ޚަބަރު / ހޯމްލޭންޑް ސެކިއުރިޓީ މިނިސްޓްރީ

އިބްތިހާލު މައްސަލައިގައި ދައުވާ ލިބޭ ޝަކީބް ހޯމް މިނިސްޓްރީ އަށް ބަދަލުކޮށްފި

ޓީވީ ޕްރޮގްރާމެއްގައި ޝަކީބް ބައިވެރިވެވަޑައިގަންނަވަނީ. އޭނާ ހޯމް މިނިސްޓްރީ އަށް ބަދަލުކުރި ސަބަބެއް ނޭނގެ.

ފަޒީނާ އަހުމަދު، މިހާރު

31 ޖެނުއަރީ 2017 - 10:40

ވ. ރަކީދޫގައި އަނިޔާކޮށް މަރައިލި މުހައްމަދު އިބްތިހާލްގެ މަރުގެ މައްސަލައިގައި އިހުމާލުވި ކަމުގެ ދައުވާ ލިބޭ ޖެންޑަ މިނިސްޓްރީގެ އެގްޒެކެޓިވް ކޯޑިނޭޓަރު މުހައްމަދު ޝަކީބު ހޯމް މިނިސްޓްރީ އަށް ބަދަލުކޮށްފި އެވެ.

އެ މިނިސްޓްރީ އަށް ޝަކީބު ބަދަލުކުރީ ކުރިން ވެސް ހުންނެވި އެގްޒެކެޓިވް ކޯޑިނޭޓަރުގެ މަގާމަށެވެ. މީގެ ހަފުތާއެއްހާ ދުވަސް ކުރިން ޝަކީބު ވަނީ ހޯމް މިނިސްޓްރީގެ ވަޒީފާ އަށް ނުކުންނަވަން ފައްޓަވައިފަ އެވެ.

ޝަކީބު ހޯމް މިނިސްޓްރީ އަށް ބަދަލުކުރީ، ރައީސް އޮފީހުންނެވެ. އެކަމަކު ބަދަލުކުރި ސަބަބެއް އެ އޮފީހުން އަދި ސާފެއް ނުވެ އެވެ.

ޝަކީބުގެ މައްޗަށް ދައުވާ އުފުލާފައި ވަނީ އިބްތިހާލަށް އޭނާގެ މަންމަ ފާތުމަތު އާފިޔާ އަނިޔާކުރި ކަން އެނގި ހުރެ ފިޔަވަޅު ނޭޅުމަކީ އިހުމާލެއްގެ ގޮތުގައި ބަލައިގެންނެވެ. އޭނާގެ އިތުރުން ވެސް މި މައްސަލައިގައި ހަތަރު މީހުންގެ މައްޗަށް ދައުވާ އުފުލާފައިވެ އެވެ.

އެ ދައުވާގެ ޝަރީއަތް ކްރިމިނަލް ކޯޓުގައި ވަނީ ފަށައިފަ އެވެ.

ހޯމްލޭންޑް ސެކިއުރިޓީ މިނިސްޓްރީ ދިވެހި ސަރުކާރު ލޯ އެންޑް ޖެންޑަ މިނިސްޓްރީ އިބްތިހާލްގެ މަރު ސިޔާސީ މަގާމުތައް

6 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟުހާ

31 January 2017

ދައުވާ އުފުލި މީހާ މިފަހަރު ގޯސްވާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޅަނގު

31 January 2017

ދޯންޏަށް ދިޔަވާތީ މާއުނިފަރާތުން ވަކަރެއް ނައްޓާފަ ކުޑައުނިފަރާތުގަ ޖެހުމަކުން ދިޔަވުމެއް ނުހުއްޓޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންވަރު

31 January 2017

ސާބަހޭ ޔާމީނޫ. އެއް ޒިންމާ އަދާނުކުރެވުނިއްޔާ އަދި އެއަށްވުރެ ބޮޑު ޒިންމާއަކާ ޙަވާލުކޮށްލާ އަޖުމަ ބަލައިލަން! ޝުކުރިއްޔާ ޤައުމު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަަެއއއ

31 January 2017

ދެން މިހާރު އޭނާގެ ހުރިހާ ކަމެއް އެ ހަމަޖެހުނީއެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

31 January 2017

މިހާރު ތި ދެން ހުދު ކަފަކޮޅަކަށް ވީނު. އަސުރުމާ ކުލައިގަ ހުރިއްޔާ ކުށްވެރިއެއް ނުވާނެ. އެއް މިނިސްޓްރީން، އަނެއް ވުޒާރާއަށް. ޕިސްޕިސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމު

31 January 2017

ތިޔަ ކަންތައްތައް މިނިސްޓަރަކަށް ނޭނގޭތަ؟ ނޭނގޭ ކަމަށް ވަންޏާ އޭނައަށްވެސް ޒިންމާ އަދާ ނުކުރެވުނުކަން އެބައެނގޭ އަދި އެނގިފަ އޮތްނަމަ މިނިސްޓަރަށްވެސް ފިޔަވަޅު އަޅަންޖެހޭނެ އެއީ އެނގިހުރެ އިހުމާލުވިކަމުގައި ބެލޭނެ، ދަށްފަންތީގެ މުވައްޒަފުންނަށް ފިޔަވަޅު އަޅަންޖެހޭ ފަދައިން މަތީމަޤާމުތަކުގެ މީހުންނަށްވެސް ފިޔަވަޅު އަޅާންޖެހޭ.