ރިޔާސީ އިންތިހާބުގެ ދެ ވަނަ ބުރުގެ ކެމްޕެއިނަށް، ޗާންދަނީ މަގުގެ ކަންމަތީގައި ބޭއްވި ބައްދަލުވުމުގައި ރައީސް އިބްރާހިމް މުހައްމަދު ސޯލިހު ވާހަކަފުޅުދައްކަވަނީ.-- ފޮޓޯ: ފަޔާޒު މޫސާ/ މިހާރު
27 ސެޕްޓެމްބަރ 2023 - 01:12
22 comments
ޓޫރިޒަމް ދާއިރާގައި މަސައްކަތް ކުރާ މީހުންނަށް ދެ ދުވަހުގެ ޗުއްޓީއެއް ލިބޭ ގޮތް ހެދުމާ މެދު މަޝްވަރާ ކުރައްވާނެ ކަމަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.
ހޮނިހިރު ބާއްވާ ރިޔާސީ އިންތިހާބުގެ ދެ ވަނަ ބުރުގެ ކެމްޕެއިނަށް، ޗާންދަނީ މަގުގެ ކަންމަތީގައި ބޭއްވި ބައްދަލުވުމުގައި ރައީސް ވިދާޅުވީ ރިސޯޓުތަކުގައި މަސައްކަތްކުރާ މުވައްޒަފުންނަކީ ވަރަށް މުހިއްމު ދައުރެއް އަދާކުރާ ބައެއް ކަމަށެވެ.
އެއީ ގިނަ އާއިލާތަކެއް ބަލަހައްޓާ ބަޔަކަށް ވާއިރު، އެ ދާއިރާއާ ގުޅޭގޮތުން ހިތްހަމަޖެހޭ ކަންތައްތަކާއި އިތުރަށް ރަނގަޅު ކުރަންޖެހޭ ކަންތައްތައް ހުރިކަން ފާހަގަކުރައްވާފައިވާ ކަމަށް، ޓޫރިޒަމް ދާއިރާގެ އިސް ބޭފުޅުންނާ މަޝްވަރާ ކުރެއްވުމަށް ފަހު ބޭއްވި ބައްދަލުވުމުގައި ވިދާޅުވި އެވެ.
މިނިމަން ވޭޖު ކަނޑައެޅުމާއި އިތުރު ގަޑީގެ އިނާޔަތާ ގުޅޭ ނިންމުމަކީ އެ މުވައްޒަފުންނަށް ލިބުނު ހިތްހަމަޖެހުމެއް ކަމަށް ވެސް ރައީސް އިބްރާހިމް މުހައްމަދު ސޯލިހު ވިދާޅުވި އެވެ. ރިސޯޓްތަކުގެ ވެރިންނާއި ޓުއާ އޮޕަރޭޓަރުން ހިމެނޭ ގޮތަށް ޓޫރިޒަމް މިނިސްޓްރީގައި އެޑްވައިޒަރީ ކޮމިޓީއެއް އުފައްދައި، އެ އެންމެންގެ ލަފާގެ މަތިން ޓޫރިޒަމް އިންޑަސްޓްރީ ކުރިއެރުމަށް އެ ބޭފުޅުން ލަފާ ދީފައިވާ ކަމަށް ވިދާޅުވި އެވެ.
ރައީސް ވިދާޅުވީ އެ ކޮމިޓީ އުފައްދާނެ ކަމަށެވެ.
ދެ ވަނަ ކަމަކަށް، ހަފުތާއަކު މަސައްކަތްކުރާ 48 ގަޑިއިރު 40 ގަޑިއިރަށް މަދުކޮށް، ހަފުތާއަކު ދެ ދުވަހު ޗުއްޓީއެއް ލިބޭނެ ގޮތް ހަމަޖައްސައިދިނުމަށް އެދުނު ކަމަށް ވިދާޅުވި އެވެ. މިނިމަން ވޭޖު ކަނޑައެޅި ގޮތަށް ރިސޯޓު އޯނަރުންނާ ވާހަކަ ދައްކައިގެން އެކަން ހައްލުކުރާނެ ކަމަށް އެ މަނިކުފާނު ވިދާޅުވި އެވެ.
ރިސޯޓުތަކުގެ އިސް މަގާމުގައި ތިބޭ މައްސަލައަށް ހައްލު ހޯދުމަށް، އެ މަގާމުތަކަށް ދިވެހިން ތަމްރީނުކުރުމަށް ޓޫރިޒަމް އިންޑްސްޓްރީއަށް ސްކޮލަޝިޕް ސްކީމެއް އުފައްދައި އޭގެ ދަށުން ޖެނެރަލް މެނޭޖަރުންނާ ހިސާބަށް މީހުން ތަމްރީނުކުރާނެ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސާލު
28 September 2023
މަގުމައްޗައް، ބުޅަލައް ކާންއެޅުން ހުއްޓުވަބަލަ. ބުޅާގުއި މިހާރު ހުރިހާ މަގެއްގަ
ވައުދު
27 September 2023
މާދަމާ ވާނެ ވައުދުތަކެއްގެ ލިސްޓް ހަދާލަދީބަލަ އެކަކު
ސީނު10
27 September 2023
ރިސޯޓުގަ އުޅޭމީހުންމަތިން ހަނދާންވޭމިހާރު ވޯޓު ކާރިވީމަ.. އެހެންވަގުތުތަކުގަ އުޅޭބައެއްކަންވެސް ނޭނގޭ
ސުހެއިލް
27 September 2023
މީ ވަރަށް ތާކުންތާކު ނުޖެހޭ ވާހަކައެއް. ކޮންމެ މުވައްޒަފަކަށް 8 ދުވަސް އޮފް، 2.5 ދުވަސް އެނުއަލް ލީވް ދޭކަމަށް ވަންޏާ އެއީ މަހުގެ 3 ބައި ކުޅަބައި، ދެން ޕަބްލިކް ހޮލިޑޭ އާއި، ސިކް ލީވް ނެގީމަ، ކޮންމެ މަހަކު މަސައްކަތް ކުރަން ޖޭހޭނީ 15 ދުވަހު، ބާކީ ތިބި ދުވަސްތަކު މަސައްކަތް ކުރާން އިތުރު މުވައްޒަފުން ހޯދަން ޖެހޭ، އިތުރު މުވައްޒަފުން ބައިތިއްބަން އިތުރު އެކޮމޮޑޭޝަން އަޅަން ޖެހޭ، ސާވިސް ޗާޖް އިތުރު މީހުންނަށް ބަހަން ޖެހޭ.
1828
28 September 2023
ސަރވިސް ޗަރޖްގެ ވާހަކަ ނުދައްކާ
ރިސޯޓްމީހާ
27 September 2023
ރިސޯޓްތަކުގެ މުއައްޒަފުންނަށް ކޮންމެ މަގެއްގެ 1ވަނަ ދުވަގު މުސާރަދެވޭގޮތަށް ގާނޫނު ބަދަލު ކޮއްދީބަލަ. މުސާރަލިބޭއިރު ކޮންމެމަހަކުވެސް ޖޫރިމައިނާ ފައިސާ ދައްކަންޖެހޭ
ހިޔާލު 989
27 September 2023
މާދަން ބުނާނެ އެންމެން މަސައްކަތް ކުރަން ޖެހޭނީ ހަފްތާއަކު އެއްދުވަހުއޭ
ބްރޯސް
27 September 2023
ކީއްކުރަން ކުރާކަމެއް. ހަފްތާއަކު ހަތަރު ދިވަހު ޗުއްޓީ ހެދިޔަސް އެމީހުންގެ ވޯޓެއް ސޯލިހަކަށް ނުލިބޭނެ.
އަލިބެ ދިއްދޫ
27 September 2023
ހޮޅިވާހަކަ ނޭވާހޮޅިއައް އެޅުނީމަ ނުދައްކަވާ މަޑުން ހުންނަވާށެވެ ރިސޯރޓްތަކުގަ މަސައްކަތްކުރާމީހުން ކޮންމެއް ސިޔާސީ ބައިގަނޑަކައްވެސްފެންނާނީ ވޯޓެއް އައިސް ޖެހުނީމައެވެ. ރާއްޖޭގައި އޯވާޓައިމްދޭ އޮތީ ކިތައް ރިސޯރޓްތޯއެވެ.ރިސޯޓްތަކުގަ މަސައްކަތް ކުރާމީހުންގެ ހައްގުތައް ކަށަވަރުކުރަން އެތަންތައް މޮނީޓަރކުރީ ކޮންސަރުކާރަކުން ތޯއެވެ ޥިހާ ޗުއްޓީލިބިގެން އަންހެނުންކައުރީގަ ހުންނައް 1މަހުގެޗުއްޓީ ލިބުނީފަހެކޮން ރިސޯރޓް ބޯއީއަކައްތޯއެވެ އަލިކާ ބުބެބަލާށެވެ
ރަދީފްއޮފިޝަލް
27 September 2023
30 ސެޕްޓެންބަރު ގަ ރައީސަށް އިންތިހާބްގަ ނާކާމިބީއާއި ކުރިމަތިވެއްޖެނަމަ އެކަމުގަ އޮތީ މައިގަނޑު 3 ސަބަބު. 1)ފައިސަލް ނަސީމް އެއްކާރި ކުރުމަށްފަހު އަސްލަމް ކިޔާ ކޮހެއް ނެގުން 2)އިންޑިޔާގެ އުނގަށް ވެއްޓިފަ އޮތުން 3)ކޮރަޕްޝަނައި ވައްކަން އާއްމުވުން / އެފަދަ މައްސަލަތައް ނުބެލުން. (ފައިސަލް ނަސީމްގެ ބެކިން ނުލިބޭނީ ގައިމު ކޮންމެވެސް ކަމެއްވީމަ ދެއްތޯ!! 5 އަހަރުގެ ރައީސަށް އޭނަގެ ސަޕޯޓް ނުލިބުން އެއީ ރައްޔަތުން ވިސްނާލަން ޖެހޭ ކަމެއް). .ވ.ވެދުން
އަލީ އަލީ
27 September 2023
ހަދަނީ އަންނަނީ! މިއަންނަ ކުއާޓަރުގަ އަންނަނީ! އަންނައަހަރު އަންނަނީ! މިކަން ނިމިއްޖެ! ބޮޑުތަނުން ނިމިއްޖެ! ދެން ހޯދަންވީ ރޯހިތު!