ޝާހްރުކް ހާން "ޖަވާން" ފިލްމުގައި.
08 ސެޕްޓެމްބަރ 2023 - 05:54
ބޮލީވުޑްގެ ސުޕަސްޓާރު ޝާހްރުކް ހާންގެ އާ ފިލްމު "ޖަވާން" ސިނަމާތަކުގައި ދައްކަން ފެށިތާ މާ ގިނައިރުތަކެއް ނުވެ އޮންލައިންކޮށް ފިލްމު އިއްޔެ ލީކުކޮށްލައިފި އެވެ.
އެ ފިލްމު ސިނަމާތަކުގައި ދައްކަން ފެށީ އިއްޔެ އެވެ. ރާއްޖޭގައި މި ފިލްމު ޕްރިމިއާކުރަނީ މިއަދެވެ.
ރިޕޯޓްތައް ބުނި ގޮތުގައި، އެ ފިލްމުގެ ސާފު ކޮޕީއެއް މިހާރު ޓެލެގްރާމް ޗެނަލްތަކާއި ޓޮރެންޓް ވެބްސައިޓުން ޑައުންލޯޑް ކުރަން ލިބެ އެވެ.
ފިލްމު ލީކުކޮށްލުމާ ގުޅިގެން ބޮކްސް އޮފީހުގައި ފިލްމަށް ލިބޭނެ އާމްދަނީއަށް އަސަރުކުރާނެތީ ޝާހުގެ ފޭނުން ދަނީ ސޯޝަލް މީޑިއާގައި އެކަމުގެ ކަންބޮޑުވުން ފާޅުކުރަމުންނެވެ.
ޝާހުގެ "ޖަވާން" ސިނަމާގައި ދައްކަން ފެށުމުގެ ކުރިން ވެސް މި ފިލްމު ވަނީ 50 ކްރޯޑް ރުޕީސްގެ ޓިކެޓް ވިއްކައިފަ އެވެ. އަދި ބޮލީވުޑްގެ ބައެއް ޓްރޭޑް އެނަލިސްޓުން ލަފާކުރާ ގޮތުގައި ފުރަތަމަ ދުވަހު އެކަނި ވެސް މި ފިލްމަށް 75 ކްރޯޑް ރުޕީސްގެ އާމްދަނީއެއް ލިބޭނެ ކަމަށް ބެލެވެ އެވެ.
ދެކުނު އިންޑިއާގެ ފިލްމު އިންޑަސްޓްރީގައި މަޝްހޫރު ޑައިރެކްޓަރު އަޓްލީ ކުމާރުގެ މި ފިލްމުގައި ޝާހުއާ އެކު ލީޑު ރޯލުތަކުން ފެންނާނީ، ދެކުނު އިންޑިއާގައި މަޝްހޫރު ތަރިން ކަމަށްވާ ނަޔަންތާރާ އާއި ވިޖޭ ސެތޫޕަތީ އަދި ސަންޔާ މަލްހޯތުރާ އެވެ. އަދި ހާއްސަ ފެނިލުމަކުން ދީޕިކާ ޕަދުކޯން ވެސް ފެންނާނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ބެއްޔާރ
10 September 2023
މުސްކުޅިވީމަ ހުރިހާ ރޯލެއް އެކަނި ކުޅެގެން ފިލްމު ކުޅޭ މުސްކުޅި ބަލި ޖެހިފައި. ބައްޕަ އަކީވެސް އޭނާ ދަރިޔަކީވެސް އޭނާ، އެހެން މީހަކަށް މޮޅެއް ލިބެން ބޭނުންނުވާ ކަމުގެ ލާމަސީލު ، ނުވިތާކަށް ދަރީ ގެބަޔަށް އަމިއްލަ ދަރިލައިގެން ނެރެންވެސް ޖެހިލުންވީ ދަރި މަޝްހޫރުވެ އޭނާ ވެއްޓިދާނެތީ.
ނަޙްލާ
08 September 2023
ބާސްގެ ކަމަކަށްވާނީ.. އެންމެ ފަހުންވެސް ފިލްމެއް ލީކްކޮއްލީ އޭނާ..
ބުރުގާ
08 September 2023
ތި ފިލްމު ވާނީ ފުލޮޕް.