ޑޮލަރުތަކެއް މީހަކު ކައުންޓަރުން ނަގަނީ. ޑޮލަރުގެ އަގު ކަޅު ބާޒާރުގައި ވަނީ 18ރ. އަށް ވުރެ މައްޗަށް އަރާފައި-- ފޮޓޯ: މިހާރު
22 އޯގަސްޓް 2023 - 10:02
53 comments
ރާއްޖޭގެ ކަޅުބާޒާރުގައި ޑޮލަރުގެ އަގު، އަނެއްކާ ވެސް އުފުލި، 18ރ. އަށް ވުރެ ވެސް މައްޗަށް އަރައިފި އެވެ.
ކަޅު ބާޒާރުގައި މި ވަގުތު ޑޮލަރެއްގެ ރޭޓު އުޅެނީ 18.10ރ އާއި 18.30ރ. އާ ދެމެދުގަ އެވެ. ޑޮލަރުގެ ވިޔަފާރި ކުރާ މީހަކު ބުނީ، ޑޮލަރުގެ އަގު 18ރ. އަށް ވުރެ މައްޗަށް އެރީ މީގެ ހަފްތާއެއް ކުރިން ކަމަށެވެ. ޑޮލަރުގެ އަގު އެހާ ބޮޑަށް އުފުލުނީ، ނަގުދު ފައިސާ ނުވަތަ ކޭޝްގެ ގޮތުގައި ޑޮލަރު ލިބޭ ވަރު ވަރަށް ބޮޑަށް މަދުވުމުން ކަމަށް އޭނާ ބުންޏެވެ.
އާންމުކޮށް ޑޮލަރު ވިއްކާ ތަންތަނުން ޑޮލަރުގެ އަގު 18ރ. އިން މަތީގައި ހުރި ނަމަވެސް، ބޮޑެތި އަދަދުތަކުން ޑޮލަރު ގަންނަ ފަރާތްތަކަށް 17.90ރ. އާއި 17.95ރ. އާ ދެމެދުގެ އަގުތަކެއްގައި ޑޮލަރު ލިބޭ ކަމަށް ބައެއް ވިޔަފާރިވެރިން ބުންޏެވެ.
"މިހާރު ޑޮލަރު އޭޖެންޓުންނަށް ވެސް ލިބެނީ މާ ބޮޑު ރޭޓެއްގައި. މިހެން ވާން ފެށީ، ޓޫރިސްޓުން ކާޑުން ޕޭމެންޓް ހެދުން އިތުރުވުމުން ކަމަށް މި ބެލެވެނީ،" އޭނާ ބުންޏެވެ.
އޭނާ ބުނީ، އެ ވިޔަފާރީގައި އުޅޭ ބިދޭސީންނަށް ވެސް ޑޮލަރު ލިބެނީ 18 ރުފިޔާ އިން މަތިން ކަމަށެވެ.
ޑޮލަރުގެ އަގު ހަފްތާއެއް ތެރޭ ދަށް ނުވެއްޖެ ނަމަ، ދެން އަނެއްކާ ވެސް ޑޮލަރުގެ އަގު 18ރ. ގައި ހަރުލުމުގެ ފުރުސަތު އެބަ އޮތް ކަމަށް އޭނާ ބުންޏެވެ.
ދެ މީހަކު މަގުމަތީ ހުރެގެން ޑޮލަރުގެ ވިޔަފާރި ކުރަނީ. ޑޮލަރު ރޭޓު މައްޗަށް ދާން ފެށީ މީގެ ހަފްތާއެއް ކުރިން-- ފޮޓޯ: މިހާރު
މިދިޔަ ބޮޑު ޗުއްޓީއާ ހައްޖު ދުވަސްވަރާ ދިމާކޮށް ޑޮލަރުގެ އަގު 18ރ. އަށް ވުރެ މައްޗަށް އެރި އެވެ. އެހެން ނަމަވެސް ދެ ހަފްތާ ވަރު ފަހުން ޑޮލަރުގެ އަގު 17.50ރ. އަށް ވެއްޓުނެވެ.
ޑޮލަރުގެ އަގު މަތިވި އިރު، ރާއްޖެ އަށް ޓޫރިސްޓުން އަންނަ ވަރު އަނެއްކާ ވެސް ވަނީ އިތުރުވާން ފަށައިފަ އެވެ. މިމަހު އެވްރެޖުކޮށް ދުވާލަކު 5،600 ޓޫރިސްޓުން އާދެ އެވެ. މިއީ މިދިޔަ އަހަރަށް ވުރެ 17 ޕަސެންޓުގެ އިތުރުވުމެކެވެ. އެހެން ނަމަވެސް، އިގްތިސާދުގައި ޑޮލަރު ދައުރުވާ ވަރު ވަރަށް ބޮޑަށް މަދު ކަމަށް އެ ވިޔަފާރީގައި އުޅޭ ފަރާތްތަކުން ބުންޏެވެ.
ކޮވިޑާ ގުޅިގެން 2020 ވަނަ އަހަރު ޑޮލަރުގެ އަގު 20ރ. އަށް ވެސް އެރި އެވެ. ކަޅު ބާޒާރުގައި ޑޮލަރުގެ އަގު 2021 ވަނަ އަހަރުން ފެށިގެން ހުރީ 17:30ރ. އާއި 17:45ރ. އާ ދެމެދުގައި ހުރީ ހިފެހެއްޓެވި އެވެ. އެއަށް ފަހު މިއަހަރު އަނެއްކާ ވެސް ޑޮލަރުގެ އަގަށް ދޭތެރެއަކުން ބޮޑު ބަދަލެއް އާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮލަރަށް ޑޮލަރުބޭނުމީ
24 August 2023
ކަންމަތި ފިހާރަތަކަށް ދީފަހުންނަ ޕޮސް މެމެސިނުން ކަނޑާ ޑޮލަރުކޮޅުވެސް 15.42ގެ ރޭޓުން ބޭންކަށް ދަމައިގަނެފަ ދެނީ ދިވެހި ރުފިޔާ ، ބީއެމްއެލުން ބުނީ ދޮލަރު ލިބޭނީ ހަމައެކަނި ގެސްޓު ހައުސް ތަކަށޯ،، ދެން ދުވަހަކުވެސް ތިމެޝިނުން ފިޔަފާރި ނުކުރާނަން،،
ށަވިސަ
24 August 2023
ދެން ޑޮލަރު 35 އައް ހަދާފަ ، ޖަނުވަރީމަސް ސަވިސް ޗާ އެރޭޓުން ހަދާފަ ނޫސްތަކުގަ ޖަހަ
ކާކު ހައްލު ކުރާނ
23 August 2023
ރިޒޯޓް ތަކުގެ ވިޔަފާރި ކޭޝްކޮޅިބުން ދަތިވީމާ މިހެންވާނެ. ރިސޯރތް ތަކުގައަ މަސައްކަތް ކުރާ އާދައިގެ މުވައްޒަފަކަށް ލިބޭ ޓިޕްސް ވެސް ނުލިބޭތަން ދެން އަންނާނީ. ތިކަން ހައްލު ކުރެވޭނީ ޤާނުނަށް އިސްލާޙް ގެނެސްގެން ޓުއަރިޒަމް ދާއިރާއިން ދައުލަތަށް ދައްކަން ޖެހޭ ހުރިހާ ފައިސާއެއް ދައްކަން ޖެހޭނީ ޑޮލަރަށް ކަމަށް ކަނޑައަޅައިގެން. މިހާރުވެސް އެދާއިރާގެ ވިޔަފާރި ތައް ކިރިޔަށް ހުންނަނި އެޖެންޓުން ނަގާފައި. ޤައުމަކަށް ނުވަދޭ.
ފިނރުޓޭ
23 August 2023
މީ އިންތިޚާބާ ދިމާ ކޮށް ބަޔަކު ގަނެގެން އުޅޭ ގަނޑެއް! ކީކޭ ދެން ފަހެ އަޅެ ބުނާނީ ވިއްޔާ!
ސީޒަން ޖެކުހަން
22 August 2023
ބޮލުގެނިސްބަތުން މިގައުމަށްވުރެ ގިނައިން ޑޮލަރުވަންނަ އެހެން ގައުމެއް މުޅިދުނިޔޭގާވެސް އޮންނާނެބާ؟ އެވެރިން މިގައުމަށް ކިޔަނީވެސް ދުނިޔެމަތީގެ ސުވަރުގެ.
ބޮޑުމީހާ
22 August 2023
ޑޮލަރު ބޮޑުވިޔަސް. މަސްތުވާތަކެތި ގިނަވިޔަސް، ޓެކްސް ބޮޑުވިޔަސް، ފްލެޓް ނުލިބުނަސް. ކޮރަޕްޝަން މެކުހަށްޖެހިޔަސް، ސިޔާސީ މަގާމު ދެގުނަވިޔަސް ރައްޔިތުން ނުކުމެ އެހެރަ ބަދަރުމަތިތައް ފުރާލާއިރު މިކަހަލަ އިޖްތިމާއީ އިގްތިސާދީ މައްސަލަތަކެއް އުޅޭހެން ހީވެސް ނުވޭ. ގައުމު އިސްލާހުވާނީ މީހުން އިސްލާހުވެގެން
ރެޓޭ
22 August 2023
ދެން ކަޅުސައި ތައްޓެއް ލިބޭނީ 50 ރުފިޔާ އަށް! މުޅި ރާއްޖެ ފުނޑިއްޖެ!
ވާވާ
22 August 2023
ކޮންމެ ކެންޕޭންއެއްގަ މިހެންވޭ! ބޮޑު 2 ޕާޓީން 500 މިލިޔަން ރުފިޔާ (ޖުމްލަ 1 ބިލިޔަން ރުފިޔާ) އާއި އަދި ޖޭޕީ އާއި އެހެނިހެން ޕާޓީތަކުން 500 މިލިޔަން ރުފިޔާ ބަޖެޓްކޮށް ހަރަދު ކުރަމުން ދަނީ! މާނައަކީ ޖުމްލަ 1،5 ބިލިއަން ރުފިޔާ މިހާރު މާކެޓަށް އެބަ ނުކުމޭ! ދެން ޑޮލަރަށް ވާނެ ގޮތް ވިސްނާލާ!
ހައްގު ތެދު
22 August 2023
ލީރި ބަހާ ވަޒީފާ ބެހީމަ ވާނެ ހައެތި މިވަނީ
ފެންސު
22 August 2023
ކީއްކުރާނީ! ރައްޔިތުންވެސް ބަލަނީ އެމީހެއްގެ ޖީބައް ބޮޑުއެއްޗެއް ލައިދޭމީހާއަށް ވޯޓުދޭން. ގައުމާމެދަކު ނުވިސްނާ. ފުލެޓެއް ދިނީތީ ބިމެއް ދިނީތީ މި ވިއްކާލަނީ ވޯޓު. ނުވިސްނޭ އެއީ ދަރިންގެ ދަރިންގެ މުސްތަގުބަލުކަމެއް. ގައުމިއްޔަތެއް ނެތްތަނެއްގައި މިނިވަންކަމެއް ނޯންނާނެ. އެއީ ދުނިޔޭގެ ތާރީޚު ހެކިދޭކަމެއް.