އެމްޓީސީސީން މައުމޫނާ ދެކޮޅަށް ހުށަހެޅި އިސްތިއުނާފް ބަލައެއްނުގަތް

މައުމޫން: އެމަނިކުފާނާ ދެކޮޅަށް އެމްޓީސީސީން ހުށަހެޅި އިސްތިއުނާފް މައްސަލަ ބަލައިނުގަތުމަށް ހައި ކޯޓުން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

30 ޖުލައި 2023 - 13:37

7 comments

ޑީއާރުޕީގެ ދަރަނީގެ މައްސަލާގައި ކުރީގެ ރައީސް މައުމޫން އަބްދުލްގައްޔޫމާ ދެކޮޅަށް އެމްޓީސީސީން ހައި ކޯޓަށް ހުށަހެޅި އިސްތިއުނާފް ބަލައިނުގަންނަން އެ ކޯޓުން ނިންމައިފި އެވެ.

ޑީއާރުޕީން އެމްޓީސީސީއަށް ދައްކަންޖެހޭ މިލިއަނަކަށް ވުރެ ގިނަ ރުފިޔާގެ މައްސަލާގައި އެ ޕާޓީގެ ކުރީގެ ރައީސް މައުމޫން އެ ދަރަންޏަށް ޒިންމާ ކުރުވަން އެމްޓީސީސީން އެދުނަސް، ސިވިލް ކޯޓުން ނިންމާފައިވާ އެ ދަރަނީގެ ޒިންމާ މައުމޫން ނަންގަވަން ނުޖެހޭނެ ކަމަށެވެ.

އެ ނިންމުން އިސްތިއުނާފް ކުރަން އެމްޓީސީސީން ހައި ކޯޓަށް ހުށަހެޅި މައްސަލަ ބަލައިނުގަތުމަށް މިދިޔަ ހަފުތާގައި އެ ކޯޓުން ނިންމީ އިސްތިއުނާފް މުއްދަތު ހަމަވިފަހުން އެ މައްސަލަ ހުށަހަޅާފައިވާތީ ކަމަށް ހައި ކޯޓުގެ ނިންމުމުގައިވެ އެވެ.

ކުރިން އެންމެ ބޮޑު ޕާޓީގެ ގޮތުގައި އޮތް ޑީއާރުޕީގައި މެމްބަރުންގެ އަދަދު ހަމަނުވާތީ އެ ޕާޓީ އުވާލަން އިލެކްޝަންސް ކޮމިޝަނުން މިއަހަރު ނިންމިއިރު އެ ޕާޓީން އެކި ފަރާތްތަކަށް ދައްކަންޖެހޭ ދަރަނިތައް އެބަހުއްޓެވެ.

އެމްޓީސީސީއަށް ދައްކަންޖެހޭ ދަރަންޏަށް މައުމޫން ޒިންމާ ކުރުވަން އެ ކުންފުނިން އެދުނީ ސިޔާސީ ޕާޓީގެ ގަވާއިދުގައި ޕާޓީ އުވާލާއިރު ހުރި ދަރަނިތަކަށް ޒިންމާވާން ޖެހޭނީ އެ ދަރަންޏެއް އުފެދުނުއިރު ޕާޓީގެ ވެރިއަކަށް ހުންނެވި ބޭފުޅަކު ކަމަށް ބުނެފައިވާތީ އެވެ. ނަމަވެސް ސިވިލް ކޯޓުން ނިންމީ ދަރަނި ސާބިތުވިއިރު މައުމޫނަކީ ޑީއާރުޕީގެ ލީޑަރު ކަމަށް ނުވާތީ އެ ދަރަންޏަށް އެމަނިކުފާނު ޒިންމާ ނަންގަވަން ނުޖެހޭނެ ކަމަށެވެ.

ރައީސް މައުމޫން އަބްދުލްގައްޔޫމް ސިޔާސީ ޕާޓީ ހައި ކޯޓް ޑީއާރުޕީ އެމްޓީސީސީ

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުރަބޯ

31 July 2023

ބަލަ ދަރަންޏަށް ޒިންމާވާންޖެހޭނީ އެދަރަނި ނެގިއިރު ހުރި އިސްމީހެއްނު، ދަރަނި ސާބިތުވިއިރު އިސްކޮށް ހުންނަ މީހަކު ޒިންމާވުން މިއީ ހާދަ ތާކުންތާކު ނުޖެހޭ ހުކުމެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

30 July 2023

ކުންފުންޏެއް ގަންނަހެން ދެފަހަރަކަށް ދެފަރާތަކުން ޕާޓީ ގަތް. އެމީހުން ޕާޓީ ގަތީ ދަރަންޏާވެސް އެކުގައި. އެންމެފަހުން ޕާޓީ ގަނެގެން އުޅުނު މީހާ ދަރަންޏަށް ޒިންމާވާންޖެހޭނީ. އެހެންނޫނަސް ޕާޓީ އުވާލަންވާނީ ދަރަންޏަށް ގޮތް ނިންމާފައި. ދަރަންޏަށް ގޮތެއް ނުނިމެނީސް ޕާޓީ އުވާލި މީހުން މިހާރު ދަރަންޏަށް ޒިންމާވާން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

30 July 2023

ދައްކަންޖެހޭ ފައިސާއެއް ނުދައްކާ އޮތުމަކީ ދަރަންޏެއް އުފަންވެފައި އޮތުން. އެހެންވީމާ އެ ދަރަނި ނެގިފަރާތް ޒިންމާވާން ޖެހޭނެ. ދަރަންޏެއް ގޮތުގައި ސާބިތުވި ތާރީޚު އެއީ އެހެން މައްސަލައެއް. އިސްތިއުނާފް މުއްދަތު ފަހަނައަޅައި ދިޔައިރު އެކަން ނުކުރެވުމަކީ ހަމަ އަސްލުވެސް ސީރިއަސް މައްސަލައެއް. ކޮމްޕެނީން ފިޔަވަޅު އަޅަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުބެއްޔާ

30 July 2023

"އިސްތިއުނާފް މުއްދަތު ހަމަވިފަހުން އެ މައްސަލަ ހުށަހަޅާފައިވާތީ" ހާދަ ފަރުވާވެސް ކުޑަޔޭދޯ ދައުލަތުގެ މުދަލުގެ ކަންކަމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީދޫ:)

30 July 2023

ޢެމްޓީސިސީގެ ސީއީއޯ މޮޔަ ނުވޭ! ޢެމްޓީސީސީ އެއް އޮތީ މައުމޫނާއި ހެދި! ޢާޒިމްގެ ދައުރުގައި އެމްޓީސީސީގެ ދަރަޏްޏާއި ޒިންމާވެބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހުދު އާދަންބެ

30 July 2023

އަސްލު ތި ދަރަނި ދައްކަންޖެހޭނީ ތަސްމީނާ އޭނާގެ އާއިލާއިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

30 July 2023

މިއީ ވަރަށް ސީރިއަސް މައްސަލައެއް، ދައުލަތް ލިބެންޖެހޭ ފައިސާ ހޯދުމަށްއޮތް މަގު ބަންދުވެގެން އެދިޔައީ އިސްތިއުނާު ކުރުމުގެ މުއްދތަުގެ ބޭރުން އިސްތިއުނާފަށް ހުށަހެޅޭމި. އިސްތިއުނާފު މުއްދަތު ފަހަނައަޅާ ދިޔައި ކާކުގެ އިުމާލުންތޯ ބަލާ އެމީހަކަށް ނޫނީ އެބަޔަކާއި ދޭތެރޭ ފިޔަވޅު އަޅާ އެފައިސާ ހޯދަން ޖެހޭ.