ޔާމީންގެ ވަކީލުންގެ ޓީމު މިއަދު މާފުށިން އެނބުރި ވަޑައިގަންނަވަނީ: ކަރެކްޝަންސަށް ދައްކަން ދެކޮޅު ހެދި ފައިލުގައި އިންތިހާބާ ގުޅޭ ލިޔެކިޔުމެއް ނޯންނާނެ ކަމަށް ވަކީލުން ބުނޭ-- ފޮޓޯ: ނިޝާން އަލީ | މިހާރު
23 ޖުލައި 2023 - 15:38
35 comments
މާފުށީ ޖަލުގައި 11 އަހަރުގެ ޖަލު ހުކުމެއް ތަންފީޒު ކުރައްވާ އިދިކޮޅު ރިޔާސީ ކެންޑިޑޭޓު ރައީސް އަބްދުﷲ ޔާމީންގެ ކެންޑިޑެސީއާ ގުޅޭ އެއްވެެސް ލިޔެކިޔުމެއް މިއަދު ޖަލަށް ނުގެންދާކަމަށް އެމަނިކުފާނުގެ ވަކީލުންގެ ޓީމުން ބުނެފި އެވެ.
ޔާމީންގެ ވަކީލުން މިއަދު ޖަލަށް ވަޑައިގަތުމުން އެމަނިކުފާނާ ބައްދަލުކުރަން ކަރެކްޝަންސުން ހުއްދައެއް ނުދިނެވެ. އެއީ، ވަކީލުން ގެންދިޔަ ފައިލެއް ދައްކަން ދެކޮޅު ހެދުމުންނެވެ.
ޔާމީންގެ ވަކީލުން މާފުށިން އެނބުރި ވަޑައިގެން ނޫސްވެރިންނަށް ވިދާޅުވީ ފައިލް ޗެކް ކޮށްފައި ނޫނީ ނުވަދެވޭނެ ކަމަށް މިއަދު އެންގި ކަމަަށެވެ. މިއީ ކަރެކްޝަންސަށް އަމަލުކުރެވޭނެ ގޮތެއް ނޫން ކަމަށް ވަކީލުން ބުންޏެވެ.
"އަޅުގަނޑު ދެންނެވިން ފައިލް ޗެކް ކުރާށޭ، ސެކިއުރިޓީ ތްރެޓަކަށް ވާ ފަދަ އެއްވެސް ކަހަލަ އާލާތެއް ހަތިޔާރެއް އެއްޗެއް، ނުވަތަ ރެކޯޑިން ޑިވައިސްއެއް އޮތްތޯ ބެލުމަކީ ތިބޭފުޅުންގެ ހައްގެކޭ، އެކަމަކު ލިޔެކިޔުންތައް ހާވާ ބެލުމަކީ ތިބޭފުޅުންނަށް ކުރެވޭނެ ކަމެއް ނޫނޭ،" ޔާމީންގެ ވަކީލުންގެ ޓީމުގައި ހިމެނިވަޑައިގަންނަވާ ޑރ. މުހައްމަދު ޖަމީލް އަހްމަދު ވިދާޅުވި އެވެ.
ޖަމީލު ވިދާޅުވި ގޮތުގައި ޔާމީން އިންތިހާބުގައި ވާދަކުރުމާ ގުޅޭ އެއްވެސް ލިއުމެއް އެ ފައިލްގައި ނޯންނާނެ އެވެ.
"އެފަދަ އެއްވެސް އެއްޗެއް ނޯންނާނެ،" ޖަމީލް ވިދާޅުވި އެވެ.
އެމަނިކުފާނު ވިދާޅުވީ ވަކީލާއި މުވައްކިލާ ދެމެދުގައި ދެކެވޭ ވާހަކަތަކާއި ބަދަލުކުރެވޭ ލިޔުންތަަކަކީ ގާނޫނުގެ 38 ވަނަ މާއްދާ އިން ރައްކާތެރިކަން ލިިބިގެންވާ ލިޔެކިޔުންތަކެއް ކަމަށެވެ. ކަރެކްޝަންސުން އެ ލިއުންތައް ބަލަން އުޅުމަކީ ގާނޫނީ އިމުން ބޭރުވުން ކަމަށާއި އެފަދަ އަމަލުތައް ބަލައިނުގަނެވޭ ކަމަށް ވިދާޅުވި އެވެ.
އެމަނިކުފާނު ވިދާޅުވީ ޔާމީންގެ އިންތިހާބީ ހައްގުތައް ކަށަވަރުކުރަން ސުޕްރީމް ކޯޓަށް ދުސްތޫރީ މައްސަލައެއް ހުށަހަޅަން ޖެހުނީ މިފަދަ ރައްކާތެރިކަން ހޯދުމަށް ކަމަށެވެ. ޔާމީންގެ އިންތިހާބީ ހައްގުތައް ގެއްލޭ ކަމަށް ހުށަހެޅި އެ މައްސަލަ ސުޕްރީމް ކޯޓުން ބަލައެއް ނުގަތެވެ.
ޖަލަށް ވެއްދުން މަނާ އެއްޗެއް ކަމަށް ތުހުމަތުކޮށް ވަކީލުންނަށް ހުއްދަ ނުދިން އިރު ރިޔާސީ އިންތިހާބުގައި ވާދަކުރަން ޔާމީންގެ ފޯމު ހުށަހަޅަން ޕީޕީއެމުން އަންނަނީ މަސައްކަތް ކުރަމުންނެވެ. ޖަލު ހުކުމެއް ތަންފީޒު ކުރެއްވިޔަސް ޕީޕީއެމްގެ ރިޔާސީ ކެންޑިޑޭޓަކީ ޔާމީން ކަމަށާއި އެ މަނިކުފާނުގެ ފޯމު އިލެކްޝަންސަށް ހުށަހަޅާނެ ކަމަށް އެ ޕާޓީން އޮތީ ބުނެފަ އެވެ.
ޖަލު ހުކުމެއް ތަންފީޒުކުރައްވާތީ އިންތިހާބަށް ވާދަކުރެއްވުމުގެ ގާނޫނީ ފުރުސަތު ޔާމީނަށް އޮތީ ބަންދުވެފަ އެވެ.
ގާނޫނުއަސާސީގައި ބުނާގޮތުން ރައީސުލްޖުމްހޫރިއްޔާ ކަަމަށް ކުރިމަތިލާ މީހެއްގެ ޝަރުތުތަކުގެ ތެރޭގައި ޖިނާއީ ކުށެއް ކުރިކަން ސާބިތުވެގެން 12 މަސް ދުވަހަށް ވުރެން ދިގު މުއްދަތެއްގެ ހުކުމެއް ކުރެވިފައިވާ މީހަކު ނަމަ، އެ ހުކުމް ތަންފީޒުކޮށް ނިމުނުތާ ނުވަތަ އެ ހުކުމުން ކަނޑައެޅުނު އަދަބު މައާފްކުރެވުނުތާ ތިން އަހަރު ވާން ޖެހެ އެވެ.
ވ. އާރަށް ކުއްޔަށްދިނުމުގައި ރިޝްވަތު ގަބޫލުކޮށް އެ ފައިސާ ލޯންޑާކުރިކަން ސާބިތުވެ އިއްވާފައިވާ 11 އަހަރުގެ ޖަލު ހުކުމްގެ އިސްތިއުނާފު ހައި ކޯޓުގައި ކުރިއަށް ދިޔައަސް އެ މައްސަލައިން އިންތިހާބުގެ ކުރިއަށް އެމަނިކުފާނު ސަލާމަތްވުމުގެ ދޮރު ގާތްގަނޑަކަށް މިހާރު އޮތީ ބަންދުވެފަ އެވެ. ޕީޕީއެމުން ތުހުމަތުކުރާ ގޮތުގައި ޔާމީން ވާދަކުރެއްވުމަށް ހުރަސް އެޅުމުގެ ގޮތުން އިސްތިއުނާފް ލަސްކުރުމަށް ހައި ކޯޓުގެ ފަނޑިޔާރުން ޗުއްޓީ ނެގުމަށް ސަރުކާރުން ވަނީ މަޖުބޫރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލް
24 July 2023
ޤާނުނު ބުނާގޮތުން ކުށްވެރިންގެ އިންތިހާބީ ހައްގު ނޯންނާނެ. އެކަންކުރީވެސް ރޔ ވެރިކަމުގައި މަޖިލީހުން ފާސްކޮށްގެން. ޤާނޫނި އުސޫލަކީ ކުށް ސާބިތުވީމަ، އިސްތިއުނާފުކޮށްގެން އެކުށުން ބަރިއްޔަވުން. އިސްތިއުނާފު ދިގުލައިގެން ދިއުން އެއީ ޝަރުއީ ދާއިރާ އިސްލާހްކޮށް ރަގަޅުކޮށްފައި ނެތީމަ ވާގޮތް، އޭގެ ސަބަބުން ވަރަށް ގިނަ މީހުންގެ ހައްޤު ގެއްލިފަތިބީ. އެކަމަކު ތިމާއަށް 5 އަހަރު ލިބުނު އިރު އެކަން ރަގަޅުކޮށްލިނަމަ މިއަދި އެވާހަކަ ދައްކާކަށް ނުޖެހުނީސް.
ނާދިރާ
24 July 2023
އަޅުގަނޑުގެ ބޭބެ ނާދިރު އެވިދާޅުވީ ރަނގަޅަށް.
ވަރަބިންދާލި
24 July 2023
ބަރުހަތިޔާރެއް ލެވޭނެ ވަރުގެ ދަބަހެއް ހެން ހީނުވޭ .މިގައުމުގެ ސިކިއުރިޓީއޭ ކިޔަ ޑްރާމާ ޖައްސަނީ ޝައްކު ބޮލަށް އަރާތިބެ . އަޖާއިބު ހީވާވަރު . އަމިއްލަ ގައުމުގެ ރައްޔިތުން ނަށް މުސްލިމުން ނަށް އިތުބާރު ކުރަން ނޭގޭ ފަރަންޖީން ނާމެދު ކަންކުރާ އުސޫލުން ކަންކަން ނުކޮއްބަލަ އަހަރުމެން ނާ ފަރަންޖީން ނާ ހުރިހާ ތަނެއްގަ ވެސް ތަފާތު . މިގައުމުގަ ނޫނީ . އެއްކަމެއްގަވެސް ތަހުޒީބުކަމެއް ނެތް
އާދިލާ ޕީޕީއެމް
24 July 2023
މިއީ ޑރ. ޖަމީލުގެ ރޭވުމުން ރައީސް ޔާމީންއަށް ކުރާ އަނިޔާ. ޑރ. ޖަމީލަށް ޓިކެޓް ދޭން އެއްބަސްވާއިރަށް 2024 ގައި ޔާމީން ނެރޭނެ!
ސިލްމާ ޒާހިރު
24 July 2023
1 މިލިޔަން ޑޮލަރަށްވާ 15،420،000 ރުފިޔާ އަތުން ގުނި މީހެއްގެ ވާހަކަ ވެސް ދެއްކީ ތި ބޭފުޅުން. ގުނި މީހާ ހަނދާނެއްނެތް އޭނާ ޔާމީންގެ ގެއަށް ދިޔައީ ދުވާލުކަމެއް ނުވަތަ ރޭގަނޑުކަމެއް. ކިހާ ވަގުތެއް އެކަމަށް ހޭދަވިކަމެއް. ކޮންމެ ގަނޑެއް ގުނާ އަދި ޗެކް ކުރަން 30 ސިކުންތު ނެގިޔަސް އެހާގިނަ ފައިސާ ގުނަން 9 ވަރަކަށް ގަޑިއިރު ހޭދަވާނެ. 9 ގަޑިއިރު ނުކައި ނުބޮއި، ނަމާދުނުކޮށް، ގައިންތާހިރުނުވެ، ޤަޟާޙާއްޖާގެ އެއްވެސް ބާވަތެއްގެ ކަމެއް ނުކޮށް ނުހުރެވޭނެ.
ސުންދުސް
24 July 2023
ޑރ. ޖަމީލަކީ ލެޖެންޑެއް. ޕީޕީއެމް މީހުން ހައްދައިގެން ޑރ. ޖަމީލަށް ޔާމީން ދިން ލަގާގެ ބަދަލު އެހިފަނީ. ޔާމީންގެ އިސް ވަކީލުކަމުގެ މަޤާމަށް ދެވޭނީ ހާދަ ވިސްނުން ތޫނު ވީމައޭ. ޔާމީން ކަހަލަ ހިޔަޅު މީހެއް ބީޓްކޮށްފަ، ޔާމީން ކުރި ކުށަށް ޙައްޤު އަދަބުލިބޭނެކަން ޑރ. ޖަމީލް ޔަޤީންކޮށްފި!
އަންދަލޫސިޔާ
24 July 2023
ގައިދީންނަށް ގެންދާ ތަކެތި ބަލާ ފާސްކޮށްގެން ނޫނީ ޖަލަަކަށް ނުވެއްދޭނެ. އެއީ ޖަލުގެ ނަމުގައި ހަދާފައިވާ ލަގްޒަރީ އެޕާރޓްމަންޓް އަކަށް ވުމުން ޤަވާޢިދު ބަދަލެއް ނުވާނެ. ޤާނޫނު ބަދަލެއް ނުވާނެ. ބޮޑެތި ވައްކަމާ، ޚިޔާނާތާ މަނީލޯންޑަރިންގ ހިންގާ، ދޮގު ހެކި އުފައްދާފައި ޕަބްލިކް ޓީވީ ކުރިމަތީ އެކަން ފޫބައްދަން އަޗާތެޅު ބަޔަކު ބުނާ އެއްޗެއް ކާކުތޯ ޤަބޫލުކުރާނީ!
ހަސައު
24 July 2023
ވައްދަނީ ކަރުދާސް ކަން ޔަގީންވުމުން ދެން އޭގަ ލިޔެފަ އޮންނަ އެއްޗެއް ނުބެލޭނޭ. ކޯޓު މަރުހަލާއަށް ތައްޔާރުވާން ސިއްރު ލިޔުންވެސް ހުންނާނެ.
ބޮޑުރިޔާ
24 July 2023
ހަގީނޭ އެފޯމް ހިފައިގެން އޭގައި ސޮއިކުރަން އެދާނީ އެހެންނޫންނަމަ ހަމަ ދައްކަންވީނުންތަ ކީއްވެ އަންބޮޑިޔަށް ލާ ފޮރުވަން ތިޔަ އުޅެނީ ތީ ޖަމީލެއްނޫން މަކަރާހީލަތުން ފުރިފާ ހުންނާނީ ވަރަށްވިސްނާތި ކަރެކްޝަންނާއި ފުލުހުން
އަދުރޭ2023
24 July 2023
އަދުރޭ ލައްވާ ޔާމީނުގެ ސޮއި ކޮށްލާފަ ވައްޓާލަބަލަ. އެވަރުގެ ކަމެއްނޫނެއްނު. އަނެއްކާ އެކައުންޓްވެސް ފްރީޒް ކޮށްފަވިއްޔަ ހުރީ. ސޮއިކޮށްގެން އެހެންކަމެއް އަދުރޭއަކަށް ނުކުރެވޭނޭ. ބިރުފުޅު ނުގަނެބަލަ. އަދުރޭއަކީ ވަފާތެރިއެއް
ފާރިސާ
24 July 2023
މި ޖަމީލު މީ އަޅެ ހިއްސެއް މަދު މީހެއްތަ ؟ ނޫނީ ވިސްނުން ތޫނުކަމުން, މާ ނިކަމެތި ވެގެން ބަދަލު ހިފަން އުޅެނީތަ؟ ނުވަތަ އަތްމަތި ދަތިކަމުން އެހެން ގޮތެއް ނެތިގެން އުޅެނީބާ