ޓޭލާގެ "އިރާސް ޓުއާ" އަށް އެއް ބިލިއަން ޑޮލަރުގެ އާމްދަނީއެއް ލިބިއްޖެ

އެމެރިކާގެ ލަވަކިޔުންތެރިޔާ ޓޭލާ ސްވިފްޓް.

10 ޑިސެމްބަރ 2023 - 06:22

އެމެރިކާގެ ލަވަކިޔުންތެރިޔާ ޓޭލާ ސްވިފްޓްގެ "އިރާސް ޓުއާ" އަށް ޓިކެޓް ވިއްކައިގެން އާމްދަނީގެ ގޮތުގައި އެއް ބިލިއަން ޑޮލަރަށް ވުރެ ބޮޑު އާމްދަނީއެއް ލިބިއްޖެ އެވެ.

ރިޕޯޓްތައް ބުނި ގޮތުގައި، މި ޓުއާގެ ޓިކެޓް ވިއްކައިގެން މިހާތަނަށް ވަނީ 1.04 ބިލިއަން ޑޮލަރުގެ އާމްދަނީއެއް ލިބިފަ އެވެ. އަދި މި ރޭޓުގައި ދާ ނަމަ، ޓިކެޓް ވިއްކައިގެން މި ޓުއާ އަށް ދެ ބިލިއަން ޑޮލަރު ލިބޭނެ ކަމަށް އަންދާޒާކުރެވެ އެވެ.

މިއީ މިއުޒިކް ޓުއާއެއްގެ ޓިކެޓް ވިއްކައިގެން ފަންނާނަކަށް އެއް ބިލިއަން ޑޮލަރުގެ އާމްދަނީއެއް ލިބުނު ފުރަތަމަ ފަހަރެވެ.

"އިރާސް ޓުއާ"ގެ ތެރެއިން އޭނާ މިހާތަނަށް 50 އަށް ވުރެ ގިނަ ޝޯ ދީފައިވާއިރު، އަންނަ އަހަރަށް ވެސް ގިނަ ޝޯތަކެއް ވަނީ ތާވަލުކޮށްފަ އެވެ.

View this post on Instagram

A post shared by Taylor Swift (@taylorswift)

މި އަހަރު މާޗު މަހުގައި ފެށި ޓޭލާގެ "އިރާސް ޓުއާ"ގެ ތެރެއިން އަންނަ އަހަރު ދުނިޔޭގެ އެކި ގައުމުތަކުގައި ޝޯތައް ބާއްވަން ވަނީ ތާވަލުކޮށްފަ އެވެ. މިއީ ޓޭލާގެ ހަވަނަ ޓުއާ އެވެ. މި ޓުއާގައި މުޅި ޖުމްލަ 146 ޝޯ ދޭން އޭނާ ވަނީ ނިންމައިފަ އެވެ. އެ ހުރިހާ ޝޯއެއްގެ ޓިކެޓް ވެސް މިހާރު ވަނީ ވިކި ހުސްވެފަ އެވެ.

ބްލޫމްބާގް ބިލިއަނާސް އިންޑެކްސްގައިވާ ގޮތުގައި ޓޭލާގެ މިލްކިއްޔާތުގައި މިހާރު 1.1 ބިލިއަން ޑޮލަރު އެބަހުއްޓެވެ. އެހެންވެ، އޭނާ އަކީ މިހާރު ބިލިއަނަރެކެވެ.

މިދިޔަ އޮކްޓޯބަރު މަހު ނެރުނު ޓޭލާގެ "އެރަސް ޓުއާ" ކޮންސާޓް ފިލްމަށް ބޮކްސް އޮފީހުގައި ވަނީ ވަރަށް ބޮޑު އާމްދަނީއެއް ލިބިފަ އެވެ. އެ ފިލްމަށް ވަނީ 250 މިލިއަން ޑޮލަރުގެ އާމްދަނީއެއް ލިބިފަ އެވެ.

ޕޮޕް މިއުޒިކް ޓޭލާ ސްވިފްޓް އާމްދަނީ

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

LaamuonlineDOTcom

10 December 2023

ކިތަންމެ އާމްދަނީއެއްލިބުނަސް މިފަދަ ގިނަމީހުނަށް ދިރިއުޅުމުގައި ހަގީގީ އުފާވެރިކަމެއްނުލިބޭ، އެއްބަޔަކު ޑިޕުރެޝަންވެގެން އަމިއްލަޔަށް މަރުވަނީ، އަނެއްބަޔަކު އޯވާޑޯޒްވަނީ، ދެންތިބިމީހުންވެސް ކޮންމެވެސް ކަމެއްވަނީ! މާނައަކީ ކިތަންމެ ފައިސާއެއްލިބުނަސް އިންސާނާ އުޅެން އަނގަވާފައިވާ ގޮތައްނޫޅޭހާ ހިނދެއްގައި އިންސާނާއަށް ހަގީގީހިތްހަމަޖެހުން ލިބިގެންނުދެއޭ!