ނައީމާގެ މަރާ ގުޅޭ އިތުރު ރިޕޯޓުތަކެއް ހަދާތީ ދައުވާ ކުރަން ފޮނުވުން ލަސްވެއްޖެ

ނައީމާގެ މަރުގައި ހައްޔަރުކުރި ތިން މީހުން ކަމަށްވާ އަހްޒަމް (ވ) އާއި ރިފާސް (މ) ގެ އިތުރުން ފަވާޒް.

އިފްރާޒް އަލީ، މިހާރު

31 އޮކްޓޯބަރ 2023 - 12:32

މިދިޔަ އެޕްރީލް މަހުގެ 7 ގައި ނ. މަނަދޫގައި އަނިޔާވެރި ގޮތަކަށް މަރާލާފައި އޮއްވައި ފެނުނު ނައީމާ މޫސާގެ މަރުގެ މައްސަލާގައި އިތުރު ރިޕޯޓްތަކެއް ހަދަމުން އަންނާތީ، އޭނާ މަރާލި ކަމަށް ތުހުމަތު ކޮށްފައިވާ މީހުންނަށް ދައުވާ ކުރަން ފޮނުވުން ލަސްވެއްޖެ އެވެ.

އެ މައްސަލައިގައި ހައްޔަރުކޮށްފައި ވަނީ އެ ރަށުގެ ތިން ޒުވާނެކެވެ. އެއީ އަހްޒަމް އަބްދުއްޝަކޫރު، 23 އާއި އަބްދުލްވާހިދު ރިފާސް، 20 އަދި ހަސަން ފަވާޒް، 21 އެވެ.

ނައީމާގެ މަރަށް ހަ މަހަށް ވުރެ ގިނަ ދުވަސް ވީ އިރު ވެސް، ތުހުމަތުވާ މީހުންނަށް ދައުވާ ކުރަން ޕްރޮސެކިއުޓާ ޖެނެރަލްގެ އޮފީހަށް އަދިވެސް ނުފޮނުވަ އެވެ.

ނ. މަނަދޫގައި މަރާލާފައި އޮއްވައި ފެނުނު ނައީމާ މޫސާ

ދައުވާ ކުރަން ފޮނުވުން ލަސްވަނީ ކީއްވެތޯ "މިހާރު" އިން ފުލުހުންނާ ސުވާލު ކުރުމުން މީޑިއާ އޮފިޝަލް ވިދާޅުވީ، ނައީމާގެ މަރުގެ މައްސަލައާ ގުޅޭ އިތުރު ރިޕޯޓްތަކެއް ތައްޔާރުކުރަމުން އަންނަ ކަމަށެވެ.

"އެ ރިޕޯޓްތައް ނިމުމުން އެ މައްސަލާގައި ދައުވާ ކޮށްދިނުމަށް އެދި ޕީޖީ އަށް ފޮނުވާނެ،" އޭނާ ވިދާޅުވި އެވެ.

ނައީމާގެ މަރުގެ ތުހުމަތުވާ އެންމެން ތިބީ ޝަރީއަތް ނިމެންދެން ބަންދުކޮށްފަ އެވެ.

Naeema ge maru: ekaku Shareeaiy nimendhen bandhukoffi

The most trusted news source in the Maldives

Mihaaru

ފުލުހުން ކުރިން ބުނެފައިވާ ގޮތުގައި، ނައީމާގެ މަރުގެ ތަހުގީގަށް ބޮޑެތި ކުރިއެރުންތަކެއް ލިބިފައިވެ އެވެ. ނައީމާ މަރާލަން ބޭނުންކުރި ކަމަށް ތުހުމަތު ކުރެވޭ ދެ ވަޅި އާއި އެ މީހުން ހަމަލާދިން އިރު ލައިގެން ތިބި ކަމަށް ބެލެވޭ އަންނައުނު ވެސް ރަށުގެ އަތިރިމަތީގައި ވަޅުލާފައި ހުއްޓާ ފެނިފައިވާ ކަމަށް ވެސް ފުލުހުން ބުނެފައި ވެ އެވެ.

ނައީމާ މަރާލި ކަމަށް ބެލެވެނީ ނިދާފައި އޮއްވައި ގޭތެރެއަށް ވަދެ އެވެ. ކަރަށާއި ހަށިގަނޑުގެ އެކި ތަންތަނަށް ހަމަލާދީ މަރާލާފައި އޮއްވާ އޭނާ ފެނުނީ ޚަބަރެއް ނުވާތާ ދެ ދުވަސް ފަހުން ބަޔަކު ފުލުހުންނާ އެކު، އެ ގެއަށް ގޮސް ކޮޓަރި ދޮރު ހަލާކުކޮށްލައިގެން ވަދެ ބެލި އިރެވެ.

ކުށްކުރުން ފުލުހުން ޕްރޮސެކިއުޓާ ޖެނެރަލް މީހުން މެރުން ނ. މަނަދޫ ނައީމާގެ މަރު ޕީޖީ އޮފީސް

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަން މޯ

01 November 2023

އަބަދުވެސް ރިޕޯޓް ލިޔުމުގަ .އެންމެ ފަހުން ބުނާނީ އޭނާ މަރުވީ އަމިއްލައަށޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަ

31 October 2023

ކަމަކަށް އޮތީ ރިޕޯޓު ހެދުން. އަހަރަކަށް ފަހު އަހަރެއް ފާއިތު ވެގެންދޭ. ކުށްވެރިން ދައުލަތުގެ ޚަރަދުގައު ކައިގެން ބޮއެގެން އެބައުޅެވޭ. ދެން ފޮނުވާނީ ކޯޓަށް. ކޯޓުން ބަލައި މައްސަލައެއް ނިންމާއިރަށް އަނެއް ދުވަހު އިސްތިއުނާފު ކުރެވޭ. މިގޮތަށް ގެންދާނެ އަދި 6 އެއްކަ އަހަރު. 15 20 އަހަރު ފަހުން މުއްދަތެއް ހަމަވެގެން ކުށްވެރިން މިނިވަން ވާނެ. ސާބިތު ވި ކަމެއް ނެތް. އިއްވުނު ހުކުމެއް ނެތް. މަރަށް މަރު ނުހުފި އެންމެ ފަހުން މިނިވަން ވަނީ.. އާކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިކޯ

31 October 2023

މީތަ ގައުމުގެ ޒުވާނުން؟؟ގައިމު މިސޮރުމެންގެ މައިންބަފައިންވެސް ޖަވާބު ދާރީ ވާންޖެހޭނެ ޔަގީނުންވެސް،ހިތަށް އެރިގޮތަކަށް ބިތަކަށް ތެޅޭކަށް މިގައުމުގައި ފުރުސަތު ނުދެމާތޯ،ރައްޔިތުން މަގުމަށްޗަށް ނުކުތީމަ މާތާހިރެއް ނުވާނެ،މި ސޮރުންނާއެކު މައިންބަފައިން ހައްޔަރު ކުރުމަށް ގޮވާލަން،ޒިންމާ ނަގަން ޖެހޭނީ އެމީހުން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާ މީހާގެ ވާހަކަ

31 October 2023

ކޮޓަރި ދޮރު ހަލާކު ކުރަންޖެހޭ އެއްވެސް ސަބަބެއް ނުވިސްނުނު މިހެންމިބުނީ ނަޢީމާ މަރާލަށް އެގެއަށްވައް މީހުން ދޮރެއްހަލާކުކޮއްލި ވާހަކަ ބުނެފައިނެތީމާ ފުލުހުންގޮސް ކޮޓަރީގެ ދޮރުހަލާކު ކުރި ވާހަކަ ލިއެފާވާތީދޯ އަޅުގަނޑު އެދެނީނަޢީމާއަށް އިންސާފް ލިބުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމު

31 October 2023

މިކުދިންގެ ފޮޓޯތައް ފެނުމުން ހާދަ އަސަރެއް ކުރެއޭ. ޤައުމުގެ ޅަ ދަރިން. މުސްކުޅިވެފައިވާ، އެކަނި އުޅެމުންދާ އަންހެނަކު ޤަތުލުކުރުމުން ހިތަށް ހާދަ އަސަރެއް ކުރެއޭ. ޤައުމުގެ ޙާލަތާމެދު ކަރުނައަޅާ ރޯން މަޖްބޫރުވެފައި މިހާރު މިވަނީ. މިޤައުމުގެ ޅަ ދަރިން ހެޔޮގޮތުގައި ތަރުބިއްޔަތުކުރުމުގެ ހެޔޮ ތައުފީޤް އަޅަމެންނަށް ދެއްވާށި. އާމީން.