ކިޔަވައިދޭން ފެށިތާ ދެ މަސް ފަހުން ސަލާހުއްދީން ސްކޫލްގެ މަސައްކަތް ނިންމައި، ޖާގަ އަށް ހުޅުވާލައިފި

ސަލާހުއްދީން ސްކޫލު: އެ ސްކޫލުގައި ކިޔަވައިދޭން ފެށީ 1،200 ދަރިވަރުންނާއެކު، ނަމަވެސް މިހާޜު ވަނީ އިތުރު ކުދިން ވަނުމަށް ފުރުސަތު ހުޅުވާލާފައި.-- ފޮޓޯ: ފަޔާޒް މޫސާ / މިހާރު

ފާތިމަތު އަޖްފާން، މިހާރު

31 އޮކްޓޯބަރ 2023 - 15:16

7 comments

ހުޅުމާލެ 2 ގެ މި ސަރުކާރުން އިމާރާތްކުރަން ނިންމި ސަލާހުއްދީން ސްކޫލުގެ މަސައްކަތް ނިންމާލައިފި އެވެ.

މިދިޔަ އޮގަސްޓު މަހު ފެށި ދިރާސީ އާ އަހަރާ އެކު، އެ ސްކޫލުގައި ވެސް ކިޔަވައިދޭން ފެށި އެވެ. އެކަމަކު، އޭރު ކިޔަވައިދޭން ފެށީ، މުށި ޖެހުމާއި އޭސީ އަދި ކުލަލުމުގެ މަސައްކަތްތައް ނުނިންމަ އެވެ އެކަމާ ބެލެނިވެރިން ވެސް ޝަކުވާ ކުރި އެވެ.

އެޑިއުކޭޝަން މިނިސްޓްރީން މިއަދު ބުނީ ސަލާހުއްދީން ސްކޫލްގެ ހުރިހާ ކްލާސްރޫމްތަކުގެ މަސައްކަތް މިހާޜު ނިންމާލާފައިވާ ކަމަށެވެ.

ގްރޭޑް 1-10 އަށް ސަލާހުއްދީން ސްކޫލުގެ ޖާގަ އިތުރުވެފައި ވާތީ އިތުރުވި ޖާގަތަކަށް ކުދިން ވެއްދުމަށް ވެސް މިހާޜު ވަނީ ހުޅުވާލައިފަ އެެވެ.

ދިރާށީ އާ އަހަރާއެކު ސަލާހުއްދީން ސްކޫލުގައި ކިޔަވަންފެށުމަށް ބޭއްވި އެސެމްބްލީ.-- ފޮޓޯ: ފަޔާޒް މޫސާ / މިހާރު

މިނިސްޓްރީން ބުނީ ސްކޫލުން ޖާގަ ހޯދަން މިހާރު ފޯމު ހުށަހަޅާފައިވާ ކުދިންގެ ފޯމު ތަރުތީބުން ޖާގަ ދެމުން ގެންދާނެ ކަމަށެވެ.

ސަލާހުއްދީނުން ސްކޫލުގައި ފުރަތަމަ ކިޔަވައިދޭން ފެށިއިރު އެ ތަނުން ޖާގަ ދީފައި ވަނީ 1،200 ކުދިންނަށެވެ.

ނުކުޅެދުންތެރިކަން ހުންނަ ކުދިންނަށް ވެސް ފަސޭހަކަމާ އެކު، އެ ސްކޫލްގައި ކިޔެވޭނެ ގޮތަށް ފަރުމާ ކޮށްފައިވާއިރު އެހެން ހުރިހާ ސްކޫލަކުން ލިބެން ހުންނަ ހުރިހާ ހިދުމަތްތައް ވެސް ލިބޭނެ ކަމަށް އެޑިއުކޭޝަން މިނިސްޓްރީން ވަނީ ބުނެފަ އެވެ.

ސްކޫލް އެޑިއުކޭޝަން މިނިސްޓްރީ ހުޅުމާލޭ ދެ ވަނަ ފިޔަވަހި ތައުލީމް

7 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރުކުރާ

02 November 2023

ސްކޫލްގެ ނަން ލެޓިން އަކުރުން ލިޔެފައިވާ ގޮތް އެހެން ސްކޫލްތަކުގެ ނަން ވެސް ލިޔެފައިވާ އުސޫލަށް ފެއްތެވުން ރަނގަޅު. ޚާއްޞަ ނަން ލިޔުމުގައި އެޕޮސްޓްރޮފީ ޖަހައިގެން ލިޔުމަކީ ކުރިއްސުރެ އެކަން ކުރަމުން އައިސްފައިވާ ގޮތެއްނޫން. "ދީން" ކިޔާފައި ހުރި އެހެން ސްކޫލްތަކުގެ ނަމުގައި "ދީން" ލެޓިން އަކުރުން ލިޔެފައި ހުއްޓާ ފެންނަނީ /ދ/ ގެ ބަދަލުގައި /ޑީއެޗް/ ބޭނުން ނުކޮށް ހަމައެކަނި /ޑީ/ ބޭނުންކޮށްގެން.