ނޫސްވެރިންގެ ބައްދަލުވުމެއްގައި މަހްލޫފް (ވ) ވާހަކަ ދައްކަވަނީ -- ފޮޓޯ: ނިޝާން އަލީ/ މިހާރު
05 ފެބުރުއަރީ 2017 - 12:59
23 comments
މާލެ އާއި ވިލިމާލޭގައި މަރުވާ މީހުން އާ ސަހަރާގައި އަލުން ވަޅުލެވޭ ގޮތް ހަދައިދޭން ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް ގޮވާލައްވައިފި އެވެ.
މިހާރު ޖަލުގައި ހުންނެވި މަހްލޫފް ނެރުއްވި ބަޔާނެއްގައި ވިދާޅުވީ މި 1 އިން ފެށިގެން މާލޭގައި މަރުވާ މީހުން ހުޅުމާލޭގައި ވަޅުލާ ގޮތަށް ސަރުކާރުން ނިންމުމަކީ މައްޔިތާގެ އާއިލާއަށާއި ގާތް އެކުވެރިންނަށާއި ހެޔޮ އެދޭ މީހުންނަށް ލިބުނު ހިތްދަތިކަމަކާއި ހިތާމައެއް ކަމަށެވެ.
ސަރުކާރުގެ ނިންމުމުގެ ސަބަބުން ހުޅުމާލެއަށް ގޮސް ޖަނާޒާގައި ބައިވެރިވެ، އެންމެ ފަހުގެ އިހްތިރާމް އަދާކޮށް ހެޔޮ ދުއާ ކުރުމުގެ ފުރުސަތު އޮންނާނީ އާއިލާގެ މަދު ބަޔަކާއި އެކުވެރިންގެ މަދު ބަޔަކަށް ކަމަށް އޭނާ ވިދާޅުވި އެވެ. އެހެންވެ، ސިޔާސީ ވިސްނުމުން ދުރުހެލިވެ، ސަރުކާރުގެ ނިންމުން ބަދަލުކުރަން މަހްލޫފް ވަނީ ރައީސް އަބްދުﷲ ޔާމީނަށް ގޮވާއްލައްވައިފި އެވެ.
އޭނާ ތުހުމަތުކުރެއްވި ގޮތުގަައި މަރުވާ އާންމުން ހުޅުމާލޭގައި ވަޅުލެވޭ ގޮތް ހެދިއިރު، ދައުލަތުގެ އިއްޒަތްތެރިންނާއި ތަނަވަސް މީހުންނާއި ނުފޫޒު ގަދަ އާއިލާތަކުގެ މެމްބަރުންގެ ޖަނާޒާ އަދިވެސް ބާއްވާނީ މާލޭގަ އެވެ.
"އޭގެ އެއް މިސާލަކީ މިހާރު ވެސް އިސްލާމީ މަރުކަޒުގައި ކަށުނަމާދު ހަމަޖެހެނީ ވަކި ފެންވަރެއްގެ، ވަކި ފަންތިއެއްގެ ބަޔަކަށް ނޫން ނަމަ، އެ އިރެއްގައި އޮންނަ ސަރުކާރަކާ ގުޅުން އޮންނަ ފަރާތްތަކަށް އެކަނި ކަން އަޅުގަނޑު ހިތާމައާ އެކު ފާހަގަކުރަމެވެ،" މަހްލޫފްގެ ބަޔާނުގައިވެ އެވެ.
އޭނާ ވިދާޅުވި ގޮތުގައި މާތްވެގެންވާ ހަރަމްފުޅުގައި ވަކި ގައުމަކާއި ކުލައަކާއި ނަސްލަކާއި ގިންތިއެއް ބެލުމެއް ނެތި ކަށުނަމާދު ކުރަމުންދާއިރު، މިފަދަ ކަންކަމުން ފިލާވަޅު ލިބިގަންނަން ޖެހެ އެވެ.
"(މާލެ-ހުޅުލެ) ބްރިޖު 2018 ގެ މެދުތެރޭގައި ނިންމޭނެ ކަމުގެ ޔަގީންކަން ސަރުކާރުން ދިން ހިނދު، އިސްލާމިކް މިނިސްޓްރީން ދިން މައުލޫމާތަށް ބަލާއިރު، އަދިވެސް އާ ސަހަރާގައި ވަޅުލެވޭނެ އިންތިޒާމު ހަމަޖައްސައި ދެއްވުމަށް އާދޭހާ އެކު އަޅުގަނޑު ގޮވާލަމެވެ،" މަޖިލީހުގެ ލެޓާހެޑްގައި ނެރުއްވި ބަޔާނުގައި މަހްލޫފް ވިދާޅުވި އެވެ.
އޭނާ ވިދާޅުވީ މައްޔިތާގެ ހަށިގަނޑު ކަނޑު މައްޗަށް އެރުވުމަކީ ރަނގަޅު ކަމެއް ނޫން ކަމަށް ޒަމާނުއްސުރެ ދިވެހިން ގަބޫލުކުރަމުން އަންނަ ކަމަށެވެ. އެމީހަކު މަރުވާ ބިމެއްގައި ވަޅުލުމަކީ އިސްލާމް ދީނުގައި އެންމެ ރަނގަޅު ގޮތް ކަމަށް އިލްމުވެރިން ވިދާޅުވާ ކަމަށް ވެސް އޭނާ ފާހަގަކުރެއްވި އެވެ.
މާލެ އާއި ވިލިމާލޭގައި މަރުވާ މީހުން އާ ސަހަރާގައި ވަޅުލުން ހުއްޓާލަން ނިންމީ މާލޭގައި ހުރި ސަހަރާތައް ފުރި، ޖާގައިގެ ދަތިކަން ކުރިމަތިވެގެން ކަމަށް ސަރުކާރުން ވަނީ ބުނެފަ އެވެ. އެކަމަކު އާ ސަހަރާގައި މީހުން ވަޅުލާނެ އެއް ބްލޮކް އަދިވެސް އެބަ އޮތެވެ. ކުރިއަށް އޮތް އަހަރެއްހާ ދުވަހު ވެސް އެ ތަން ބޭނުންކުރެވޭނެ ކަމަށް، ޖަނާޒާތަކުގައި ބައިވެރިވާ ބައެއް މީހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލޭއަލި
06 February 2017
މަހްލޫފު މާލެއިން ބޮޑު ބިމެއް ގަނެލާފާ އެބިން މީހުން ވަޅުލާން ހަދިޔާ ކުރުން މިވަގުތު ކޮންމެހެން މުހިއްމު. އޭރުން ރައީސްކަން ވެސް ހިލޭ ދޭނަން.
ހަރީފް
05 February 2017
ސާލިހު މީހެއްގެ ޖަނާޒާއަށް ތަކުލީފު އުފުލައިގެން ނަމަވެސް ދިޔުމަކީ ވަރަށް ފާއިދާ ހުރި ކަމެއް. ވަކި މަޒްހަބެއްގެ މީހުން ޢައިބަށް ކަށު ނަމާދު ކުރަން އިންކާރު ކުރާ ކަމަކީ ވަރަށް ހުތުރު ކަމެއް.
ޒަމީރު ގައްދޫ
05 February 2017
ހެހެ... އިއްޒަތްތެރި މެމްބަރު، ޝުކުރިއްޔާ! އަޅުގަނޑުގެ ގަބުރަށް މާލޭގެ ބިމުން ތަންކޮޅެއް ހޯއްދެވުމަށް ތިޔަކޮށްދެއްވާ މަސައްކަތަށް ހަމަ ހެޔޮހިތުން ޝުކުރިއްޔާ. އަޅުގަނޑަށް ދިރިއުޅުމުން އުނިވެގެން މިއުޅެނީ ތިޔަކަން. ދަންނަވަންތޯ، މުޅި މާލެގައި ނޭވާލާން ޖެހުނަތީވެ މުޅި އުމުރު ދުވަހު އެކަމުގެ އުޖޫރަ ދައްކާ، ހަށިގަނޑުން ފުރާނަވަކިވީމަ، ލިބޭނެ އެންމެ ބޮޑު ހިތްހަމަ ޖެހުމަކީ މާލެއިން ދެ ފޫޓު ހަތް ފޫޓު ބިންކޮޅެއް ހިލޭ ލިބުން. އަޅުގަނޑުމެންގެ އިހުސާސްތައް ތިހާ ރަނގަޅަށް އެނގިވަޑައިގަންނަވާނީ ވަރަށް އުފާވެއްޖެ.
އޯނަރ
05 February 2017
މަރުވަނީ 1 ފަހަރު ޖަނާޒާ އޮންނަނީ 1 ފަހަރު. 1 ފަހަރު ވަޅުލީމަ އެކަމުގެ ތަކުލީފު ނިމުނީ. ޖަނާޒާއަށް ދިއުމުގެ އުނދަގޫ އުފުލަނީ އުޚުރަވީ ހަޔާތައް ހެޔޮހޯދަން. ދިރިތިބީންނަށް މާލޭން ބިންކޮޅެއް ނުލިބިގެން މިއުޅެނީ. މައްޔިތުންނަށް މާލޭން ކަށްވަޅު ހޯދަދޭން ހާދަ ހެޔޮފުޅޭ.
ޕްލީޒްޓެލް
05 February 2017
ކަނޑުމައްޗަށް ގަބުރު އެރުވީމަ ކިހިނެތްތަވަނީ؟ ދީނީ ގޮތުން މައްސަލައެއްނޫންނަމަ ދެން ކޮން ޒާތެއްގެ ވާހަކައެއްތަ މިއީ؟
މައްޔިތު
05 February 2017
އެންމެން ހަމަހަމަ ކަމަށް ތިޔަހާ ދައުވާ ކުރާނަމަ މެމްބަރުންގެ ކުރިއަށް އިއްޒަތްތެރި ބޭނުންކުރުންވެސް ހުއްޓާލަމާދޯ؟ އަދި މުސާރައާ އެލަވަންސްތަކާ އިނާޔަތްތައްވެސް ކުޑަކޮށްލަމާދޯ؟
އައްޔަ
06 February 2017
ވަރަށް ރަނގަޅު ވާހަކައެއް.... ވަރަށް ތާއީދު.......
ސަރުސޫނު
05 February 2017
"އޭގެ އެއް މިސާލަކީ މިހާރު ވެސް އިސްލާމީ މަރުކަޒުގައި ކަށުނަމާދު ހަމަޖެހެނީ ވަކި ފެންވަރެއްގެ، ވަކި ފަންތިއެއްގެ ބަޔަކަށް ނޫން ނަމަ، އެ އިރެއްގައި އޮންނަ ސަރުކާރަކާ ގުޅުން އޮންނަ ފަރާތްތަކަށް އެކަނި ކަން އަޅުގަނޑު ހިތާމައާ އެކު ފާހަގަކުރަމެވެ،" މަޚްލޫފް ބުންޏަސް މިވަހަކަ ގަބޫލެއް ނުކުރާނަން. އަހަރެމެންނަކީ ހަމަ އާދައިގެ އާއިލާއެއްގެ ބައެއް ސަރުކާރުގެއެއްވެސް މަތީފެންވަރަކާ ގުޅުމެއްނެތް. އެކަމަކު އަހަރެމެންގެ މީހަކު ހުކުރުދުވަހެއްގައި ނަޔާވީމަ އިސްލާމީ މަރުކަޒުގެ ޖަމާއަތް ބޮޑުވާނެތީ ހަމަ އެތާގައި ކަށު ނަމާދުކުރީ. އެއްވެސް މައްސަލައެއް ނުޖެހޭ.
އަލީ123
05 February 2017
އެހެންވިއްޔާ ތިބޭފުޅާ އަށް ކޮށްދިނީ. އަޅުގަނޑު ކަށުނަމާދު ކަންތައް މަރުކަޒުގަ ކުރެވޭތޯ ރޮއެ އާދޭސްކުރިން ނުވި އެކަމެއް.
ބަޑިއެދުރު
06 February 2017
މަގޭ އަޑެއްބަޑެއް ނީވޭތީ މޮޅު ވާހަކައެއްބުނެލީ. މީނާއާ ކޮންބެހޭކަމެއް. މިވާހަކައަށްވެސްނަށާ ގުނބޯތަކެއް ތިބޭނެ.
ހޫޅޫމާލޭ
05 February 2017
ހުޅުމާލެއަށް ބަދަލު ކުރި ފަހުން 2 ޖަނަާޒާއެއްގައި ބައިވެރި ވެއްޖައިން. އެއީ ވަރަށް ތަކުލީފު އުފުލަން ޖެހޭ ކަމެއް. ހުޅޫމާލޭގެ ފެރީ އިން ހިނގާފައި ދެވޭ ހިސާބަކު ހުރި ތަނެއް ނޫން އެއީކީ.
678
05 February 2017
މާލެ މިއޮތީ މީހުން ބާލަން ޖެހިފައި. ވެރިކަން ބަދަލު ކުރޭ ކުޅުދުެއްފުއްޓައް. ދެން ސެޓެލައިޓް ރަށެއްގެ ގޮތުގައި އައްޑޫ ހިތަދޫ!. 10 އަހަރުްނ 10 އަހަރުން ވެރިކަން ކުރާ ރަށް މިގޮތަށް ބަދަލުކުރާނީ. އެގޮތުން މި ލިސްޓަށް. ލ. ގަން، ހަނިމާދޫ، ކެލާވެސް ވައްޓާލާ. އޭރުން މައްސަލަ ހައްލުވީ. އެއީ މިއުޅޭ ސަރުކާރުތަކުން ކަންކުރަނީ ވެރިކަން ކުރާ ރަށަށޯ. އެހެންވީމަ ހުރިހާ ތަނެއްގައި ވެރިކަން ކުރީމަ ނިމުނީނު. ވައްސަލާމް
ޢަސްލު
05 February 2017
މާލޭގައި ކަށުކަމާކެމީގެ ކަންތައް ނިންމުމަށްފަހު ވަޅުލަން ހުޅުމާލެއަށް ގެންދިއުން ރަނގަޅު ވާނެ ކަމަށް ފެނޭ. އޭރުން ގިނަބަޔަލަށް ޖަނާޒާގެ ކަންތަކުގައި ބައިވެރިވެވޭނެ. އިސްލާމިކް މިނިސްޓަރު ވިސްނާލެއްވުން އެދެން
ހަނާ
05 February 2017
ޖަނާޒާގައި ބައިވެރިވުމޭ ބުނެވޭ ބަހުގެ މާނައެއްކަމުގައި ނިކަމެތި އަޅުގަނޑަށް އެނގިފައިވަނީ ކަށުނަމާދާ އެކު ވަޅުލުމާ ހަމަޔަށް ބައިވެރި ވުން. ވަޅުލުމުގައި ބައިވެރި ނުވެވުނަސް ކަށުނަމާދުގައި ގިނަބަޔަކަށް ބައިވެރި ވެވުން އެއިވެސް ވަރަށް ރަގަޅުކަމެއް. މައްޔިތާ ފިޔަވައި ކަށުނަމާދުގައި ބައިވެރިވާމީހުނަށްވެސް ވަރަށް ޘަވާބާ ދަރުމަހުރި ކަމަކަށްވާތި މިފަދަކަމަކުން މީސްތަކުން އެކަހެރުވަނެގޮތް ހެދުމަކި ހެޔޮވާވަރުގެ ކަމެއްނޫން.
ސޮއި
06 February 2017
ހުޅުމާލޭގައި ޖަނާޒާއަށް ދާނޭ އެއްވެސް މުސްލިމަކު ނޫޅޭކަމަށްތޯ ތިޔަހީކުރަނީ. މީގައި މިކަމާ ދެކޮޅަށް ކޮމެންޓް ކުރާއެއްވެސް މީހެއް، މީހެއްގެ ޖަނާޒާގައި ބައިވެރިއެއްނުވޭ، އެހެންނަމަކާ މިގޮތަށް ކޮމެންޓެއްނުކުރާނެ.