ޑިމޮކްރެޓްސް އިން ކުރިން ބޭއްވި ޖަލްސާގައި ޝިފާޒް ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
07 އޮކްޓޯބަރ 2023 - 12:01
57 comments
މާލޭގެ މޭޔަރަކު ހޮވުމަށް ބާއްވާ ބައި-އިލެކްޝަނަކީ ޑިމޮކްރެޓްސް ޕާޓީ ވަކަރަށް ޖަހާލާނެ އިންތިހާބު ކަމަށް އެ ޕާޓީގެ އިސް މެމްބަރު މުހައްމަދު ޝިފާޒް ރޭ ވިދާޅުވެއްޖެ އެވެ.
ޑިމޮކްރެޓްސް އިން ބޭއްވި ޖަގަހަ ޖަލްސާގައި އެމްޑީޕީގެ ކުރީގެ ނައިބު ރައީސް ޝިފާޒް ވިދާޅުވީ މިދިޔަ މަހު ބޭއްވި ރިޔާސީ އިންތިހާބަށް ފަހު، އެ ޕާޓީން ދެން އެންމެ އަވަހަށް ކުރިމަތިލާނީ މާލޭގެ މޭޔަރު ހޮވުމަށް ބާއްވާ ބައި-އިލެކްޝަނާ ކަމަށެވެ. އެ އިންތިހާބުގައި ޑިމޮކްރެޓްސްގެ ފަރާތުން ވާދަކުރާނެ ކެންޑިޑޭޓަކު ހޮވުމަށް ޕްރައިމަރީއެއް ބާއްވަން ނިންމާފައިވާ ކަމަށް ވެސް އޭނާ ވިދާޅުވި އެވެ.
އެ އިންތިހާބަކީ ޑިމޮކްރެޓްސްއާ ދޭތެރޭގައި މާލޭގެ ރައްޔިތުން، ރާއްޖޭގެ ރައްޔިތުން ދެކޭ ގޮތް އެކު އެކީގައި މުޅިން ބަދަލުވެގެން ދާނެ އިންތިހާބެއް: ޝިފާޒް
"އިރާދަކުރެއްވިއްޔާ އެ އިންތިހާބަކީ މި ޕާޓީ ވަކަރަށް ޖަހާލާނެ އިންތިހާބެއް،" ޝިފާޒް ވިދާޅުވި އެވެ.
"އެ އިންތިހާބަކީ ޑިމޮކްރެޓްސްއާ ދޭތެރޭގައި މާލޭގެ ރައްޔިތުން، ރާއްޖޭގެ ރައްޔިތުން ދެކޭ ގޮތް އެކު އެކީގައި މުޅިން ބަދަލުވެގެން ދާނެ އިންތިހާބެއް."
ޝިފާޒް ވިދާޅުވި ގޮތުގައި، މި ވަގުތު ޑިމޮކްރެޓްސްގައި މެމްބަރުން މަދުވުމާއި ވަސީލަތްތައް މަދުވުން ކަހަލަ ބައެއް ގޮންޖެހުންތައް ހުއްޓަސް، ރިޔާސީ އިންތިހާބުގައި އެ ޕާޓީން އުއްމީދުކުރި ވަރުގެ ނަތީޖާ ލިބިފައި ވާތީ، މޭޔަރުގެ އިންތިހާބު ވެސް ކާމިޔާބު ކުރެވޭނެ ކަމުގެ އެއްވެސް ޝައްކެއް ނެތެވެ.
ރިޔާސީ އިންތިހާބުގެ ފުރަތަމަ ބުރުގައި ޑިމޮކްރެޓްސް އިން ވަނީ 15،000 ވޯޓު ހޯދައިފަ އެވެ.
"މި އިންތިހާބުގައި ވެސް އަޅުގަނޑުމެންނަށް އަޅުގަނޑުމެންގެ މަގުސަދު ހާސިލުކުރެވޭނެ، އެ މަގަށް މަސައްކަތް ކުރެވޭނެ،" އޭނާ ވިދާޅުވި އެވެ.
ސިޓީ ކައުންސިލުން ކުރިން ބޭއްވި ނިއުސް ކޮންފަރެންސްގައި ގަލޮޅު އުތުރު ދާއިރާގެ ކައުންސިލަރު ސައިފު ވާހަކަދައްކަވަނީ: ޑިމޮކްރެޓްސްގެ މެމްބަރެއް ކަމަށްވާ ސައިފް ވަނީ މޭޔަރުގެ އިންތިހާބުގައި ވާދަކުރައްވަން ނިންމަވައިފައި.-- ފޮޓޯ: ނިޝާން އަލީ | މިހާރު
މިހާރު ވެސް މާލޭ ސިޓީ ކައުންސިލުގައި ޑިމޮކްރެޓްސްގެ ތިން ކައުންސިލަރަކު ތިއްބަވަ އެވެ. އެއީ ގަލޮޅު އުތުރު ދާއިރާގެ ކައުންސިލަރު މުހައްމަދު ސައިފް ފާތިހާއި އެހެން ދެ ބޭފުޅެކެވެ. ފާތިހް ވަނީ މޭޔަރަކު ހޮވުމަށް ބާއްވާ ބައި-އިލެކްޝަންގައި ވާދަކުރައްވަން ނިންމަވައިފަ އެވެ.
މާލޭގެ މޭޔަރުކަމުގެ ބައި އިލެކްޝަން ބާއްވަން ޖެހެނީ އެ މަގާމުގައި މިހާރު ހުންނެވި ޑރ. މުހައްމަދު މުއިއްޒު ކުރިއަށް އޮތް ފަސް އަހަރަށް ރާއްޖޭގެ ވެރިކަމަށް މިދިޔަ މަހުގެ 30 ގައި އިންތިހާބު ކުރުމުންނެވެ. އެ މަނިކުފާނު ވެރިކަމުގެ ހުވާ ކުރައްވާނީ އަންނަ މަހުގެ 17 ގަ އެވެ. މޭޔަރުކަމުގެ ޒިންމާ ވަގުތީ ގޮތުން ވަނީ ޑެޕިއުޓީ މޭޔަރު އަހުމަދު ނަރީޝްއާ މިހާރު ހަވާލު ކުރައްވައިފަ އެވެ.
މޭޔަރު ކަމަށް ކުރިމަތިލާން އެކި ބޭފުޅުން ޝައުގުވެރިކަން ފާޅުކުރައްވަމުން އަންނައިރު، ޔޫތު އެންޑް ސްޕޯޓްސް މިނިސްޓަރު އަހްމަދު މަހްލޫފު ވެސް ވަނީ އެކަން އިއުލާން ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައިފުއްދީނު
04 December 2023
ފީވެފައި އޮތް ބަނބުކެޔޮ ސަންދޯއް ފިލައެއް ވަކަރަށްޖަހާނީ ބުއްދިވެރިއެއް.
ސުންދުސް
08 October 2023
ޑިމޮކްރަޓްސްއަށް ވަކަރަށް ޖަހައެއް ނުލެވޭނެ. 39،000 މެންބަރުން ކަނޑާލައިފިއޭ ބުނެ، ޕާރޓީ ހަދައިގެން ނެގުނީ 15،000 ވޯޓް. ވަކަރަށް ޖަހާލަން ބޭނުންވާނެ 100،000 ވޯޓް. މި ރާއްޖޭގައި ވަކަރަށް ޖަހާލެވޭނީ ޕީޕީއެމް/ޕީއެންސީ ކޯލިޝަން އަދި އެމްޑީޕީ ކޯލިޝަނަށް. ދެން ހުންނާނީ %7 އިން ދަށް!
ބަޑިތަކުރު
08 October 2023
ތިޔަ ހީކުރާކަހަލަ ނަތީޖާއެއް ނެރެވޭނީ މިހާރު އަޑުތައް އިވޭގޮތަށް އެންމެބޮޑު ޕާޓީން އެ ފުރުޞަތު ވެސް ތިޔަބައިމީހުންނަށް ދީފިއްޔާއެވެ. އަމިއްލަ އަމިއްލައަށް ނުކުމެއްޖެނަމަ ބޭޒާރުވުން ނޫންކަމެއް ވާނޭކަމަށް ގަބޫލެއް ނުކުރެވެއެވެ.
LaamuonlineDOTcom
08 October 2023
ތިޔަމަގާމަށް ޕީޕީއެމަށާއި ޕީއެންސީއަށް ކުރިމަތިނުލެވެނީތަ؟ އަދި އިބޫގެ އެމްޑީޕީވެސް އެބައޮތްތާ! ޕޯޑިއަމަށްއަރާ ކޮންމެވެސް އެއްޗެހިތަކެއްގޮވަނީދޯ، ކިޔޭނުކިޔޭއެއްޗެއްވެސް އެނގޭހެނެއްހިޔެއްނުވޭ، ޕޯޑިއަމްތަކުގަ ދޮގުހަދާ އަޑުގަދަކުރިމީހުނަށް ދިވެހިން ސަޕޯޓުކުރިޒަމާންގޮސްސި ދޮންކަލޯ
ނިލިސް
08 October 2023
އިރާދަކުރެއްވިއްޔާ މިއީ އެމް.ޑީ.ޕީގެ ފަހަރު
ސިލްމާ ޒާހިރު
07 October 2023
ބަލަން މިތިބީ. އެންމެ ވަރުގަދަ އަންނި ދާއިރާއިން ވެސް ލިބުނީ %8 އަދި އީވާ ދާއިރާއިން ލިބުނީ %10 ވޯޓް. ދެން ޖެހޭނީ ވަކަރަކަށް ނޫން.
އެނދިމަރިޔަނބު
07 October 2023
ތި ޕާޓީއަކީ ޅޮސްގަހެއް! ވަކަރަަށް ޖަހާނެ ކަމެއް ނެތް! 7 ޕަސެންޓު ލިބުނު ޅޮސްގަހެއް.
މަރުމޯލުރާޖާ
07 October 2023
އަނެއްކާ ތިހެންކިޔާފައުނބަށްނުޖަހާތި
ވިސްނާލުމަށް އެދެމޭ
07 October 2023
މުއިއްޒުއާ ގުޅިގެން ޕޕމ ފުޑާލުމަށް މަގުކޮށަނީ މީ ހިތާމަހުރިކަމެ...ޕނސ އިން ޑިމޮކްރެޓުންނާއެކު ކުޅޭ ޗަރުކޭހަށް ހުޝިޔާރުވެތިބޭތި...ޕޕމގެ ކެންޑިޑޭޓެނެރެންޖެހޭނެ. ކުރީގެ ޔޫތު މިނިސްޓަރ އިރުތިޝާމްއާދަމް މާލޭ މޭޔަރުކަމަށް ނެރުމަށްއެދެން ޕޕމގެ ޓިކެޓްގަ..ފިސާރި ކަނބަލެ އިރުތިޝާމްއަކީ ތައުލީމީ ތަޖުރިބާހުރި...މުއިއްޒުގެ ޓީމުން ވެރިކަންލިބުމުން ކުޅެމުންދަނީ ބަލައިގަނެވޭނެ ގޭމެއްނޫން..
LaamuonlineDOTcom
08 October 2023
ވިސްނާލުމަށް އެދެމޭ، ކަލޯ ތަންކޮޅެއްބޮޑަކަށްނޫންތަ ކަންކަންތިޔައެނގެނީ! އެހާބޮޑަށްހުރިކާކަމެއް އެނގޭމީހުނަށް ދިވެހިބަހުން ރޯނުއެދުރުންނޭވެސް ކިޔާއުޅޭދޯ، މާނައަކީ އެކަހަލަމީހުންއުޅޭނީ ހުރިހާކަމެއް އެނގޭކަމަށްހެދިގެން، އެކަމަކު ހަގީގަތުގައި އެއްވެސްކަމެއް ފުރިހަމައަކަށް ނޭންގޭނެ!
މާޝިތާ
08 October 2023
އިރުތިޝާމްއާދަމް ކަހަލަ ބޯވައިން ބޭނުމެއްނޫން، ބަލައެއްނުގަންނާނެ.
އެދުރުބޭބެ
07 October 2023
ޑިމޮކްރެޓްސް އިން މާލޭ މޭޔަރު ކަމުގެ ޕްރައިމަރީ ބޭއވީތަ މިހާރު؟ ކޮން ބައެއް ވާދަކުރީ؟ ކިހާ ވޯޓެއް ލިބުނީ؟ މިހާރު ޕްރައިމަރީ ބޭއްވުމެއް ނޯވޭތަ؟ މި ވައްތަރު ޑިމޮކްރަސީ އޮޅުން ފިލުވާދީބަލަ. އެމްޑީޕީ އިން ވެސް ޕްރައިމަރީ ނުބާއްވާތަ؟