ރިޔާސީ އިންތިހާބުގެ ދެ ވަަނަ ބުރާ ގުޅޭ މަސައްކަތްތައް އަދި ނުނިމޭތީ މާދަމާ ވެސް ސަރުކާރު ބަންދުކުރަން ރައީސް އިބްރާހިމް މުހައްމަދު ސޯލިހު މިއަދު ނިންމައިފި އެވެ.
ރައީސް އޮފީހުން ނެރުނު އެންގުމެއްގައި ބުނީ، އިއްޔެ ބޭއްވި އިންތިހާބުގެ އެކި މަސައްކަތްތަކުގައި ސަރުކާރުގެ ގިނަ އަދަދެއްގެ މުވައްޒަފުންނާއި އާއްމުން ވޯޓާ ގުޅޭ މަސައްކަތްތަކުގައި ބައިވެރިވި ކަމަށެވެ. އެކަމަކު، އެ މަސައްކަތްތައް އަދި ވެސް ނުނިމޭ ކަމަށް ބުންޏެވެ.
އެހެންވެ، މާދަމާ ސަރުކާރު ބަންދުކުރަން ނިންމީ އިލެކްޝަންސް ކޮމިޝަން (އީސީ) އިން އެދިފައިވާތީ ކަމަށް ރައީސް އޮފީހުން ބުންޏެވެ.
މި މަހުގެ 9 ވަނަ ދުވަހު ބޭއްވި ރިޔާސީ އިންތިހާބަށް ގިނަ މަސައްކަތްތަކެއް ކުރުމުން ދެ ދުވަސް ސަރުކާރު ބަންދުކުރި އެވެ.
