އޭސީސީން އަނބުރާ ހޯދަން އެންގީ 2018 ގެ ކުރީގެ މުއާމަލާތްތަކުގެ ފައިސާ: ފެނަކަ

ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު: ފެނަކައާ ގުޅޭ މައްސަލަތަކުގައި 20 މިލިއަން ރުފިޔާ އަނބުރާ ހޯދަން އޭސީސީން ވަނީ އެ ކުންފުންޏަށް އަންގައިފައި ވަނީ އިއްޔެ.-- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

25 އޮކްޓޯބަރ 2023 - 12:46

8 comments

ފެނަކަ ކޯޕަރޭޝަނުން ހިންގާފައިވާ އެކި ކޮރަޕްޝަންގެ މައްސަލަތަކާ ގުޅިގެން އަނބުރާ ހޯދަން އެންޓި ކޮރަޕްޝަން ކޮމިޝަން (އޭސީސީ) އަންގާފައިވާ ފައިސާއަކީ 2018 ގެ ކުރިން ހިންގާފައިވާ މުއާމަލާތްތަކުގެ ފައިސާ ކަމަށް ފެނަކައިން ބުނެފި އެވެ.

އޭސީސީން އިއްޔެ ބުނީ އެ ކޮމިޝަނުން މިވަގުތު ފެނަކައާ ގުޅޭ 75 މައްސަލައެއް ތަހުގީގު ކުރަމުން އަންނަ ކަމަށެވެ. ނަމަވެސް އޭސީސީން އަނބުރާ ހޯދަން އަންގާފައިވާ 20 މިލިއަން ރުފިޔާއަކީ ތަހުގީގު ނިމިފައިވާ މައްސަލަތަކުގެ ފައިސާ ކަމަށް އެ ކޮމިޝަނުން ބުންޏެވެ.

ފެނަކައިން މިއަދު ނެރުނު ބަޔާނެއްގައި ބުނީ ކޮރަޕްޝަނާ ގުޅުންހުރި މައްސަލަތަކުގައި ހޯދަން އޭސީސީން އެންގި 20 މިލިއަނަކީ 2012 ވަނަ އަހަރު އެ ކުންފުނި އުފެދުނީއްސުރެން ފެށިގެން މިއަދާ ހަމައަށް ހިންގާފައިވާ އެކި މުއާމަލާތްތަކުގެ ފައިސާ ކަމަށެވެ.

އޭގެ ތެރޭގައި ހިމެނެނީ 2011 ވަނަ އަހަރުން ފެށިގެން 2017 ވަނަ އަހަރުގެ ނިޔަލަށް ހިންގާފައިވާ ހަތަރު މުއާމަލާތަކާ ގުޅުންހުރި ފައިސާ ކަމަށް ވެސް ފެނަކައިން ބުންޏެވެ.

އަނބުރާ ހޯދަން އަންގާފައިވާ 20 މިލިއަން ރުފިޔާގެ މައްސަލަތައް

1. ސަދަން ޔުޓިލިޓީ ކުންފުނީގެ ކުރީގެ ފިނޭންސް ޑިރެކްޓަރު ކިޔަވަން ދިއުމަށް ކުންފުނީގެ ކުރީގެ މެނޭޖިން ޑިރެކްޓަރު މަގާމުގެ ނުފޫޒު ބޭނުންކޮށްގެން ކުންފުނީގެ ބަޖެޓުން ދޫކޮށްފައިވާ ކަމަށް ބުނާ 240،000ރ.

2. އަމިއްލަ ކުންފުންޏަކާ އެކު 2015 ވަނަ އަހަރު ކޮށްފައިވާ މުއާމަލާތަކާ ގުޅިގެން ކުންފުނީގެ ޕްރޮކިއުމަންޓް ޕޮލިސީއާ އެއްގޮތަށް އުނިކުރަން ޖެހޭ ޖޫރިމަނާ ފައިސާ އުނިނުކޮށް އެ ކުންފުންޏަށް ފައިސާ ދޫކުރުމުގެ ސަބަބުން އެ ކުންފުންޏަށް (ފެނަކަ) އަށް ލިބުނު ގެއްލުމަށްވާ 1،017،170.44ރ.

3. ޑޮލަރު ގަތުމަށް 2016 ވަނަ އަހަރު އަމިއްލަ ކުންފުންޏަކާ އެކު ކުރި މުއާމަލާތަކުން ލިބެން ޖެހޭ 17،857،970.10ރ.

4. ފެނަކައަށް ބޭނުންވާ ބިލިން ސޮފްޓްވެއާއެއް ހޯދަން 2017 ވަނަ އަހަރު އަމިއްލަ ކުންފުންޏަކާ އެކު ކޮށްފައިވާ މުއާމަލާތަކުން ފެނަކައަށް ގެއްލިފައިވާ 1،389،342ރ.

Fenaka aa gulhey massala thakugai 20 million rufiya anburaa hoadhan angaifi

The most trusted news source in the Maldives

Mihaaru

ފެނަކައިގެ މައްސަލަތަަކުގައި އެ ކުންފުންޏަށް ފިޔަވަޅު އަޅަން އޭސީސީން ރައީސް އޮފީހަށް ވެސް އެންގި އެވެ. ނަމަވެސް އެ މައްސަލާގައި އެއްވެސް ފިޔަވަޅެއް އެޅި ކަމެއް މިހާތަނަށް އެނގިފައެއް ނެތެވެ.

ސަރުކާރު ކުންފުނިތަކުގެ ދަރަނި ވަރަށް ބޮޑުވެފައި ވާއިރު، ފެނަކަ އަކީ އެންމެ ބޮޑު ދަރަނި އޮތް އެއް ކުންފުންޏެވެ. އެ ކުންފުނީގެ ދަރަނި ބިލިއަނަކަށް ވުރެ ބޮޑެވެ.

އެންޓި ކޮރަޕްޝަން ކޮމިޝަން ފެނަކަ ކޯޕަރޭޝަން އަހުމަދު ސައީދު މުހައްމަދު، އެމްޑީ (ފެނަކަ) ކޮރަޕްޝަން ރާއްޖެ ކޮރަޕްޝަން

8 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުކެރުނީ

25 October 2023

75 މައްސަލަ ބަލާއިރު އެންމެ 4 މައްސަލައިގެ ވާހަކަ ހާމަކޮށްލީ އެއްކަލަ 'ކުރީ ސަރުކާރު'ގެ ޓެގް އަޅުވާލާފަ. މިސަރުކާރުގެ ކަމެއްގެ ވާހަކަ ދައްކާލަން ހަމަ ނުކެރުނު. ޔާމީން ކަމަށްވަނީ އަނިޔާވެރީ. އެކަމު މިސަރުކާރުގެ ވާހަކައެއް ދައްކާލަން ނުކެރިފަ ތިތިބީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާނާ

25 October 2023

މައްސަލަތަކުގެ ލިސްޓުގެ 1 ވަނަ ނަންބަރުގައި އެވާ މައްސަލަ ހިނގި އަހަރު ލިޔެފައިނެތީ ކީއްވެ؟ އޭރު އެ ކުންފުނީގެ އެމްޑީއަކަށް ހުރީ ކާކުތޯ ސައީދު ކުރެން އަހާބަލަ.