ރައީސް އިބްރާހިމް މުހައްމަދު ސޯލިހު ރިޔާސީ އިންތިހާބުގެ ކެމްޕެއިނަށް ބ. ދަރަވަންދުއަށް ވަޑައިގެން، މި ރަށުގައި މިރޭ ބޭއްވި ޖަލްސާގައި، ރައީސް އަދި ކޯލިޝަންގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: އެމްޑީޕީ
23 އޯގަސްޓް 2023 - 07:39
8 comments
ބ. އަތޮޅުގެ އިގުތިސޯދީ ގޮތުން އެންމެ ވަރުގަދަ އެއް ރަށް، ބ. ދަރަވަންދޫގެ އެއާޕޯޓު ބޮޑުކޮށް، މި ރަށުގެ ތަރައްގީ އަށް ގިނަ މަސައްކަތް ކޮށްދިނުމަށް ރައީސް އިބްރާހިމް މުހައްމަދު ސޯލިހު ރޭ ވައުދުވެވަޑައިގެންފި އެވެ.
ރިޔާސީ އިންތިހާބުގެ ކެމްޕެއިނަށް، ބ. އަތޮޅުގެ 12 ވަނަ ރަށަށް ވަޑައިގެން، ދަރަވަންދޫގައި ބޭއްވި ޖަލްސާގައި ރައީސް ވިދާޅުވީ މި ރަށުގައި ހިންގަނީ އެންމެ ފައިދާވާ އެއް އެއާޕޯޓު ކަމަށެވެ. އެއާއެކު، މި ރަށުގައި އިތުރު ހިދުމަތްތައް ތައާރަފްކުރަން ޖެހޭ ކަމަށް އެ މަނިކުފާނު ވިދާޅުވި އެވެ.
އޭގެ ތެރޭގައި ސިއްހީ ހިދުމަތް މިހާރަށް ވުރެ ރަނގަޅުކުރުމަށް ހެލްތު ސެންޓަރަށް ބަދަލުތައް ގެނައުމާއި ބޯހިޔާވަހިކަމަށް ހައްލެއް ގެނައުމަށް ރޯހައުސް ނުވަތަ ފްލެޓު އަޅައިދޭނެ ކަމަށް ވިދާޅުވި އެވެ.
ސްކޫލަށް އިތުރަށް ބޭނުންވާ ކްލާސްރޫމް ވެސް، ދެ ވަނަ ދައުރަކަށް އިންތިހާބުވެވަޑައިގެންފި ނަމަ ހަދައިދެއްވާނެ ކަމަށް ރައީސް ވިދާޅުވި އެވެ.
"މި ރަށުގެ ބޮޑެތި ހުރިހާ މަގުތަކެއް ޒަމާނީ ފެންވަރަށް ހަދައި، ތާރު އަޅައި ތަރައްގީކޮށްދޭނަން. އަދި ރައްޔިތުން ދަތުރު ދިއުމަށްޓަކައި ރަށާ ކައިރިން ފަޅު ރަށެއް އިރާދަކުރެއްވިއްޔާ ހަމަޖައްސައިދޭނަން." ރައީސް ވިދާޅުވި އެވެ.
ރަށް ހިމާޔަތްކުރުމަށް، ދެ ވަނަ ފިޔަވަހީގެ ގޮތުގައި ފަށައި، އޮފީސްތައް ހިންގުމަށް އޮފީސް ކޮމްޕްލެކްސްއެއް ހަދައިދޭނެ ކަމަށް ވެސް ރައީސް ވިދާޅުވި އެވެ. އަދި އެއާޕޯޓު ބޮޑުކޮށް، އިތުރަށް ތަރައްގީކޮށްދިނުމަށް އެ މަނިކުފާނު ވަނީ ވައުދުވެވަޑައިގެންފަ އެވެ.
ބަޔޮސްފިއާ ރިޒާވްގެ ގޮތުގައި އޮތް ހަނިފަރުބޭގެ އައުޓްޕޯސްޓެއް މި ރަށުގައި ގާއިމްކޮށްދޭނެ ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
23 August 2023
ސަރުކާރަށް ބަރޯސާ ނުވެ އެއަރޕޯޓް ހުންނަ ރަށްތަކުން ރަށައް އަންނަ ކޮންމެ ގެސްޓް އެއް ގެ އަތުން 5 ޑޮލަރު ނަގަން ވީ އެވެ. އެއަރޕޯޓް އިން ރިސޯޓް އަށް ނޫނީ އެހެން ރަށަކަށް ދެވެން ވީ ރަށް ބޮލަކަށް ވަކި ވަރެއް ދައްކާފަ އެވެ. އެއަރޕޯޓް އެއް އޮންނަ އިރު ރަށައް އެއްވެސް ފައިސާ އެއް ނުލިބެ އެވެ.
ޢަލީ ކުރުސީ
23 August 2023
ބައެއް އެއަރޕޯޓްތަކުގެ ރަންވޭ ދެބުރިއަށް ނަގަން ވަޢުދުވުންވެސް މި ދުވަސްކޮޅު ރަގަޅުވާނެ!
ޙަހަ
23 August 2023
ހިބަޅީދޫ ދޭށޭ..ކާއްޓެއް ވެސް މި ގެންނަނީ އިންޑިޔާއިން މިހާރް ޙުރިހާ ފަޅުރަށެއް ބަހާ ހުސްކޮއްލީމަ
އައްކަބޮޑޭ
23 August 2023
ދަރަވަންދޫ މީހުން ދަތުރުދާން ދަރަވަންދުއާ ޖެހިގެން ދެކުނަށް އޮތްރަށް ދެއްވައިފިނަމަ ހާދަ ރަގަޅޭ. އެންމެރަގަޅީ އެރަށް މާޅޮސް، ދަރަވަންދޫ، ދޮންފަން، މީހުން ދަތުރުދާން ދެއްވިއްޔަ. އޭރުން އަަޅުގަޑުމެން 3 ރަށުގެ ރައްޔިތުން ވަރަށް އުފާވާނެ.
މަހާ ރެހެންދި ސާޖި މެޑަމް
23 August 2023
އެއަރޕޯޓް ފާހާނާތޯ ބޮޑު ކުރައްވަނީ؟ ސާބަހޭ މަނިކުފާނު އަޅުގަނޑުމެން ހޮވާނަން
އެހެންތޭ
23 August 2023
ދަރަވަންދޫ ރައްޔިތުން ބޭނުންވަނީ ފަރުދީ ތަރައްގީ ފަރުދީ ތަނަވަސް ކަމުން ދަރަވަންދޫ އަކީ ރާއްޖެތެރޭ ރަށަކަށްވާއިރު އެެމެން ހޮޓަލުން ބިލެތް އަރިއެއް ވިއްކަނީ 25 ރުފިޔާ މިހާ އަގުބޮޑީ ކިއެއްވެތޭ އަހާލުމުން އެމެން ބުނަނީ ޓެކްސް ބޮޑު ކޮށް ސާރވިސް ޗާރޖް ހިމަނާ ބޮޑެތިވި މުސާރަ ތަކާއި ބޮޑު ކަރަންޓް ބިލާއި ފެންބިލާއި ޕޮސް ސިސްޓަމް ކުޑަކުޑަ ކަޑަގަނޑެއްގައި ވެސް ބަހައްޓަން ސަރުކާރުން މަޖްބޫރު ކުރުމުން އެހުރިހާ ޚަރަދުލާ ފައިދާ %3 އިންނަނީ އެވަރަށް ވިއްކީމައޭ
މުކޭ..
23 August 2023
ބޮޑުކުރެވޭނި ކިހިނެއް ކަނޑުވެސް އޮތީ ވިއްކާލާފަ
ރަދީފު ބިން ރަފައިދާ
23 August 2023
މިހާރު ދެކޮމަންޑޫ ގުޅާނިމުނީތޯ؟