ޕީޖީ ޝަމީމް: އެ އޮފީހުގެ މުވައްޒަފުން ހަތަރު ދުވަހު އޮފީހަށް ނިކުންނަ ގޮތަށް ހަމަޖެއްސުމުން މަސައްކަތުގެ ސްޕީޑް އަވަސްވެފައިވާ ކަމަށް އެ އޮފީހުން ބުނޭ --- ފޮޓޯ/މިހާރު
23 އޯގަސްޓް 2023 - 17:01
15 comments
ޕްރޮސެކިއުޓާ ޖެނެރަލްގެ އޮފީހުގެ މުވައްޒަފުން ހަފުތާއަކު ހަތަރު ދުވަހު އޮފީހަށް ނުކުންނަ ގޮތަށް ހަމަޖެއްސުމުން ހީކުރި ވަރަށް ވުރެ ނަތީޖާ ރަނގަޅު ކަމަށް އެ އޮފީހުން ބުނެފި އެވެ.
ޕީޖީ އޮފީހުން ވަނީ ކޮންމެ އަހަރެއްގެ ދެ ހަފުތާއެއްގައި ހަތަރު ދުވަހު މުވައްޒަފުން އޮފީހަށް ނުކުންނަ ގޮތަށް ހަމަޖައްސައިފަ އެވެ. އޭގެ ފުރަތަމަ ބުރު މިދިޔަ މާޗް މަހާއި އޭޕްރީލް މަހު އެ އޮފީހުން ކުރިއަށް ގެންދިޔަ އެވެ.
ޕީޖީ އޮފީހުން މިއަދު ބުނީ ހަތަރު ދުވަހު މަސައްކަތްކުރި ހަފުތާތަކުގައި ހީކުރި ވަރަށް ވުރެ ނަތީޖާ ރަނގަޅު ކަމަށެވެ. އެގޮތުން ގަޑި ޖެހުނު މުވައްޒަފުންނާއި ސަލާމް ބުނި މުވައްޒަފުންގެ އަދަދު މަދުވުމުގެ އިތުރަށް ރަސްމީ މަސައްކަތުގެ ސްޕީޑް އިތުރަށް ހަލުވި ކަމަށް އެ އޮފީހުން ބުންޏެވެ.
އެ ހަފުތާތަކުގައި ކޯޓަށް ހުށަހެޅި މައްސަލަތަކުގެ އަދަދު އިތުރުވެފައިވާ ކަމަށާއި އަދި ޑިއުޓީ ޕްރޮސެކިއުޝަންގައި މަޝްވަރާކުރި މައްސަލަތައް ވެސް އިތުރުވެފައިވާ ކަމަށް ޕީޖީ އޮފީހުން ބުންޏެވެ.
ޕީޖީ އޮފީހުން ހަމަޖައްސާފައިވަނީ ހަތަރު ދުވަހު މަސައްކަތްކުރާ ހަފުތާތަކުގައި އެއް ދުވަހު މުވައްޒަފުން ގޭގައި ތިބެގެން މަސައްކަތްކުރާ ގޮތަށެވެ. ނަމަވެސް މުހިންމު ކަންކަމުގައި ނުކުންނަންޖެހޭ މުވައްޒަފުން އޮފީހަށް ހާޒިރުވާން ޖެހޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންނެތުން
24 August 2023
ކަންނެތްކަމާއި ގޮތެއްފޮތެއް ނެތުމަކީ މޮޅުކަމެއް ކަމުގައިވާނަމަ އެއީ ތިޔަ ބުނާ ގޮތް. އެގޮތް މިހާރު މުޅި ގައުމުން ވަށަވަށައިގެން މިފެންނަނީ. ޖަޕާނު މީހުން 18 ގަޑިއިރު މަސައްކަތްކުރަނީ އެ ގައުމުގައި ފައިސާއާއި ވަސީލަތްތައް މަދުވެގެނެއް ނޫން. ގައުމެއް ގައުމަކަށް ވަނީ ގައުމެއްގެ ރައްޔިތުންގެ މަސައްކަތުން. މަސައްކަތްކުރުން ހުއްޓިއްޖެ ގައުމެއް ދާނީ ފަހަތަށް. ދަށަށް.
އިދޫ
24 August 2023
ޑިއުޓީ ޕްރޮސެކިއުޝަންގައި މަޝްވަރާތައް ގިނަ ވަނީ ނަމެއްގައޭ. ކަމެއް ނިންމެނީކީ ނޫން، ތަހުގީގު ނުނިންމާ ޑިއުޓީގަ ތާށިވެފަ ހުރި މައްސަލަތަކުގެ އަދަދުތައް އަޅާ ކިޔާލަބަލަ. އޭރުން އެނގޭނެ ]ޕީޖީ އޮފީހަށް ނަތީޖާ ނެރެވޭ މިންވަރު
އޮނަރަބްލް އަފީފު ދީދީ
24 August 2023
ދިވެހި ސިވިލްސާވިސް އަކީ ވަރަށް "ވަކަތޮޅި" އުފެއްދުންތެރިކަމެއް މަސައްކަތުގެރޫހެއްނެތި އޮފީސް ގަނޑީގައި "މަޖާކުރުމާއި، ކޮފީއާއި ސްކޫލަށް ދަރި ވައްޓާލުމުގައި" އުޅޭބައެއް ތިބޭތަނެއް. # ތިރަށުގައިހުންނަ މަދުއޮފީހެއްމެނުވީ ގިނަތަންތަނުގެއާދަކާދައާއި ވައްޓަފާޅިއާއި ވެށި އޮތީ މިދެންނެވިގޮތަށް. ތިޔަ އޮފީސް ތަކަށް ދާއިރަށް ޕޯޓަލްއިން ނުވަތަ އޮންލައިންކޮށް ކަންކަންކުރާންބުނާއިރު ސުވާލަކީ ހުރިހާ އޮފީސް މުޤައްދަސްރަށުގައި ހުރުމުގެބޭނުމަކީ ކޮބާހޭ.!؟
ސިވިލް އަޅު
23 August 2023
1920 ގެ ގޮތްތައް ގެންގުޅޭ ސިވިލް ސާވިސްއަކުން ތިޔާ ކަހަލަ ޒަމާނީ ޕްރޮގުރެސިވް ބަދަލެއް ނުގެންނާނެ. ސިވިލް ސާވިސްއަކުން ރައްޔިތުން ތެރޭގައި ތިބި ތައުލީމީ މީހުން އަޅު ހައްދައިގެން އޮބަ ހައްޓައިގެން ގެންގުޅޭ ތަނެއް. އެހެންވީމަ ބުރޭކަށް ގޮސް 5 މިނެޓް ލަސްވިއަސް އުލުބައިންދާ އުސޫލު ހިންގަނީ. އެތަނުގައި ތިބި 5 މެންބަރުން ރަނގަޅުވާނެ ޒިންބާބުވޭ ކަހަލަ ގައުމެއްގެ ސިވިލް ސާވިސް އާ ހަވާލުވާން. އެހާވެސް ނާތަހުޒީބު ކަޓުމުއްލާ ވިސްނުން އެމީހުންގެ ހުރީ
މެންގްރޫވް
23 August 2023
ނަތީޖާ ރަނގަޅުތޯ ގޯސްތޯ ނިންމަން ބާކީ 17 ދުވަސް އޮތީ!
ފުކެއް ބޮޑުވަރު
23 August 2023
އެއްދުވަހުވެސް ނުނިކުމެ ބޮޑު މުސާރަ ލިބެންޏާ އަދި މާރަނގަޅުވާނެ.
ކެކެކެެކެކެކެކެެކެކެކެ
23 August 2023
ޕިުރަޑަކްޓިވިޓީ އިތުރިއްޔާ ރަނގަޅު! އެކަމަކު އެކަހަލަކަމަކައް 2-3 އަހަރުގެ ޑޭޓާ ބޭނުންވާނެ އެއްނު ފީސިބަލް ތޯ ބަލަން! ބަޓް ގުޑްލަކް އޮން ގުޑް ޕުރަޑިކްޓިވިޓީ!
މަޖީދު
23 August 2023
މީނަ ޕީޖީ އޮފީހާ ހަވާލުވިފަހުން ކަންތައްތައް ދަނީގޯހުން ގޯހަށް. ޢިސްލާމީި ގައުމެއްގަ މިކަހަލަ މީހަކު ލާން ހެޔޮނުވާނެ. މިމަގާމަށް ގާބިލު އެތަށް ބަޔަކު އެމްޑީޕީގަވެސް ތިއްބާ މިކަހަލަ މީހަކާ ހަވާލުކިުރަން ހެޔޮވާނީ ކިހިނެއް.
ކިމް
23 August 2023
ގޭގަ ތިބެފަ ކޯޓަށް އެކަނި ދާން މަށަށް ފެނޭ. ނޫން ކޯޓަށްވެސް ދާނެކަމެއް ނެތް އޮންލައިން ބާއްވާލަ ޝަރީއަތް
ކޮސްކޮސް
23 August 2023
މިވެސް ބޮޑު ކުޅިވަރެއްތަ؟ ދެ ދުވަހު މަސައްކަތްކޮށަފަ ފަސްދުވަސް ޗުއްޓީނަގާ.