މީހަކު ދުންފަތުގެ އިސްތިއުމާލު ކުރަނީ: ސިނގިރޭޓުން ނަގާ ޑިއުޓީ ބޮޑު ކުރަން މަޖިލީހަށް ވަނީ ހުށަހަޅާފައި.
12 ފެބުރުއަރީ 2017 - 20:14
30 comments
މި އަހަރަށް ލަފާކޮށް ސަރުކާރުން ހުށަހެޅި ބަޖެޓުގައި ކަނޑައަޅާފައި އޮތް ވަރަށް ވުރެ ބޮޑަށް ސިނގިރޭޓް އާއި އެނާޖީ ޑްރިންކުން ނަގާ ޑިއުޓީ ބޮޑު ކުރަން ރައްޔިތުންގެ މަޖިލީހަށް ބިލެއް ފޮނުވައިފި އެވެ.
ސަރުކާރުގެ ފަރާތުން އިމްޕޯޓް އެކްސްޕޯޓް ގާނޫނަށް އިސްލާހު ގެނައުމުގެ ބިލެއް މަޖިލީހަށް ފޮނުއްވީ ކުޑަހުވަދޫ ދާއިރާގެ އެމްޑީއޭ މެމްބަރު އަހުމަދު އާމިރެވެ. މި އިސްލާހުގެ ފުރަތަމަ ކިއުން މާދަމާ އޮންނަ މަޖިލީހުގެ ޖަލްސާގައި އިއްވުމަށް މިހާރު ވަނީ އެޖެންޑާކޮށްފަ އެވެ.
އިމްޕޯޓް އެކްސްޕޯޓް ގާނޫނަށް އާމިރު ހުށަހެޅުއްވި އިސްލާހުގައިވާ ގޮތުން ސޮފްޓް ޑްރިންކާއި އެނާޖީ ޑްރިންކުން ލީޓަރަކަށް 4.60ރ. ނެގުމަށް ވަނީ ކަނޑައަޅައިފަ އެވެ. އަދި މިހާރު ސިނގިރޭޓަކުން ޑިއުޓީގެ ގޮތުގައި ނަގާ 1.25ރ. ގެ ބަދަލުގައި 2ރ. ނެގުމަށް ވަނީ ކަނޑައަޅައިފަ އެވެ.
މަޖިލީހަށް ފޮނުއްވި އިސްލާހާ ގުޅިގެން، އާމިރު ވިދާޅުވި ގޮތުގައި، އެ އިސްލާހުގެ ބޭނުމަކީ ސިއްހަތަށް ގެއްލުންދޭ އެއްޗެހި ވީހާ ވެސް މަދު ކުރަން ބާރު އެޅުމެވެ. މަޖިލީހަށް އިސްލާހު ހުށަހެޅުމާ އެކު، އެ އަށް ބަދަލު ގެނައުމުގެ ބާރު މެމްބަރުންނަށް ލިބިވަޑައިގަންނަވާނެ ކަމަށް އޭނާ ވިދާޅުވި އެވެ.
މަޖިލީހުން ފާސްކުރި 2017 ގެ ބަޖެޓުގައި އާމްދަނީ އިތުރު ކުރުމަށް ހުށަހެޅި ކަންތައްތަކުގެ ތެރޭގައި ސިނގިރޭޓާއި ސޮފްޓް ޑްރިންކާއި އެނާޖީ ޑްރިންކުން ޑިއުޓީ ބޮޑު ކުރުން ހިމެނެ އެވެ. ނަމަވެސް މަޖިލީހަށް މިފަހަރު ފޮނުވި އިސްލާހު އޮތީ ބަޖެޓުގައި ހިމެނި ގޮތާ ހިލާފަށެވެ.
މި އަހަރުގެ ބަޖެޓު ހުށަހަޅުއްވަމުން ފިނޭންސް މިނިސްޓަރު އަހުމަދު މުނައްވަރު ވިދާޅުވީ ދައުލަތަށް އާމްދަނީ އިތުރުކުރުމަށް ސިނގިރޭޓަކުން 1.75ރ. އަދި ފިޒީ ޑްރިންކާއި އެނާޖީ ޑްރިންކުން 20 ޕަސެންޓްގެ އެޑްވެލޮރަމް ޓެކުހެއް ނަގަން ނިންމާފައިވާ ކަމަށެވެ. ސިނގިރޭޓަކުން ނަގާ ޓެކުހަށް 50 ލާރި އިތުރުކުރުމާއި ފިޒީ ޑްރިންކާއި އެނާޖީ ޑްރިންކުން 20 ޕަސެންޓް އެޑްވެލޮރަމް ޓެކުހެއް ނެގުމުން ނުވަ މިލިއަން ރުފިޔާ އިތުރަށް ލިބޭނެ ކަމަށް ލަފާކޮށްފައިވެ އެވެ.
ސިނގިރޭޓުން ނަގާ ޓެކްސް ބޮޑުކޮށްގެން 200 މިލިއަނަށްވުރެ ގިނަ ރުފިޔާގެ އާމްދަނީއެއް ލިބޭނެ ކަމަށް ސަރުކާރުން ލަފާ ކޮށްފައިވާ އިރު، ޑިއުޓީ ބޮޑުކުރުމުން، މިހާރު 48ރ. އަށް ވިއްކާ ސިނގިރޭޓު ފޮއްޓެއްގެ އަގު 65ރ. އާއި 70ރ. އާ ދެމެދުގެ އަގަކަށް ބޮޑުވާނެ އެވެ.
ބަޖެޓުގައި ހިމެނި ގޮތަށް، އެންމެ އަގު ބޮޑު އެނާޖީ ޑްރިކުގެ ދަޅަކުން ވެސް އެ އުސޫލުން ޑިއުޓީ ނަގައިފި ނަމަ ދައުލަތަށް އަހަރަކު 15 މިލިއަން ރުފިޔާގެ އާމްދަނީއެއް އިތުރުވާނެ ކަމަށް ލަފާކުރެވެ އެވެ. ތަފާސްހިސާބުތައް ދައްކާ ގޮތުން މިދިޔަ އަހަރު ރާއްޖެ އަށް 19 މިލިއަން އެނާޖީ ޑްރިންކް ދަޅު އެތެރެކޮށްފައިވެ އެވެ. އެއިން ޑިއުޓީގެ ގޮތުގައި މިހާރު ނަގަނީ 15 ޕަސެންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮއްލަތު
14 February 2017
ކާޑުގެ ބާވަތުން ކޮން ގެއްލުމެއް ވަނީ! އެވެސް އަގު ބޮޑު ކުރީ.. ދާންވީ މަގޫ ކާން.
އާދަމް ޒަނާން
14 February 2017
ހިތާމަ އާއިއެކު ދަންނަވަން އަގުބޮޑުކުރިއަސް ނުހުއްޓާނަން
ކޭހޮޅު
14 February 2017
ކާޑުގެ ބާވަތްތައް ވަނީ ދެގުނަކޮށްފަ އެއީ އެންމެން އެންމެ ގިނައިން ބޭނުންކުރާ ޢާއްމު ބާވަތްތައް ދެންޒުވާނުންނާ އެހެންވެސް ބައެއް މީހުން އެންމެ ގިނައިން ބޭނުންކުރަނީ އެނަޖީ ޑްރިންކާ ސިނގިރޭޓު މިވެސް މިވަނީ ބޮޑު ދެން ހުރި ހުރިހާ ބާވަތެއް ބޮޑުކުރަން މި ހެދި ގޮތަކީ ރާއްޖެއިން ބޭރުން އައިސް ބަނދަރަށް ވަންނަ ބޯޓުފަހަރުން ނަގާ ފީ ބޮޑުކުރި ދެން އެމީހުން ބޮޑުކުރާނެތާ އެހެން ބާވަތްތައް އޭގެތެރޭގަ ގެދޮރުއަޅާ ބާވަތްތައްވެސް ހިމެނިގެން އެވެސް ބޮޑުވީ ފެންބިލާ ކަރަންޓް ބިލްވެސް ވަނީ. ބޮޑުވެފަ ކޮއްޓަށް ކުނިލޮރީ އުކާލުންވެސް 800 ! ވަﷲ އަޢުލަމް
ކާނޭޖް
14 February 2017
މުސާރަކުޑަ ކޮއްފާ ތަކެތީގެ އަގުމަތި ކުރަނީ ބޮޑު އުދަގުލެއް
ހެލްތު
13 February 2017
ސިއްހަތަށް ގެއްލުންދޭ އެއްޗެހި ވީހާ ވެސް މަދު ކުރަން ބާރު އެޅުމެވެ. ހަކުރު ބަސްތާޢަކުން 7000ރުފިޔާ ފޯއްބަސްތާއަކުން 9000ރުފިޔާ ސުޕާރީޕަކެޓަކުން 7500ރުފިޔާ ޕެރަސެޓަމޯލް ގުޅަަައަކުން500ރުފިޔާ އަލްކަހޯލް ހިމެނޭ ބުއިންތަކުން ލީޓަރަލުން 3000ޑޮލަރު ނަގާ ބަޖެޓު އާމްދަނީ އިތުރުވާނެ
ދޮންކަމަނަ
13 February 2017
ސިއްޙަތައް ގެއްލުންވާތީ ކުރާކަމެކޭ ތިބުނަނީ ކާކު ޤަބޫލުކުރާނެކަމައްތަ. ދަޢުލަތުގައި ކެޕޭސިޓީ ނެތް މިނަވަރަށް ބޭކާރު ޚަރަދުކޮށްފައި އެތަން ފޫބެއްދޭނެގޮތެއް ނެތިގެން ތިޔަ ތެޅިފޮޅެނީ. ދެން މޮޅެތި ވާހަކަދައްކާފައި ރައްޔިތުން ފެލަން ތިއުޅެނީ. ތިފަދަ ތަކެތިން ޓެކްސް އިތުރުކުރަން އަހަރެން ތާއީދު އެކަމަކު ތިކަހަލަ އަނދުން އަޅުވަން އުޅޭތީ އެކަމާ ދެކޮޅު.
ސޮފްޓް ޑްރިނކްސް އިސްތިހާރު ކުރުން މަނަލެއްނޫން
13 February 2017
"އާމިރު ވިދާޅުވި ގޮތުގައި، އެ އިސްލާހުގެ ބޭނުމަކީ ސިއްހަތަށް ގެއްލުންދޭ އެއްޗެހި ވީހާ ވެސް މަދު ކުރަން ބާރު އެޅުމެވެ." މިވާހަކަ ޤަބޫލުކުރަން އަޅުގަނޑަށް ދަތިވަނީ ސިގިރޭޓާއި އެނާރޖީ ޑްރިންކްސްގެ ޑިޔުޓީ ބޮޑުކުރުމާއެކު ވެސް ދައުލަތުގެ މީޑިޔާއިން ސޮފްޓް ޑްރިންކްސް އާއި އެނާރޖީ ޑްރިންކްސް އިސްތިހާރު ކޮށްގެން ދައުލަތަށް ފައިސާ ހޯދާތީ. ވީމާ ތިބިލުގެ ޙަޤީޤާ މަޤްޞަދަކީ ދައުލަތަށް ވީހާވެސް ބޮޑު އަދަދެއްގެ ފައިސާހޯދުން ކަމުގައި ދެކެމެވެ. އަދި ސޮފްޓް ޑްރިންކްސް އާއި އެނާރޖީ ޑްރިންކްސް އިސްތިހާރުކުރުމަކީ މިހިނދުން މިހިނދަށް މަނާކުރަންޖެހޭ ކަމެއްކަމުގައި ދަންނަވަމެވެ.
ހަބޭސް
13 February 2017
ރާއްޖެއަށް ތިބުނި ތަކެތި އެތެރެނުކުރަންވީނު އޭރުން މާރަގަޅުވާނެ؟ އާމިރު ހީކުރަނީ ރާއްޖޭގައިތިބީ ހުސްމޮޔައިންކަމަށްތަ؟
ހަސަން
13 February 2017
ސިއްހަތަށް ގެއްލުންވާތީ ކުރާކަމެއްނޫން ތިޔައީ. ތިއީ މިސަރުކާރުގެ އިގްތިސާދީ މައި ސިޔާސަތު އާދެ "ރައްޔިތުމީހާ ފެލައިގެން ހިންގާ އިގްތިސާދު"ގެ މިއަހަރަށް ކަނޑައެޅިފަ އިން މެގަ ޕްރްޖެކްޓް.
ބަޑިތަކުރު
13 February 2017
ތިކުޅެލީ ޒުވާނުންގެ ހިތާ،،،،،ވ.ސަލާމް 2018