ރާއްޖެއިން މި އަހަރު ހައްޖަށް ދިޔަ ބަޔަކު އެއާޕޯޓްގައި: އުމްރާއަށް މީހުން ގެންދިއުމުގެ އުސޫލުގައި ބުނާގޮތުން ކުންފުންޏަކަށް ހުއްދަ ދޭނީ ދެ އަހަރަށް.-- ފޮޓޯ: ފަޔާޒު މޫސާ | މިހާރު
15 އޯގަސްޓް 2023 - 15:39
21 comments
އުމްރާއަށް މީހުން ގެންދިއުމަށް ހުއްދަ ލިބިފައިނުވާ ކުންފުނިތަކުން އުމްރާއާށް މީހުން ގެންދާނަމަ ފިޔަވަޅު އަޅާނެކަމުގެ އިންޒާރު އިސްލާމިކް މިނިސްޓްރީން މިއަދު ދީފި އެވެ.
މިނިސްޓްރީން މިއަދު ނެރުނު ބަޔާނެއްގައި ބުނީ ރާއްޖެއިން އުމްރާއަށް ގެންދިއުމާ ގުޅޭގޮތުން ކަނޑައަޅާފައިވާ އުސޫލާ ހިލާފަށް މީހުން އުމްރާއަށް ގެންދާކަން ފާހަގަވެފައިވާ ކަމަށެވެ. އަދި އުސޫލާ ހިލާފަށް އުމްރާއަށް މީހުން ގެންދިއުމަކީ މަނާ ކަމެއް ކަމަށް ވެސް މިނިސްޓްރީން ބުންޏެވެ.
"ރާއްޖެއިން އުމްރާއަށް މީހުން ގެންދިއުމާބެހޭ އުސޫލާ ހިލާފަށް އަމަލުކުރާ ފަރާތްތަކުގެ މައްސަލަ ބަލައި އަޅަން ޖެހޭ ފިޔަވަޅުތައް މިނިސްޓްރީން އަޅަމުންދާނެ ކަމުގައި ދެންނެވީމެވެ،" އެ ބަޔާނުގައިވެ އެވެ.
އުމްރާއަށް މީހުން ގެންދިއުމުގެ އުސޫލުގައި ބުނާގޮތުން އުމްރާއަށް މީހުން ގެންދަން ކުންފުންޏަކަށް ހުއްދަ ދޭނީ ދެ އަހަރަށެވެ. އަދި ހުއްދަ ނެތި އެޑްވާންސްކޮށް ފައިސާ ނެގުމަކީ މަނާ ކަމެއް ކަމަށް އެ އުސޫލުގައި ވެ އެވެ.
ހުއްދަ ނެތް ކުންފުނިތަކަށް ފައިސާ ނުދެއްކުމަށް ވެސް މިނިސްޓްރީން ވަނީ އިލްތިމާސް ކޮށްފަ އެވެ. އަދި އެގޮތަށް އަމަލުކޮށްގެން ކުރިމަތިވާ ގެއްލުމެއްގެ ޒިންމާ ނަގަން ޖެހޭނީ އެ މީހަކު އަމިއްލައަށް ކަމަށް ވެސް މިނިސްޓްރީން ބުންޏެވެ.
މިނިސްޓްރީން އެގޮތަށް ބުނެފައި ވާއިރު، މިދިޔަ އޭޕްރީލް މަހު އުމްރާއަށް ދާން އުޅުނު ގްރޫޕަކަށް ނުފުރުނު މައްސަލައެއް ދިމާވި އެވެ. ނަމަވެސް ފަހުން އެ މައްސަލަ މިނިސްޓްރީން ވަނީ ހައްލު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބޫ
16 August 2023
ކުޑަ އަގުގަ ބިޑުކޮށްގެން ބޮޑު އަގުނަގައިގެން ހައްޖަށް ގެންދާއިރުވެސް އެއްވެސް ފިޔަވަޅެއްނޭޅޭ. ދެން ކޮންކަމެއް ކުރެވޭނީ؟!!
ނަށީދު
16 August 2023
ނޭޅޭނެ. ބަލަން ތިބޭ، ހަހަހަ
ގޮވާނެ
16 August 2023
ފިޔަވަޅު އަޅާދޭށޭ ގޮވާނީ ބަޔަކު އެތަނަށް ގެންގޮއްސަ އަނބުރާ ނާދެވޭ ގޮތް ހެދީމަ.
ހަސްތީ
16 August 2023
ބަޔަކު ނިކަމެތި ރައްޔިތަކަށް ހެޔޮ އަގެއްގައި މިކަން ކޮށްދޭތީ ކޮށި އެރީދޯ. ސަރުކާރުން ހުއްދަ ދީގެން އުމްރާއަށް ގެންދާ ގުރޫޕްތަކުން އެނަގާ އަގުގެ ދެބައިކުޅަ އެއްބަޔަށް ވުރެވެސް ކުޑަކޮށް އެކަން އެކޮށްދެނީ ހަމަ ލިއްލާހިއަށްޓަކާ، ގުރޫޕްތަކުން ތިހަދާހެން ތިޖޫރީ ފުރުވާކަށް ނޫން. މިނޫން ދުނިޔެއެއްވެސް އެބައޮތް.
އިހްސާސް
16 August 2023
ކަލޭމެނަށް ފޮނިއަނގަ ތެޅޭނި. ތިޔަ ބުނާގޮތަށް އަމަލުކުރާމީހުން ބޮޑުފައިދާ ނަގައިގެން އެތިބަ އުޅެނީ. ކީއްކުރެވުނީ.
ހެހެހޭ
16 August 2023
ހައްޖަށް ދާން މޭޒުމަތިން 75 ހާސް، ރެޖިސްޓްރީ ކުރުވަން މޭޒު ދަށުން 75 ހާސް ޖުމުލަ 150ކޭ ނަމުން އަންނަ ބަޔަކު ރުޅު އަންނާނެ. މިވެސް އިސްލާމް ޤައުމެކޯ، ވައްކަން ނޫން އެހެން ސިނާ އަތެއް އޮތް ތަނެއް ނޫން.
ކިހާދެރަކަމެއް
16 August 2023
60 ހާއި 70 ގެ ތެރޭގައި ފިލައިގެން ގޮސް ކިޔެވި މީހުންގެ މަތީން ހަނދާންވަނީ.
ދޮހޮއްތު
15 August 2023
އަޅުކަން ކުރަންވެސް ހުއްދަ
ތުނޑުހަސަނު
15 August 2023
ޢުމުރާއަށް ދާން ހުއްދަ ހޯދަން ނުޖެހޭ. އެކަމަކު މީހުން އަތުން ފައިސާ ނަގައިގެން ޢުމުރާއަށް މީހުން ގެންދިއުމުގެ މަސައްކަތްކުރާ ފަރާތްތަކުން އެމަސައްކަތް ކުރުމަށް ސަރުކާރުން ހުއްދަ ނަގަން ޖެހޭ ވާހަކަ މިނިސްޓްރީން އެބުނަނީ. އެބުނަނީ ޓޫރިސްޓް ވިސާގައި އަމިއްލައަށް ދާދިއުމަށް ހުއްދަ ނަގަންޖެހޭ ވާހަކައެއް ނޫން.
ބޯހަލާކޫ
15 August 2023
އުމުރާއަށް ދާން ތިޔަ މިނިސްޓްރީއިން ހުއްދަ ނަގަންޖެހޭ އެއްވެސް ސަބަބެއް ނެތް! މިހާރު ވިސާ ފްރީ! މިނިސްޓްރީއަށް ކޮންކަމެއްތަ! އުމުރާ ހުއްދައޭ ކިޔައިގެން ލާރިކާން އުޅެ ބައިގަނޑެއް މީ
ޓެރޭ
15 August 2023
ހިޔެއްނުވޭ ފިޔަވަޅު އެޅޭނެހެން... އެހެން ވިއްޔާ އެހެން ތަންތަނަށްދާ މީހުންނަށް ވެސް ފިޔަވަޅު އެޅެންވާނެތާ؟