ލަންކާގެ މާލީ ވަޒީރު ރަވީ ކަރުނަނަޔަކަ
01 ފެބުރުއަރީ 2017 - 15:14
2 comments
ކޮލަމްބޯ (ފެބްރުއަރީ 1) - ހަމްބަންޓޯޓާގައި ގާއިމްކުރާ އިންޑަސްޓްރިއަލް ޒޯން (އެޗްއައިއެޒް) އަށް ފަސް ބިލިއަން ޑޮލަރުގެ އިންވެސްޓްމަންޓް ލިބޭނެ ކަމަށް އުއްމީދު ކުރާ ކަމަށް ލަންކާ ސަރުކާރުން ބުނެފި އެވެ.
ހަމްބަންޓޯޓާ ޕޯޓް ސަރަހައްދުގައި ގާއިމްކުރާ އިންޑަސްޓްރިއަލް ޒޯނުގައި ކުރިއަށް އޮތް ފަސް އަހަރު ތެރޭ 10،000 ވަޒީފާ އުފެއްދޭނެ ކަމަށް ވެސް ބުނެފައިވެ އެވެ. އިންޑަސްޓްރިއަލް ޒޯނުގައި އިންވެސްޓްކުރަން ޝައުގުވެރި ވަނީ ހަމައެކަނި ޗައިނާ ނޫން ކަމަށާއި ޖަޕާން، ދެކުނު ކޮރެއާ، އިންޑިއާ، މެލޭޝިއާ އަދި ޔޫރަޕުގެ ގައުމުތަކުން ވެސް އިންވެސްޓް ކުރަން ޝައުގުވެރިވާ ކަމަށް މާލީ ވަޒީރު ރަވީ ކަރުނަނަޔަކަ ވަނީ ވިދާޅުވެފަ އެވެ.
"އަޅުގަނޑުމެން މަސައްކަތް ކުރަމުން މިދަނީ ލަންކާ އަކީ އިންވެސްޓްމަންޓް ޕްލެޓްފޯމަކަށް ހަދަން،" ކަރުނަނަޔަކަ ވިދާޅުވި އެވެ.
ހަމްބަންޓޯޓާ ބަނދަރު ޗައިނާގެ ކުންފުންޏަކަށް ދިނުމަށް މިދިޔަ މަހު 8 ވަނަ ދުވަހު ވަނީ މަލްޓި-ބިލިއަން ޑޮލަރުގެ އެއްބަސްވުމެއްގައި ސޮއިކޮށްފަ އެވެ.
ކަރުނަނަޔަކަ ވިދާޅުވީ ލަންކާ އަށް ބޭރުގެ އިންވެސްޓްމަންޓް ހޯދުމަށް އެންމެ ބޮޑަށް ދަތިވެފައި ވަނީ ކުރީ ސަރުކާރުން ހިންގާފައިވާ ކޮރަޕްޝަނުގެ ސަބަބުން ކަމަށެވެ. އަދި ގިނަ ޕްރޮޖެކްޓްތައް ޗައިނާގެ ކުންފުނިތަކަށް ދީގެން ކުރީ ސަރުކާރުގެ އޮފިޝަލުން ނާޖާއިޒް ފައިދާ ނަގާފައިވާ ކަމަށް ވެސް މާލީ ވަޒީރު ވަނީ ތުހުމަތު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
01 February 2017
އެހެންވީމާ ޔާމީނު އުޅުއްވަނީ މާކުރީގެނޫންތޯ؟ ޕީޕީއެމްގެ ސަރުކާރުގައި ވައުދުވީ 94 ހާސް ވަޒީފާ، އެމީހުން މިހާރު 3 އަހަރުން 94 ހާސް ވަޒީފާ އުފައްދައިފި، އަދި އެސްއީޒެޑްގެ ދަށުން އެތަކެއް ބިލިއަން ޑޮލަރުގެ އިންވެސްޓްމަންޓްތަކެއް ރާއްޖެއަށް އަތުވެއްޖެ، މިހާރު ދިވެހިންތިބީ މިސަރަހައްދުގެ ހުރިހައި ގައުމުތަކާއަޅާ ނުކިޔޭވަރަށް ދިރިއުޅުމުގެ ފެންވަރު މަތިވެފައި، އެެހެންކަމުން ލަންކާއިން ކުރިއަށް އޮތް 5 އަހަރުގައި އެންމެ 10 ހާސް ވަޒީފާގެ ވާހަކަ ދައްކަނީ، އަޅުގަނޑު ލަންކާގެ ފިނޭންސް މިނިސްޓަރު ރަވީއަށް ދަންނަވާލަން ބޭނުންވަނީ ރައީސް ޔާމީނުގެ އަރިއަހުން ދަސްކުރުމަށް އެއިރުން ހަމަ ގައިމުވެސް 3 އަހަރުތެރޭގައި 94 ހާސް ވަޒީފާ އުފައްދާގޮތް ޔާމީނު ވިދާޅުވެދެއްވާނެ
ޖަސްޓްގޮނާ
01 February 2017
ލަންކާ ގައި މިހާރު އޮތް ސަރުކާރުން ހަދަނީ ރޯ ބުހުތާނު ދޮގެވެ. އެއީ ރަންރީނދުލޭ މެން ގޮތަށް ކަމެއް ނުވެ ނަން ވާން އުޅޭ އެއްޗިއްސެވެ. މަމެންގެ ރާޖަ ޕަކްސާ މާ ބޮޑަށް ރަނގަޅެވެ. މާ ބޮޑަށް ރަނގަޅެވެ. ތަމެން ފަޑުއްކަ އިންޑިއާ އާއި ގުޅިގެން ރާޖާ ޕަކްސާގެ ވެރިކަން ޓޮޕުލް ކޮށްފައި އަދި ނުތިބެވޭނެ އީޒީ ކަމް އެން އީޒީ ގޯ އުސޫލުން. ނިމިދިޔަ މަޖްލީސް އިންތިޚާބުގައި މަމެން ބުނި ގޮތަށް އެއިރު ވެސް ރާޖާ ޕަކްސާގެ ދަރިފުޅު ހެދިނަމަ ލަންކާ ގެ މިއަދު ލަންކާގެ ބޮޑު ވަޒީރަކީ އެއީ ރާޖާ ޕަކްސާ އެވެ. ތަމެން ދެން އަންނަ އިންތިޚާބު ގައި ބަލިކޮށްލާނަން ތަމެން ބަލަން ތިބޭތި ވަރަށް ރީއްޗަށް. ޖަސްޓް ގޮނާ ސްޓޭންޑް ދެއަރ އެން ސީ ދަވޭ ޔޫ ބިހޭވް. ދެޓްސް އޯލް ރައިޓް ބިކޮޒް އައި ލަވް ދަ ވޭ ޔޫ ބިހޭވް. ލަވް ދަވޭ ޔޫ ބިހޭވް.