މަޖިލީހުގެ ޖަލްސާއެއްގެ ތެރެއިން --
05 ޑިސެމްބަރ 2023 - 13:07
98 comments
ކުރީގެ ރައީސް އިބްރާހިމް މުހައްމަދު ސޯލިހުގެ ދުވަސްވަރު އެންމެ ބޮޑަށް އަޑިއަޅާލައި އަދި އެންމެ ގިނަ ބަޔަކަށް ކެމްޕެއިނާ ދިމާކޮށް ވަޒީފާ ދިން އެއް ކުންފުނި، ފެނަކައިގެ ބައެއް މީހުން މިހާރު ވަކިކުރަމުންދާ ކަމަށް ބުނެ، މި ސަރުކާރުގެ ވަޒީރުންނަށް ރައްޔިތުންގެ މަޖިލިހުގެ ރުހުން ނުދޭނެ ކަމުގެ އިންޒާރު އެމްޑީޕީގެ ބައެއް މެމްބަރުން މިއަދު ދީފި އެވެ.
މަޖިލިހުގެ އަޣުލަބިއްޔަތު ކޮންޓްރޯލްކުރާ ޕާޓީގެ މެމްބަރުން އެ އިންޒާރު ދިނީ، ފެނަކައިގެ މުވައްޒަފުން ވަކިކުރާ ކަމަށް ވިދާޅުވެ، ފުވައްމުލަކު މެދު ދާއިރާގެ މެމްބަރު ހުސައިން މުހައްމަދު ދީދީ މިއަދު މަޖިލިހަށް ހުށަހެޅުއްވި ކުއްލި މައްސަލައިގެ ބަހުސްގަ އެވެ.
ނަމަވެސް ފެނަކައިގެ އާ މެނޭޖިން ޑިރެކްޓަރު މުއާޒު މުހައްމަދު ރަޝީދު "މިހާރު" އަށް މިއަދު ވިދާޅުވީ، އެ ކުންފުނީގެ އެއްވެސް މުވައްޒަފަކު މިހާތަނަށް ވަކިނުކުރާ ކަމަށާއި އެކަމަކު މަސައްކަތެއް ނެތް "ކޮންޓްރެކްޓް ސްޓާފުން" ގެ އެއްބަސްވުން އާ ނުކުރަން ނިންމާފައިވާ ކަމަށެވެ.
ފެނަކައިގައި 7،300 މުވައްޒަފުން އުޅޭއިރު، ހަމައެކަނި ކޮންޓްރެކްޓް ސްޓާފުންގެ އަދަދު ވެސް 2،000 އަށް އަރާ ކަމަށް މުއާޒު ވިދާޅުވި އެވެ.
މަސައްކަތެއް ނެތް "ކޮންޓްރެކްޓް ސްޓާފުން" ގެ އެއްބަސްވުން އާ ނުކުރަން ފެނަކައިން ނިންމައިފި https://t.co/3sKoPKNOsC
— Mihaaru (@Mihaarunews) December 5, 2023
އޭނާ ވިދާޅުވީ، ކޮންޓްރެކްޓްގެ މުއްދަތު ހަމަވާއިރު، އެ ސައިޓެއްގައި ކުރާނެ މަސައްކަތެއް ނެތް ނަމަ އެ މުވައްޒަފެއްގެ ކޮންޓްރެކްޓް މުއްދަތު އިތުރު ނުކުރާ ކަމަށެވެ.
މަޖިލިހުގެ މިއަދުގެ ޖަލްސާގައި މަކުނުދޫ ދާއިރާގެ އެމްޑީޕީގެ މެންބަރު އަހުމަދު ރާއީ ވިދާޅުވީ، މި ސަރުކާރަށް މަހެއް އަދި ނުވާއިރު، އެމްޑީޕީ ސަރުކާރުން މަޝްރޫއުތައް ހިންގަން ނަގާފައިވާ މުވައްޒަފުން ވަޒީފާ އިން ވަކިކުރުމަކީ ބަލައިގަނެވޭނެ ކަމެއް ނޫން ކަމަށެވެ.
ރާއީ ވިދާޅުވީ، މުވައްޒަފުން ވަކިކޮށްފައި، ވަޒީރުންނަށް ރުހުން ހޯދަން އަންނަން ޖެހޭނީ ހަމަ އެމްޑީޕީގެ މެޖޯރިޓީ އޮތް މަޖިލިހަށް ކަމަށެވެ.
"ކަނޑާލާ ކޮންމެ މުވައްޒަފަކަށް އަޅުގަނޑުމެން މި ތަނުން މިނިސްޓަރަކަށް ރުހުން ދިނުން ހުއްޓާލާނަން. އެކަން ނުކުރެވޭނެ. އެހެންވީމާ ބަދަލު ހިފުމުގެ ރޫހުގައި އެއްވެސް ކަމެއް އެއްވެސް ރަށެއްގެ މުވައްޒަފަކަށް އެގޮތަށް ކަން ކޮށްފި ނަމަ ރައީސް މުވައްޒަފުގެ ކެބިނަޓަށް ރުހުން ދޭކަށް ލާހިކެއް ކުޅަދާނައެއް ނޫން،" ރާއީ ވިދާޅުވި އެވެ.
އެ ވާހަކަ އަށް ބާރުދެއްވައި ބިލެތްދޫ ދާއިރާގެ މެންބަރު އަހުމަދު ހަލީމް ވިދާޅުވީ، އެ ގޮތަށް މުވައްޒަފުން ވަކިކުރަމުން ގެންދިއުމަކީ ބަލައިގަނެވޭނެ ކަމެއް ނޫން ކަމަށެވެ. އޭނާ ވިދާޅުވީ ވަޒީރުންނަށް ރުހުން ނުދީ ހުންނަވަން ބޭނުން ނުވާ ކަމަށާއި ނަމަވެސް މި ކަހަލަ ކަންކަން ހިނގާ ނަމަ އެކަން ކުރަން މަޖުބޫރުވާނެ ކަމަށެވެ.
"ވަރަށް ބޭނުން ކެބިނެޓަށް ވޯޓު ދޭން. އެކަމަކު މި ކަހަލަ ކަންތައްތައް މި ގޮތަށް ހިނގާ ނަމަ އެ ޖަޒުބާތުގައި ޖެހޭނެ. އަޅުގަނޑުމެންގެ އާންމު މެންބަރުންނާ މެދު މިކަހަލަ ކަންކަން ކުރަންޏާ،" ހަލީމް ވިދާޅުވި އެވެ.
ކުއްލި މައްސަލައަށް ބަހުސް ކުރެއްވި އެމްޑީޕީގެ އިތުރު ބައެއް މެންބަރުން ވެސް ވަނީ އެ ވާހަކަ ދައްކަވައިފަ އެވެ. އަދި ސަރުކާރުގެ އަމަލުތައް ކުށްވެރި ކުރައްވައިފަ އެވެ.
ފެނަކައަކީ ސަރުކާރު ހިއްސާވާ ކުންފުނިތަކުގެ ތެރެއިން ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު އެންމެ ގިނަ މުވައްޒަފުން ތިބި ކުންފުންޏެވެ. އެ ކުންފުނީގައި 7،300 މުވައްޒަފުން އެބަ ތިއްބެވެ. މިއީ އެ ކުންފުންޏަށް ބޭނުންވާ ވަރަށް ވުރެ މާ ގިނަ އަދަދެއް ކަމަށް އާ އެމްޑީ މުއާޒު ކުރިން ވިދާޅުވެފައި ވެ އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތޮރީގް
05 December 2023
އެމްޑީޕީ އިން ހިންގި ކޮރަޕްޝަން ރައްޔިތުންނަށް ހާމަ ކުރަން ޖެހޭ... އެމްޑީޕީ ސަރުކާރުން ފެނަކަ އަށް އެތަށް ބައިވަރު ވަގުތީ މުވައްޒަފުން ވައްދާ މަކަރު ހެދީ.... ވަގުތީ މުވައްޒަފުންނަކީ މުއްދަތު ހަމަ ވުމުން ކަޑާލާނެ ބައެއް... އެއީ ކޮންމެ ވެރިކަމެއްގަ އެކަން ކުރާ ގޮތް... ވަޒީފާގެ އެއްބަސްވުމުގަ އޮންނަަނީ އެހެން... ރައްޔިތުންނަށް އޮޅުވާލަން މަޖުލީހުގަ ކޮންމެ ވާހަކަ އެއް ދެއްކިޔަސް ރައްޔިތުންނަށް ހަގީގަތް އިންގޭ.. މަކަރާ ހީލަތް ހަދާފަ އެމްޑީޕީން ދިޔައީ
ފަލްލާ
05 December 2023
އެމްޑީޕީ މެމްބަރުންގެ ލަދެއް ނެތް.. ފެނަކަ އަށް އެތަށް ބައިވަރު ވަގުތީ މުވައްޒަފުންތަކެއް ނަގައިގެން ހިންގީ ކޮރަޕްޝަން... އެމްޑީޕީ އަކީ ކޮރަޕްޓް މެމްބަރުންތަކެއް ތިބި ތަނެއްކަން މިއަދު ޔަގީން ވެއްޖެ... ގަލޮޅު ދެކުނު އެމްޑީޕީ މެމްބަރަށް 100% ނޫން... ވަގުތީ މުވައްޒަފުންނަކީ ކޮންޓްރެކްޓް ހަމަވުމުން ވަކިވާނެ ބައެއް...ކޮރަޕްޝަން
ފަލްލާ
05 December 2023
ބޭކާރު މަސެއްކަތެއް ނެތް މުވައްޒަފުން އެހެން އޮފީހަކަށް ބަދަލު ކުރޭ... އެމްޑީޕީ އަށް ތާއީދު ކުރިއަސް ފެނަކަ އަކީ ކޮރަޕްޝަން.... ކޮރަޕްޝަންގެ ދަށުން ބޭކާރު މުވައްޒަފުންތަކެއް ވެއްދީ... އަޅުގަނޑަކީ އެމްޑީޕީ މީހަކަސް އެމްޑީޕީން ހިންގި ކޮރަޕްޝަން... ވަގުތީ މީހުންތަކެއް ނަގައިގެން އެމްޑީޕީން ކޮރަޕްޝަން ހިންގީ
ނުރައްކަލޭ
05 December 2023
މުއިއްޒު އަކީ ނޫސްވެރިން ކުރާ ސުވާލު ތަކަށް ޖަވާބު ދިނުމުގެ ބަދަލުގައި ނޫސްވެރިންނަށް ވެސް އޮޅުވާލާ މީހަކަށްވާތީވެ އޭނާގެ ވަޒީރުންގެ ފައްޗަށް ރުހުންދީގެން ނުވާނެއޭ އެއީ ވަރަށް ނުރައްކާ ކަމެކޭ
ތޮރީގް
05 December 2023
މިދިޔަ ސަރުކާރުން ވެސް ހިންގީ ހުސް ކޮރަޕްޝަން... ނެތް ރަގަޅު ޕްލޭނެތް.. ބްރުޖު ގަނޑެއް ވެސް ނާޅާ އެދިޔައީ... ނުހޮވާނަން ދެން... އެމްޑީޕީ ކޮރަޕްޝަން މެމްބަރުން އައުޓް... ފެނަކައިގަ ވެސް ކޮރަޕްޝަން ހިންގާ އެތަށް 100 ވަގިތީ މުވައްޒަފުން ނަގައިގެން ގޭގަ ބޭތިއްބީ... ވަގުތީ މުވައްޒަފުން ކުރާނެ މަސެއްކަތެއް ވެސް ނެތް... އެހުރިހާ ކޮރަޕްޝަން ހިންގައިގެން ވެސް ވީ ފެއިލް... ދެން ވެސް ވާނީ ފެއިލް...
އަފްރާސިޔާބު
05 December 2023
ތިއުޅެނީ ގައުމުގައި ހަމަނުޖެހުން އުފައްދައި ތަޅާފޮޅުމަކަށް ދާން. ރައްޔިތުންގެ މަޖީލީހުންވެސް ތިކުޅެނީ ރައްޔިތުންގެ ލެޔާ. އަހަންނަކީ ވަކި ޕާޓީ އަކަށް ތާއީދު ނުކުރާ މީހަކަސް ރައްޔިތުންގެ މަޖިލީހުން މިހާރު މިސްރާބު ހުރި ގޮތުން ލިބިފައިވާ ކުޑަވަގުތުކޮޅެއްގެ ބަދަލު ހިފުމުގެ އަމަލެެއް ހިންގަން ތިއުޅެނީ. ވެރިކަމަށް ހޮވުނު މީހާއަށް ޖެއްސުން ކުރުމަކީ އެމްޑީޕީގެ މައިގަނޑު ސިޔާސަތު ކަމަށް ހެދުމަކީ ގޯހެއް. ޖަވާބު ދާރީ ކުރުވާނީ ޖެއްސުން ކޮށްގެނެއްނޫން.
ފަރެސް1
05 December 2023
މަޖްލިސް މެމްބަރުންގެ މުސާރަ 25ހާހަށް ކުޑަކުރަންވީ. އެއީ ރައްޔިތުންނަށް އެންމެ ފައިދާހުރިގޮތަކީ.
ތިލަފަތް
05 December 2023
އަހަރެންވެސް އެދެނީ ސަރުކާރަށް ރުހުން ނުދޭން..މިސަރުކާރުން ރައްޔިތުންނަ އޮޅުވާލަން ފުރުސަތު ނުދީ މޑޕ މަޖުލިހުން އެބަޖެހޭ ސަރުކާރު ބަދަލުކުރަން..މިކަންވކުރާނެވަރު މޑޕ ގަ އެބަހުރިތައް..މަޖުލިސް އިންތިހާބާމެދު ވިސްނާކަމަށް ވަންޏާ މިކަންކުރޭ...މޑޕ ވެއްޖެ ސިޔާސީކުޅިބައި އަތުރަން ތަފާތުގޮތަކަށް... މާޒީގަ މޑޕ އޮތްގޮތް ބަދަލުކުރަން..ޑިމޮކްރެޓްސްއާ އެކު އެކުވެރިވެ ކޯލިޝަންހަދާ މުއިއްޒުއަށް ސިޔާސީކުޅިބައި އަތުރާގޮތް ދައްކާލާ...ސަރުކާރު ބަދަލުކޮއްލާ..
ސުން
05 December 2023
ޜަނގަޅު ނިންމުމެއް.އެމްޑީޕީއިން ބިރު ދައްކަނީ.އެމީހުން ބޭނުންގޮތެއް ހެދިޔަދީގެން ނުވާނެ.
ވަކީލު މާއަނގަ
05 December 2023
"މި ސަރުކާރުގެ ވަޒީރުންނަށް ރައްޔިތުންގެ މަޖިލިހުގެ ރުހުން ނުދޭނެ ކަމުގެ އިންޒާރު އެމްޑީޕީގެ ބައެއް މެމްބަރުން މިއަދު ދީފި އެވެ." މިގަމާރުންނަށް ނޭނގެނީތަ ތިޔަ މަޖިލިސް އުވާލުމުގެ ބާރު ޤާނޫނު އަސާސީގައި ރައީސަށް ދީފައިވާކަން. ޤާނޫނު ނުކިޔާ ޤާނޫނު ނުދަންނަ މިކަހަލަ މީހުން މަޖިލީހަށް ކުރިމަތި ލުމަކީ ޤައުމަށް ލިބޭ ބޮޑު ގެއްލުމެއް. މިކަން ރަނގަޅުކުރަންޖެހޭ.
އަވަދިވެދާނެ
05 December 2023
ފެނަކައަށް އިތުރުކުރި މުވައްޒަފުންގެ ޗިޓް ފެނުމުން މަގޭ ހިތައްވެސްއެރީ. މީހަމަ 3 މަސްދުވަހުގެ ވަޒީފާއެކޭ. ވެރިކަން ލިބުނީމާ މީގެ ބޭނުމެއް ނުކުރާނޭ. އަސްލު ހަމަ ހީލަރްތެރިކަމުގެ ޗިޓެއް ދީފައިވަނީ. ކެޔޮގަނޑު ލިބުމުން އެނިމުނީ. ދެން ގަހުގެ ބޭނުނެއްނެތޭ. ކޮންޓެކްޓް އާނުކުރާނެ. މިސަރުކާރުން އެނިންމަނީ ސައީދުވެސް ކުރަން ގަސްތުކުރި ގޮތަށް. ސައީދުއަށް ބާރު ލިބިގެން ކުރިނަމަ ބުނެވުނީސް ހަމަ ހީލައްތެރިއޭ. މިއަދު ދަރަނި ބޮޑުވީމައޭ ބޭކާރު މީހުންނޭބުނެފާނެ.