންޓްރެކްޓެއްގައި ތިބޭނެ ބަޔެއް. ކޮންޓްރެކްޓްގެ މުއްދަތުގައި މުސާރަޔަށް ބަދަލު ގެންނާކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީހާގެ

12 June 2023

ބަލަ ޑޮކްޓަރުން އެކަނިތޯ ރާއްޖޭގައި ޕުރޮފެޝަނަލް މަސައްކަތް ކުރަނީ. ކޮބައިތޯ ސިވިލްސާވިސްގައި ތިބި އިންޖިނޭރުން، ސައިންޓިފިކް ރިސާޗަރުން ފަދަ ފުންނާބު އުސް ޕުރޮފެޝަނަލް މަސައްކަތް ކުރާ މީހުން. އޭގެތެރއިން ގިނަމީހުން ގެއަށް ގެންދަން 20000ރ ނުލިބޭ އިތުރު ގަޑީގަ މަސައްކަތް ކޮށްގެންވެސް. މީތޯ އިންސާފަކީ، އެމް.ބީ.ބީ.އެސް އެއް ހަދާލެވުނީމަ ދެން އެއީ ހުރިހާކަމެއް އެނގިގެން އުޅޭ ޑޮކްޓަރުންވެސް ވަރަށްގިނަ. މީގެތެރޭގައި ގިނައީ މުރަނގަ ގަސްދޮށު މާލިމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

12 June 2023

ބޭރުމީހެކޭ ބުނާއިރައް ދިވެހިންނައް މިޔޮއްވާގޮތެއްދޯ. ދިވެހިންނައް ވެސް ލިބެންޖެހޭ ބޭރުމީހުނައްދޭ އިނާޔަތްތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރުލްގައުމު

12 June 2023

ކޮހުންތައް މިތަނުގަ ކޮން ފޮނެއް މިއަރުވަނީ. ތިޔަ ކޮހުން ހޮވާފަ ހުރީ އިންޑިއާ ޕަޕެޓެއް. އިންޑިއާ ޑޮކްޓަރުންނާ ނަރުހުން ގިނައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްޒަތު

12 June 2023

ތަންތަނުގައި މަސައްކަތްކުރަންތިބި ބޭރުޑޮކްޓަރުން ބޭނުންގޮތަކަށް އުޅެންވީ އަންނަންވީމާއަންނަންވީ ދާންވީމާ ދާންވީ ހިތަށްއެރި ވަރަކަށް އިތުރުގަޑި ލިޔަންވީ މުޅިތަނަށް 24 ގަޑިއިރު 12 ޕޭޝަންޓުން ދައްކާފައިނުހުރޭ. ޞިއްޙީ ނިޒާމް ފުޑިފައޮތީމާ ވާނެގޮތް މިފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

12 June 2023

އެމްބަސީތަކަށް މިލިއަނުން މުސާރަދީ، ބަދަލުގެ ގޮތުގައި ޚަޒާނާ ލޫޓްވަމުންދާއިއިރު ފައްތަންޖެހޭ އޮނިގަޑެއްވެސް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފާތު

12 June 2023

އެމީހުންގެ ކުލި ވެސް އަހަރެމެން އަތުން. ބަލަ ކުލި ދީގެން އަހަރެމެންވެސް އުޅެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

12 June 2023

އަނެއްކާ ރަގަޅުކަމަކީ ޑޮކްޓަރުން ނަރުހުން ހަދާ ނަހަދާއެއްޗެއް ބަލާނެ މީހަކުވެސް ނުހުންނަކަން ހުރިހާ ސިއްޙީ މަރުކަޒްތަކެއްގައި ސިޔާސީވެރިން ވާނުވާއެއް އެގެނީއެއްނޫން. ޑޮކްޓަރުން ނަރުހުން ޢަމަލުކުރަންވާގޮތް އެމީހުން އަމިއްލައަށް ވައިބަރ ގްރޫޕްގައިލިޔެ މެނޭޖްމެންޓަށް އަންގަނީވެސް ނަރުހުންގެ ޑިއުޓިރޯސްޓަރއެއް ފެންނާކަށްނުހުރޭ މަޤާމްގެ ނުފޫޒް ބޭނުންކޮށްގެން ނާޖާއިޒްފައިދާ ހޯދުން ނޫންކަމެއް ނުކުރޭ މުޅި ބިއްޙި ނިޒާމް ބޮއްސުންލައިފި.