އޯ ލެވެލް އިމްތިހާނުގެ ގަދަ 10 ގައި 2019 ވަނަ އަހަރު ހިމެނުނު ދަރިވަރުންތަކެއް ޓްރޮފީތަކާ އެކު: އާ އެޑިއުކޭޝަން މިނިސްޓަރު ގަބޫލުކުރައްވަނީ ގަދަ 10 ހޮވުން ރަނގަޅު ނޫން ކަމަށެ. --ފޮޓޯ: މިހާރު
22 ނޮވެމްބަރ 2023 - 14:44
141 comments
އޯ ލެވެލް އަދި އޭ ލެވެލް އިމްތިހާނުގެ ނަތީޖާއަށް ބަލައި ގައުމީ ގަދަ 10 ހޮވުން ހުއްޓާލަންޖެހޭ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އިއްޔެ ވިދާޅުވެއްޖެ އެވެ.
އާ ސަރުކާރުގެ އެޑިއުކޭޝަން މިނިސްޓަރު "މިހާރު" އަށް ވިދާޅުވީ ކުރީގެ ރައީސް މައުމޫން އަބްދުލް ގައްޔޫމްގެ ވެރިކަމުގައި ގަދަ 10 ހޮވަން ފެށީ އާއްމުންނަށް ތައުލީމުގެ މުހިއްމުކަން އަންގައިދޭން ކަމަށެވެ. އޭރުގެ ހާލަތަށް ބަލާއިރު، ރަށްރަށުގައި ސްކޫލުތައް ނެތުމާއި އަންހެން ކުދިން ސްކޫލަށް ނުދިއުމުގެ މައްސަލަތައް ހުއްޓަސް، މިހާރު ތައުލީމީ ދާއިރާ ބަދަލުވެފައިވާ ކަމަށް އޭނާ ވިދާޅުވި އެވެ.
ރާއްޖޭގެ ހުރިހާ ރަށެއްގައި ކަހަލަ ގޮތަކަށް މިހާރު ސްކޫލުތައް ހުޅުވާފައިވާއިރު އަދި އާބާދީ ކިތަންމެ ކުޑަ ވިޔަސް އެ ތަނެއްގައި ހަދަމުން އަންނަނީ ކެމްބްރިޖް އިމްތިހާނުކަން މިނިސްޓަރު ފާހަގަކުރެއްވި އެވެ.
މިއީ ހަމަ އަޅުގަނޑުމެން ވިސްނައި، ފިކުރުކުރަން ޖެހޭ ކަމެއް. ހުއްޓާލެވެން އޮތް ކަމުގައި ވަންޏާ ހުއްޓާލަންޖެހޭ ކަމެއް [ގަދަ 10 ހޮވުމަކީ]: މިނިސްޓަރު
އެހެންވެ، އެ ސަބަބުތަކާ ހެދި، މިހާރު މި ބާއްވާ ގޮތަށް ބޮޑެތި ރަސްމިއްޔާތުތަކުގައި އޯ ލެވެލް އަދި އޭ ލެވެލްގައި އެންމެ މޮޅެތި ދަރިވަރުންނަށް އެވޯޑު ދިނުމަކީ ގަބޫލުކުރެވޭ ކަމެއް ނޫންކަމަށް އޭނާ ވިދާޅުވި އެވެ.
"އަޅުގަނޑަށް ގަބޫލެއް ނުކުރެވޭ މިހާރު މިއޮތް ގޮތަކަށް، ވަރަށް ބޮޑެތި ސެރެމޯނިއަލް އިވެންޓްސްތަކެއްގެ ގޮތުގައި، ޓޮޕް އެޗީވާސް، ހައި އެޗީވާސް ސެރެމަނީ ބޭއްވުމަކީ އަޅުގަނޑު ޕާސަނަލީ، އޭޒް އަ ޕޭރެންޓް އަޅުގަނޑު ގަބޫލުކުރާ ކަމެއް ނޫން. އަދި ޓީޗަރެއްގެ ގޮތުގައި އަޅުގަނޑު މަސައްކަތްކުރިއިރު ވެސް އަޅުގަނޑު އެހާ ތާއީދުކުރި ކަމެއް ނޫން،"
"އަޅުގަނޑަށް ގަބޫލުކުރެވެނީ މި ދާއިރާގައި ކޮންމެ ވެސް ވަރަކަށް މަސައްކަތްކޮށްފައި ހުރި މީހެއްގެ ހައިސިއްޔަތުން އަދި ޔުނިވާސިޓީގައި ވެސް ޓީޗާ ޓްރެއިނިންގައި އުޅެފައި ހުރި މީހެއްގެ ހައިސިއްޔަތުން އަޅުގަނޑަށް ގަބޫލުކުރެވެނީ އަޅުގަނޑުމެންގެ ދާއިރާގައި ހަމަ ޖެނެރަލްކޮށް މި ދާއިރާގެ އެކްސްޕާޓުން ލެވެލްގައި ހަމަ އެއްގޮތަކަށް ވެސް ތާއިދުކުރެވޭ ކަމެއް ނޫނޭ އަޅުގަނޑު ދަންނަވާލާނީ. މިއީ ހަމަ އަޅުގަނޑުމެން ވިސްނައި، ފިކުރުކުރަން ޖެހޭ ކަމެއް. ހުއްޓާލެވެން އޮތް ކަމުގައި ވަންޏާ ހުއްޓާލަންޖެހޭ ކަމެއް [ގަދަ 10 ހޮވުމަކީ]." މިނިސްޓަރު ވިދާޅުވި އެވެ.
އާ ސަރުކާރުގެ އެޑިއުކޭޝަން މިނިސްޓަރު ޑރ. އިސްމާއިލް ޝަފީއު "މިހާރު" އަށް އިއްޔެ އިންޓަވިއުދެއްވަނީ.-- ފޮޓޯ: ފަޔާޒު މޫސާ/ މިހާރު
ގަދަ 10 ހޮވާތީ ދަރިވަރުންނަށް ވަރަށް ބޮޑެތި ޕްރެޝަރުތައް ކުރިމަތިވާކަން، ބެލެނިވެރިއެއްގެ ހައިސިއްޔަތުން ވެސް ގަބޫލުކުރައްވާ ކަމަށް ޝަފީއު ވިދާޅުވި އެވެ. އެއާ އެކު، ނަފްސާނީ ދުޅަހެޔޮކަމަށް އަސަރުކޮށް، ސްކޫލުތަކުގެ މެދުގައި ނުރަނގަޅު ވާދަވެރިކަމެއް އުފެދިގެންދާ ކަމަށާއި އެކަމުގެ ސަބަބުން އަޅާލުމާއި އެހީތެރިކަން އެންމެ ބޭނުންވާ ދަރިވަރުން އިމްތިހާނުން ބޭރުކޮށްލާ ކަމަށް ވިދާޅުވި އެވެ.
ޝަފީއު ވިދާޅުވީ ތައުލީމީ ނިޒާމަށް މިހާރު ބަދަލުތައް ގެންނަން ޖެހޭ ކަމަށެވެ. ގަދަ 10 އަކީ މާ މުހިއްމު އެއްޗެއް ނޫންކަން ދަރިވަރުންނާއި ބެލެނިވެރިންނަށް ވިސްނައިދެވިއްޖެ ނަމަ އެކަން ގަބޫލުކުރާނެ ކަމަށް މިނިސްޓަރު ވިދާޅުވި އެވެ.
"ޕޮލިސީ ލެވެލްގެ ބޭފުޅުންނާ އެކު މަސައްކަތް ކުރާނަން..އަބަދު ވެސް ޗޭންޖަކީ މީހުން ރެސިސްޓްވާނެ ކަމެއް. މި ކަހަލަ ޗޭންޖެއް، ޒަމާންވީ ކަމެއް އާދަކާދައަށް ވެފައި މި އޮތީ އެއީ އެންމެ ރަނގަޅަށް ނޫން ވިޔަސް. އެހެންވީމަ، ޒަމާންވީ ކަމެއް އާދަކާދައެއްގެ ގޮތުގައި ބަދަލުވެ، އެއީ އަދި އެންމެ އެދެވޭ އާދަކާދައަށް ނޫން ކަމުގައި ވިޔަސް އެކަން ކަނޑުވާލަން ކޮންމެ ވެސް ވަރެއްގެ މަސައްކަތްތަކެއް ކުރަންވާނެ ކަމަށް އަޅުގަނޑު ގަބޫލުކުރަނީ." އޭނާ ވިދާޅުވި އެވެ.
ގަދަ 10 ހޮވުން ހުއްޓާލަންޖެހޭ ކަމަށް މިނިސްޓަރު ވިދާޅުވިއިރު، މީގެ ކުރީގެ ސަރުކާރުތަކުން ވެސް އެކަން އުވާލަން މަސައްކަތްކުރި އެވެ. ނަމަވެސް މިކަން ހުއްޓާލަން ބެލެނިވެރިންގެ ފަރާތުން ދެކޮޅުހެދުންތައް ކުރިމަތިވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒާނާޝި
23 November 2023
ހުއްޓައިގެން ނުވާނެ
ހެސްކިޔާފަ
23 November 2023
މިސަރުކާރުގެ ދެވަނަ މިނިސްޓަރު މިއީ މަޖިލީހުން ރުހުން ނުދޭނެ. ބޮލެއްވެސް ނުހުރެއޭ ރައްޔިތުންނާއި މިފަދަ ވާހަކަ ދެއްކޭ ގޮތާއިމެދު. މިވެރިންގެ އިލްމެއް ހުއްޓަސް ހިލްމެއްނެތް. ދެން ކިހިނެއް ކުރިމަގަށްވާނީ....
ހައްޕު
23 November 2023
ތިކަމެއް ރާއްޖޭގަ ނުކުރެވޭނެ. ދެންވީ އަނެއްކާ ސުކޫލުތަކުން އޮބިނޯންނަވަރަށް ކަންތައްކުރަން. މިވަގުތަށް ރަނގަޅީ މިހާރުއޮތްގޮތަށް ބޭއްވުން. ސެރެމޮނީ ކުޑަކުރަންޏާ ކުޑަކޮށްފަނަމަވެސް. ޓޮޕް ހޯދަނީ ކުދިން ކުރާމަސައްކަތުން. އެހެން ކަމުން އަހުލާޤާއި ހުނަރު މިންކުރުމާއި ބޯޑުންގެ ދަރިންނާއި މުއްސަނދިންގެ ދަރިން ނޫންބަޔަކަށް އެފަދަ އިނާމު ލިބުމަކީ ދަތިކަމެއް. މިނިސްޓަރު މިހާއަވަހަށް މ8ކަހަލަ ވާހަކައެއް ދެއްކެވުމުންވެސް ފާހަގަވީ މިކަމަށް ތަސައްރަފު ނުފުދޭކަން. ޕީ.އެޗް.ޑީއަށް އެކަނި ބެއްޔަކަށް ކަމަކުނުދާނެކަން މިހިރަފެންނަނީ.
ޙައިރާން
23 November 2023
ޙާދަ ތަންދޮރު ނުދަންނަ މީހެއް ތީ ވ ވ ސަލާމް
ދިރާސާ ދަރިވަރު
23 November 2023
ސުވާލަކީ އޮންނަންޖެހޭނީ ހަމައެކަނި ކިޔެވުމުގެ ވާދަ ވެރިކަން އުފެއްދުން އެކަނިތޯ؟އިސްކޫލް މަދަރުސާ ގެ މާނަ ބޮކްސްއިން ބޭރަށް ވިސްނާއިރު އެކި ދަރިވަރުންނަކީ އެކިކަންކަމުގެ ޤާބިލްކަން އެކި މިންވަރަށް އުފެދި، ލިބި، ތަޖުރިބާ ކުރެވޭނޭ ކުދިން. ފުރަތަމަ ކަމަކަށްވާންޖެހޭނީ ދަރިވަރު ގެ ހުރި އިންބިލްޓް ހުނަރެއް އައިޑެންޓިފައިކުރުމަށް މަސައްކަތްކުރުން. އަދި އެކަމަކަށް ޚާއްޞަ ސަމާލުކަމެއް ދީގެން ދަރިވަރުގެ އެ ހުނަރެއްގެ މަތބިނާކުރުން. ތަރައްޤީކޮށް ދިނުން.
އިންޑިއަންއެކްސްޕްރެސް
23 November 2023
ކައިރީގައި އޮތް އިންޑިއާ އިން ރަގަޅު މިސާލެއް ފެންނާނެ. ނޫސްތަކުގައި ޖަހާފައި ހުންނާނީ ޓޮޕް އެޗީވާރސް ލިސްޓް.
ބޮޑުރިޔާ
23 November 2023
މިކަމަކަށް އަޅުގަނޑެއްތާއީދެއްނުކުރަން ސަބަބަކީ ކުދިންގެ ތައުލީމީފެންވަރު ދައްވެ ތައުލީމަށް ޓަކައި ކުރާމަސައްކަތް ދައްވާނެތީ އެހެންވީމާ އެއްވެސް މުބާރާތަކުން މޮޅުވާ ބަޔަކަށް އެއްވެސް ތައްޓެއްވެސް ދޭނެކަމެއްނެތް ހަމަ ބައިވެރިވިކަމުގެ ހަނދާނީ ލިއުމެއްދޭނީ ދެން އޯލެވެލް އަދި އޭލެވެލް ނީންމީމާވެސް ހަމަ ބައިވެރިވިކަމުގެ ހަނދާނީ ލިއުމެއްދޭނީ އެއްވެސް ގްރޭޑެއް ޖަހާނެކަމެއްނެތް ގްރޭޑް ޖެހީމާ ބައެއްކުދިން ދެރަވާނެ ދެއްތޯ އަދި ވަޒީފާ ހޯދުންވެސް ދަތިވާނެ
ކޮސޮ
23 November 2023
ކިޔެވުމަކީ މުބާރާތެއްނޫން
އަހަންމަދާ
23 November 2023
ވަޒީފާ ހޯދުމަކީވެސް މުބާރާތެއްނޫން، އެހެންނަމަވެސް ރައީސް ކަމަށް ވާދަކުރުމަކީ މުބާރާތެއް
ކުރުކޮށް
23 November 2023
އާގޮތެއް ހަދައިނުލިއްޔާ ތިމާގެ މިޅުކަމެއް ނޯންނާނެ އެވެ ވަޒީރުންގެ މުސާރައާ ބަނޑު ހަނޑުލާ މަހު އެތިކޮޅާ ޖީބު ޚަރަދުވީ ބޮޑުކުރަންށޯލަ އެވެ ދަރިވަރުންގެ ވާދަވެރިކަން ވީ ކުޑަކުެާށެވެ މިހުރީކީ މީހުން ރުހޭނެ ކަންކަމެއް ނޫނެވެ
ޖައްޔިދު
23 November 2023
ސަތޭކަ ޕަސެންޓް ތާއީދުކުރާ ކަމެއް. ހައެއްކަ އަށެއްކަ ސަތޭކަ ކުދިން ސްޓޭޖަކަށް އަރުވާފައި އިނާމުދޭ ގައުމެއް މި ނޫނިއްޔާ ނޯންނާނެ. އެއްވަނަ، ދެވަނަ، ތިންވަނަ ދަރަޖަ ފާހަގަކުރުން އެންމެ ރަނގަޅު. ކަމެއް ބޮޑުގުޅައަށް ވީމާ އޭގެ ބޭނުމެއް ނެތް.
ވޯލް
23 November 2023
ބޮޑު ސެރެމޮނީއެއް ބާވާފަ ސްޓޭޖްމަތިން ތިޔަ ކަންކުރުން ހުއްޓާލުން ރަގަޅު. އެކަމަކު ކޮންމެ ކަމެއްގައިވެސް ދަރަޖަ ކުރެވެންޖެހޭ. އެހެންނަމަ ވަޒީފާގެ މާހައުލުގައިވެސް މަންތްލީ ބެސްޓް ސްޓާފް ހޮވާ ބޯނަސްދި ކަންކަން ނުކުރާނެ.
ދަރަޖަ
23 November 2023
އެއް ވަނަ ނުދިނަސް ވަޒީފާ ދޭމީހުންނަށް އެނގޭނެ އެއްވަނަ ދަރަޖައިގަައި ފާސްވީމާ. ފަސް އޭ ސްޓާ އޭލެވެލްގައި ގެނެސްފައި އޮތީމާ އެޑިއުކޭޝަން ސްޓޭޖަކަށް އަރުވާފަ އައްތިލަބަޑި ނުޖެހިޔަސް ވަޒީފާ ދޭމީހާއަށް އިނގޭނެ މީ ހޯދޭނެ އެންމެ މަތީ ރެސަލްޓްކަން ކާކަށް އޮޅުވާލަން ތިއުޅެނީ
ދާރިސް
23 November 2023
ޓޮޕް 10 ހޮވާ މިންގަނޑު ބަދަލު ކުރަންވީ. ޢަހުލަަގީ ގޮތުން، އިސް ނެގުމުން، ގަދަ އަޅާ މަސައްކަތް ކުރުމުން، އެހެންމީހުނަޢް އިހްތިރާމް ކުރުމުން، އެހެނިހެން ހުނަރުތައް ހުންނަ މަސައްކައްތެރި ދަރިންވެސް ފާހަގަ ކޮށް ވަނަ ދޭވެން ޖެހޭ. ޙަމަ އެކަނި ކަރުދާހަށް ސްމާރޓް ވާ ކުއްޖާ އެކަނި ފާހަގަ ކުރުން ހުއްޓާލަންވީ. ދެބައި ވެސް ފާހަގަކޮށް އެޕްރިށިއޭޓް ކުރަން ޖެހޭ. ދެބައިގެ މުހިންމުކަން ދަރިވަރުންނަށްވެސް ބެލެނިވެރިންނަށްވެސް ވިސްނައިދޭންޖެހޭ.