ޚަބަރު

މަސްނޫއީ އަތާއި ފައި ހަދައިދޭ ފުރަތަމަ ލެބް، ހުޅުމާލެ ހޮސްޕިޓަލުގައި ހުޅުވައިފި

ޕްރޮސްތެޓިކް ލެބް ހުޅުވައިދެއްވުމަށްފަހު ނައިބު ރައީސް ފައިސަލް، އެ ލެބް ބައްލަވާލައްވަނީ.- ފޮޓޯ: ރައީސް އޮފީސް

އާސިމާ ނިޒާރު، މިހާރު

09 އޯގަސްޓް 2023 - 11:36

1 comments

މަސްނޫއީ އަތާއި ފައި ހަދައިދޭ ލެބް، ހުޅުމާލެ ހޮސްޕިޓަލުގައި މިއަދު ހުޅުވައިފި އެވެ.

އިންޑިއާ ސަރުކާރުގެ އެހީގައި ގާއިމްކުރި ލެބްގެ ހިދުމަތް ފައްޓަވައިދެއްވީ ނައިބު ރައީސް ފައިސަލް ނަސީމެވެ.

އެ ހޮސްޕިޓަލުން ބުނީ، ރާއްޖޭގައި އަލަށް ފެށި ޕްރޮސްތެޓިކް އެންޑް އޮތޮޓިކް ލެބްގެ ސަބަބުން ގިނަ ބަޔަކަށް ފަސޭހަތަކެއް ލިބިގެންދާނެ ކަަމަށެވެ. އެ ތަނުގެ ޗައިލްޑް ޑިވެލޮޕްމަންޓް ސެންޓަރުން ހިދުމަތް ހޯދާ 18 އަހަރުން ދަށުގެ 480 އަށްވުރެ ގިނަ ކުދިންގެ ތެރޭގައި ވެސް މަސްނޫއީ އަތާއި ފައި އަދި ނުކުޅެދުންތެރިކަން ހުންނަ ކުދިންނަށް ހާއްސަ ބޫޓު ބޭނުންވާ ގިނަ ކުދިން އެބަ ތިބި ކަމަށް ބުންޏެވެ.

Vice President @faisalnasym inaugurated Maldives' first Prosthetics and Orthotics Laboratory at @hmh_mv, catering to individuals with limb loss due to accidents, diseases, or congenital conditions. The lab offers prosthetic implants and custom-made orthotic devices. pic.twitter.com/CNcUKINLk9
— The President's Office (@presidencymv) August 9, 2023

ޕްރޮސްތެޓިކްސް އަކީ ގުދުރަތީ ގޮތުން އުފެދުމުގައި ނުވަތަ ހާދިސާއެއްގެ ސަބަބުން އަތާއި އުނިކަމެއް ދިމާވެފައިވާ މީހުންނަށް ހަދައިދޭ އަތާއި ފަޔެވެ. އޯތޮޓިކްސް އަކީ ޖިސްމާނީ ގޮތުން ނުކުޅެދުންތެރިކަން ހުންނަ މީހުންނަށް ހާއްސަ ބޫޓު ފަދަ ތަކެއްޗެވެ.

މިހާތަނަށް އެފަދަ އަލާތްތައް ކުދިންނަށް ފޯރުކޮށްދެމުން ދިޔައީ ރާއްޖޭގައި މިން ނަގައި ބޭރަށް ފޮނުވައިގެންނެވެ. އެންސްޕާގެ އެހީގައި އެ ތަކެތި ލިބުނަސް، ކަސްޓަމައިޒްޑް ތަކެއްޗަށް ވާތީ ރާއްޖެ ގެންނަން ގިނަ ވަގުތު ހޭދަވެ އެވެ. އަދި އެ އެއްޗެހި ލިބޭއިރު ބައެއް ފަހަރު އެ ކުދިންނަށް ހެޔޮވަރުކުރުމަށް އިތުރު މަސައްކަތްކުރަން ޖެހޭ ކަމަށް ވެސް ހުޅުމާލެ ހޮސްޕިޓަލުން ބުންޏެވެ.

Raajjeygai masnooee athaai fai hedhumeh Hulhumale Hospital thayyaaru vanee

The most trusted news source in the Maldives

Mihaaru

ރާއްޖޭގައި އެ މަސައްކަތް ކުރަން ފެށުމުން މިކަމަށް ހޭދަވާ ހަރަދުގެ ތިން ގުނަ ސަލާމަތްކުރެވި އަދި ކުދިންނަށް ބޭނުންވާ އެންމެ އަވަސް މިނުގައި ތަކެތި ލިބުމުގެ ފުރުސަތު ފަހިވެގެންދާނެ ކަމަށް ބުންޏެވެ.

އެ ހިދުމަތް ފެށުމަށް އިންޑިއާގެ އާޓިފިޝަލް ލިމްބްސް މެނުފެކްޗަރިން ކޯޕަރޭޝަނާ ގުޅިގެން ހުޅުމާލެ ހޮސްޕިޓަލުގައި ދެ މުވައްޒަފަކަށް ތަމްރީނު ދީފައިވެ އެވެ. އަދި ލެބްގެ ހިދުމަތް އިތުރަށް ފުރިހަމަކުރުމަށް ކެމްބޯޑިއާއިން މިކަމަށް ހާއްސަ ތަމްރީނު ޕްރޮގްރާމް ފުރިހަމަކުރުމަށް ދެ މީހަކު ބޭރަށް ފޮނުވުމުގެ އިންތިޒާމްތައް ވަނީ ހަމަޖެހިފަ އެވެ.