މަޖިލީހުގެ ޖަލްސާއެއްގައި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވާހަކަ ދައްކަވަނީ. --ފޮޓޯ: މަޖިލީހުގެ އިދާރާ
18 އޮކްޓޯބަރ 2023 - 10:14
13 comments
ދައުލަތުގެ ޔުޓިލިޓީ ކުންފުނި ފެނަކަ ކޯޕަރޭޝަނަށް ތުހުމަތުކުރެވޭ 72 މިލިއަން ރުފިޔާގެ ކޮރަޕްޝަން މައްސަލަތައް އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅާފައިވާ ކަމަށް ހެންވޭރު ހުޅަނގު ދާއިރާގެ މެމްބަރު ހަސަން ލަތީފް މިއަދު ވިދާޅުވެއްޖެ އެވެ.
ފެނަކައިން ކުދި ކުންފުނިތަކަށް ދޭންޖެހޭ ފައިސާ ދިނުން އަވަސްކުރުމަށާއި މެނޭޖްމަންޓް އަދި ފައިނޭންޝަލް އޮޑިޓެއް ހެދުމުގެ އިތުރުން ދަރަނިތައް އަދާކުރާނެ ގޮތުގެ ޕްލޭނެއް އެކުލަވައިލަން ގޮވާލައި މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހަޅުއްވާފައިވާ ގަރާރުގެ ބަހުސްގައި ވާހަކަ ދައްކަވަމުން ހަސަން ވިދާޅުވީ ފެނަކައިގެ މައިގަނޑު ތިން މައްސަލައެއް ފާހަގަކުރެވިފައިވާ ކަމަށެވެ.
ފެނަކައިގެ އެކި މަސައްކަތްތައް ކުރުވައި އެތައް މިލިއަން ރުފިޔާއެއް ކުންފުނިތަކަށް ނުދެއްކުމުގެ އިތުރުން، އެ ކުންފުންޏަށް ނިސްބަތްވާ 71.9 މިލިއަން ރުފިޔާގެ ކޮރަޕްޝަންގެ ތަފާތު 31 މައްސަލަ އޭސީސީގައި އެބައޮތް ކަމަށް ހަސަން ވިދާޅުވި އެވެ.
"އެ މައްސަލަތަކަކީ ބެލެންޖެހޭނެ މައްސަލަތައް. އެ މައްސަލަތައް ނުބެލޭ ކަމަށް ވަންޏާ އަނެއްކާވެސް އެ ކަންކަން ކުރާ ފަރާތްތަކަށް، ކޮރަޕްޝަންގެ އެ އަމަލުތައް ހިންގާ ފަރާތްތަކަށް އެ ލިބެނީ ހިތްވަރެއް،" އޭނާ އަށް ލިބިފައިވާ މައުލޫމާތުތަކަށް އިޝާރާތް ކުރައްވައި ހަސަން ވިދާޅުވި އެވެ.
އެ މައްސަލަތައް އޭސީސީއަށް ހުށަހަޅާފައިވަނީ، ހަސަން ވިދާޅުވި ގޮތުގައި، ފެނަކައިގެ މުވައްޒަފުންތަކެކެވެ.
އެކަމުގައި އޭސީސީގެ ބަހެއް ލިބޭ ގޮތެއް އަދި ނުވެ އެވެ.
"ގިނަ ކުންފުނިތައް ބަނގުރޫޓު ވެއްޖެ"
އެ ގަރާރަށް ބަހުސް ކުރެއްވި އިދިކޮޅު ބައެއް މެމްބަރުން ވިދާޅުވީ ފެނަކައިން ފައިސާ ނުލިބިގެން ކުދި ގިނަ ކުންފުނިތައް މިހާރު ވެސް ބަނގުރޫޓު ވެއްޖެ ކަމަށެވެ.
ފެނަކަ ކޯޕަރޭޝަނުން އެކި ޕްރޮޖެކްޓްތަކަށް ނުލިބި 300މިލިއަން ރުފިޔާއަށް ވުރެ ބޮޑު އަދަދެއް އެބަ ހުރި ކަމަށް މިދިޔަ މަހުގެ ތެރޭގައި ކޮންޓްރެކްޓަރުންތަކެއް ވަނީ ބުނެފަ އެވެ.
ފެނަކައިން ފައިސާ ނުލިބިގެން ކޮންޓްރެކްޓަރުން ބޭއްވި ނޫސްވެރިންގެ ބައްދަލުވުން. އެ ބައްދަލުވުމުގައި 19 ކޮންޓްރެކްޓަރުން ބައިވެރިވި. --ފޮޓޯ: މިހާރު
އެކަމަކު ފެނަކައިން އެކި ކުންފުނިތަކަށް ދައްކަން ޖެހޭ ފައިސާގެ އަދަދު 2.8 ބިލިއަން ރުފިޔާ އަށް އަރާފައިވާކަން، "މިހާރު" އަށް ވަނީ އެނގިފަ އެވެ.
އެކަމާ ގުޅުވައި ހުޅުދޫ ދާއިރާގެ މެމްބަރު އިލްޔާސް ލަބީބް ވިދާޅުވީ އެ ފައިސާ ވީއެންމެ އަވަހަކަށް ކުންފުނިތަކަށް ލިބޭނެ ގޮތެއް ހޯދައި، ފެނަކައިގެ ކޮރަޕްޝަނާއި ދަރަނީގެ މައްސަލަތައް ބަލައި ފިޔަވަޅު އަޅަންޖެހޭ ކަމަށެވެ.
މާފަންނު އުތުރު ދާއިރާގެ މެމްބަރު އިމްތިޔާޒް ފަހްމީ ވިދާޅުވީ ފެނަކަ ހިމެނޭހެން ނިމުނު ރިޔާސީ އިންތިހާބާ ދިމާކޮށް ސަރުކާރުގެ އެކި ކުންފުނިތަކަށް އެތައް ސަތޭކަ މީހުންނަށް ވަޒީފާ ދީފައިވާ ކަމަށެވެ. އެހެންކަމުން، މިއީ ވެސް ބަލައި، ކުރިއަށް އޮތް ތަނުގައި ހުއްޓުވޭނެ ގޮތެއް ހޯދަން ޖެހޭ ކަމެއް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
18 October 2023
ފެނަކަ ކޯޕަރޭޝަނަށް ތުހުމަތުކުރެވޭ 72 މިލިއަން ރުފިޔާގެ ކޮރަޕްޝަން އެބަ އޮތެވެ. އަދި އެހެން ކުންފުނި ތަކުގެ ހާލެއް ނޭނގެ އެވެ. ރާއްޖޭގެ ދަރަނި ބޮޑު ވަނީ ކޮރަޕްޝަނާ ހެދި އެވެ. ލޯން ފައިސާ ދައްކަން އަދި ކޮރަޕްޝަންގެ ގޮތުގަ ނަގާ ފައިސާ ގެ ގެއްލުން ފޫ ބައްދަން ވެސް ދަރަނި ލޯން ނަގަން އެބަ ޖެހެ އެވެ.
ސައިޚް
18 October 2023
އޭ.ސީ.ސީ. ، ހިއުމަން ރައިޓްސް، އިންތިގާލީ އިންސާފުގެ އޮފީސް، މީހަމަ ބޭކާރު ބޮޑު ޚަރަދު ކުރަން ހުރި ތަންތަން، އުވާލަންވީ، އިންތިގާލީ އިންސާފު ހޯދާއޮފީހުން ހޯދަނީ ހަސަންފަރީދާ، ކާށި ބޯޓް، މިވެސް ގައުމެއްގެ ހާލަތު ހުރި ދަށު ދަރަޖަ، ވިސްނާލީމަ އެނގޭނީ،
ސުޒާނު
18 October 2023
މީނާ އުމުރައް ޖަލުގަ ބާއްވަންޖެހޭނެ
ބޮޑުމީހާ
18 October 2023
މަޖްލީހުގައި ގަޓެއް ހުރިއްޔާ އޭސީސީ މީހުން ހާޒިރުކޮށް އެމީހުން ބޭރުކޮށްބަަލަ. 5 އަހަރު މިދަނީ މައްސަލަތައް ނުބެލި. އޭސީސީއަކީ މިނިވަންތަނެއް. އެމީހުން މައްސަލަތައް ބަލައި ރިޕޯޓް ނެރެން ބިރުގަންނަންޏާ އެމީހުން ބޭރުކުރަންޖެހޭ. މަޖްލީހުގަ އެ ކެޕޭސިޓީ ނެތުމުން ތިހެން ތިވަނީ.
ޢަލީ ކުރުސީ
18 October 2023
ޒީރޯ ޓޮލެރެންސްގެ ދަށުން މައްސަލަތައް ހިފަހައްޓާފަ އޮތީދޯ؟ އަމާން އޮމާން 5 އަހަރު ވެރިކަންކުރެވުނު އިޙްސާސް.... މައިފުޓް!
ރިބާން
18 October 2023
އިބޫ ހައްޔަރުކޮށް މިކަންކަން ބަލަންޖެހޭ..އިބޫ އެތަނަށްލާފަ އެހުރީ ސައީދު ޒިންމާނަގަން ޖެހޭނީ އިބޫ..ޔާމީން މައްސަލައިގައި ޕީޖީން ބުނި ޔާމީންއޭ އަދީބް ޓޫރިޒަމަށް ލާފަ ހުރީ އަދީބް ކުރިކަންކަމުގެ ޒިންމާ ވާންޖެހޭނޭ..
ޥެރޯނިކާ
18 October 2023
ފެނަކަ ހިންގީ ފެނަކަ ސައީދުއަށް އެތަން ހިންގަން އެގުނުގޮތަށް އެކަމުގެ ޒިންމާ ނަގަންޖެހޭނީ އޭނަ އެތަނަށް ލީމީހަކް އެކަންކުރީ އަންނި !! ޥަރަށް ބޮޑަށް ޝުކުރިއްޔާ.
ބެޓީ
18 October 2023
ވެރޯނިކާ އެބަޖެހޭ ހަސަދައިން މިންޖުވާން. ނަޝީދާ ހަސަދިވެރިވިޔަސް ހަމަޖެހޭ ވާހަކަދެއްކުން ބުއްދިވެރި. ސަރުކާރުގެ ކުންފުނިތައް ހިންގާމީހުންލަނީ އެއިރެއްގެ ރައީސް. ގައުމުގެ ރައީސް މަޖްލިހުގެ ރައީސެއްނޫން
ކުރުކޮށް
18 October 2023
އެއީ ކަރަޕްޝަންގެ ހާއްޔެއް
އަފްރާސިޔާބު
18 October 2023
ތި ކުންފުނިތައް އުފެދިފައިވާ ގޮތާއި ތިކުންފުނިތަކަށް މަސައްކަތް ޙަވާލު ކުރާގޮތާއި ތަކެތި ގަންނަ ގޮތް ބަލާލީމާ ކޮންމެވެސް ބަޔަކަށް އެއްޗެއް މޭރުން ވެދާނެ. އެކަމަކު ކޮރަޕްޝަންގެ ވާހަކަ ނުދައްކާތި. އެކަމަކީ ކުރަން ދަސްކޮށްގެން ކުރާކަމެއް. ކިތަންމެ ވަރަކަށް ބެލިކަމުގައިވިއަސް ނުފެންނާނެ.
ލޮލިޕޮޕް
18 October 2023
މީ މިދައްކާ ވާހަކަ. ބޮޑެތި މުސާރަ ދީފައި ޡިންމާ އަދާ ނުކޮށް ހުރުމުގެ ސަބަބުން ދައުލަތަށްނލިބޭ ގެއްލުންތަކުގެ ޛިންމާ ވާނީހުންނަށް ލިބުނު މުސާރަ ކައިގެން ގެއަށް ފޮނުވާލުމަކީ އިންސާފެއް ނޫނޭ. ދަށުގެ މުވައްޒަފުން އިހުމާލެއް ވެއްޖެނަމަ ޖަލަށް ލާފަ ވެރިން މަޤާމުން ދުރުކުރީމާ ނިމުނީ ކަމުގައި ނުހައްދަވާށޭ. ކޮރަޕްޝަން މައްސަލަ ނުބެލިމީހުންނަށް އަދަބު ދެވެންޖެހޭނެ. މިބުނީ ޖަލަށް ލާށެކޭނޫން. ލިބުނު މުސާރައިން ބައެއް ޖޫރިމާނާކޮށް ދައުލަތަށް އަތުލާށޭ.