ޕެޓް ސްކޭންގެ ހިދުމަތް ތައާރަފް ކުރުމަށް ބޭއްވި ރަސްމިއްޔާތުގައި އޭޑީކޭގެ މެނޭޖިން ޑިރެކްޓަރު އަފްއާލް އާއި ޗީފް މެޑިކަލް އޮފިސަރު ޑރ. ނިޔާފް ވާހަކަ ދައްކަވަނީ: މިއީ އެ ކެންސަރު ދެނެގަތުމަށް ހަދާ ސްކޭނެއް --- މިހާރު ފޮޓޯ/ ފަޔާޒް މޫސާ
25 ޖުލައި 2023 - 19:55
14 comments
ކެންސަރު ދެނެގަތުމަށް ހަދާ ޕެޓް ސްކޭންގެ ހިދުމަތް އޭޑީކޭ ހޮސްޕިޓަލުން ތައާރަފްކޮށް، މިއަދު އެ ހިދުމަތް ދޭން ފަށައިފި އެވެ.
ޕެޓް ސްކޭންގެ މައިގަނޑު އެއް ބޭނުމަކީ ކެންސަރު ސްކްރީނިން އަށް ވިޔަސް ހިތާއި ސިކުނޑީގެ ބައެއް ބަލިތައް ދެނެގަތުމެވެ.
އޭޑީކޭ ހޮސްޕިޓަލްގައި ނޫސްވެރިންނާ ވާހަކަ ދައްކަވަމުން މެނޭޖިން ޑިރެކްޓަރު އަހުމަދު އަފްއާލް ވިދާޅުވީ، އެ ހިދުމަތް ބޭނުންވާ މީހުންނަށް އެ ހޮސްޕިޓަލުން ހިދުމަތް ލިބެން ހުންނާނެ ކަމަށެވެ.
އެ ހިދުމަތަށް މި ވަގުތު ނަގަން ނިންމާފައި ވަނީ 7،500ރ. އާއި 8،500ރ. އާ ދެމެދުގެ އަގެކެވެ. ނަމަވެސް އާސަންދަ އާއި އެންސްޕާ މެދުވެރިވެގެން އެ އަގު ކުޑަ ކުރެވޭނެ ގޮތެއް ހޯދުމަށް މަޝްވަރާ ކުރަމުންދާ ކަމަށް ވެސް އޭނާ ވިދާޅުވި އެވެ.
އައްފާލް ވާހަކަ ދައްކަވަނީ: އޭޑީކޭގައި ވަނީ ރައްކާތެރިކަމާ އެކު އެ ތަކެތި ގެންގުޅޭނެ ނިޒާމު ގާއިމްކޮށްފައި.-- ފޮޓޯ: ފަޔާޒް މޫސާ / މިހާރު
އަފްއާލް ވިދާޅުވީ ގިނަ ގޮންޖެހުންތަކަކާ އެކު ވެސް، ޕެޓް ސްކޭންގެ ހިދުމަތް ފެށުމުން ރާއްޖެ އިން ބޭރަށް މީހުން ދާން ޖެހޭ ދިއުން ނިމުމަކަށް އަންނާނެ ކަމަށް ގަބޫލު ކުރައްވާ ކަމަށެވެ.
"މިކަން ކުރަމުން އައިއިރު ވަރަށް ގިނަ ތަފާތު ގޮންޖެހުންތައް ދިމާވި. ހާއްސަ ގޮތެއްގައި ރާއްޖޭގައި އަޅުގަނޑުމެން އާ ގައިޑްލައިންތައް ހަދަން ޖެހުނު. ހާއްސަ ގޮތެއްގައި ނިއުކްލިއާ އިންޖެކްޝަނެއް އެތެރެކުރަން ޖެހޭތީ. އެ ބޭސް އުލާކަން ޖެހޭ ގޮތްތަކާއި އެކި ކަހަލަ އާ ކަންކަމަށް،" އަފްއާލް ވިދާޅުވި އެވެ.
އެ ހިދުމަތް ދޭން ބޭނުންވާ ބޭހާއި އެހެނިހެން ސާމާނު އެތެރެކުރަނީ އިންޑިއާ އިންނެވެ.
"މިކަން ހަމައެކަނި ރާއްޖޭގައި ހަމަޖެހުމަކުން ވެސް ނުފުދޭ. އަޅުގަނޑުމެން އެބަ ޖެހޭ ރާއްޖެއިން ބޭރުން އިމްޕޯޓުކުރާ ފަރާތްތަކުން ވެސް އެކިއެކި ހުއްދަތައް ނަގަން. އެގޮތުން އަޅުގަނޑުމެންގެ މަސައްކަތްތައް ބައްޓަން ކޮށްފައި ވަނީ އިންޑިއާގައި އެކަން ކުރާ ގޮތަށް،" އަފްއާލް ވިދާޅުވި އެވެ.
ޑރ. ނިޔާފް ވާހަކަ ދައްކަވަނީ: ބަލިމީހާއަށް ނިއުކްލިއާ ޓްރޭސާ މެޓީރިއަލް ދޭނެ މިންގަނޑު ކަނޑައަޅާނީ ސިއްހީ ކަންތައްތަކަށް ބެލުމަށް ފަހު ކަމަށް ވެސް ނިޔާފް ވިދާޅުވި.-- ފޮޓޯ: ފަޔާޒް މޫސާ / މިހާރު
އެ ހިދުމަތާ ގުޅޭގޮތުން ވާހަކަ ދައްކަވަމުން އޭޑީކޭގެ ޗީފް މެޑިކަލް އޮފިސަރު އަދި ކުޑަކުދިންގެ ހާއްސަ ޑޮކްޓަރު ޑރ. އަބްދުﷲ ނިޔާފް ވިދާޅުވީ ޕެޓް ސްކޭން ކުރާނީ ކެންސަރަށް އެކަނި ނޫން ކަމަށެވެ. ބައެއް ކަހަލަ ނާރުގެ ބަލިތަކަށާއި މެޓަބޮލިކް ބަލިތައް (ހަކުރު ބަލި ފަދަ ބަލިތައް) ބެލުމަށް ވެސް ޓެސްޓު ހެދޭނެ ކަމަށް ޑރ. ނިޔާފް ވިދާޅުވި އެވެ.
"މައިގަނޑު ގޮތެއްގައި އެންމެ ފުޅާ ދާއިރާއެއްގައި މި ޓެސްޓް ހަދަނީ ކެންސަރު ދެނެގަތުން އަދި ކެންސަރު ފެތުރިފައި ހުރި މިންވަރު ދެނެގަތުމަށާއި ފަރުވާ އަކަށް ފަހު ކެންސަރު ނައްތާލުމަށް ކުރި މަސައްކަތް ކާމިޔާބު ވެފައި ހުރިތޯ ބެލުމަށް،" ޑރ. ނިޔާފް ވިދާޅުވި އެވެ.
އޭޑީކޭ އިން ވަނީ އެކަމަށް ހާއްސަ ޑިޕާޓްމެންޓެއް ގާއިމް ކޮށްފަ އެވެ. އެތަނުގައި އެ އެކަމަށް ބޭނުންކުރާ ބޭހާއި އެހެނިހެން ތަކެތި ގެންގުޅޭނެ ނިޒާމެއް ވެސް ވަނީ ގާއިމްކޮށްފަ އެވެ.
އޭޑީކޭގައި ބެހެއްޓި ޕެޓް ސްކޭން މެޝިން؛ މިއީ ރާއްޖޭގައި އަލަށް ދޭންފެށި ހިދުމަތެއް.-- ފޮޓޯ: ފަޔާޒް މޫސާ / މިހާރު
ޑރ. ނިޔާފް ވިދާޅުވީ ޕެޓް ސްކޭނަށް އެޕޮއިންޓްމެންޓް ހެދުމުން ކަނޑައެޅޭ ވަކި ދުވަހެއްގައި ނިޔުކްލިއާ ފިޒިޝަނަކަށް ދައްކަން ޖެހޭނެ ކަމަށެވެ. އަދި ބަލިމީހާއަށް ނިއުކްލިއާ ޓްރޭސާ މެޓީރިއަލް ދޭނެ މިންގަނޑު ކަނޑައަޅާނީ ސިއްހީ ކަންތައްތަކަށް ބެލުމަށް ފަހު ކަމަށް ވެސް ވިދާޅުވި އެވެ.
ހެލްތު މިނިސްޓްރީގެ ތަފާސްހިސާބުން ދައްކާ ގޮތުގައި ޕެޓް ސްކޭން ހެދުމަށް އާސަންދައިން ކޮންމެ އަހަރަކު ވެސް 1،000 އެއްހާ މީހުން ބޭރަށް ދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯޑުނޭޓަރ
26 July 2023
މި ޤައުމުން ދޭ އެންމެ މަތިވެރި ޝަރަފުގެ ނިޝާން އޭ.ޑީ.ކޭ ނާޝިދަށް ޙައްޤު
މަރުމޯލުރާޖާ
26 July 2023
ސްކޭންހަދާލާފަ އަނެއްކާވެސް ފުރައިގެންދާންޖެހޭނީބޭރަށް. ޢެހެނީސްކޭންހަދާފަ ރަނގަޅުފޮލޯއަޕްއެެއް ހެދޭނެގޮތެއްނުހުންނާނެ. ތިއަގުތީހަމައެކަނިސްކޭންވިޔަސް ތިކަންކުރަން އޭޑީކޭގަ އެޑްމިޓްވުމާ މާލޭގަހުންނައިރުދާ ކޮޓަރިކުއްޔާ ހުރިހާކަމެއް އެއްކޮއްލީމާ ބައިލައްކަވަރު އާންމުމީހާގެއަތުން ދާނެކަންމުޖައްރިބު. ވީމާއަދިވެސް އާންމުމީހާގެޖީބަށްލުއިވާނީ ބޭރަށްދިއުމުން.
ޑޮކްޓާރ. ބަނާނާ
26 July 2023
ކެންސަރު ކުލިނިކެއް އައިޖީ އެމް އެޗް އަދި ހުޅުމާލޭ ( އައިސީޔޫ އެއް ނެތް ) ހޮސްޕިޓަލް ގައި ޙުޅުވައިގެން އުޅޭތާ ގަރުނެތް ވެއްޖެ! ޢެކަމަކު މިސްކޭން ހަދަން އަހަރަކު 1000 މީހުން އިންޑިޔާއަށްދޭ ! ޢެންމެފަހުން ރާއްޖޭގެ ޕްރައިވެޓް ޙޮސްޕިޓަލް ތަކުން މިހިދުމަތް ފަށަން އުޅުމުން އިންޑިޔާ ގެ ހޮސްޕިޓަލް ތަކުން އެތަންތަނަށް ވެސް އުދުޅި ބާނަން ފެށުމުން އޭޑީކޭ އިން މިހިދުމަތް މިފެށީ! ޙުސްނުވާ އާސަދަ އިންޑިޔާގެ ހޮސްޕިޓަލް ތަކަށް ދުވަހަކުވެސް ހުަސްނުވާނެ!
ސުމަޅޭ
26 July 2023
އަމިއްޔަ ހޮސްޕިޓަލަކުން އެކަންކުރިއިރު ސަރުކާރުން އެކަންނުވެއޮތީ ސިއްޚީނިޒާމަށް ސަރުކާރުންދޭ އަހަންމިއްޔަތު އެނގިގެންދާ ކަމެއް.ދައުލަތުގެ ފައިސާ ނަހަމަ ގޮތުގައި ބޭނުންކުރަން މަގުފަހިކޮށްފައޮތް ފުރުސަތެއް.
އ އަހްމަދު
26 July 2023
ތަންކޮޅެއް އަގުހެޔޮކޮށް ތިކަންނުކުރެވޭނެބާ ރާއްޖެތެރޭގެމީހާ މާލެއައިސް ކުއްޔައްތަނެއްގަހުތުމަށްވުރެ އިންޑިއާއައް ދިއުމުން ޚަރަދު ކުޑަވާނެކަމަށްފެންނަނީ
ކޮމެންޓޭ1
26 July 2023
ލާރި ޖަހާ މެޝިނެއް ތި ބެހެއްޓި ކުރިއަށް އޮތް ވިއްސަކަށް އަހަރުވެސް ސަރުކާރު ހޮސްޕިޓަލަކުން ތި ޚިދުމަތެއް ނުލިބޭނެ. ކުރިންވެސް ގެންގުޅުން އެމްއާރުއައި މޮނޯޕުލީއެއް ވިއްސަކަށް އަހަރު ވަންދެން އެކަންވެސް ނިމުމަކަށް ގެނައީ ދައުލަތުގެ ލާރި ކެއިކަމަށް ބުނާ މީހާ. ސުވާލަކީ ކިތަންމެއް މޮޅު މެޝިނެއް ބެހެއްޓިއަސް ފެންވަރު ރަނގަޅު ޓްރެއިންޑް މީހުން ހޯދާ ޚިދުމަތުގަ ބޭތިއްބިދާނެތޯ. މިއީ ވާނެކަމެއްނޫން މެޝިން ބަހައްޓައިން ފޮޓޯ ކޮޕީ ނަގާހެން ތިކަން ކުރެވިދާނެ.
ރާއްޖެ
26 July 2023
މައި ސަރުކާރުން ލާމު އަތޮޅުގަ ކެންސަރު ހޮސްޕިޓަލެއް އަޅާތާ 5 އަހަރު ވަނީ. ހެޕީ އިންޑިޕެންޑެންސް ޑޭ.
ޒިބުރާކުރޮސް ބިން ކަފިހުރަސް
25 July 2023
ކީއްވެގެން ސަރުކާ ހޮސްޕިޓަލުގަ ތިޔަ ޓެސްޓު ހެދެން ނެތީ ހަމަ ރައްޔަތުން އަތުން ނަގާ ޓެކުހުން ތިޔަ ކަން ވާނެ ކަމުގެ ގެރެންޓީ އެބައޮތް
އިއްބެ
25 July 2023
ދިވެހިނިކަމެތިރައްޔިތުންގެއަތްފޯރާފެންވަރަށްޓެސްޓުތައްހަދައިފަރުވާދެވޭނަމަޝުކުރުވެރިވާނަމެވެނަމަވެސްމޮޅުވާހަކަދައްކާފައިދިވެހިރައްޔިތުންފެލާލާނަމައެވާނީބިދުޢައަކަށެވެ
ސުން
25 July 2023
އިބްރާހީމް ސާލިހުގެ ވެރިކަމުގަައި އަދި ކައްޕި ނަސީމްގެ މާލިމީކަމުގައި ރާއްޖެ ދުވަހަކުވެސް ނުދެކޭ ސިއްހީ ކުރިއެރުން މިހިރަ ދަނީ އަންނަމުން. އޭޑީކޭއިން ތިކަން ފެށިޔަސަ ތިއީ ސަރުކާރުގެ ވިޝަނެއް. އަދި ސަރުކާރުގެ އެހީއާއެކު ތިކަން ކޮށްފައިވާނީ.