ޚަބަރު

އަންނަ މަހުން ފަށައިގެން އެއް ލީޓަރަށް ވުރެ ކުދި ޕްލާސްޓިކް ފެންފުޅި ވިއްކުން މަނާ ވާނެ

އެއް ލީޓަރުގެ އަދި އެއް ލީޓަރަށް ވުރެ ކުދި ޕްލާސްޓިކް ފެންފުޅި އަކީ ރާއްޖޭގައި މަނާ ކުރާ ސިންގަލް ޔޫސް ޕްލާސްޓިކުގެ ލިސްޓުގައި ހިމެނޭ އެންމެ ފަހު ބާވަތް.

ލޮރީއަކުން، ފެންފުޅިތަކެއް ބާލަނީ. - ފޮޓޯ: މިހާރު

އިފްރާޒް އަލީ، މިހާރު

09 ނޮވެމްބަރ 2023 - 13:23

16 comments

އަންނަ މަހުން ފަށައިގެން އެއް ލީޓަރުގެ އަދި އެއް ލީޓަރަށް ވުރެ ކުދި ޕްލާސްޓިކް ފެންފުޅި ވިއްކުން މަނާ ވާނެތީ ތިމާވެއްޓާ ބެހޭ މިނިސްޓްރީން މިއަދު އެކަން ހަނދާން އާކޮށްދީފި އެވެ.

ރާއްޖެ އަށް އެތެރެކުރުމާއި އުފެއްދުމާއި ބާޒާރަށް ނެރުން މަނާ އެއް ފަހަރު ބޭނުންކޮށްފައި އުކައިލާ ޕްލާސްޓިކުގެ ބާވަތްތަކުގެ ލިސްޓެއް އެކުލަވާލައި އެކި ތާރީހުތަކަށް ބަހާލައިގެން ސަރުކާރުން އަންނަނީ އެ ތަކެތި މަނާކުރަމުންނެވެ.

އެއް ލީޓަރުގެ އަދި އެއް ލީޓަރަށް ވުރެ ކުދި ޕްލާސްޓިކް ފެންފުޅި އަކީ އެ ލިސްޓުގެ ދަށުން ރާއްޖޭގައި މަނާ ކުރާ އެންމެ ފަހު ބާވަތުގެ ސިންގަލް ޔޫސް ޕްލާސްޓިކެވެ.

ތިމާވެއްޓާ ބެހޭ މިނިސްޓްރީން އެކްސްގައި ކުރި ޕޯސްޓެއްގައި ބުނީ އަންނަ މަހުގެ އެކަކުން ފެށިގެން އެއް ލީޓަރުގެ އަދި އެއް ލީޓަރަށް ވުރެ ކުދި ޕްލާސްޓިކް ފެންފުޅި ރާއްޖެ އަށް އެތެރެ ކުރުމާއި އުފެންދުން ވެސް މަނާ ވާނެ ކަމަށެވެ. އަދި އެ ތަކެތި ބާޒާރަށް ނެރުން މަނާ ވާނީ އަންނަ އަހަރު މާޗު މަހުގެ އެކަކުން ފެށިގެން ކަމަށް މިނިސްޓްރީން ބުންޏެވެ.

މި ބަދަލާ އެކު، މިހާރު ބާޒާރުގައި އާންމުކޮށް ވިއްކަން ހުންނަ 500 މިލިމީޓަރުގެ ޕްލާސްޓިކް ފެންފުޅި ވިއްކުން މަނާ ވާނެ އެވެ.

Announcement!📢 Import, production and sales of water packed in plastic bottles of 1litre and below will be banned starting from 01st December 2023 pic.twitter.com/RNWVo4kDUG
— Min. of Environment, Climate Change and Technology (@MoEnvmv) November 9, 2023

ރާއްޖެ އަށް އެތެރެކުރުމާއި އުފެއްދުމާއި ބާޒާރަށް ނެރުން މަނާ އެއް ފަހަރު ބޭނުންކޮށްފައި އުކައިލާ ޕްލާސްޓިކުގެ ބާވަތްތަކުގެ ލިސްޓު ކަނޑައަޅާފައި މިހާރު އޮންނަނީ މިދިޔަ އަހަރު އަމަލު ކުރަން ފެށި ތިމާވެށި ރައްކާތެރިކޮށް ދެމެހެއްޓުމާ ބެހޭ ގާނޫނުގެ ދަށުންނެވެ.

ޕްލާސްޓިކުން ތައްޔާރުކޮށްފައި ހުންނަ އެއްޗެހީގެ ތެރެއިން ތިމާވެެއްޓަށް ގެއްލުންދޭ 13 ބާވަތެއް އެ ލިސްޓުގައި ބަޔާންކޮށްފައިވާ ތާރީހުތަކުން ފެށިގެން ރާއްޖޭގައި އުފެއްދުމާއި ބާޒާރަށް ނެރުން މަނާ ކަމަށް ބުނެފައިވެ އެވެ.

މިހާރު މަނާ ބާވަތްތައް

• އެއްފަހަރު ބޭނުންކޮށްފައި އުކާލާ ޕްލާސްޓިކް ހޮޅި

• ޕްލާސްޓިކުން ހަދާފައި ހުންނަ ކާ ތަށި، ސަމުސާ، ވަޅި، އޫ އަދި ދިޔާތަކެތި ގިރުމަށް ބޭނުންކުރާ ޕްލާސްޓިކް ދަނޑިކޮޅު

• ކާބޯތަކެތި ބަންދުކުރާ ސްޓައިރަފޯމް ފޮށި

• ބާޒާރުކުރަން ބޭނުންކުރާ 30 ސެންޓިމީޓަރަށް ވުރެ ކުދި ޕްލާސްޓިކު ކޮތަޅު

• ޕްލާސްޓިކުގައި ބަންދުކޮށްފައި ހުންނަ، އިމްޕޯޓުކުރާ ސުޕާރީ

• 250 މިލިލީޓަރަށް ވުރެ ކުޑަ އަދި އެއްފަހަރު ބޭނުންކުރެވޭ ދިޔާތަކެތި ބުއިމަށް ބޭނުންކުރާ ޕްލާސްޓިކް ތަށި

• ޕްލާސްޓިކް ދަނޑިކޮޅުލާފައިވާ ކަފަބުރު

• 50 މިލިލީޓަރާއި 50 މިލިލީޓަރަށް ވުރެ ކުދި، ޕްލާސްޓިކުގައި ބަންދުކޮށްފައި ހުންނަ ޝޭމްޕު އާއި ސައިބޯނީގެ އިތުރުން ކޮންޑިޝަނާ އާއި ލޯޝަން

• 500 މިލިލީޓަރަށް ވުރެ ކުދި ޕްލާސްޓިކު ފެންފުޅި

• އެހެން ބާވަތުގެ ދިޔާތަކެތި ހުންނަ 500 މިލިލީޓަރަށް ވުރެ ކުދި ޕްލާސްޓިކު ފުޅި

ތިމާވެށި އެންވަޔަރްމެންޓް މިނިސްޓްރީ ބޯފެން

16 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރުބާދު

11 November 2023

ތީގަނެތް އެއްވެސް މައްސަލައެެއް، 500 އެމްއެލްގެ ފުޅި ފުއްޕާއިރު އިތުރައް 50 އެމްއެލް އެޅޭވަރައް ވައިޖަހާލާފަ ފުއްޕާލާ، ދެން ލޭބަލް ބަދަލުކޮއްލާ 550އެމްއެލްއައް. ސިމްޕަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލާ

11 November 2023

ބޭކާރު ވާހަކަ ނުދައްކާ ސަރުކާރުން ނޫނީ ސަރުކާރު ހިއްސާވާ ކުންފުނިތަކުން ނަމޫނާ ދައްކަބަލަ! ކޮން ބޭކާރު ވާހަކަ ތަކެއް ދައްކާކަށް؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުވާލާ

09 November 2023

ތިމާވެއްޓޭ ކިޔާ އާންމުން ފެލަނީ ފެލަނީ ފެލަނީ ފެލަނީ ތިޔާ ކަން މުއިއްޒުގެ ގަރާރަކުން ހުއްޓުވާ ހުއްޓުވާ ތިޔާ ގާނޫނު އުވާލާ ރައްޔިތުންގެ ވޯޓަކުން ތިޔާ ގާނޫނު ފާސް ކުރަން ޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްދޫ ސައީދު

09 November 2023

ބާޒާރުކުރަން ބޭނުންކުރާ 30 ސެންޓިމީޓަރަށް ވުރެ ކުދި ޕްލާސްޓިކު ކޮތަޅު. މާނަޔަކީ، 30 ސމ އަށްވުރެ ބޮޑެެތި ކޮތަޅަކުން ތިމާވެއްޓަށް ގެއްލުމެއްނުވާނެޔޭ. 250 މިލިލީޓަރަށް ވުރެ ކުޑަ އަދި އެއްފަހަރު ބޭނުންކުރެވޭ ދިޔާތަކެތި ބުއިމަށް ބޭނުންކުރާ ޕްލާސްޓިކް ތަށި. 260 މލ ތައްޓަކުން ތިމާވެއްޓަށް އެއްވެސް ގެއްލުމެއްނުވާނެ. ޕްލާސްޓިކް ދަނޑިކޮޅުލާފައިވާ ކަފަބުރު. މީ ތިމާވެއްޓަށް އެންމެ ގެއްލުންބޮޑު އެތި. މިޖެހޭނެ ކޮންމެހެންވެސް މަނާކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސީނާ

09 November 2023

ސިޔާސީ ވެރިންތިބެނީ ތިމާވެށިދެކެ މާލޯބިވާ ބަޔަކަށް ހެދިގެން. ފުރަތަމަ ކަމަކަށް މޫދަށް ކުނިއެޅުން ހުއްޓުވަބައްލަވަ. ބޯޓު، ފެރީތަކުގައި ޑަސްޓްބިން ހުރުން މަޖުބޫރު ކޮއްބަލަ. ފެން ފުޅި، ޖޫސް ޕަކެޓް ބޮއެފަ މޫދައް އުކުން ހުއްޓުވަ ބައްލަވަ. ނުހުއްޓުވޭނަމަ ޖުރުމާނާވެސް ކޮއްބަލަ. ފަޅުތެރޭފައިވާ ކުނިތަށް ނަގާ ސާފުކޮއްބަލަ. އޭއިގެ ފަހުން ކަމާއި ނުބެހޭ ރައްޔިތުންނަށް އުދަގޫ ކުރާނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީސައިޑްބޮންޑް

09 November 2023

ފެންކުދިފުޅިމަނާވެފަ ހަމައެސައިޒުގެ ކޯކް، ސްޕްރައިޓް ފަދަ ބޭކާރު ގެއްްލުންހުރިބުއިންތައް ހަމައޯކޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

11 November 2023

ސްސްސް ، ބޮޑުމީހާގެ ސެއަރޑް ބިޒްނަސް ވައްތަރުހުންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔަތް

09 November 2023

ސަރުކާރުން ހެޔޮ ނިޔަތުގައި ކަމެއް ރަނގަޅުކުރަން ބޭނުންނަމަ، ސްކޫލްތަކާއި އޮފީސްތަކުގައި ފެން ފިލްޓަރު ހަރުކުރޭ. އަދި ގޭގައި ފިލްޓަރު ހަރުކުރަން ކޮންމެވެސް ކަަހަލަ އިންސެންޓިވްއެއް ދީ، ދައުލަތުން އެހީތެރިކަން ފޯރުކޮށްދީގެން ވިޔަސް، އޭރަށް މަނާ ނުކުރިޔަސް، ޕްލާސްޓިކް ފުޅީގެ 80% އެ މަދުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންހަން

09 November 2023

ދެން ދަރިން ސްކޫލަށްވެސް ފޮނުވަންވީ ކަޅުހަމެއް ދީފަތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހާބޮޑު

09 November 2023

މިއީދެން ރައްޔިތުންނަށް ތުރާލަކަށްވެއްޖެ ކަމެއް. ތިމާވެށި ހިމާޔަތްކުރަންށޭ ކިޔާފަވެސް ހުރިހާ ތަކުލީފެއް އާންމު މީހާއަށް. ވެރިން ހަމަ ޖެޓުގައި ދެކޮޅަށް ދުއްވިޔަސް، ތިން ހަަތަރު ކާރުން ތެޔޮ އެންދިޔަސް ވަރިހަމަ. އާންމު މީހަކު ފެންފޮދެއްވެސް ނުލިބޭވަރު އެބަ ކުރޭ ތިބެގެން.