ރިޔާސީ އިންތިހާބުގެ ކެމްޕެއިނަށް ޗާންދަނީ މަގުގައި މިރޭ ބޭއްވި ބައްދަލުވުމުގައި ރައީސް އިބްރާހިމް މުހައްމަދު ސޯލިހު، މަޖިލީހުގެ ކުރީގެ މެމްބަރު ސިނާންއާ ސަލާމްކުރައްވަނީ.-- ފޮޓޯ: ފަޔާޒު މޫސާ/ މިހާރު
27 ސެޕްޓެމްބަރ 2023 - 00:05
38 comments
އާއިލާގެ އިތުރު ބަޔަކާ ގުޅިގެން މީގެ ކުރިން ގޯއްޗަށް ކުރިމަތިލި މީހުންނަށް ވެސް، އެ ލިސްޓުން ވަކިވެ، ސަރުކާރުން އަލަށް ހުޅުވާލާ ހައުސިން ސްކީމްގައި ބައިވެރިވެވޭނެ ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
އަންނަ ހޮނިހިރު ބާއްވާ ރިޔާސީ އިންތިހާބުގެ ދެ ވަނަ ބުރުގެ ކެމްޕެއިނަށް، ޗާންދަނީ މަގުގައި ބޭއްވި ކަންމަތީ ބައްދަލުވުމުގައި ރައީސް ވިދާޅުވީ، ފާއިތުވި ދެ ހަފުތާގެ ތެރޭގައި ތަފާތު އެކި ދާއިރާތަކުގައި މަސައްކަތްކުރާ މީހުންނާއި ހުޅުމާލެ އާއި ގުޅިފަޅު އަދި ގިރާވަރުފަޅުން ގޯތި ލިބުނު މީހުންނާ ބައްދަލުކުރެއްވި ކަމަށެވެ.
އެ ބައްދަލުވުމުގައި، އާއިލާގެ އިތުރު ބަޔަކާ ބައިވެރިވެގެން ގޯއްޗަށް ކުރިމަތިލި މީހުންނަށް، މި ސަރުކާރުން އިތުރަށް ހުޅުވާލާ ގޯއްޗަށް ކުރިމަތިލެވޭނެ ކަމާ މެދު ސުވާލު އުފައްދާ ކަމަށް ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި ޖޮއިންޓްކޮށް ކުރިމަތިލައިގެން ގޯތި ލިބުނު މީހުން އެ ލިސްޓުން ނުކުމެ ސިންގަލް އެޕްލިކެންޓެއްގެ ގޮތުގައި ކުރިއަށް އޮތް ސްކީމަށް ކުރިމަތިލުމުގެ ފުރުސަތު އޮންނާނެ ކަމަށެވެ.
ގޯއްޗާ މެދު އެ މީހުން ތިބީ ޝައްކުތަކެއްގެ މަތީގައި ކަމަށްވާތީ އެ ލިބޭނެ ކަމުގެ ޔަގީންކަން ބޭނުންވި ކަމަށް ވެސް ރައީސް ވިދާޅުވި އެވެ. އެކަމަށް، ޖަވާބު ދެއްވަމުން ރައީސް ވަނީ މި ދައުރު ނިމުމުގެ ކުރިން، އަންނަ ނޮވެމްބަރު 5ގެ ކުރިން ގޯތި ކަނޑައި ރަޖިސްޓްރީ ހަވާލުކުރާނެ ކަމަށް ވިދާޅުވެފަ އެވެ.
އޭގެ އިތުރުން، ހުޅުމާލޭގައި އަލަށް ހިއްކާ ސަރަހައްދާއި ގުޅީފަޅު އަދި ގިރާވަރުފަޅަށް ކަރަންޓާއި ފެނާއި ނަރުދަމާ ފޯރުކޮށްދީ މަގުތައް ވެސް ދެ އަހަރުގެ ތެރޭގައި ހަދައި ނިންމާނެ ކަމަށް، އެމްޑީޕީގެ ކެންޑިޑޭޓް ވިދާޅުވި އެވެ.
ބިންވެރިޔާގެ މަޝްރޫއުގެ ދަށުން ލިބުނު ގޯތިތައް ހެދުމާ ގުޅޭ ގައިޑްލައިނެއް އެޗްޑީސީން ވަނީ މިދިޔަ ހަފުތާގައި އިއުލާނުކޮށްފަ އެވެ.
އެ ގައިޑްލައިނުން ވެސް، ގޯތީގައި ދޫކުރަންޖެހޭ ހުސްޖާގަ ބޮޑުވުމުގެ ސަބަބުން ގޯތި ލިބުނު މީހުން ކަންބޮޑުވުން ފާޅުކޮށްފައިވާކަން ފާހަގަކުރައްވައި ރައީސް ވިދާޅުވީ އެންމެ ބޮޑަށް ގޯތި ހެދޭނެ ވަރަށް ގޯތި ދޫކުރާނެ ކަމަށެވެ. އެ ކޮންމެ ތަނެއް ވެސް 10 ބުރިއަށް ހެދޭނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޯތިބެ
28 September 2023
ގޯތި ދިނުމަކީ އެއްގޮތަކުން ވަރަށް ސަޅި ކަމެއް. އެންމެ ސަޅި ވީހީ ބިން ހިއްކާފަ އަކަފޫޓަކަށް ޖެހޭ ރޭޓުން, ބިން ލިބޭމީހާ ސަރުކާރަށް ލާރި ދައްކަން ޖެހޭ ގޮތަށް ހެދިނަމަ. އޭރުން ސަރުކާރަށް ވެސް ލުއި ވީސް. ހީއެއް ނުވޭ ބިން ލިބުނު ގިނަ މީހުންވެސް އެކަމާ ދެކޮޅު ވާނެހެނެއް. އަތޮޅު ތެރޭންވެސް ބިން ހިއްކައިގެން ގޯތި ދޭނަމަ ހަމަ މި އުސޫލު ބާއްވަން ވީ. ހިލޭ ގޯތި ބޭނުންވާ މީހުން ނަށް ބިން އޮތް ތަނަކުން ގޯތި ދޭނީ.
ގޯތި
27 September 2023
ކޮބާތޯ އަޅުގަޑުމެން ގޯތި ގަތް މީހުން. އެވެސް 2 ކޮޓަރިވެސް ނޭޅޭ ވަރުގެ ކުދި ގޯތި
އަޅޭދޯ
27 September 2023
ވޯޓާހުރެ ދަން ނުޖެހެއްޗޭ. އޭރުން މަވެސް ދެރަވާނެ . ހެއްހެއްހޭ
ކާނިނާ
27 September 2023
ޕޯޓަލް އިން ނުފިތޭ އެ ލިންކްއަކަށް. ޢަރަނީ ކުރީގެ ސްކީމްގެ މީހެކޭ. ޖޮއިންޓްއަށް ސިންގަލް ކޮށް ލެވޭ ގޮތަކަށް ނޫން ޕޯޓަލް އިނީ
ނައްލި
27 September 2023
އެކަމަކު ރައީސްމީހާ ކިޔަނީ އެހެންމީހުން ދޮގުހަދާވާހަކަ.
އަސޭލ
27 September 2023
ރައްރިތުންގެ އަޑު އަހާ ސަރުކާރެއް ބޭނުންވަނީ. ގައުމު ދަވާލި ވަގުންނައް ނޫނެކޭބުނޭ، އަނެއްކާ ވައްކަމު ކިއްލާ އަކައް މިތަން ހަދާނެ.
ހތިަދޫ2
27 September 2023
ހަމައެއް ލަމައެއް ނެތް. ވޯޓު ނުދޭން ވީ އިތުރު ސަބަބު މި ފެންނަނީ!
މާލޭމީހާ
27 September 2023
ޖޮއިންޓް ވީ ފަރާތް ވަކިވެގެން އެ ފަރާތަށް އާ ސްކީމުން ގޯތި ލިބޭނެ ކަން ކަށަވަރު ވާން ޖެހޭ. އެނޫން ގޮތަކަށް ވަކި ވެވޭކަށް ނޯންނާނެ ނޫންތޯ? ބޯ ހަމަނުޖެހޭ ގޮތަށް މަޢުލޫމާތު ދިނީމަ ގޯހޭ މުޅިން
ނާޒު
27 September 2023
ވަކިވުމަށްފަހު ފޯމު ލަނީއެއް ނޫން. ވަކިވުން ޝަރުޠުކުރަނީ. ލިބިއްޖެއްޔާ ވަކިވާން ޖެހޭނީ. ގޯތި ލިބުނީމާ ފުލެޓް ދޫކޮށްލާ އުސޫލުން. ސޯޝަލް ހައުސިން ފުލެޓެއް ވިއްޔާ
އޭސީސީސް
27 September 2023
އަޅެފަހެ މީނަގެ ބުއްދި ހަމަތޯ، އަދި މިވަރަށް އިންތިޚާބީ ކޮރަޕްޝަން މީނަ ޖައްސާއިރު އެކަން ބަލާނެ މުއައްސަސާއެއް ނެތީތޯ މިހާރުން ބަލާކަށް ނުވޭތަ؟
ރަދީފްއޮފިޝަލް
27 September 2023
30 ސެޕްޓެންބަރު ގަ ރައީސަށް އިންތިހާބްގަ ނާކާމިބީއާއި ކުރިމަތިވެއްޖެނަމަ އެކަމުގަ އޮތީ މައިގަނޑު 3 ސަބަބު. 1)ފައިސަލް ނަސީމް އެއްކާރި ކުރުމަށްފަހު އަސްލަމް ކިޔާ ކޮހެއް ނެގުން 2)އިންޑިޔާގެ އުނގަށް ވެއްޓިފަ އޮތުން 3)ކޮރަޕްޝަނައި ވައްކަން އާއްމުވުން / އެފަދަ މައްސަލަތައް ނުބެލުން. (ފައިސަލް ނަސީމްގެ ބެކިން ނުލިބޭނީ ގައިމު ކޮންމެވެސް ކަމެއްވީމަ ދެއްތޯ!! 5 އަހަރުގެ ރައީސަށް އޭނަގެ ސަޕޯޓް ނުލިބުން އެއީ ރައްޔަތުން ވިސްނާލަން ޖެހޭ ކަމެއް). .ވ.ވެދުން
ދޮންކަލޯބެ
27 September 2023
ދީފަހުރި ގޯތިތަކަެ އެކިޔާ ބިންތައް ފެނުނަސް ހީވަނީ ގަބުރުސްތާނެއް ސިފަވާހެން އެތަނުން އެގަހުކޭލެއް މިގަހުކޭލެއް ވަކިނުވޭ މަހާނާގަ ނަންކޮޅު ޖަހާފަހެން ހީވަނޯ ފެންނަފެނުމައް