ޕީޕީއެމް އާއި ޑިމޮކްރެޓްސްގެ ބައިވެރިން އެމްޑީޕީގެ ކުރީގެ ހަރުގެ ކުރިމަތީގައި މުޒާހަރާކުރަނީ.-- ފޮޓޯ: ހަސަން ޝަހީދު | ޓުވިޓާ
20 ޖޫން 2023 - 10:38
46 comments
ކުރީގެ ރައީސް އަބްދުﷲ ޔާމީން މިނިވަންކުރަން ގޮވާލައި އިދިކޮޅު ޕީޕީއެމާއި ޕީއެންސީން ބާއްވާ މުޒާހަރާތަކުގައި އެމްޑީޕީން ވަކިވެ އަލަށް އުފައްދަން އުޅޭ ޕާޓީ، ޑިމޮކްރެޓްސް އިން ބައިވެރިވާން ފަށައިފި އެވެ.
އާޓިފިޝަލް ބީޗު ސަރަހައްދުގައި ހުންނަ ޕީޕީއެމްގެ އޮފީސް ދޮރުމަތީގައި ސިލްސިލާކޮށް އެ ޕާޓީން މުޒާހަރާތައް ބާއްވަ އެވެ. އެކަމަކު މިދިޔަ ދެ ރޭ ޕީޕީއެމުން ވަނީ ހަމަ އެ މަގުގައި ހުންނަ އެމްޑީޕީގެ ކުރީގެ ހަރުގެ އަދި މިހާރު ޑިމޮކްރެޓްސްގެ ހަރުގެ ދޮށަށް އެއްވެ، އެ ހަރަކާތުގެ މީހުންނާ އެކު މުޒާހަރާތަކުގައި ބައިވެރިވެފަ އެވެ.
"ޗޯރޭ ޗޯރޭ ޗޯރޭ ޗޯރޭ ޗޯރޭ ޗޯރޭ ޗޯރޭ ޗޯރޭ ޗޯރޭ" pic.twitter.com/XaAeZZjFHk
— Sanchez (@hassanshahydh) June 19, 2023
ލަވަ ޖަހައި ސަރުކާރާ ދެކޮޅަށް އަޑުއުފުލައި ނެށުން ވެސް އެ ސަރަހައްދުގައި އޮވެ އެވެ.
ސިޔާސީ ޕާޓީއެއްގެ ގޮތުގައި ޑިމޮކްރެޓްސް އުފެއްދުމުގެ ހުއްދަ އިލެކްޝަންސް ކޮމިޝަނުން އަދި ނުދިން ނަމަވެސް، އެ ހަރަތާކުގެ ބައިވެރިން އަންނަނީ ސިޔާސީ ހަރަކާތްތައް ފުޅާކުރަމުންނެވެ. އެ ހަރަކާތުން ވެސް ސިލްސިލާކޮށް ކޮންމެ ރެއަކު މިހާރު ޖަގަހަ ޖަލްސާތަކާއި އެއްވުންތައް ބާއްވަ އެވެ.
އަވަހަށް ނިއްމާލާ. pic.twitter.com/irvVFbg9n9
— މަޑިސީލަ (@MadiseelaM) June 18, 2023
ރޭގެ މުޒާހަރާގައި އާންމުންނާއި ފުލުހުންގެ މެދުގައި ހިނގި ކުރިމަތިލުންތަކުގައި ބައެއް މީހުންނަށް ވަނީ އަނިޔާ ވެފަ އެވެ.
ފުލުހުން ބުނި ގޮތުގައި އެ މުޒާހަރާ އިން ހަ މީހުން ހައްޔަރުކުރި އެވެ. އޭގެތެރެއިން އެކަކު ވަނީ ރޭ ދޫކޮށްލައިފަ އެވެ.
Disturbing scenes of Maldives police using excessive force, pepper spraying and arresting peaceful protestors. Fundamental rights to peaceful assembly and freedom of expression must be respected. pic.twitter.com/A8QtID7RBv
— Progressive Party of Maldives (@ProgressPartyMV) June 19, 2023
ޕީޕީއެމް އިން ބުނި ގޮތުގައި، ރޭގައި ސުލްހަވެރިކޮށް އިދިކޮޅުން ކުރަމުން ދިޔަ މުޒާހަރާ ފުލުހުން ރޫޅާލައި ބައެއް މީހުންނަށް އަނިޔާކުރި އެވެ. އެ ޕާޓީގެ މެމްބަރު އަދި ފަރެސްމާތޮޑާ ދާއިރާގެ މަޖިލިސް މެމްބަރު ހުސެއިން މުހައްމަދު ލަތީފުގެ މޫނާއި އަނގަޔަށް ޕެޕަ ސްޕްރޭ ޖެހުމުގެ ސަބަބުން ނޭވާލާން އުނދަގޫވެގެން އޭޑީކޭގައި ފަރުވާދޭން ޖެހުނު ކަމަށް އެ ޕާޓީން ބުންޏެވެ.
Maldives Police used excessive force to dismantle the peaceful protest tonight pepper-spraying senior citizens walking by, protesters and even journalists at very close range resulting injuries to theirs eyes. Police may use force only when it is strictly necessary and tonight… pic.twitter.com/vG74DA6VSu
— Ahmed Shiyam (@Shiyamaldives) June 19, 2023
މުޒާހަރާގައި ބައިވެރިވި އާންމުންނަށް ވެސް ފުލުހުން ވަރަށް ބޮޑަށް އަނިޔާކުރި ކަމަށް އިދިކޮޅުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫޗީ/މީދޫ
25 June 2023
ތިގޮތަށް ދެފިކްރެއް ގުޅިގެން ވެރިކަން ވައްޓަން ނުކުތަސް މިފަހަރު އަހަރެމެން ނެތިން އެގޮތަށް ގަބޫލުކުރަން. އިބޫ ކުރިޔަށް ބާރަށް.
ދިއްދޫމީހާ
21 June 2023
މުޒާހަރާޔަށް ދާނީ އަނިޔާވިޔަސް ވަރިހަމަކަވެގެން. އަދުރޭ ބުނާހެން ޕެޕަރ ސްޕރޭޖެހީ ގޭގަ ނިދާފައޮއްވަތަ؟
ކަތްދައްތަ
20 June 2023
ޕޮލްޕޮޓާއެކު މުގާބޭ ފެނުމަކީ އަހަރެން އަބަދުވެސް ޖަހަމުން އައިހިސާބެއް. އެދުވަސް މިއޮތީ ފެނިފަ. އަންނިވެރިކަން ހޯދަން ރައީސް މައުމޫނާ ދިމާލަށް ކުނިހުތުރުވެގެންވެސް ނުގޮވާ އެއްޗެއްނެތް. މިއަދު އޭނާގަ އަގައިންގޮވި އެއްޗެހި އޭނާގެ އަމިއްލަ ޢަމަލުން ތަމްސީލުވެ ފެންނަމުންމިދަނީ. އަންނިގެ ކިބައިގައި އެވާ ނުލަފާކަމުގެ ސޫރަ އޭނާގެ ޖިސްމުގެ ތެރެއިިން ނިކުމެ ފެނިގެން ރައްޔިތުންގެ ކުރިމަތީގަ ހަރަކާތްތެރިވެ އޭނާ ފަލީހަތްވާ ކަހަލަ.
އިބްރާ1
20 June 2023
މިހާރު މުޒާހިރާކުރާ ކުރާއިރު ކުރީ ސަފުގަފުލުހުންނާ ކުރިމތިލަނީ ފާސްއަޅައިގެން ތިބޭ ނޫސވެރިންގެ ނަަމުގަ ތިބޭބައެއް.
އެކަލޯ
20 June 2023
ދަ ޑިމަކޮރެޓްސް ނަމުގަ ޕާޓީއެއް ހަދަން ހުއްދަލިބުމުގެ ކުރިން ތި އުޅެނީ ގައުމުދުށް އެންމެ ކޮރަޕްޓް މީހާ ޖަލުން ސަލާމަތް ކުރަން މުޒާހަރާ ކުރަން. ދަ ޑިމަކުރެޓްސް އަށް ވެރިކަން ލިބިއްޖެއްޔާ ކޮރަޕްޝަން އަތްނުފޯރާފަށަށް ދާނެ ކަމުގެ ހެއްކެއް މީ
އަލީ ރަމީޒު
20 June 2023
ޔާމީނުގެ ވެރިކަމުގަނަމަ ތިޔަގޮތަށް މުޒާހަރާކުރާ މީހުން އޮންނާނީ މުއްދަތު ޖަހާފަ ޖަލުގަ، ޔާމީނުގެ ވެރިކަމުގަ ރަސީދު ކިޔާ މުސްކުޅި މީހަކު ޖަލުގަ ބާއްވާ ބޭސް ފަރުވާކުރުމަށް ފުރުސަތެއްނުދީ އަދި ކުޑަކުޑަ ދަރިފުޅެއް ޔާމީނު ކައިރިއަށް ގޮސް އާދޭސް ކުރުމުންވެސް އޭނާ ޖަލުގައި ބާއްވައިގެން އުޅެނިކޮށް މަރުވީ. މީކީ ނޫންތޯ އަނިޔާވެރިންނަކީ، އަދި އެއްވާން ބޭނުންނަމަ ދާްނޖެހޭނީ ހައްޖަށް ކަމުގަ މުޒާހަރާ ކުރާ މީހުނަށް މަލާމާތް ކުރަމުން މީނާ ދިޔައީ ގޮވަމުން.
ވާވާ
20 June 2023
ޕީޕީއެމް ތިބީ މުޒާހަރާއެއް ވެސް ކޮށްލަން ނޭނގިފައި! އެހެން ހުއްޓާ މިހާރު އަންނިގެ ޓީމުން މައިނާނަށް ނިކުމެ، ޕީޕީއެމްގެ ޓީމްވެސް އެކްޓިވޭޓް ކޮށްލާފި!
ހަސްނާ
20 June 2023
ޕީޕީއެމުން މުޒާހަރާ ނުކުރާ ރެއެއް މަދުވާނެ. ތަފާތަކީ ތަންކޮޅެއް މަޑުމައިތިރި ގޮތްތަކެއް ގެންގުޅޭކަން.
ޙާނިމް
20 June 2023
ކޮން ޓުއަރިސްޓުން ތަކެއްތަ މި އުޅެނީ ވަދެ މުޒާހަރާއަށް. ޕޮލިހުންނަކަށް ނުކެރޭ އެމީހުން ބޭރުކުރާކަށް. ގާނޫނު ތަންދޭ ކަމެއްވެސްނޫން. އޭން މީހަކަށް ގެއްލުމެއް ވެއްޖެޔާ ކާކު ޒިންމާވާނީ. މިގައުމުގެ ކަންތަކާ ބޭރުމީހުންނަށް ބެހެވޭ ވަރު މީގެން މި އެނގެނީ.
ކެނެޑީ
20 June 2023
މީކީ މައްސަލައެއްނޫން. ހަމަމިކުޅގަނޑުގެތެރެއިން މިހާރުގެ ވެރިމީހާއަށް ވެރިކަން ލިބުނީ. ވެރިކަން ލިބުނީމަ ދެން ބުނަންވީ މިހާރު އެންމެން އެއްބައިވާންވިއްޔޭ ދެން ހައްޖުމޫސުމުގަ ހައްޖަށް ދާނީ. ވެރިކަމުން ވެއްޓުނީމަ ސޯޓުބުރިލައިގެން ނުކުންނަންވީ މަގުމައްޗަށް ހަޅޭލަވަން އޭރަކު ނޯންނާނެ އެއްބައިވަންތަކަމެއް މުޖުތަމައުއެއް ހައްޖުމޫސުމެއް
މަރުތެޔޮ
20 June 2023
އަންނި އަށް ޕީޕީއެމްގެ ޓިކެޓް ދީބަލަ އިބޫ ބަލިކުރެވޭނެ.