ސިވިލް ކޯޓު ހިންގާ ޖަސްޓިސް ބިލްޑިން: ބޮޑުކާށިހުރާގެ އެއްބަސްވުން ބާތިލްކުރީ ރަނގަޅަށް ކަމަށް ވަނީ ނިންމާފައި --- ފޮޓޯ/މިހާރު
03 އޯގަސްޓް 2023 - 12:56
2 comments
އދ. ބޮޑުކާށިހުރާ ކުއްޔަށް ދިނުމުގެ އެއްބަސްވުން ބާތިލްކޮށް، އެތަން ސަރުކާރުން އަތުލީ ގޯސްކޮށް ކަމަށް ކަނޑައެޅެން ނެތް ކަމަށް ސިވިލް ކޯޓުން ހުކުމްކޮށްފި އެވެ.
މިލޭނިއަމް ކެޕިޓަލްސް ކުންފުންޏަށް ސަރުކާރުން 2014 ވަނަ އަހަރު ކުއްޔަށް ދޫކުރި ބޮޑުކާށިހުރާގެ އެއްބަސްވުން ބާތިލްކޮށް 2016 ވަނަ އަހަރު ސަރުކާރުން އެ ރަށް އަތުލި އެވެ. އެހެންވެ، އެތަން އަތުލީ އެއްބަސްވުމާ ހިލާފަށް ކަމަށް ބުނެ އެ ކުންފުނިން ދައުވާކުރި އެވެ.
އެހެންވެ، ސިވިލް ކޯޓުން އިއްޔެ ކުރި ހުކުމުގައި ވަނީ ބޮޑުކާށިހުރާ ސަރުކާރުން އަތުލީ އެ ރަށުގެ އިކުއިޒިޝަން ކޮސްޓްގެ ފައިސާ މިލޭނިއަމް ކެޕިޓަލްސް އިން ދައްކާފައި ނުވާ ކަމަށް ތުހުމަތުކޮށް ކަމަށާއި އޮޑިޓާ ޖެނެރަލާއި ފުލުހުންނާއި އަދި އެންޓި ކޮރަޕްޝަން ކޮމިޝަނުން ކުރި ތަހުގީގުގައި ވެސް އެ ރަށުގެ ފައިސާ ދައުލަތަށް ލިބިފައިނުވާ ކަމަށް ފާހަގަ ކޮށްފަ އެވެ. އެ ފައިސާ ދެއްކިކަން ސާބިތުކޮށް ނުދެވޭ ކަމަށާއި އެ ރަށް އަތުލީ އެއްބަސްވުމާ ހިލާފަށް ކަމަށް ކަނޑައަޅާނެ ތަނެއް ނެތް ކަމަށް ވެސް ހުކުމުގައިވެ އެވެ.
އެ މައްސަލަ ކޯޓުގައި އޮތުމުން ބޮޑުކާށިހުރާ އެހެން ބަޔަކަށް ކުއްޔަށް ނުދިނުމުގެ އަމުރަކަށް ވެސް އެ ކުންފުނިން ކޯޓުގައި އެދުނެވެ. ނަމަވެސް މިދިޔަ އަހަރު ސިވިލް ކޯޓުން ނިންމީ އެފަދަ އަމުރެއް ނެރެދެވޭނެ ތަނެއް ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަންނަ ނުދަންނަ
03 August 2023
މިހާރު ދެން ސަރުކާރުން ބޮޑުކާށި ހުރާ ދީގެން އެ އުޅެނީ ރަނގަޅަށްތަ އަތޮޅުވެ ވެރިންނާއި މަޝްވަރާކުރުމެއް ނެތި އަތޮޅު ކައުންސިލްގެ ވެރިންގެ ނުރުހުމުގަ ، އަދި އަތޮޅުގެ ރައްޔިތުންގެ ހިޔާލެއް ބަހެއްވެސް ނުހޯދައި ހިންގާފައިވާ ބޮޑުވެގެންވާ ބޮޑު ޖަރީމާއެއް ، ފައްޔާޒުއަށް ކެންޕޭން ކޮށްދިނީމާ ލޯންޗުތަށް ހިލޭ ބާވައި ދިނީމާ އެ ދެއްވީ ފަޅުރަށެއް މީ އިންސާފަކީ ، އިންސާފު މި އޮތީ ފައިބާފަ ފޫޓަކަސް
6
03 August 2023
ބޮޑުކާފު ކުޑަކާފު ފަދަ ކަމެއް ދޯ މީ.