ރައީސް ވިދާޅުވި ގޮތުގައި، މިއީ ހާރިޖީ، ދާހިލީ މިނިވަންކަން އެންމެ ފުޅާ ގޮތެއްގައި ލިބުނު ފަސް އަހަރު. އަދި ފަރުދުންގެ ޒާތީ މިނިވަންކަން، އެއްވެސް ހިފެހެއްޓުމެއް ނެތި ކަށަވަރު ކޮށްދެވުނު ފަސް އަހަރު.
58 ވަނަ މިނިވަން ދުވަހުގެ ރަސްމީ ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
26 ޖުލައި 2023 - 11:15
121 comments
ރާއްޖޭގެ ސިޔާސީ މިނިވަންކަމުގެ ތާރީހަށް ބަލާއިރު، ހަގީގީ މާނާގައި މިނިވަންކަން ލިބުނީ މިދިޔަ ފަސް އަހަރު ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
މިއަދު ފާހަގަކުރާ ރާއްޖޭގެ 58 ވަނަ މިނިވަން ދުވަހުގެ މުނާސަބަތުގައި ސޯޝަލް ސެންޓަރުގައި ބޭއްވި މިނިވަން ދުވަހުގެ ރަސްމީ ޖަލްސާގައި ރައީސް ވިދާޅުވީ މިދިޔަ ފަސް އަހަރަކީ، ކޮންމެ ދިމާއަކަށް ނަޒަރު ހިންގާލިޔަސް، ފުރިހަމަ މާނައިގެ މިނިވަންކަން ގާއިމުވެފައި އޮތް ފަސް އަހަރު ކަމަށެވެ.
"ރާއްޖޭގެ ސިޔާސީ މިނިވަންކަން ފުރިހަމަށް ރައްކާތެރިކުރެވުނު ފަސް އަހަރު،" ރައީސް ވިދާޅުވި އެވެ.
"ހާރިޖީ މިނިވަންކަން އެންމެ ވަރުގަދަ ފަސް އަހަރު. ދާހިލީ މިނިވަންކަން އެންމެ ފުޅާ ގޮތެއްގައި ލިބިދެވުނު ފަސް އަހަރު. ފަރުދުންގެ ޒާތީ މިނިވަންކަން، އެއްވެސް ހިފެހެއްޓުމެއް ނެތި ކަށަވަރު ކޮށްދެވުނު ފަސް އަހަރު."
ރައީސް ވިދާޅުވި ގޮތުގައި، މިނިވަންކަމުގެ ހަގީގީ އުފަލަކީ، އެމީހެއްގެ ޒާތަށް ލިބެން ޖެހޭ މިނިވަންކަން ހާސިލުވުމުގެ އުފަލެވެ. މިނިވަންކަން މަތީގައި ގައުމު ދެމިއޮތަސް، ގައުމީ ދިދައިގެ ހިޔަލުގައި އުޅޭ ރައްޔިތުންގެ ޒާތަށް ލިބެން ޖެހޭ މިނިވަންކަމަކީ މުޅިން ތަފާތުކަން ފާހަގަކުރެއްވި އެވެ. އެއީ އެ ފަރުދެއްގެ ދިރިހުރުމާއި ދިރިއުޅުމުގެ ހައްގާ ގުޅިފައިވާ އަސާސީ އަދި ޒަރޫރީ ބޭނުންތައް ފިލުވޭނެ ގޮތް، ހަމަ ކޮންމެ ރައްޔިތަކަށް ދައުލަތުގެ ފަރާތުން ހަމަޖައްސައިދީފައި އޮންނަ އޮތުން ކަމަށް އެމަނިކުފާނު ވިދާޅުވި އެވެ.
މިނިވަން ދުވަސް މިއަދު ފާހަގަކުރާ އިރު، މާދަމާ އަތުލަން ބޭނުންވާ މަންޒިލަކީ ކޮބައިތޯ ވިސްނާލުމަކީ ކުރަން ޖެހޭނެ ކަމެއް ކަމަށް ރައީސް ވިދާޅުވި އެވެ.
ރައީސް ވިދާޅުވީ ދިވެހިން އެދޭ މަންޒިލަކީ، 21 ވަނަ ގަރުނުގެ ތަރައްގީ ކަމަށާއި އެ މަންޒިލާ ދިވެހިންނާ ދެމެދަށް ހުރަސްވެފައި އޮތީ، ދިވެހިން އުޅެންޖެހިފައިވާ ހާލަތު ކަމަށެވެ.
"މާތް ﷲގެ ވާގިފުޅާ އެކު މިދިޔަ ފަސް އަހަރުގެ ތެރޭގައި، އަޅުގަނޑުމެންގެ އަމާޒަކަށް ހެދީ، އެ ހާލަތު ބަދަލުކޮށް ތަރައްގީގެ ސަރާސަރު ރާސްތާ އަށް ދިވެހިން ނެރެދިނުން،" ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮހަނު..
28 July 2023
ފާއިތުވި 2 އަހަރުތެރޭ ހަގީގީ މިނިވަންކަން ރައްޔިތުންނަށް ލިބުނީ ޓެކްސް ބޮޑުކޮށް ކޮތަޅުން ފައިސާ ނަގަން ފެށި ފަހުން.
ާިއިބުބުރޭ
27 July 2023
ނިކަމެތި ރައްޔިތުން މި ވަނީ ޓެކްސްގެ އަޅުވެތިންނަށް ހަދާފަ. ރިސޯޓު ތަކުގެ ބިންކުލި ދައްކޮށް ޖޫރިމަނާ ތައް މާފުކޮށްފަ.
އިސްލާހު
27 July 2023
ކޮމެންޓް ތަށް ކިޔާލީމާ މިނިވަންކަން ލިބުނުވަރު އެބަ އެނގޭތާއެވެ.؟؟؟؟!!!!!!!!!!
މިނިވަނ
27 July 2023
އިންޑިއާ ބޭންކްލޯން ދަށުވެ ފިތިފައިވާ ބޭފުޅެއް. މީނާއަށް ވެރިކަންކޮށްދެވޭނީ އިންޑިއާއަށް. ދިވެހިންނޭވެ މޮއޮތީ ތިޔަބޭފުޅުން ވިސްނަންވީ ވަގުތު.
ހުސް
27 July 2023
އިނގިރޭސީން ތިބީ އައްޑުއަތޮޅު ގަމުގައި. އެތަނުގައި އެމީހުން ތިބުމުން އައްޑޫއަށް ތަރައްގީތަކެއް އައި. އެކަމަކު ބައެއްގެ ހިމާޔަތުގައިވެސް ތިބެން ބޭނުންނުވީ އަމިއްލަ ވަންތަކަން، މިނިވަންކަން ބޭނުންވާތީ. އެހެންވެ އެމީހުންގެ އަތްދަށުން މިިނިވަންވީ. މިއަދު ބޭރުގެ އަސްކަރިއްޔާ މުޅި ރާއްޖޭގައި، ހަނިމާދޫ، އުތުރުތިލަފަޅު، ކައްދޫ، އައްޑޫ، އަދި ހާމަ ނުކުރެވޭ އެގްރިމެންޓްތައް، އެތައް ސިފައިންނެއް، ރާާޑަރު ސްޓޭޝަންތައް،
ލިޔާހު
27 July 2023
މިނިވަންކަން ލިބުނީ ރައްވެހިކަންދިން ބޭރުމީހުންނައް
އުސެން
27 July 2023
ބޮޑުކުލީގެ އަޅުވެތިކަމުގަ ހަނާވަނީ ނިކަމެތިން
ކތޅ ޗރ
27 July 2023
މަޖުލީހުގަ އުމުރު ދުވަހު ގޮނޑި ހޫނުކުރި މީހަކު މީހެއްގެ ހެޔޮފުޅު ކަމުން ކެންޕެއިނަށް ނެރި ވެރިކަމަށް ގެނައީމަ އެމީހާއަށް ވެސް ލޮޓި ދީފައި މިހާރު ތިޔަ އުޅެނީ ރައްޔަތުންނަށްވެސް ލޮޓި ދޭން ހިލާ ނުކެރޭނެ
ފީނާޅި
26 July 2023
މިސަރުކާރު ވެރިކަމާ ހަވާލުވުމަށްފަހު މިދައުރު ފެށުނީއްސުރެ މި 5 އަހަރުގެ ދުއުރު ތެރޭގަ އައީ މިގައުމުގެ މިނިވަންކަމުގައި ކޮޅުފައިން ތަޅަމުންނެވެ. އަދި އައީ ދިވެހި ރައްޔިތުންނަށް ދަތިކޮށް ދުއްފާންކޮށް ފުދުންތެރިކަން ނެތިކޮށްލާ އަތްމަތި ދަތިވާނެ ގޮތްގޮތް ބަލާ ކަށި ހަރަމުންނެވެ.
ޖުލައި 26
26 July 2023
އެއްވެސް ބައެއްގެ ދަށުވުމަކީ މިނިވަން ކަން ކަމެއް މަމެން ނުދަންނަން. ބެއްޔާ ތިހުރީ އަވައްޓެރި ގައުމެއްގެ ޕަޕެޓެއްގެ ގޮތުގައި