އިނާޔަތެއް ނުލިބޭ ގޮތަށް، ފަނޑިޔާރުންނަށް ހުކުރު ނަމާދުގެ އިމާމުކަން ކުރެވޭނެ: ޖޭއެސްސީ

ފަނޑިޔާރެއްގެ މަގާމުގެ ފަތްކޮޅު: ހުކުރު ނަމާދުގައި އިމާމުކަން ކުރުމުގެ ހުއްދަ ފަނޑިޔާރުންނަށް ދޭން ޖޭއެސްސީން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

06 އޯގަސްޓް 2023 - 13:53

3 comments

އެއްވެސް އިނާޔަތެއް ނުލިބޭ ގޮތަށް އިމާމުވެ ހުކުރު ނަމާދު ކުރުމުގެ ހުއްދަ ފަނޑިޔާރުންނަށް ދޭން ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.

ޖޭއެސްސީން ކުރިން ނިންމާފައި އޮންނަ ގޮތުން ފަނޑިޔާރުންނަށް ހުކުރު ނަމާދުގެ އިމާމުންގެ ގޮތުގައި މަސައްކަތް ކުރެވޭނީ ޟަރޫރީ ހާލަތްތަކުގައި އެކަންޏެވެ.

ނަމަވެސް ޖޭއެސްސީން މިދިޔަ ހަފުތާގައި ނެރުނު ސާކިއުލާގައިވާ ގޮތުން ފަނޑިޔާރުން އިމާމުވެ ހުކުރު ނަމާދު ކުރުމަކީ އެ ކޮމިޝަނުން ދެކޮޅުހަދާ ކަމެއް ނޫނެވެ. އަދި އެއްވެސް އިނާޔަތެއް ނުލިބޭ ގޮތަށް އިމާމުކަން ކުރުމުގެ ހުއްދަ ފަނޑިޔާރުންނަށް ދޭން ނިންމާފައިވާ ކަމަށް އެ ސާކިއުލާގައިވެ އެވެ.

ފަނޑިޔާރުންނަށް ލިބޭ މުސާރަ އާއި އިނާޔަތްތަކުގެ އިތުރުން މާލީ އެހެން އިނާޔަތެއް ލިބޭ ވަޒީފާއެއް ނުވަތަ މަސައްކަތެއް ކުރެވޭނީ ޖޭއެސްސީގެ ހުއްދަ ލިބިގެންނެވެ. އަދި މުސާރައިގެ އިތުރުން ފަނޑިޔާރުންނަށް ރަސްމީ ހައިސިއްޔަތުން ލިބޭ އެހެން ހަދިޔާތައް ވެސް ކޯޓުތަކާ ހަވާލުކުރަން ޖެހެ އެވެ.

ފަނޑިޔާރުން ޖުޑީޝަލް ސާވިސް ކޮމިޝަން ޖުޑީޝަރީ ފަނޑިޔާރުން އައްޔަންކުރުން މެމްބަރު ހިސާން ހުސެއިން (ތުޅާދޫ)

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

06 August 2023

ދައުލަތުން އަގުކަޑައަޅާފައިވާކަމެއްގައި މީހަކު އެމަސައްކަތް ކުރުމުން އޭނާއަށް އެކަމުގެ އުޖޫރަ ނުނެގޭނެކަމަށް ކަނޑައެޅުމާއި، އަދި މިދެންނެވި އުސޫލުން އަގު ކަޑައަޅާފައިވާކަމަކަށް މަސައްކަތް ކުރިމީހާއަށް ދޭންޖެހޭ އަގު ދައުލަތުންނުދިނުމާއި މިކަންކަމަކީ ތިޔަބުނާ ގޮތަށް ކުރެވޭނެ ކަންކަންތޯ!؟ ރައީސުލް ޖުމްހޫރީއްޔާއާއި ފަނޑިޔާރުންވެސް ހުކުރު ކޮށްފިނަމަ އުޖޫރަ ދޭންވާނެ. އެކަމަކު އެފައިސާ އެންޖީއޯއަށް ނުވަތަ ތައުލީމީ ފަންޑު ފަދަ ފަރާތަކަށް ދިނުން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމާދީ

06 August 2023

ގެމަނަފުށީގެ މިސްކިތެއްގައި ހުކުރު ހުތުބާ ކިޔާ އިމާމަށް ޚުތުބާގައި ހުންނަ އާޔްތަތައް ކިޔަން އުނދަގޫވާތީ، ކިޔަނީ ހަމަ އެކަނި ތަރުޖަމާ. އިތުރު މައުލޫމާތު ހޯދަން ކައުންސިލގެ ކަމާ ބެހޭ ސިޔާމަށް ގުޅާލަބަލަ. ބައެއް ޚަތީބުންނަކީ ރިސޯޓުތަކުގައި ބަރ ތަކުގައި ވެސް މަސައްކަތް ކުރާ ޚަތީބުން. އޮފްޑޭ ގައި ޚުތުބާ ކިޔާލާ ހަދަނީ.