ފެނަކައާ ގުޅޭ މައްސަލަތަކުގައި 20 މިލިއަން ރުފިޔާ އަނބުރާ ހޯދަން އަންގައިފި

ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު: ފެނަކައާ ގުޅޭ މައްސަލަތަކުގައި 20 މިލިއަން ރުފިޔާ އަނބުރާ ހޯދަން އޭސީސީން ވަނީ އެ ކުންފުންޏަށް އަންގައިފައި.-- ފޮޓޯ: ރައީސް އޮފީސް

އިފްރާޒް އަލީ، މިހާރު

24 އޮކްޓޯބަރ 2023 - 16:29

22 comments

ފެނަކަ ކޯޕަރޭޝަން އެކިއެކި ކޮރަޕްޝަންގެ މައްސަލަތަކުގައި 20 މިލިއަނަށް ވުރެ ގިނަ ރުފިޔާ އަނބުރާ ހޯދަން އެ ކުންފުންޏަށް އަންގާފައިވާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ބުނެފި އެވެ.

އެ ކޮމިޝަންގެ ނޫސްބަޔާނެއްގައި ބުނީ އެ ކޮމިޝަނުން މިވަގުތު ވެސް ފެނަކައާ ގުޅޭ 75 މައްސަލައެއް ތަހުގީގު ކުރަމުން އަންނަ ކަމަށެވެ. ނަމަވެސް، އަނބުރާ ހޯދަން އެންގި ފައިސާ އަކީ އެ މައްސަލަތަކުގެ ތެރެއިން ސީދާ ކިތައް މައްސަލާ ގުޅޭ ފައިސާ ކަމެއް އޭސީސީން އަދި ނުބުނެ އެވެ.

އެ ކޮމިޝަނުން ބުނި ގޮތުގައި، ފެނަކައާ ގުޅޭ ގޮތުން ބަލާ މައްސަލަތަކުގެ ތެރޭގައި ކުންފުނި ހިންގުމުގައި މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދުމާއި ހޯދައިދިނުމާ ގުޅޭ މައްސަލަތައް ވެސް ހިމެނެ އެވެ.

އުސޫލުތަކުގެ ބޭރުން އެކި މީހުންނަށް ވަޒީފާ ހަމަޖައްސާފައިވާ ކަމުގެ ތުހުމަތުތަކުގެ މައްސަލަތަކާއި ކުންފުނީގެ ޕްރޮކިއުމަންޓް އުސޫލުތަކާ ހިލާފުވުމުގެ މައްސަލަތަކާއި ކުންފުނިން ފައިސާ ދޫކުރުމާ ގުޅޭ ގޮތުން އެކަށައަޅާފައިވާ އުސޫލުތަކާ ހިލާފަށް ފައިސާ ދޫކުރުމުގެ ތުހުމަތުތަކުގެ މައްސަލަތައް ވެސް ހިމެނޭ ކަމަށް އޭސީސީން ބުންޏެވެ.

އޭސީސީން ބުނީ ފެނަކައާ ގުޅޭ ގޮތުން އެކި މައްސަލަތައް ތަހުގީގު ކުރުމަށް ފަހު، އެ މައްސަލަތަކާ ގުޅިގެން، އެ މައްސަލަތަކުގައި ހިމެނޭ ފައިސާގެ ތެރެއިން 20،504،491.54ރ. އަނބުރާ ހޯދުމަށް އެ ކުންފުންޏަށް އަންގާފައިވާ ކަމަށެވެ.

ފެނަކައާ ގުޅޭ އެކި މައްސަލަތަކުގައި 92 ކަމެއް އިސްލާހުކުރުމަށް އޭސީސީން މިހާތަނަށް އަންގާފައިވާ ކަމަށް ވެސް އެ ކޮމިޝަންގެ ބަޔާނުގައި ބުންޏެވެ. އޭގެ ތެރޭގައި ހިމެނެނީ؛

• ކުންފުނި ހިންގުމާ ގުޅޭ ކަންކަން ކުރިއަށް ގެންގޮސްފައިވާ ގޮތުގެ 48 ކަމެއް އިސްލާހުކުރުން.

• ކުންފުނީގެ ސިޔާސަތުތަކާ ގުޅޭ 24 ކަމެއް އިސްލާހުކުރުން.

• ކޮރަޕްޝަންގެ އަމަލުތަކުގެ ސަބަބުން ކުންފުންޏަށް ގެއްލިފައިވާ ފައިސާ އަނބުރާ ހޯދުމާ ގުޅޭ ހަ ކަމެއް އިސްލާހުކުރުން.

• ކުންފުނިން ބަލައި ތަހުގީގުކުރުމަށް ވެސް ހަ ކަމެއް އަންގާފައިވޭ.

Fenaka ge 72 million Rufiyaage corruption ACC gai eba oiy: Hassan Latheef

The most trusted news source in the Maldives

Mihaaru

ފެނަކައިގެ މައްސަލަތަަކުގައި އެ ކުންފުންޏަށް ފިޔަވަޅު އަޅަން އޭސީސީން ރައީސް އޮފީހަށް ވެސް އެންގި އެވެ. ނަމަވެސް، އެ މައްސަލާގައި އެއްވެސް ފިޔަވަޅެއް އެޅި ކަމެއް މިހާތަނަށް އެނގިފައެއް ނެތެވެ.

މިދިޔަ ފަސް އަހަރުގެ ތެރޭގައި ސަރުކާރު ކުންފުނިތަކުގެ ދަރަނި ވަރަށް ބޮޑުވެފައި ވާއިރު، ފެނަކަ އަކީ އެންމެ ބޮޑު ދަރަންޏެއް އޮތް އެއް ކުންފުންޏެވެ. އެ ކުންފުނީގެ ދަރަނި ބިލިއަނަކަށް ވުރެ ބޮޑެވެ.

އެންޓި ކޮރަޕްޝަން ކޮމިޝަން ކޮރަޕްޝަން ފެނަކަ ކޯޕަރޭޝަން

22 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލި

25 October 2023

އައު ސަރުކާރު އަންނަން ފަޅި ސިކުންތަށް ވީމައި އޭސީސީ ވެސް ނިދިން ހޭލައި އެތަން މިތަނުން މައްސަލަތައް ނަގައި ހިރަފުސް ފޮޅައި ބޮޑެތި ބަޔާންތައް ނެރި އެންގުންތައް އަންގަން ފަށައިފި. މި ވާ ގޮތް އެންމެނަށްވެސް އެނގޭ. މުއިއްޒު ހޮވޭނެކަން އެނގުނު ހިސާބުން ކެމްޕޭން އޮފީސްތެރޭގައި ބޯވަތަކާއި ހަރުފަތައް އުތުރި އަރަނީ. އެންމެންގެ ވެސް ބޭނުމަކީ ވަޒީފާ އާއި މުސާރަ ޔަގީން ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޝާނީ

25 October 2023

ތި 20 މިލިއަން ރުފިޔާއަކީ ސައީދުގެ އެމްޑީ ކަމުގައި ހިނގާފައިވާ މައްސަލަތަކެއްގައި ހިމެނޭ ފައިސާތަ؟ ޕީޕީއެމްގެ ސަރުކާރުގެ އެމްޑީ ނިމާލުގެ ފަސްބައި ބަލާބަލަ ނިކަން. މީހަކަށް ތުހުމަތުކޮށް އެއްފަހަރާ 100 މައްސަލަވެސް ހުށަހެޅިދާނެ. އެކަމަކު އާޚިރުގައި ކަން ނިމޭއިރު އެކަން ވެފައި އޮންނަނީ ހަސަދައެއް ފިލުވާލަން ކުރާ ދޮގު ބަދުނާމަކަށް. އެހެން ނޫންނަމަ މިވީހާތަނަށް އޭސީސީން ސައީދުގެ މައްސައެއް ބަލައި އޭނާގެ މައްޗަށް ދަޢުވާކުރަން ފޮނުވާނެ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާސީމް

25 October 2023

އާނ ސައީދު އެއީ ހުދު ކަފަކޮޅެއް. ރީއްޗޭދޯ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރަދުން

25 October 2023

ކޭބަޔަކު ކައިގެން ފައިސާބޮނޑީ ހިފައިގެން ސަރުކާރު ނިމޭއިރަށް ފިލަނީ...ޒިންމާ ކުރެވި އެފައިސާ ހޯދޭ ގޮތެއް ނޯވޭ!!! މިނޫނިއްޔާ ދުނިޔޭގަ ނޭކަޑު ޑިމޮކްރަސީއެއް ނޯންނާނެ...މަޖިލިސް އުވާލާފަ އެފައިސާއިން އެފްބީ އައި ކަހަލަ ބޔަކު ހަޔާކުރީމަ ތިކަމަށް ހއްލު ލިބޭނީ...ނޫނީ މަޖިލީހުގަ ތިބި . އެކޮޅުން ކަނީ! ދެން އަންނަ ސަރުކާރެް މަޖިލީހާ އެއްބަިވެގެން ކަނީ...އެހެން ގޮސް މާޅޭގަ ހުސް ބިންކޮޅެއް ފަޅު ރައްގަނޑެއް ނެތް!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔމނ އދރސ

25 October 2023

އޭސީސީ އަކީ ވަގުތުން ވަގުތައް އުވާލަށްޖެހޭ އިދާރާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުސަރު

25 October 2023

މިހުރިހާ ދުވަހު ފެނަކައިގެ އެއްވެސް މައްސަލައެއް ނެތްކަމަށް ނިންމަމުން ކޮރަޕްޝަން އެއީ ބިލާހަކަށް ހެދީ ތިޔަ އޭސީސީ މެންބަރުންނެވެ. އެމްޑީޕީ މެޖޯރިޓީއޮތް މަޖިލީހަކުން ތިޔަ ތަނަށް މެންބަރުން ލީ ސަބަބު ވަރަށް ސާފެވެ. މިހުރިހާ ދުވަހު ފެނަކައިގެ މައްސަލައެއް މުއައްޒަފަކު ރިޕޯޓްކުރިޔަސް ސައީދުއަށް ގުޅައި އެމުއައްޒަފެއްގެ މަޢުލޫމާތު ދިނީ ހަމަ ތިޔަ އޭސީސީގެ މެންބަރުން ނޫންތޯއެވެ. ފުރަތަމަވެސް އޭސީސީގެ މެންބަރުންވީ ގެއަށް ފޮނުވާލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާކަންވާރު އިބްރާހީމް

25 October 2023

އޭސީސީ މެމްބަރުންނަށް އަދި ކިރިޔާ ހޭލެވުނީއެވެ. މިހުރިހާ ދުވަހު ތިޔަ މައްސަލަތަށް ފޮރުވައިގެން އުޅެފައި މިހާރު ތިޔަވާހަކަ ތިޔަ ދައްކަނީއެވެ. އަންނަ ސަރުކާރުންވެސް ކުރާ ކަންތަށް ފޮރުވައިގެން ދައުރު ނިމުނީމައި އެވާހަކަ ގޮވާނެއެެވެ. ކޮރަޕްޝަންގެ އަސްލު ގުޅެނީ މިމީހުންނާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަފެނަ

25 October 2023

ވަކިތަނެއް ނެތް. ހުރިހާ ތާކުން ކައި ހުސްކޮށްފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުންބޯ

25 October 2023

ސައީދު އަތުން އަތުލާ.ކަރަޕްޝަން އިންތިހާއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާކުއްދާ

24 October 2023

ފެނަކައިގެ އެމްޑީ މަގާމާއި ހަވާލުވުމުގެ ކުރިން މާލޭގައި ދިރިއުޅޭ ތަނުގެ ކުލި ދެއްކުންވެސް އޮތީ އަތްފޯރާ ހިސާބަށްވުރެ މަތީގައި. އެކަމަކު މިހާރު އަޑުއިވޭގޮތުން ދަނީ އަމިއްލަ ނަމުގައި ނެތަސް ބަޔަކާއި ގުޅިގެން ރިސޯޓެއް ހަދަމުން. ފައިސާ ލިބުނުގޮތް އެންމެ މޮޅަށް ދެނެވޮޑިގަންނަވާނީ ﷲ ސުބުޙާނަހޫ ވަތައާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

24 October 2023

ޔަމީން ދުވަސް ދިޔައީ އަދީބް ކިޔާ މީހަކު ދަށުވެގެން އިބްރާހިމްގެ ދުވަސް މިދިޔައީ ސައީދު ކިޔާ މީހަކު ދަށުވެގެން،ޔާމީންވެސް ވަރަށް އަދީބްއަ ސަނާކީ ހަމައެގޮތައް އިބްރާހިމްވެސް ސައީދުއަ ވަރަށް ސަނާކީ އެހެން ވީމާ ،، ގުޅޭނީ ،، ވަރަށް ސާފް