ޔާމީން: އެމަނިކުފާނުގެ އިސްތިއުނާފް ނިމެންދެން ގޭ ބަންދަށް ބަދަލު ކުރުމުގެ އަމުރަކަށް ވަނީ އެދިވަޑައިގެންފައި --- ފޮޓޯ/މިހާރު
10 އޯގަސްޓް 2023 - 17:30
7 comments
ކުރީގެ ރައީސް އަބްދުﷲ ޔާމީންގެ ސިއްހީ ހާލަތު ހުރިގޮތުން އެމަނިކުފާނު ގޭ ބަންދަށް ބަދަލު ކޮށްދޭން ހައި ކޯޓުގައި އެމަނިކުފާނު މިއަދު އެދިވަޑައިގެންފި އެވެ.
ވ. އާރަށް މައްސަލާގައި ރިޝްވަތާއި މަނީ ލޯންޑްރިންގެ ކުށް ސާބިތުވެ ޔާމީން 11 އަހަރަށް ޖަލަށްލައި ފަސް މިލިއަން ޑޮލަރުން ޖޫރިމަނާކުރަން ކްރިމިނަލް ކޯޓުން ކުރި ހުކުމުގެ އިސްތިއުނާފް ނިމެންދެން އެމަނިކުފާނުގެ ޖަލު ހުކުމާއި ޖޫރިމަނާގެ އަދަބު ފަސްކުރުމުގެ އަމުރަކަށް ހައި ކޯޓުގައި އޮތީ އެދިފަ އެވެ.
އެ މައްސަލާގައި މިއަދު ބޭއްވި އަޑުއެހުމުގައި ވާހަކަ ދައްކަވަމުން ޔާމީން ވިދާޅުވީ އެމަނިކުފާނަކީ ޒުވާން އުމުރުގެ ބޭފުޅެއް ނޫން ކަމަށާއި އަދި ޑޮކްޓަރުގެ ލަފާގެ މަތިން އެމަނިކުފާނު މޫދުގައި ކުރައްވަންޖެހޭ ކަސްރަތުތައް ކުރުމުގެ ފުރުސަތު ވެސް، ކ. މާފުށީ ބިން ހިއްކަމުންދާތީ ހުއްޓުމަކަށް އައިސްފައިވާ ކަމަށެވެ. އަދި ހޮސްޕިޓަލަށް ވަޑައިނުގަންނަވަނީ ވެސް އޭގެ ސަބަބުން އާއިލާއަށް އިތުރު ހިތްދަތިކަމެއް ކުރިމަތިވާތީ ކަމަށާއި އެހެންވެ، ގޭ ބަންދަށް ބަދަލުކޮށްދޭން އެދިވަޑައިގަންނަވާ ކަމަށް ޔާމީން ވިދާޅުވި އެވެ.
"އަޅުގަނޑު ވަރަށް އެދެން މިކަންކަމަށް ރިއާޔަތްކޮށް ދެއްވައި، އެއްވެސް ގޮތަކަށް ނިޒާމަކަށް ލިބޭ ގެއްލުމަކަށް ނުވެ މިދެންނެވި ސްޓޭ އޯޑަރާއި އަޅުގަނޑު ގެއަށް ބަދަލު ކުރުމުގެ އަމުރު ނެރެދެއްވުން. އެއީ ނިޒާމަށް ލިބޭ ގެއްލުމެއް ކަމަކަށް އަޅުގަނޑެއް ނުދެކެން." ޔާމީން ވިދާޅުވި އެވެ.
ޔާމީން ވިދާޅުވީ އެމަނިކުފާނު ގޭ ބަންދަށް ބަދަލު ކުރިޔަސް، ދައުލަތަށް ލިބޭނެ ގެއްލުމެއް ނެތް ކަމަށެވެ. އަދި އިސްތިއުނާފް މައްސަލަ ނިމޭ ގޮތަކުން ހުކުމް ތަންފީޒު ކުރަންޖެހޭ ނަމަ އެކަން ކުރުމުގެ ފުރުސަތު އޮންނާނެ ކަމަށް އެމަނިކުފާނު ވިދާޅުވި އެވެ.
ޔާމީންގެ ޖަލު ހުކުމާއި ޖޫރިމަނާގެ އަދަބު ފަސްކުރުމާ މެދު އަންނަ އާދިއްތަ ދުވަހު ހައި ކޯޓުން ގޮތެއް ނިންމާނެ އެވެ. އެ މައްސަލަ ހައި ކޯޓުން ބައްލަވަނީ ފަނޑިޔާރު މުހައްމަދު ސަލީމާއި ފަނޑިޔާރު ހަސަން ޝަފީއާއި ފަނޑިޔާރު ހުޒައިފާ މުހައްމަދެވެ. ބެންޗުގެ ރިޔާސަތަކީ ފަނޑިޔާރު ސަލީމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަބަބަބަ
10 August 2023
ފުއާދު ތައުފީގަށްވެސް އިންނާނެ ހުކުމް ތަންފީޒުކުރުން ފަސްކޮށްދީފަ. އަންނިއަށްވެސް އިންނާނެ ހުކުމް ފަސްކޮށްދީފަ. ޔާމީނަށްވެސް އެބަޖެހޭ ހުކުމް ފަސްކުރަން
އައްޔަ
10 August 2023
އަދީބުވެސް ގޭބަންދުގަ ހުރީ ޑޮކުޓަރު ލަފާދީފާވާތީކަމައް ބުނާއަޑުއިވޭ ތީނަވެސް އެކަހަލަ ލަފައެއް ހޯދަންވީނުން, އޭރުން ހުރެވޭނެ ގޭގަ,ބަލިހާލޭ ސިއްހަތޭ ބުންޏަސްގަބޫލު ކުރަން އުނދަގޫވާނެ އިހަކައްދުވަހުވެސް ސުޕްރީމްކޯޓުގަ ދޮގެއް ހެދިވާހަކަ ނޫސްތަކުގަ ލިޔެފަ އޮއްވަ ފެނުނު,
ފިކުރޭ.....
10 August 2023
މިއަދުގެ ޝަރިއަތުގައި ފާހަގަވީކަންތަކަށް ބަަލާއިރު ޑރ ޖަމީލު ޔާމީންސަލާމަތްކުރަން މަސައްކަތް ކުރާތަން ނުފެންނަކަން ފާހަގަވި، ޖަމީލު ފާހަގަކުރި ނުކުތާތަކަށް ދައުލަތުން ރައްދުދެއްވިއިރު މިކަން ފާހަގަވީލެއްބޮޑު. ޔާމީން ވެސް އެދެނީ ވަކީލުންގެ ހެޔޮފުޅުކަމުން ސަލާމަށްކޮށްދެއްވުމަށް ޕާޓީ ބޮޑުވީމަ ސަލާމަތްކޮށްދޭން ޖެހޭކަމަށް ގާނޫނުތަކުގައި ހުރިއެއްޗެއް އެހާބޮޑަށް ބައްލަވަން ބޭނުންނުވާހެން ހީވޭ...
ހާލަތު
10 August 2023
ބަލިވެ އުޅޭކަމަށްވާނަމަ އެކަމާ ހިތާމަ ކުރަން ހަމްދަރުދީވަން އަވަސް ސިފާއަކަށް އެދެން އެހެން ނަމަވެސް އިންތިހާބުގެ ކުރިން ގެއަށް ބަދަލުކޮށްފިނަމަ މިރާއްޖޭގަ ކޮންމެފަދަ ޖަރީމާއެއްވެސް ހިންގަފާނެ. ޔާމީނު އޮޕަރޭޓްކުރާކަމަށް ބެލެވޭ ކަންމަތީ ޒުވާނުން އެކްޓިވޭޓްކޮށް މުޅިގައުމަށް ސިހުން ގެނުވާފާނެ ކަމެއްވެސް ކުރުވަފާނެ. ވެރިކަމުގައިވަނީ އެތަކެއް ޖަރީމާއެއް ހިންގާފަ
ސިލެކްޓިވް ޖަސްޓިސް އަކީ ނޮޓް ޖަސްޓިސް
10 August 2023
ކުރުކޮށް ފޮނިކޮށް ބުނެލެވޭނީ ވަޓް ގޯސް އެރައުންޑް ކަމްސް އެރައުންޑް އޭ. ހަނދާނަށް އަންނަނީ ރައީސް މައުމޫން ތިމާއާ ޚިޔާލު ތަފާތިވީތީ ޖަލަށް ލާފައި "ތަޅުދަނޑި އެއްލާލި" ހާދިސާ މަތިން. އެއީ ކޮންފަދަ އަނިޔާވެރި ޢަމަލެއްތޯ؟
އުދުހޭ
10 August 2023
ޕީޕީއެމް ނުވަތަ ޕީއެންސީން ކޮންމެ މީހަކު ވެރިކަމަށް ކުރިމަތިލިޔަސް އެމީހަކު ހޮވިއްޖެއްޔާ ޔާމީނުއަތުން ޕާޓީ ގެއްލުނީ. ޔާމީނުވެސް މައުމޫނުއަތުން ޕާޓީ ހޯދީ އެގަށް. އެކަމަކު ހުތުރުކޮށް. ޕާޓީ ހިންގަންތިބި މީހުން މިހާރު އެތިބީ ސިޔާސީ މަގާމު ހޯދައިގެން ދިރިއުޅުން ކޮޅަށްޖަހަން ފެންބޮވައިގެންފަ.
ރަންނަ މާރި ދެޔޯ
10 August 2023
ތިޔައީ ގެއަށް ބަދަލުކުރާ ވަރަށްވުރެ މާ ނުބައި މީހެއް. ހެޔޮނުވާނެ ހުކުމް ތަންފީޒުކޮށް ނިމެންދެން ޖަލުގަ ބާއްވައިދީ.