ޓީޗަރުންގެ ދުވަސް ފާހަގަކުރަން ހިރިޔާ ސްކޫލުގައި ބޭއްވި ހާއްސަ އެސެމްބްލީއެއްގައި ޓީޗަރުން ބައިވެރިވަނީ: ގިނަ ދާއިރާތަކުން ދިވެހިންނަށް ވަޒީފާ ހާއްސަކުރަން ވަނީ ނިންމާފައި. -- ފަޔާޒް މޫސާ | މިހާރު
25 ޑިސެމްބަރ 2023 - 12:52
49 comments
ދިވެހި ޒުވާނުންގެ ޝައުގުވެރިކަމާއި ހުނަރުވެރިކަން ހުރި 21 ދާއިރާއެއްގެ ވަޒީފާތައް ދިވެހިންނަށް ހާއްސަކުރަން ސަރުކާރުން ނިންމައިފި އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހީމް ވިދާޅުވީ އިއްޔެ ބޭއްވި ކެބިނެޓް ބައްދަލުވުމުގައި، ޒުވާނުންގެ ކުރިއެރުމަށް ވަޒީފާތައް ހާއްސަކުރުމާ ގުޅޭ ގޮތުން މަޝްވަރާކުރަން ހުށަހެޅުއްވީ ހަޔާ އެޑިއުކޭޝަން، ލޭބާ އެންޑް ސްކިލްސް މިނިސްޓަރެވެ.
ނާޒިމް ވިދާޅުވި ގޮތުގައި ވަރަށް ފުޅާކޮށް މަޝްވަރާކުރުމަށް ފަހު ގިނަ ދާއިރާތަކެއް، ވަކި ތާވަލުތަކެއްގެ މައްޗަށް ބަހާލައިގެން ދިވެހިންނަށް ހާއްސަ މަސައްކަތްތަކެއްގެ ގޮތުގައި ކަނޑައަޅަން ވަނީ ނިންމައިފަ އެވެ.
ދިވެހިންނަށް ހާއްސަ ކުރާ ބައެއް ދާއިރާތައް
- ހެއާ ޑްރެސާ
- ބިއުޓިޝަނުން
- ބޭބީ ސިޓިން
- ޕާސަނަނަލް ޓްރެއިނަރުން
- އިލެކްޓްރިޝަނުން
- ގެސްޓް ރިލޭޝަން އޮފިސަރުން
- ޓުއާ ގައިޑުން
- ޑައިވަރުން
- ފޮޓޯ ގްރަފަރުން
- އިލެކްޓްރިކަލް އިންޖިނިއަރުން
- ހައުސްކީޕިން މެނޭޖަރުން
- ހިއުމަން ރިސޯސް މެނޭޖަރުން
- ފްރޮންޓް އޮފީސް މެނޭޖަރުން
- އެކައުންޓެންޓުން
- އިމާމުން
- ނަރުހުން
- ޓީޗަރުން
- އިންސްޕެކްޓަރުން
- ސާވޭ ކުރާ މީހުން
- ސައިޓް ސުޕަވައިޒަރުން
- ޕައިލެޓުން
މި ދާއިރާތަކަކީ ދިވެހިންނަށް ހާއްސަކުރެވިފައިވާ ދާއިރާތަކުގެ ގޮތުގައި ކަނޑައެޅުމަށް ވާން ޖެހޭ ތައްޔާރީތައް ވަމުން އަންނަ ކަމަށް ވެސް ނާޒިމް ވިދާޅުވި އެވެ.
"މި ދާއިރާތަކަކީ ދިވެހިންނަށް ހާއްސަ ކުރެވިފައިވާ ދާއިރާތަކެއްގެ ގޮތުގައި ކަނޑައެޅުމަށް ވާންޖެހޭ ތައްޔާރީތަކާއި ތާވަލެއް އެކުލަވާލައިގެން އެކަން ފުރިހަމަ ކުރުމަށް ކުރިއަށް ގެންދިއުމަށް ކެބިނެޓުން އިއްޔެ ވަނީ ރައީސް ޑރ. މުހައްމަދު މުއިއްޒު ލަފާއެރުވުމާ ގުޅިގެން އެގޮތަށް ނިންމާފައި،" ނާޒިމް ވިދާޅުވި އެވެ.
ރާއްޖޭގައި ގިނަ އަދަދެއްގެ ބިދޭސީން މަސައްކަތް ކުރަމުން އަންނަ އިރު، އާދައިގެ ގިނަ ވަޒީފާތަކެއް ވެސް ބިދޭސީން ކޮންޓްރޯލްކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަކުރުބޭ
27 December 2023
މައްސަލަ ހައްލުވާނެ ބިދޭސީންގެ ވިސާފީ އަދި ކޯޓާފީ ބޮޑުކޮށްލީމަ. ދިވެހިންނަށް ވަޒީފާ ނުދޭންވެގެން ގިނަ އަދަދެއްގެ ބިދޭސީން ގެންނަނީ
ޑޮކްޓާރ. ބަނާނާ
26 December 2023
ތިޔަ ރިސޯޓް ތަކުގައި ތިބި ލަންކާ އިންޑިއާ އިންޖި ނިއަރުން ނާއި ޕްރޮކިއުމެން އަދި އެކައުންޓެންޓުން ގުޅިގެން ރިސޯަޓް ގައި ކުރާ އެކި އެކި މަސައްކަތް ތައް ( އިލެކްޓްރިކަލް އިންޖިނަރިން އަދި ޕްރޮޖެކްޓް) މިހާރުވެސް ނަގަނީ ބޭރުކުންފުނިތައް. ޓިކެޓް ކަޑާފަ އައިސް މަސައްކަތް ކޮށްލާފަ އެދަނީ.. މިކަން މިގޮތަށް ކުރަނީ ހުރިހާ ފަރާތް ތަކަށް ބައިއަޅައިގެން. ދިވެހިންގެ ގައުމުގައި ދިވެހިން ނިކަމެތިވެ ފުޑެނީ! ޥެދުން.
ލުތުފީ
26 December 2023
މިހާރުވެސް ދިވެހިންނަށް ޚާއްޞަކޮށްފައިވާ ވަޒީފާތައް އެބަހުރި. އޭގެތެރޭގައި ކޭޝިއަރުން ހިމެނޭ. ބަލާބަލަ ކިތަށް ހޮޓަލުގަ ނުވަތަ ކިތަށް ފިހާރައިގަ ނުވަތަ ގެސްޓްހައުސްގަ ތޯ ދިވެހި ކޭޝިއަރުން ތިބީ. ފުރަތަމަ މިހާރު ހުރިކަންކަން ނުބަލައި، ކެޓަގަރީ އިތުރުކުރިޔަސް ހަމަ ޖެހޭނީ އެއްތާކު. ނޫސްތަކުގެ ސުރުޚީން ޖާގަހޯދަން ކުރާކަންކަމުން ވާނެ އެއްވެސް މަންފާއެއް ނޯންނާނެ.
އިސްމާއިލް އުޝާމް
26 December 2023
މިއި ހަމަ ހަގީގަތުގައިވެސްވެސް ރައްޔިތުން ސަރުކާރެއް.
ސައްދާމް މުހައްމަދު
26 December 2023
ސާބަހޭ ރައީސް. ސާބަހޭ ސަރުކާރު.
މިވަރެއްނެތް
25 December 2023
ޔާމީނުގެ ސަރުކާރުގައި ސިކިއުރިޓީއިންނާއި ކޭޝިއަރުންގެ ވަޒީފާ ދިވެހިންނަށް ޚާއްސަކުރީ! ޔާމީނުގެ ފޮޓޯ ދައްކާއިގެން މިސަރުކާރުންވެސް ދިވެހިންނަށް ހާއްސަކުރަނީ ބޭބީސިޓައިން ފަދަ ދަށްފަންތީގެ ވަޒީތައް! ބަލަގަ ގައުމުގެ ބޮޑެތި މުސާރަލިބޭ ވަޒީފާތަކަށް ބޭނުންވާ ތަމްރީނާއި ޑިސިޕްލިން ދިވެހިންނަށް ދަސްކޮށްދީބަލަ! ސިންގަޕޫރާއި ސްވިޒަރލެންޑް ކުރިއެރީ ބޮޑެތި ވަޒީފާތަކަށާއި ވިޔަފާރިއަށް ރައްޔިތުން ބިނާކޮށްގެން. ގަދަބާރުން އާދައިގެ ވަޒީފާތައް ދީގެނެއްނޫން.
ރަނުގެ ފުރުސަތެއް
25 December 2023
ދިވެހިން ނަށް ރަނުގެ ފުރުސަތެއް. އަމިއްލަ ގައުމުގަ ބާކީވެފަ ތިބޭ ތިބުން ނިމުމަކަށް ގެންނަން ޖެހޭ. މިހެން ވާނީ ޒުވާނުން ވެސް ފުރުސަތުގެ ބޭނުން ހިފާ މުރާލި ވެގެން އަދި ސަރުކާރުން ވެސް މީކަރުދާ ހުގަ އެކަނި ލިޔެވިފަ އޮންނަ އެއްޗަކަށް ނުހަދާ މިކަން ވަރުގަދަ ކޮށް ތަންފީޒު ކޮށް ގެން.
ސަރީފުއަލީހަމީދު
26 December 2023
އަޅުގަޑަކީ ޙައުސްކީޕިން މެނޭޖަރެއް! ޢިންޑަސްޓްރީގައި 15 އަހަރު ތަޖްރިބާ އެބަހުރި އަދި މެލޭސިޔާގެ ނަންބަރު ވަން ހޮސްޕިޓަލިޓީ ޔުނިވަރސިޓީގެ ޑިގްރީއެއް އެބައޮތް ..ރާއްޖޭގެ ނޭސަނަލް ޔުނިވަރސިޓީގެ ޑިޕްލޮމާއެއް އެބައޮތް ..އުޅުން ހުރިޙާތަނަކުން މަސައްކަތް ރަގަޅުކަމުގެ ލެޓައެބައޮތް! ޢެހެނަސް ވަޒީފާއަކަށް އެޕްލައިކުރާތާ 2އަހަރު ވީ! އެޕްލައިކުރީމާ ރިޕްލައިއެއްވެސް ނުލިބޭ- ވަޒީފާ އަށް އިންޓަވިއުއަށް ނުގުޅާތާ!
ހަމީދުއަލީ
25 December 2023
އަޅުގަޑު ޓުއަރިޒަމް އިންޓަސްޓްރީއާއި ގުޅުނީ 1999 އަހަރު އޭރު މެނޭޖުމަންޓްގައި އުޅެނީ ޔޫރަޕްމީހުންނާއި ދިވެހިން މިހާރު ދިވެހިންގެ ބަދަލުގައި އުޅެނީ އިންޑިއާމީހުން ލަންކާމީހުން ގިނައީ އިންޑިއާ މެނޭޖަރުން...މިސާލަކަށް މިހާރު ވަޒީފާ އަދާކުރާތަނުގައި 14 މެނޭޖަރުން އުޅޭއިރު މެޖޯރިޓީއަކީ އިންޑިއާމީހުން ދެން 3 ދިވެހިންނާއި 3 ޔޫރަޕްމީހުން...ޓުއަރިޒަމް މެނޭޖުމަންޓްގައި ބޭރުމީހުންތިބީމައި ވަރައްބައިވަރު ފައިސާ އެބަދޭ ރާއްޖެއިން ބޭރަށް
ހަސަނުސް
25 December 2023
ދިވެހިންގެ ކަންނެއްކަން ފުރަތަމަ ކަމަކަށް އެޑްރެސް ކޮއްފަ ތިވާހަކަ ދައްކާ. އުމުރު ދުވަސް ނިއުޒިލެންޑްގަ ހޭދަ ކޮއްފަ އައިސް ފުރަތަމަ ވާނުވާ އޮޅުންފިލުވާލި ނަމަ........
ބޮގޭ
25 December 2023
ތީ ހަމަ ހެޑްލައިން ހަދާލުމެއް. އެއްވެސް ކަމެއް ވެސް ނުކުރާނެ.
ސަރީފުއަލީ
25 December 2023
ތެދުވާހަކައެއް ތިކަމެއްނުވާނެ !!ހަމަ ޔަގީނުންވެސް ޓުރިޒަމް އިންޑަސްޓްރީ މެނޭޖުމަންޓް ގައި ތިބޭނީ ބޭރުމީހުން...ދިވެހިން ޑިގްރީހަދައިގެން ވަޒީފާ ނެތި ތިބެން ޖެހޭނީ!