ސްރީލަންކަން އެއާލައިންގެ ބޯޓެއް. އެ އާލައިންގެ މާލީ ހާލަތު ގޯސްވުމުން ގިނަ މުވައްޒަފުންގެ ވަޒީފާ ގެއްލުމުގެ ބިރު އުފެދިފައިވާ ކަމަށް އެގައުމުގެ ޓްރާންސްޕޯޓު މިނިސްޓްރީން ވަނީ ބުނެފައި--
01 ޖުލައި 2023 - 11:56
11 comments
ސްރީލަންކާގެ ގައުމީ އެއާލައިން ހިންގުން ރީސްޓްރަކްޗާކޮށް ހިއްސާ ނުވިއްކައިފި ނަމަ އެކުންފުނީގައި ވަޒީފާ އަދާ ކުރާ 6،000 މީހުންގެ ވަޒީފާ ގެއްލުމުގެ ބިރު އެބަ އޮތް ކަމަށް އެގައުމުގެ ޓްރާސްޕޯޓް މިނިސްޓަރު ނިމާލް ސިރީޕަލާ ޑި ސިލްވާ ވިދާޅުވެއްޖެ އެވެ.
އެގައުމުގެ ޓްރާސްޕޯޓު މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި ޓްރާންސްޕޯޓު މިނިސްޓަރު ނިމާލް ވިދާޅުވީ، އެ އެއާލައިންގެ މާލީ ހާލަތު ވަރަށް ބޮޑަށް ދަށަށް ގޮސްފައިވާ ކަމަށާއި އެ އެއާލައިން ކުރިއަށް ގެންދިއުމަށް ބޮޑެތި ބަދަލުތަކެއް ވަގުތުން ވަގުތަށް ގެންނަން ޖެހޭ ކަމަށެވެ.
އޭނާ ވިދާޅުވީ، އެ ގައުމުގެ ސަރުކާރުން އަންނަނީ ބޭރުގެ މާލީ ތަޖުރިބާކާރުންނާ އެކު ވެސް، ސްރީލަންކަން އެއާލައިންސަށް ގެންނަން ޖެހޭ ބަދަލުތައް ދެނެގަންނަމުން ކަމަށެވެ.
"ސްރީލަންކަން އެއާލައިންސް ފެށީ މީގެ އެތައް އަހަރެއް ކުރިން. އެ އެއާލައިން ވަނީ އެމިރޭޓްސް އެއާލައިންގެ ދަށުން ހިންގި އިރު 30 މިލިއަން ރުފީސްގެ ފައިދާއެއް ހޯދާފައި. އޭގެ ފަހުން އެކުންފުނި ވަނީ ފައިދާއެއް ހޯދަން އުނދަގޫތަކާ ކުރިމަތިވެފައި،" އޭނާ ވިދާޅުވި އެވެ.
ސްރީލަންކަން އެއާލައިން. އެ އެއާލައިންގެ ދަރަނި ވަނީ 1.2 ބިލިއަން ޑޮލަރަށް އަރާފައި--
އެމިރޭޓްސް އިން ސްރީލަންކަން އެއާލައިންސް ހިންގީ 10 އަހަރުގެ މުއްދަތަކަށެވެ. އެއީ 1998 އިން 2008 ވަނަ އަހަރަށެވެ. އޭގެ ފަހުން ލަންކާގެ ސަރުކާރުން ވަނީ އެމިރޭޓްސްއަށް ވިއްކާލި ހިއްސާ އަލުން ގަނެފަ އެވެ.
ލަންކާގެ އެންމެ ބޮޑު އެއާލައިން، ސްރީލަންކަން އެއާލައިންސް ވަނީ 1.2 ބިލިއަން ޑޮލަރުން ދަރާފަ އެވެ. އޭގެ ތެރޭގައި އެގައުމުގެ ބޭންކްތަކުން ނެގި ލޯނާއި އިންޓަނޭޝަނަލް ބޮންޑު ޕޭމެންޓްތަކާއި މަތިންދާ ބޯޓުތައް ލީޒް ކުއްޔަށް ދައްކަން ޖެހޭ އަދަދުތައް އެބަ ހުއްޓެވެ. އަދި ތެލަށް ކުރި ބައެއް ހަރަދުތަކަށް ވެސް ފައިސާ ނުދައްކާ އެބަ ހުއްޓެވެ.
މީގެ ތިން އަހަރު ކުރިން ކުރިމަތިވި، ކޮވިޑުގެ ހާލަތާ އެކު އެގައުމުގެ މުޅި އިގްތިސާދު، ބަނގުރޫޓުވުމާ ގުޅިގެން އެ އެއާލައިން ހިންގުމަށް ވެސް ބޮޑެތި ދަތިތައް ވަނީ ކުރިމަތިވެފަ އެވެ. އެ އެއާލައިން ރީސްޓްރަކްޗާ ކުރުމުގެ ގޮތުން އެ އެއާލައިންގެ 49 ޕަސެންޓް ހިއްސާ ވިއްކާލަން ވަނީ ނިންމާފަ އެވެ.
އެކަން ކުރުމަށް ލަންކާގެ ކެބިނެޓަށް އެ މައްސަލަ ހުށަހެޅީ މީގެ ހަ މަސް ކުރިންނެވެ. އެކުންފުނީގެ ހިއްސާ ވިއްކާލުމުގެ ކަންކަން ކުރިއަށް އޮތް ހަ މަސް ތެރޭގައި ހިންގާނެ ކަމަށް ބެލެވެ އެވެ.
އެ އެއާލައިން ހިންގާތާ 44 އަހަރުވެފައިވާ އިރު ކޮވިޑުގެ ކުރިން އެ އެއާލައިން އިން ދިޔައީ 40 ވަރަކަށް ގައުމަށް ދަތުރު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
02 July 2023
ޢަލީޢަލީ އަށް: އެއަރމޯލްޑިވްސް ކުންފުނި ރެޖިސްޓްރީ ކުރީ 1 އޮކްޓޯބަރ 1974 ގައި. އޭގެ 5 އަހަރު ފަހުން 10 ޑިސެމްބަރ 1979 ގައި ލަންކާ ސަރުކާރުން ސްރީލަންކަން އެެއަރލއިންސް ކުންފުނި އުފެއްދި. # ކަމުގެ އިލްމާއި ޤާބިލްކަން ނެތުމުންނާއި މާލޭސަރުކާރުން ކުންފުނި ހިންގާން ޙަވާލުކުރާ މީހުންގެ ކިބައިގައި ފެންވަރެއް ނެތުމުން ފިނިހަކަ ދުވެލީގައި ކުންފުނި އޮތުމަކީ އެއްވެސް ޙާލެއްގައި ސްރީލަންކަން ކުރިން އުފެއްދުން ކަމަށް ހީކޮށްގެން ނުވާނެ.
އެކްސިް
01 July 2023
މޯލްޑިވިއަން ވެސް ފައިދާގަ ހިންގަންޖެހޭ ދުވަހު ވަރަށް ވަޒީފާ ދާނެ.
އަސޭލ
01 July 2023
ރާއްޖެއިން ވީ ތި އެޔާލައިން ގަންނަން. ކުމާރަސޭނާ ކާރީ އަހާބަލަ ކިހާވަރަކައް ވިއްކަފާނަންތޯ؟
ނާބަ
01 July 2023
ތިޔަ 6000 ކުދިން ރާއްޖެއަށް ފޮނުވާ ރާއްޖެ އިން ފްރީ ވިސާ ފްރީ ވަޒީފާ ލިބޭނެ އެވެ. ދެން ދިވެއްސަކާ އިނީމަ ރައްވެހިކަން ލިބޭނެ އެވެ. މާލެ ސަރަހައްދުން ގޯތިވެސް މިބޭނެ އެވެ.
ކޮރަލް
01 July 2023
ރާއްޖެ އިން ފްރީ ވިސާ ފްރީ ވަޒީފާ ލިބޭނެ އެވެ. ދެން ދިވެއްސަކާ އިނީމަ ރައްވެހިކަން ލިބޭނެ އެވެ. އަހަރަކު އެތައް ހާސް ކުދީން ސްކޫލް ނިމޭއިރު ސިވިލް ސާވިސް އަދި އަމިއްލަ ތަންތަނުން ވަޒީފާ ނުލިބެ އެވެ .
އޮނަރަބްލް އަފީފު ދީދީ
01 July 2023
ސްރީލަންކަން އަށްވުރެން ކުރިން އުފެދުނު ދިވެހި ޤައުމީ އެއަރލައިނަށްވުރެން ފަޙްރުވެރި މާޒީއެއް އޮތް ސްރީލަންކަން އަވަސް މުއްދަތެއްގެ ތެރޭގައި މިކަމުން ސަލާމަތްވެ އާންމު ހާލަތަށް ރުޖޫއަވުމަށް އަހަރުމެން އެދެން. # މާލޭސަރުކާރުން ގޭންއެއަރޕޯޓްގައި "މަރުގެ ތަޅު" އަޅުވައިގެން ތިއްބާ އަހަރުމެނަށް އައްޑޫން ފުރައިގެން (މުޤައްދަސް ރަށްކޮޅަށް ޖިޒީ ނުދައްކައި) ބޭރަށް ދެވޭނެ މަގު ތަނަވަސްކޮށްދިނީ ލަންކާގެ ޤައުމީ އެއަރލައިން ކަން އަހަރުމެން ޤަބޫލު ކުރަން.
މީ ދެން ކާކު.
01 July 2023
ކަލޭމެން އައްޑޫ މީހުންނަށް ރަނގަޅު އެއްގޮތެއްވެސް ނޯންނާނެ. ޤައުމީ އެއަރލައިން ބަގުރޫޓް ވަނީ ކަލޭމެން ރާއްޖެތެރޭ މީހުންނަށް ނުއަގުގައި ޓިލެޓް ވިއްކާތީ ކަމެއް ކަލެއަކަށް ނޭގޭދޯ. މާލޭ މީހުން މޯލްޑިވިއަން އިން ބޭރަށްދަނީ މާލެއަށް ޖައްސާ އެހެން އެއަރލައިން ތަކުންވެސްޓިކެޓް ވިއްކާ އަގަށް ޓިކެޓް ގަނެގެން. އައްޑޫ މީހުންނާއި ރާއްޖެތެރޭ މީހުންނަށް ވިއްކާ ޓިކެޓް އަގުބޮޑު ކުރީމަ ގެއްލުން ނުވާނެ.
ރާއްޖެ
01 July 2023
ގައުމީ އެއަރލައިން ބަނގުރޫޓް ވަނީ ހިންގަން ނޭގޭ މީހުން ލައްވާ ހިންގަން އުޅެގެން ވެރިންގެ ފަލަ މުސާރަތަކާއި ހެދި.
ޑެބީ
01 July 2023
ރަށު ފުއްޓަރު ފަރާތުގަ އެއަޕޯޓު އަޅައިދޭ މަތިން ވޯޓުދެނީ މި ރާއްޖެތެރޭ މީހުން. ކޮންމެ ރަށެއްގަ އެއަޕޯޓު އަޅާފަ ކޮންމެ އެެއަޕޯޓެއްގަ 40 މުވައްޒަފުން ގެންގުޅެފަ ހަފްތާއަކު 3 ފްލައިޓް އަޅާފަ ނުވިތާކަށް 3 ފްލައިޓުގެ ޓިކެޓުވެސް ނުއަގުގަ ވިއްކީމަ ގައުމީ އެއަލައިން ކީއްކުރަން ގައުމުވެސް ބަންގުރޫޓުވާނެ.
ޢަލީޢަލީ
02 July 2023
ރާއްޖެއަށް ފުރަތަމަ އޮޕަރޭޓްކުރީ އެއަރ ސިލޯންގެ ފްލައިޓްތައް. އޭގެ ފަހުން ރާއްޖޭގަ އެއަރލައިނެއް އުފެއްދި. އެއަރ ސިލޯންވެސް އަދި އެއަރ މޯލްޑިވްސްވެސް ވަނީ ބޭންކްރަޕްޓްވެފަ.
ބޭޓާ
01 July 2023
ކޮބާތަ ސްޕެޝަލް އެންވޯއީ؟