ކަސްޓަމްސް އިން އަތުލައިގެންފައިވާ މަސްތުވާތަކެތި: ތިން ފަހަރެއްގެ މަތިން އެތެރެކުރި އަށް ކިލޯގެ މަސްތުވާތަކެތި ވަނީ އަތުލައިގެންފައި --- ފޮޓޯ/ކަސްޓަމްސް
21 އޮކްޓޯބަރ 2023 - 19:31
30 comments
ވައިގެ މަގުން ރާއްޖެއަށް އެތެރެކުރަން އުޅުނު މަސްތުވާތަކެތީގެ ތިން ޝިޕްމަންޓެއް ކަސްޓަމްސް އިން އަތުލައިގެންފި އެވެ.
ކަސްޓަމްސް އިން ބުނީ ފުރަތަމަ ޝިޕްމަންޓް މިދިޔަ މަހުގެ ފަހުކޮޅު އަތުލައިގަތީ ޖަރުމަނުން ރާއްޖެއަށް ގެނެސްފައިވާ ޕެކޭޖެއްގެ ތެރެއިން ކަމަށެވެ. އެ ޕެކޭޖްގެ ތެރެއިން މަސްތުވާތަކެތީގެ ބާވަތެއް ކަމަށްވާ މެފެޑްރޯންގެ 2.2 ކިލޯ ފެނިފައިވާ ކަމަށް ކަސްޓަމްސުން ބުންޏެވެ.
މަސްތުވާތަކެތީގެ ދެވަނަ ޝިޕްމަންޓް އަތުލައިގަތީ މިމަހުގެ ފަސް ވަަނަ ދުވަހު އިންޑިއާއިން ރާއްޖެ ގެނައި އެއާކާގޯގެ ޝިޕްމެންޓެއްގެ ތެރެއިން އެވެ. ކަސްޓަމްސް އިން ބުނިގޮތުގައި އެ ޝިޕްމަންޓްގައި ހުރި އިލެކްޓްރޯނިކް އާލާތްތަކުގެ ތެރޭގައި ފޮރުވާފައި ހުރި ތިން ކިލޯ ގްރާމް ހެރޮއިން ފެނިފައިވެ އެވެ.
ރާއްޖެ އެތެރެކުރަން އުޅެނިކޮށް ކަސްޓަމްސް އިން އަތުލައިގެންފައިވާ ޑްރަގްސް.
ކަސްޓަމްސް އިން ބުނިގޮތުގައި މަސްތުވާތަކެތީގެ ތިން ވަނަ ޝިޕްމަންޓް އަތުލައިގަތީ މިމަހުގެ ހަތް ވަނަ ދުވަހު ތައިލެންޑުން ރާއްޖެ ގެނައި އެއާކާގޯގެ ޝިޕްމަންޓެއްގެ ތެރެއިންނެވެ. އެ ޝިޕްމަންޓްގެ ތެރެއިން 3.5 ކިލޯ ގްރާމުގެ ހެރޮއިން ފެނިފައިވާ ކަމަށް ކަސްޓަމްސްއިން ބުންޏެވެ.
ކަސްޓަމްސްއިން ބުނިގޮތުގައި އެ ތިން ޝިޕްމަންޓުން އަތުލައިގަތް މަސްތުވާތަކެތީގެ މަގުމަތީ އަގު އަށް މިލިއަން ރުފިޔާއަށް ވުރެ މަތިވާނެ އެވެ.
އެ މައްސަލަތައް އިތުރަށް ތަހުގީގުކުރުމަށްޓަކައި، މަސްތުވާތަކެތި ވަނީ ފުލުހުންނާ ހަވާލުކޮށްފަ އެވެ. ނަމަވެސް އެ މައްސަލައާ ގުޅިގެން މީހަކު ހައްޔަރު ކުރިކަމެއް ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުން
22 October 2023
ޝިޕްމެންޓް އަތުލައިގަތުމަކުން ނުނިމޭ.އެކަން އެކުރާބަޔަކު ހައްޔަރު ކުރަން.ތިކަންކަމަކީ ދުރާލާ ރޭވިގެން ހިންގާ ޖަރީމާ.ތިކަންކަމުގަ މަތިން ތިރިޔަށް ޝާމިލްވޭ.އެހެންވެ އަތުލައި ނުގެނެވިގެން ތިއުޅެނީ.
ރައްޒާގު
22 October 2023
ރާއްޖެޔަށް އެތެރެވާ މަސްތުވާ ތަކެތީގެ ތެރެއިން އަދި ތި އަތުލައިގަނެވުނީ މަދު އަދަދެއްގެ އެތިކޮޅެއްކަމަށް ލަފާކުރެވޭ.
މަހަލްދީބު
22 October 2023
ޑްރަގް ޓެރެފިކިންގ އޮޕަރޭޝަންތައް ހިންގާއިރު ފުލުހުންނަށް ކޯޓު އަމުރެއްގެ ދަށުން ތުހުމަތުކުރެވޭ ފަރާތްތަކުގެ ފޯނުކޯލް އަޑު އެހޭނެ ކަމަށާއި، މަސްތުވާތަކެތި ބޭނުންކުރާ މީހުންނަަށް ވެގެން އިޓެލް އޮޕަރޭޝަންތައް ފުލުހުންނަށް ހިންގި ދާނެކަމަށް ޑްރަގް ޤާނޫނު ބުނޭ. އެހެންނަމަވެސް ޑްރަގް ޓެރެފިކިންގ ކޭސްތަކުގައި ޤަަނޫނުގައި ބުނާފަދައި ފުލުހުން ޙަރަކާތްތެރިވާ ތަނެއް ނުފެނޭ. ގިނަފަހަރަށް ކޯޓާ ހަމައަަށް ދާއިރު އެކަށީގެންވާ ހެއްކެއް ފުލުހުންނަށް ހުށައެއްނޭޅޭ
ޚަދީޖާ އަޙްމަދު
22 October 2023
މޯލްޑިވްސް ޕޮލިސް ސަރވިސް އިން ޑްރަގް ވިޔަފާރި ކުރުމުގެ މައްސަލަ ޙައްލު ކުރަން އެއްވެސް ކަމެއް ކުރާ ތަނެއް ނުފެނޭ. މިހާރުވެސް މާލޭގެ އެކި ހިސާބުގައި އައްޑާ ހަދައިގެން އެތައް ބަޔަކު ޑްރަގް ބޭނުން ކުރަމުން ދާއިރު ، ފުލުހުންނަށް މިތަން ތަން އެނގި އެއްވެސް އެކްޝަނެއް ނުނަގާ އެތިބެނީ.
ބްރަބޯ
22 October 2023
ތިއީ ފުލުހުންނަށް ކުރެވޭނެ ކަމެއް ނޫން،ޑީލް ކުރަން އުޅެނީ ކޮންމެސް މަތި ފަޑީގެ މީހެއް ބުނެގެން ނޫނީ އަޑީގަ ހުރެގެން،އޭނާ ހުންނާނީ ގާނޫނު ހަދަން،ދެން ވިސްނާ ކަންހިނގާނެ ގޮތް،ފުލުހުންނަށް ނޯވޭ އަތުގަ ހުއްޓާފެނުނަސް ހައްޔަރު ކުރެވޭކަށް ގާޒީގެ ހުއްދަ ނެތި،
ކޮރަލް
22 October 2023
އެންމެ ގިނަ އިން ރާއްޖެ އަށް މަސްތުވާތަކެތި އެތެރެ ކުރަނީ ލަކުޑި ބޯޓް ގަ އެވެ. އެ ބޯޓް ފަހަރު އެކި ބަނދަރު ތަކަށް ދާނެ އެވެ. މިހާރު މިކަމުގަ ބިދޭސީން ވެސް އުޅެ އެވެ. ރާއްޖެއިން ބިދޭސީން ގަވާއިދާ ހިލާފައް ހަށި ވިއްކިއަސް ވިޔަފާރި ކުރިއަސް ޑްރަގް އެތެރެ ކުރިއަސް ޑިޕޯޓް ކުރާ ތަނެއް ނުފެނެ އެވެ.
ހަނާ4545
22 October 2023
ހުރިހާ ސަރުކާރުތަކުންވެސް އެވާހަކަ ދައްކާނެ ކިހާވަރަކަށް މަސްތުވާތަކެތި އަތުލައިގަތް ނަމަވެސް ދުވަހަކުވެސް އެޑިކްޓް މީހުންނަށް ފަރުވާ ދިނުމުގެ ވާހަކަ ނުދައްކާނެ ބައެއް ޕަރލިމެންޓް މެމްބަރުން ބައިވެރިވުން އޮންނާތީ! މަގުމަތީގައި ވަރަށް ގިނަ އެޑިކްޓް މީހުން އެބަތިބި އެމީހުން ހުއްޓާލަން ބޭނުން ނަމަވެސް އެމީހުންނަށް ގޮތެއް ނުފެނުނު އަދި ނުވެސް ނެތް! ޕްލީޒް، އެމީހުންނަށް އެހީތެރިކަން ބޭނުންވޭ! -ނިމުނީ-
ހުވަދޫ އަލިބެއްޔާ
22 October 2023
ހުއްޓާލަން ބޭނުންވީމާ ހުއްޓާލަން މަސައްކަތްވެސް ކުރާނެ.. ހުއްޓާލަން ބޭނުން ނުވާތީ އެހެން އުޅެނީ.. ފަރުވާ އަކީ މުޅިން ތަފާތު ކަމެއް.. އެޑިކްޓްވެ ދުނިޔެއިން ބުއްދި ފިލާ ވަރުވެފަ ތިބި މީހުން ހުއްޓާލަން ބޭނުންވެ ރަނގަޅުވެ، މުޖުތަމަޢަށް ފައިދާ ކުރަނިވި ބަޔަކަށްވެފަ އެބަތިބި.. އެއީ އެމީހުން ހުއްޓަލަން ބޭނުން ވީމަ.. ކަން މިހެން އޮތަސް އަޅާލުމާއި ލޯބި އެއީ ފުރާނަ ހުރި ކޮންމެ ނަފްސަކަށް ބޭނުން އެއްޗެއް..
ހަނާ4545
22 October 2023
އަޅުގަނޑުމެންގެ ސަގާފަތުގައި މަސްތުވާތަކެތީގެ ހޭލުންތެރިކަމެއް ނެތް! އިޓްސް ލައިކް އަ ހޯ ހޯ ތިންގް ޓު ޓޯކް އަބައުޓް! އެމީހުން ފަށާއިރު އެމީހުންނަށް މަސްތުވާތަކެތި ބޭނުންކުރުމުގެ ނަތީޖާއާ މެދު ހޭލުންތެރިކަމެއް ނެތެވެ! ހީވަނީ ބައެއް ބާރުގަދަ މީހުން އެވާހަކަ ދައްކަން ބޭނުން ނުވާހެން އެމީހުން މި ވިޔަފާރީގައި ބައިވެރިވާތީ! ހުރިހާ ސަރުކާރުތަކުންވެސް އެވާހަކަ ދައްކާނެ ކިހާވަރަކަށް މަސްތުވާތަކެތި އަތުލައިގަތް ނަމަވެސް ދުވަހަކުވެސް…ޓުބީ ކޮންޓިނިއު
ހަނާ4545
22 October 2023
މަސްތުވާތަކެތީގެ ސަބަބުން ނިކަމެތި އާއިލާތައް ހަލާކުވަނީ! ކުރީގެ ސަރުކާރުގެ އެއްވެސް މީހަކު ފަރުވާލެއް ނުބަހައްޓައެވެ! މަސްތުވާތަކެތީގެ ވަބާގައި ޖެހިފައިވާ މީހުންނަށް އެޑިކްޝަނުން ސަލާމަތްވުމަށް ފަރުވާ ދޭނެ ރަނގަޅު ގޮތެއް ނެތް! އެޑިކްޓްވާ ގިނަ މީހުން ބޭނުމެއް ނޫން ހެރޮއިން ބޭނުން ކުރަން! އެކަމަކު އެމީހުން ބަލިވާތީ އެއީ އެމީހުން އެ މަސްތުވާތަކެތި ބޭނުން ކުރަން ބޭނުންވާ ސަބަބު! ޓުބީ ކޮންޓިނިއު
މަހަލްދީބު
22 October 2023
އެއްވެސް ސަރުކާރުން ޑްރަގް ޓްރެފިކް ކޮށް އޭގެ ވިޔަފާރި ކުރާ ފަރާތްތަކާ ދެކޮޅަށް މަސައްކަތެއް ނުކުރޭ. ގޭންގުތައް އޮޮަރޭޓް ކުރަނީ ޑްރަގް ވިއްކައިގެން ލިބޭ ފައިސާއިން . ގޭންގުތައް ދަނީ ސިޔާސީ ފަރާތްތަކަށް ނުފޫޒު ފޯރުވަމުން .
ހާދަ އަގު ބޮޑޭ
22 October 2023
މިހާރު 100 ރުފިޔާ ދީގެން ގަންނަ ޕީސްއަކުން ބޮވެނީ އެއްޝޮޓު! ކުރިން 8 ވަރަކަށް ޝޮޓު ޖެހޭ! ވީމާ ރަނގަޅު ފަރުވާގެ ނިޒާމެއް ގާއިމްކޮށްދީފަ އެތެރެ ކުރުން ހުއްޓުވާ! އެއީ ހަމައެކަނި އޮތް ހައްލަކީ! މިހާރު މީހުން ބޮނީ ބޭނުން ވެގެން ނެއް ނޫން! ބަލިވާތީ! ވޭން އަޅާތީ ތަޖުރިބާ ނުކުރާ މީހަކައް އިހުސާސް ވެސް ނުވާނެ! ޑރ. މުއިއްޒު، ޕްލީޒް ކޮންސިޑާރ އެބައުޓް ދިސް ވެރީ ސީރިއަސްލީ! ޔޫއާރ ދި އޮންލީ ހޯޕް ފޯރ ދަ ޕީޕުލް ދެޓް ހޫ ވޯންޓެޑް ޓު ގެޓް ރިޑް އޮފް ދި އެޑިކްޝަން!
ސައި
22 October 2023
ފަރުވާ ދިފަ ނެރޭ މީހާ އަނެއް ދުވަހު ހުންނަނީ ކޮންމެވެސް ގޭންގެއް ދަށުވެ ޕީސް ކޮޅު ގަންނަން އަަތަށް ސަތޭކަ ރުފިޔާ ލައިގެން ކުއި ގައި. ފަރުވާ ކިތަންމެ ވަރަކަަށް ދެވިދާނެ. ޑްރަގް މާކެޓާ އޭގެ މާކެޓިންގ.މިހާ ގަދައިރު ހަމައެކަނި ފަރުވާ އަށް ފޯކަސްކޮށްގެން ނުވާނެ. ޑްރަގް ޓްރެފިކިން އަދި ޕެޑްލް ކުރާ ފަރާތްތައް ފަހަތުން ފުލުހުން ދުވަން ޖެހޭ
ޑުރަގު
22 October 2023
ޕާރޓް-2 ހީވަނީ އަސްލު ބައެއްގެ ވިޔަފާރި ފުނޑިދާނެތީ އެއްވެސް ސަރުކާރަކުން މީހުން ހޭލުންތެރި ކުރަން ބޭނުން ނުވެ އަދި ރަނގަޅު ފަރުވާ އެއްވެސް ދޭން ބޭނުން ނުވަނީހެން! ބޭރުގައުމުތަކުގަ ވަރަށް ފަސޭހައިން ޑުރަގުން ސަލާމަތް ވާން ބޭސް ލިބޭ އަދި ކައުންސިލިން ވެސް ލިބޭ! އޅުގަނޑު މިސަރުކާރައް އަދި ދެން އަންނަ ސަރުކާރައް ގޮވާލަން ބޭނުން ވަނީ ޖީލެއް ފަނާނުވަނީސް ފަރުވާގެ ރަނގަޅު ނިޒާމެއް ގާއިމް ކޮށްދޭށޭ!އޭން އެޑިކްޓް އެންޑް ވޯންޓް ގެޓް ރިޑް އޮފް ދިސް މޭޑްނެސް
ސަންޑޭ
22 October 2023
ރާއްޖޭގައި ޑްރަގް ވިޔަފާރި ހުއްޓަން މަސައްކަތް ނުކޮށް ފަރުވާގެ ވާހަކަ ދެއްކުމީ ފޫ ނެތް ފަޔަކަށް ފެން ފުރުން. މިއަހަރު ތެތޭގައި ވެސް ގޭންގުތަކުން އެތައް ކުދިންނެއް ގްރޫމްކޮށް ޑްރަގް ތެރެއަށް ވައްދާފައި ވާނީ. މިޙާރު އެކުދިންނަކީ އެ މީހުންގެ ރެގިޔުލަރ ކަސްޓަމަރުން.