ގަތަރުގެ ވަފުދު އިޒްރޭލަށް ވަޑައިގަތުމަށް ދަތުރު ކުރި ބޯޓް ތެލްއަވީވްފެ އެއާޕޮޓްގައި
26 ނޮވެމްބަރ 2023 - 23:22
އިޒްރޭލު ސިފައިންނާއި ފަލަސްތީނުގެ ހަމާސް ޖަމާއަތާ ދެމެދު، އޮކްޓޫބަރު 7، 2023 ގައި ފެށި ހަނގުރާމަ، މި މަހުގެ 24 ވަނަ ދުވަހުން ފެށިގެން ހަތަރު ދުވަހަށް މެދުކަނޑާލާފައިވާ އިރު، އަލުން ހަމަލާ ބަދަލުކުރުން ނުފަށައި ހަނގުރާމަ ނިމުމަކަށް ގެނެވޭތޯ ބެލުމަށް ގަތަރުގެ ވަފުދެއް އިޒްރޭލަށް އިއްޔެ ހިނގައްޖެ އެވެ.
މެދުނުކެނޑި 51 ދުވަސް ވަންދެން އިޒްރޭލުން ފަލަސްތީނުގެ ޣައްޒާ އަށް ދިން ވަރުގަދަ ހަމަލާތަކަށް ފަހު، ހަމަލާ ބަދަލުކުރުން ހަތަރު ދުވަހަށް މެދުކަނޑައިލީ، މެދުވެރިއެއްގެ ގޮތުގައި ގަތަރު ސަރުކާރުން އިސް ނަގައިގެން މިސްރާއި އެމެރިކާގެ އެހީތެރިކަމާ އެކު، ކުރި މަސައްކަތުންނެވެ. އިޒްރޭލުގެ ހަމަލާތަކުގައި ޣައްޒާގެ އާންމުންގެ 14900 އަށް ވުރެ ގިނަ މީހުން ޝަހީދުވުމަށް ފަހު، ހަމަލާތައް މެދުކެނޑުމާއެކު، ގަތަރުން މިހާރު މަސައްކަތް ކުރަނީ، ހަނގުރާމަ އަށް ދާއިމީ ނިމިމެއް ގެންނާށެވެ.
ގަތަރުން ބުނާ ގޮތުގައި ހަމަލާ ބަދަލުކުރުން މެދުކަނޑައިލުމުގެ މުއްދަތު އިތުރު ކުރުމަށް އެ ގައުމުގެ ވަފުދެއް އިޒްރޭލަށް ފޮނުވީ، އިޒްރޭލުން އެކަމަށް ފެހި ސިގުނަލް ވެސް ލިބުމާ ގުޅިގެންނެވެ. ހަމަލާ ބަދަލުކުރުން މެދުކަނޑައިލުމުގެ އެއްބަސްވުން ގާއިމުކުރުމުގެ މުހިންމު ދައުރެއް އަދާކުރި މިސްރުން ވެސް ބުނެފައި ވަނީ އިތުރު ދުވަހަކަށް ނުވަތަ ދެ ދުވަހަކަށް ހަމަލާތައް މެދުކަނޑައިލުގެ ފުރުސަތު އެބަ އޮތް ކަމަށް އިޒްރޭލާއި ހަމާސް އިން ވަނީ ބުނެފަ އެވެ.
ގަތަރުގެ ވަފުދުގެ ބޭފުޅުން އިއްޔެ ވަނީ އިޒްރޭލުގެ ވެރިރަށް ތަލް އަބީބަށް ވަޑައިގެން އިޒްރޭލުގެ ބައެއް ވަޒީރުންނާ އެކުގައި މަޝްވަރާ ކުރައްވައިފަ އެވެ. ނަމަވެސް އެ މަޝްވަރާތަކުގައި ބައިވެރިވީ ދެ ގައުމުގެ ކޮން ވަޒީރުންނެއް ކަމެއް އަދި އެ މަޝްވަރާތަކުގެ ނަތީޖާއެއް ގަތަރުން ވެސް އަދި އިޒްރޭލުން ވެސް މިހާތަނަށް އާންމެއް ނުކުރެ އެވެ.
ހަމަލާތައް މެދުކަނޑައިލުމުގެ މުއްދަތު އިތުރުކުރުމަށް އެއްބަސްވެވޭ ކޮންމެ ދުވަހަކު އިތުރު އަސީރުން މިނިވަން ކުރެވޭނެ އެވެ. ދެ ފަރާތުގެ މެދުގައި އެއްބަސްވެފައިވާ ގޮތުގެ މަތިން، އަސީރުން މިނިވަންކުރާނެ ނިސްބަތަކީ، ހަމާސް އިން މިނިވަންކުރާ ކޮންމެ ރަހީނަކަށް އިޒްރޭލުން ތިން އަސީރުން މިނިވަން ކުރުމެވެ.
އެމެރިކާގެ ބައެއް މީޑިއާތައް ބުނާ ގޮތުގައި އޮކްޓޫބަރު 7، 2023 ން ފެށިގެން މި މަހުގެ 24 ވަނަ ދުވަހާ ހަމައަށް އިޒްރޭލުން ޣައްޒާ އަށް ދިން ހަމަލާތަކުގައި 40000 ޓަނުގެ ގޮވާތަކެތި، އިޒްރޭލުން ޣައްޒާ އަށް އަޅާފައިވެ އެވެ. އޭގެ ތެރޭގައި މިސައިލާއި ބޮމާއި ރޮކެޓް ހިމެނެ އެވެ. އަދި އޮކްޓޫބަރު މަހުގެ 31 ވަނަ ދުވަހު ޣައްޒާ އަށް ދިން ހަމަލާތަކުގައި ބަރުދަނުގައި އެއް ޓަނު ހުންނަ ދެ ބޮން ޣައްޒާ އަށް ވައްޓައިލި އެވެ.
އިޒްރޭލުގެ ހަމަލާތަކުގައި ޣައްޒާ އިން މަރުވި އާންމުންގެ އަދަދު 14900 އާއި 15000 އާ ދެމެދުގައި ހުރި އިރު، މަރުވި މީހުންގެ 40 ޕަސެންޓަށް ވުރެ ގިނައީ ކުޑަކުދިންނެވެ. އެއީ ގާތްގަނޑަކަށް 5900 ކުދިންނެވެ. މި ހަނގުރާމައިގައި ޣައްޒާގެ 1.7 މިލިއަން މީހުންގެ ގެދޮރު ގެއްލި، އެކި ސަރަހައްދުތަކަށް ވިއްސިވިހާލިވެފައިވާ އިރު، 43000 އަށް ވުރެ ގިނަ ހައުސިން ޔުނިޓް ވަނީ ބިމާ ހަމަކޮށްލައިފަ އެވެ.
އަދި 225000 އަށް ވުރެ ގިނަ ހައުސިން ޔުނިޓަށް ވަނީ ބޮޑެތި ގެއްލުންތަކެއް ލިބިފަ އެވެ. މުޅި ޣައްޒާގައި ހުރި ގެދޮރުގެ ގާތްގަނޑަކަށް 45 އިންސައްތަ އިމާރާތް ވަނީ ހަލާކުވެފަ އެވެ. އޭގެ އިތުރުން ޣައްޒާގައި ހުރި ހުރިހާ ހޮސްޕިޓަލުތަކެއް ވަނީ، އެކަށީގެންވާ ގޮތެއްގައި ޚިދުމަތް ނުދެވޭނެ ވަރަށް ގެއްލުންދީފަ އެވެ. އޭގެ އިތުރުން ބައެއް ހޮސްޕިޓަލުތައް ވަނީ އެކުގައި ހަލާކުކޮށްލައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ފަރުދީ
27 November 2023
ގަތަރު މީ ނަތަންޔާހޫގެ ކެމްޕެއިނަށް ފަނޑުކުރާ ބައެއް ހެން ވަރަށް ހީވޭ. މަ ދުވަހަކުވެސް އެމިރޭޓްސް ގަ ދަތުރެއް ނުކުރާނަން. ދުވަހަކުވެސް ނީންނާނެ އަރާފަކާ ނުވެސް އަރާނަން.
ބަދަވީކަން
27 November 2023
ކަލޯ ހިތުން މޮޅު ކޮމެންޓެއް ދޯ ތިކޮށްލީ ގަތަރުގެ އެއާލައިނަކީ "ގަތަރު އެއާވޭސް" އެމިރޭޓްސް އަކީ ޔޫއޭއީގެ ޑުބައި ގެ އެއަރލައިނެއް އިއްތިހާދަކީ ޔޫއޭއީގެ އަބޫދާބީ ގެ އެއަރލައިން
ލެއްގިކޮމިޝަނަރ
27 November 2023
ތަންތާގަ މަރުމޯލުންއެޅޭ، އެކަމަކު މިކޮމެންޓްކުރި ވަރުގެ މަރުމޯލުން ވަރަށް މަދުވާނެކަން ޔަގީން
ޒަމީރު
27 November 2023
ގަތަރަކީ ޔަހޫދީ އެޖެންޓުން އެކަން ދޮގެއް ނުކުރެވެނޭ
ލެއްގިބޭ
27 November 2023
ޔަހޫދީ އެޖެންޓަކަށް ވިޔަސް ރަންގަޅުކަމެއް ކުރީމަ ބަލާގަންނަންވަނެ. މިތާ ކޮމެންޓްކުރާ ދިވެހިން މިހާރު ބޭނުންވެގެން އުޅޭހެން ހީވަނީ އިޒުރޭލުން ހަނގުރާމަކޮށް ގާޒާ އެކީ ސުންނާފަތިކޮލަން. ޤަތަރުން އިސްނަގައިގެން ހަނގުރާމަ މެދުކަޑާލީމަ މިޔަދުވެސް އެތައްބައެއްގެ ފުރާނަ ސަލާމަތް ކުރެވިއްޖެ. އެކަމާ މިހާރު ދިވެހިން ޖޭވާހެން އެބަހީވޭ
ބަޑިތަކުރު.
27 November 2023
ހެޑުލައިން ރަނގަޅުކޮށްލަންވީ. ރަނގަޅުގޮތަކީ ހަނގުރާމަ އާއި ބެހޭގޮތުން މަޝްވަރާކުރުމަށް ގަތަރުގެ ޔަހޫދީ ގުރޫޕެއް އިޒްރޭލަށް ގޮސްފި. އަޅާހެދުމާއި ކިއާ ނަމުގައި ހުރިތަފާތެއް ހުރީ.
ރަމަ
27 November 2023
ހަގުރާމާ ކާމިޔާބު ނުވަނީ މުސްލިމުންގެ އެއްބައިވަންތަކަމެއް ނެތުމުން އަޤީދާ ބަލިކަށިވެ ޔަހޫދީންނަށް ބަރޯސާވުމުން. ހަގުރާމައިގައި އެތައްބަޔަކު ޝަހީދުވެގެންދާއިރު ގައްޒާގެތެރެއިން ގައްޒާގެ ރައްޔިތުންގެ ބަޔަކު ގެންދަނީ އިޒުރޭލަށް ޖާސޫސީ މަޢުލޫމާތު ފޯރުކޮށްދެމުން. މިހެންމިކަންވާނަމަ ދުވަހަކުވެސް މިހަގުރާމައަކަށް ނިމުމެއްނާންނާނެ. ގަދަވާނީ ޔަހޫދީން މުސްލިމުންވާނީ ނިކަމެތި!
އަފީފު ހ އ ދިއްދޫ
27 November 2023
މާތްކަލާކޯ އެގެންވާ އެންމެނަށް (މުސްލިމުން )އެނގެއޭ ނަމޭ ތަފާތީ ހަމަ ތިޔައީ އެކައްޗެއް ކަން
މިމީހުންނައް އިންސާނިއްޔަތު އަކީ އެއްޗެއްނޫން!
27 November 2023
ގަތަރު ވޯރލްޑް ކަޕް ގަ ބުނީ އެގައުމުގަ ގާނޫނު ތަކާ ހިލާފު ނުވާށޭ! އެހެން ގައުމުތަކުން އެކަމާ ނުބެހޭށޭ! މިހާރު އިޒްރެއިލް އެބުނަނީ އެމީހުންގެ ގާނުންބުނާ ގޮތުގައި އެގައުމާ ހަގުރާމަ ކުރާ ބަޔަކު ސުންނާފަތި ކޮއްލާނަމޭ! އެހެން އެއްވެސް ބަޔަކާ ނުބެހެވޭނެޔޭ އެގައުމުގެ ގާނޫނަކާ! ކޮބާ ތަފާތަކީ؟ ކޮންމެ ބަޔަކުވެސް ގާނޫނު ހަދާފަ ފުއްޕާފަ މިތިބެނީ އެވަރެއްނިތިގެން ތެޅެނީ!! ވެންމަސް ވެނައް! ލަނޑަޔާ ވާނީ ހަމަ ލަނޑަޔާ!
ބޮލަށްފިތިފަ
27 November 2023
ތިބާ ތީ ޔަހޫދީންނަށް މަދަދުވެރިވާ މީހަކީތަ؟؟؟ ކޮމެންޓް ކުރާނީ ކޮމެންޓް ކުރަން ދަނަނަ މީހުން. ވާނުވާގަ ތިހުރެވެނީ އަދި. ތިމާ ލިޔާ އެއްޗެއްގެ މާނަ ތިމާއަށްވެސް ނޭގުނީމަ އިހަށް ރަގަޅުވާނީ ހިމޭނުން ތަނެއްގަ އިށީދެ އިނީމަ. ޤަތަރުގެ ޤާނޫނާ އެއްގޮތަށް އެމީހުން އުޅެން އެންގީ އިސްރާއީލުން މިހިންގާ ޖަރީމާފަދަ ކަންކަން ހިންގަންތަ؟ ޤަތަރުން އެންގީ ދީނާ ޚިލާފު އެއްވެސް ކަމަކަށް ޖާގަ ނެތޭ. މިއާ އިޒްރޭލާ ކިހިނެއް ހަމަހަމަ ކުރާނީ ބޭޅާ؟
ފްރީ ފަލަސްތީން
27 November 2023
އަދި ތަންކޮޅެއްއަވަސް އަރަބިން ތިކަމުގައި އުޅެން. އެތައްބަޔަކު، ކުޑަކުދިން ހިމަނައިގެން މަރަމުންދިޔައިރު ކޮންތާކުތޯ މިމީހުން ތިބީ، މުސްލިމް އުއްމަތޭކިޔަން ލަދުވެސް ގަންނަންޖެހޭނެ މިއަރަބިން. ކަންތަތައްތައް ކުއްވެރިކޮށް ހުއްޓާލަން ގޮވާލަންވެސް ކެރުނީ އެތައްދުވަހެއް ފަހުން. ދުނިޔެމަތީގައި ދިރިތިބި ބަޔަކަށް ފެންނާނެ މިކަހަލަ މީހުންގެ ހިތިނިމުން. މާތްﷲ ފަލަސްތީންގެ މުސްލިމުންނަށް ނަސްރުދެއްވާށި. އަދު ނުބައި ނުލަފާ ޔަހޫދީން ނެތިކުރައްވާށި.
ޖަލީލީ
27 November 2023
މުސްލިމުން އެކަތިގަނޑަކަށްވެ ތެދުވެރި ޖިހާދެއް ކޮށްގެން ނޫން ގޮތަކަށް މި ޔަހޫދީން ބައްޔެއް ނުކުރެވޭނެ. ޔަހޫދީންނާއި އެކު ކުރެވޭ އެގުރީމެންޓް ތަކަކީ ސައިބޯނި ބޮތްކެތްފަދަ އިތުބާރު ނެތް ކަމެއް. ޓޫ ސުޓޭޓް ސޮލިއުޝަން އަށް މުސްލިމު ވެރިން ކުރާ އުންމީދަކީ އަވާ މެންދުރެއް. ޔަހޫދީން އެ ފުރުސަތެއް ނުދޭނެ.
ތަކުރުބެއްޔާ
27 November 2023
ފަލަސްތީން ތަޅާ ސުންނާފަތިކޮށް 150000 އަންހެނުންނާއި ކުޑަކުދިން މަރައި އެތައް ބައެއް ޒަހަމު ކުރި ބައެއްގެ ފައިބުޑަށް ވެޢްޓި ފައިގައި ދޫ ލައި އަދިވެސް އާދޭސް ކުރުމުގައި.. މުސްލިމު ވެރިންގެ ނިކަމެތި ކަމާއެވެ. 70 އަހަރު ވީ އަރަބިން އިޒްރޭލް އާއި އެމެރިކާ ކައިރީ އާދޭސް ކުރާތާ. ބަލަ ތި ޔަހޫދީންނަކީ ނަބީ ބޭކަލުންނާއި ރަސޫލު ބޭކަލުން ވެސް ބުނާ ގޮތާ އިދިކޮޅަށް އެކަންތައް ބަދަލު ކޮށްގެން ކަންތައް ކުރި ބައެއް.ތިމީހުންނަށް އިތުބާރު ކުރާކަށް ނުވާނެ