ފަސްޓް ލޭޑީ ކެމްޕޭންގައި ހިޔާ ޓަވަރުތަކަށް.-- ފޮޓޯ: އެމްޑީޕީ
18 ސެޕްޓެމްބަރ 2023 - 18:22
10 comments
އެމްޑީޕީގެ ރިޔާސީ ކެންޑިޑޭޓް، ފިރިކަލުން ރައީސް އިބްރާހިމް މުހައްމަދު ސޯލިހްގެ ކެމްޕޭނަށް އަނބިކަނބަލުން ފަޒްނާ އަހްމަދު ހުޅުމާލޭގެ ހިޔާ ސަރަހައްދަށް ވަޑައިގަތުމުން ހުރަސްއަޅައި ފުރައްސާރަކުރުން އެޗްއާރުސީއެމުން މިއަދު ކުށްވެރިކޮށްފި އެވެ.
ފަސްޓް ލޭޑީ ފަޒްނާ ހިޔާ ސަރަހައްދަށް ވަޑައިގަތުމުން ދިމާކޮށް, ހުތުރުބަހުން ގޮވައި ފަހަތުން ހަޅޭއްލަވައި ހެދީ ވާދަވެރި ޕީޕީއެމް، ޕީއެންސީ ކެންޑިޑޭޓުގެ ސަޕޯޓަރުންތަކެއް ކަމަށް އެކަމަނާ ވިދާޅުވި އެވެ.
އެޗްއާރުސީއެމުން ނެރުނު ބަޔާނުގައި ބުނީ އިންތިހާބުގައި ތާއީދު ހޯދުމަކީ ކޮންމެ ކެންޑިޑޭޓަކަށް ލިބިގެންވާ ގާނޫނީ ހައްގެއް ކަމަށެވެ.
"ސިޔާސީ ހަރަކާތްތަކުގެ ތެރެއިން ހިޔާލާއި ޝުއޫރުފާޅުކުރުމުގައި އަނެކާގެ އަބުރާ ނަފްސަށް ގެއްލުންވާ ފަދަ އެއްވެސް އަމަލެއް ނުކުރަން ގޮވާލަން," އެޗްއާރުސީއެމުން ބުންޏެވެ.
އެޗްއާރުސީއެމުން ވަނީ ސިޔާސީ އިސް ފަރާތްތަކުން އެފަދަ އަމަލުތަކަށް ހިތްވަރު ނުދޭން ވެސް އިލްތިމާސްކޮށްފަ އެވެ.
ފަޒްނާ އިއްޔެ ވިދާޅުވީ، އެކަމަނާގެ ފަހަތްޕުޅުން ފުރައްސާރަ ކުރަމުން ހިނގީ އިދިކޮޅު ހަރަކާތުގެ ދެ ފިރިހެނަކު ކަން އެނގިވޑައިގަންނަވާ ކަމަށާއި އެ ދެ މީހުން އެހެން ނޫޅުނު ނަމަ ހިޔާ ފްލެޓް ސަރަހައްދަށް ވަޑައިގެންނެވިކަން ވެސް ބަޔަކަށް ނޭނގޭނެ ކަމަށެވެ.
ހިޔާ އިން ދިމާވި ހާދިސާއާ ގުޅިގެން ފަސްޓް ލޭޑީ ވިދާޅުވީ، އާންމުން ނުކުމެ އެކަމަނާ އަށް "ބާގީ" އަށް ގޮވަނީ ކަމަށް ބުނެ، އިދިކޮޅުން އެކަމުން ރެެކެން އުޅުމަކީ ފިނޑި އަމަލެއް ކަމަށެވެ. "އާންމުން ނުކުމެ އަޅުގަނޑަށް ފުރައްސާރައެއް ނުކުރާނެ އެވެ. އަޅުގަނޑު މަގުމައްޗަށް ނުކުތީ އަލަކަށް ނޫނެވެ،" ފަޒްނާ ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައްގު ތެދު
19 September 2023
ރައީސް ރައްރަށައް އަރާއިރު އިދިކޮޅު މީހުން ހައްޔަރުކޮއް ބެނާތަކާ ތަކެއްޗައް ފުލުހުން ލައްވާ ގެއްލުން ދިންއިރު ކޮބާތޯ ތިބޭފުޅުން
ބޮޑުމީހާ
18 September 2023
ހިޔާ ފްލެޓަށް މިސަރުކާރުން ދިޔައީމާ ރަތްދޫލަ އަޅައިގެން މަރުހަބާ ކިޔާނެ ކަމަށް އުއްމީދު ކޮށްގެން ނުވާނެ. ކޮތަރުކޮށްޓޭ، ތަޅާލަންވީއޭ ކިޔައި އެތަންތަން ދިނުމަށް މިސަރުކާރުން 3 އަހަރު ހޭދަކުރި. އަދި ދިންއިރު ދިނީ ފިނިޝިންގ ނުނިންމާ، އަދިވެސް މަގުތަކާއި އެހެނިހެން ހިދުމަތްތައް ނުނިމޭ. މިވަރުވީމާ ގަނޑުވަރުތެރޭ ތިބެފައި ނުކުމެ ރައްޔިތުން ސަނާކިޔާނެ ކަމަށް އުއްމީދުކޮށްގެން ނުވާނެ، އެޗްއާރުސީއެމްއަށްވެސް ފެންނާނީ ވަކި ބަޔަކަށް ފުރައްސާރަވާތަން
އަންދަލޫސިޔާ
19 September 2023
ފިނިޝިން ނުލާ އެވެސް ބޮޑު އަގުގަ ހެދީ މުޢިއްޒުމެން. އެހެންވީމާ މީހުންނަށް ފުރައްސާރަކޮށް، ހަމަލާދޭކަށެއް ނުޖެހޭ!
ފދސސ
19 September 2023
ފިނިޝިންގ އެއްޗެހި ގެނެސް ހިޔާ ފްލެޓްތައް ކައިރީ ހުއްޓާ އަހަރެމެން ދުށިން. ސަރުކާރު ބަދަލުވުމާއެކު އާ ސަރުކާރުން އެކަން ނުކުރީ. ދޮގުހެދުމަކީ މިގައުމުގެ އާއްމު މީހާގެ ކަށީގަ ހިފަމުންދާ ކަމެއްކަން މިހާރު އެބައެނގޭ.
8989
18 September 2023
އަދުލުވެރިކަން މިގައުމުން ނެތި ހިނގައްޖެ. ސްކަމް ޕްރިވެއިލިންގ
ސސސސސ
18 September 2023
ބަލަ ޑރ މުއިްޒުގެ މުޅިއާއިލާއަށް ފުރައްސާރަ ކުރާއިރު ކަލޭމެންނިދާފަތަ؟
ޖޖޖޖ
18 September 2023
މީހަކު ހަޅޭއްލެވިއަސް އެނުވާނެ ހުރަސް އެޅުމަކށް.
ނިރު
18 September 2023
މިއޮއް ހުރިހާ ދުވަހު ގަދަނިދީގަ ނިދިކުރައްވާފަ އޮތްބަޔަކު ހޭފުޅުލެވުނީތީ އުފާކުރަން
ދަރިންނަށް ނުބައި ފިލާވަޅު
18 September 2023
ފުރައްސާރަ ކުރި މީހުންނައް ވުރެ، ފުރައްސާރަ ރައްދުވީ މީހުންގެ ގަދަރު އުފުލިގެން ވުމީ ގުދްރަތީ ގާނޫނެވެ. ޢެބައިމީހުން އެކަން ކުރީ ޅަދަރިންނާ ތަންދޮރު ފިލާ ދަރިންގެ ކުރިމަތީގައި ކަމުން، ދަރިންނަށް އެ ދަސްކޮށްދެވުނީ އެންމެ ނުރަނގަޅު ފިލާވަޅު ކަން އެނގޭ ދުވަހު ހިތާމަ ކުރާނެ އެވެ. ކަމަނާގެ ގަދަރު ކިތަންމެ ތަނެއް އުފުލިއްޖެ އެވެ. ﷲ ތަޢާލާ ކަމަނާ ގެ މަސައްކަތަށް ކާމިޔާބު ދެއްވާނެ އެވެ. ޢާމީން
ކުޑަހުސެން
20 September 2023
މަވެސް އެންމެ ދެރަވީ ހިޔާ ކުޑަކުދީންގެ ޕާކްތެރޭގަ ކުޑަކުދީން ކުރިމަތީގަ އެކަން ކުރީމާ.