ރާއްޖޭގެ ރިސޯޓެއް. ރާއްޖޭގައި 200 ވަރަކަށް ރިސޯޓު އަންނަނީ ހިންގަމުން--
15 ޖެނުއަރީ 2024 - 09:01
35 comments
މިއީ ރާއްޖޭގެ ޓޫރިޒަމް އިތުރު ހަރުފަތަކަށް ކުރިއަށް ޖެއްސުމަށް މުޅި އެ ސިނާއަތު އެއްކޮށް ތެދުވާން ޖެހޭ ދަނޑިވަޅު ކަމަށާއި އެހެންވެ އެ ކަމަށް އެންމެންގެ އެއްބާރުލުމަށް ޓޫރިޒަމް މިނިސްޓަރު އިބްރާހިމް ފައިސަލް އެދިވަޑައިގެންފި އެވެ.
އޭނާ އެ ކަމަށް އެދިވަޑައިގަތީ އިންޑިއާގެ ލަކްޝަދީބް ޕްރޮމޯޓް ކުރުމަށް އެ ގައުމުގެ ބޮޑުވަޒީރު ނަރެންދުރަ މޮދީ މީގެ ދެ ހަފުތާއެއްހާ ދުވަސް ކުރިން ހިންގެވި ކެމްޕެއިނަކާ އެކު، ރާއްޖޭގެ ތިން ޑެޕިއުޓީ މިނިސްޓަރަކު ސޯޝަލް މީޑިއާގައި މޮދީ އަށް މަލާމާތްކޮށް ދެއްކެވި ވާހަކަތައް ހޫނުވެ، ރާއްޖޭގެ ޓޫރިޒަމާ ދެކޮޅަށް އިންޑިއާގެ ބައެއް ފަރާތްތަކުން ހަރަކާތްތަކެއް ފަށާފައިވަނިކޮށެވެ.
އެ ތިން ޑެޕިއުޓީ މިނިސްޓަރުން ވަނީ މި މަހުގެ ހަތްވަނަ ދުވަހުން ފެށިގެން ސަސްޕެންޑު ކޮށްފަ އެވެ.
މިނިސްޓަރު ފައިސަލް "މިހާރު" އަށް ވިދާޅުވީ، ދިވެހި ސަރުކާރާއި ޓޫރިޒަމް ސިނާއަތުގެ އެންމެން ގުޅިގެން ހައްލުތަކެއް ހޯދޭނެ ކަމަށެވެ.
"އެހެންވެ އަޅުގަނޑު މި ގޮވާލަނީ ޓޫރިޒަމް އިންޑަސްޓްރީގެ ހުރިހާ ބޭފުޅުންނަށް ސަރުކާރާ އެކު ދެމިތިއްބަވާށޭ. އިންޑަސްޓްރީގެ ބޭފުޅުން ކަންބޮޑުވާ ކަމެއް އޮތިއްޔާ އެ ބޭފުޅުންގެ އަޑުއަހައިގެން އެ ކަމަކަށް ހައްލު ހޯދަން ކުރަންޖެހޭ ކޮންމެ މަސައްކަތެއް ކުރުމުގައި އަޅުގަނޑުމެން ދެމިތިބޭނަން،" މިނިސްޓަރު ވިދާޅުވި އެވެ.
"އަޅުގަނޑުގެ އެދުމަކީ މުޅި ޓޫރިޒަމް އިންޑަސްޓްރީ ސަރުކާރާ އެކު އެކުވެރިކަމާ އެކު ދެމިތިބުން. ރައީސް ޑރ. މުއިއްޒުގެ ވަރަށް ދުރު ވިސްނުން އެބަހުރި. އެއާޕޯޓް ބޮޑުކުރުމަކީ ރާއްޖޭގެ ޓޫރިޒަމް މުޅިން އެހެން ހަރުފަތަކަށް ގެންދިއުން. ރާއްޖޭގެ ޓޫރިޒަމް ދުވަހަކު ނުގެންދެވޭހާ ރަނގަޅަށް ރައީސް ޑރ. މުއިއްޒުގެ ދައުރުގައި ޓޫރިޒަމް ކުރިއަށް ގެންދެވޭނެ ކަމަށް އަޅުގަނޑު ގަބޫލު ކުރެވެނީ."
އިއްޔެ ބޭއްވި ކެބިނެޓްގެ ބައްދަލުވުމުގައި ޓޫރިޒަމް މިނިސްޓަރު ފައިސަލް (ވ) އާއި ސްޕޯޓްސް މިނިސްޓަރު ރާފިއު: ފައިސަލް ވިދާޅުވީ، މިއީ ރާއްޖޭގެ ޓޫރިޒަމް ކުރިއެރުވުމަށް އެންމެން ގުޅެން ޖެހޭ ވަގުތު ކަމަށް.
ފައިސަލް ވިދާޅުވި ގޮތުގައި މިހާރު ކުރިމަތިވެފައިވާ ގޮންޖެހުންތަކަށް ކާމިޔާބު ހޯދޭނެ ކަމުގެ ޔަގީންކަން އޭނާ އަށް ވަރަށް ބޮޑެވެ.
ހާއްސަކޮށް ޗައިނާގެ މާކެޓް ކުރިއަށް ވުރެ ވަރުގަދަކޮށް، އެ ގައުމުގެ ޓޫރިސްޓުން އިތުރު ކުރުމަށް ވަރަށް ބޮޑެތި މަސައްކަތްތަކެއް ކުރަން ރާވާފައިވާ ކަމަށް މިނިސްޓަރު ވިދާޅުވި އެވެ. ޓޫރިޒަމް އިންޑަސްޓްރީން ވީހާ ވެސް ގިނަ ބަޔަކު ބައިވެރި ކޮށްގެން ޗައިނާގައި ބޮޑު ފެއާއެއް ބާއްވާނެ ކަމަށް ވެސް އޭނާ ވިދާޅުވި އެވެ.
ޗައިނާ އަށް ކުރެއްވި ފުރަމާނަ ދަތުރުފުޅަށް ފަހު ރާއްޖެ ވަޑައިގެން ރައީސް ޑރ. މުހައްމަދު މުއިއްޒު މިދިޔަ ހޮނިހިރު ދުވަހު ވިދާޅުވީ، އެ ގައުމުގެ ޓޫރިސްޓުން އިތުރު ކުރުމަށް ޗައިނާގެ އެންމެ މަތީ ފެންވަރުގައި މަޝްވަރާތައް ކުރައްވާފައިވާ ކަމަށެވެ.
އަޅުގަނޑުގެ އެދުމަކީ މުޅި ޓޫރިޒަމް އިންޑަސްޓްރީ ސަރުކާރާ އެކު އެކުވެރިކަމާ އެކު ދެމިތިބުން. ރައީސް ޑރ. މުއިއްޒުގެ ވަރަށް ދުރު ވިސްނުން އެބަހުރި.--- ފައިސަލް
ޗައިނާގެ ޝިއާމަން އެއާލައިނުން ރާއްޖެ އަށް ސީދާ ފްލައިޓްތައް ޗައިނާގެ މި ފިނި މޫސުމުގައި ފެށުމަށްޓަކައި އެ އެއާލައިނުން ވަނީ ކަނޑައަޅާފައި ކަމަށް ވެސް ރައީސް ވިދާޅުވި އެވެ.
"ޗައިނާގެ ޝިއާމަން އިން މާލެ އަށް، މާލެ އިން ޝިއާމަން އަށް ޑައިރެކްޓް ފްލައިޓްސް އޮންނާނެ. އޭގެ އިތުރަށް އެކިއެކި ދާއިރާތައް ވެސް އިރާދަކުރެއްވިއްޔާ އިތުރުކުރެވިގެން ދާނެ. ޑައިރެކްޓް ފްލައިޓްތައް ވެސް އިތުރުވާނެ،" ރައީސް ޑރ. މުއިއްޒު ވިދާޅުވި އެވެ.
އެ މަނިކުފާނު ވިދާޅުވީ، ކޮވިޑްގެ ކުރިން ރާއްޖެ އަށް އެންމެ ގިނައިން ޓޫރިސްޓުން އައީ ޗައިނާ އިން ކަމަށް ވާއިރު، އަނެއްކާ ވެސް އެ ރެކޯޑް ދަމަހައްޓަން މަސައްކަތްތަކެއް ކުރައްވާނެ ކަމަށެވެ. އެހެންވެ، ކޮވިޑުގެ ކުރިން ޗައިނާގެ ޓޫރިސްޓުން އައި އަދަދުގެ ދެ ގުނަ ކުރިއަށް އޮތް ދެ އަހަރުގެ ތެރޭގައި އިތުރު ކުރުމަށްޓަކައި ޗައިނާގެ ދަތުރުފުޅުން ކަންކަން ތަރުތީބު ކުރެއްވި ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމްސާ
17 January 2024
އެއްވެސް އެއްޗެއް ތެދަށް ނުވާނެއެވެ. މިދާ ގޮތުން ހުރިހާ އެއްޗެއް ތަޅައިގެން ދިޔުން ނޫންގޮތެއް ނޯންނާނެއެވެ. ހުރިހާ ކަމެއް ހުރީ ކަތި މިސްރާބަށެވެ.
ކުރާށޭ
16 January 2024
ރާއްޖޭގެ ޓޫރިޒަމް ކުރިއަރުވަން ބޭނުންނަމަ ރިސޯރޓް ތަކުގެ ބިލްޑް އަޕް އޭރިޔާ ބޮޑުކުރަންވީ %90 އަށް ދެން ރިސޯރޓް ތަކުގައި އިމާރާތް ތައް 10 ބުރިއަށް ނަގާ ހޮޓާ ތައް ވެސް ރިސޯރޓް ތަކުގައި ހަދަން ހުއްދަ ދޭންވީ ސަރުކާރުން އެއިރުން އޮފް ސީޒަން ގައި ވެސް ރިސޯރޓް ފުރާލާނެ ގެސްޓުން ބަލަންވީ ފުލް ބޯރޑް ކޮށް 100 ޑޮލަރަށް އަބަދުވެސް ރޫމެއް ވިއްކޭތޯ މިގޮތަށް ހަދާ ހޮޓާ ތަކުން އެއިރަށް ލަކްޝދީޕަށް ކުރި ނުހޯދޭނެ ކަން ޔަގީން ކަށަވަރު މިކަން ކުރާށޭ ކުރާށޭ ކުރާށޭ
ކަޅުފުތު ކެޔޮޅު
15 January 2024
އަހަރުމެންނަށް ކެރޭނެ. އަކަމަކު މިއަދުވެސް ރިސޯޓްތަކަށް އަލަށް އިންޑިއާއިން އެކައުންޓެންޓުންނާ އާދައިގެެ ޓެކްނީޝަނުންނާ ސްޓެވާޑުންނާ ފުލުފުލުގަ އެގެންނަނީ ކަލޭމެން ހަމަ ވިސާ ދީގެން. ދިވެހި ޒުވާނުން އެޕްލައިކުރަން ފޮނުވާ ސީީވީތަށް ޑަސްބިނަށް. ކަލޭމެން އަހަރުމެން އަނގަ ގޮއްވަން ނޫޅޭ
ރަންނަ
15 January 2024
ރާއްޖޭގަ ފަތުރުވެރިކަން ހިނގަނީ ސަރުކާރުން ކުރާމަސައްކަތަކުން ނޫން. ރިޒޯޓް ތަކުން ކުރާ މާކެޓިންތަކުން. އެމްއެމްޕީއާރްސީން ކުރަނީ ވައްކަމާ ކަންދެއްކުން، ރިޒަލްޓެއް ނުނެރެވޭ
ރައްޔަތުމީހާ
15 January 2024
މިފަދަ ހައްސާސް ހާލަތެއްގަ ތިމަގާމުގަ ބޭފުޅާ ބެހެއްޓުން ވަރަށްގޯސް އެކަމުގެ ގެއްލުން ބޮޑުކޮށް ގައުމަށްވާނެކަމީ ޔަގީންކަމެއް ބަފާގެ ނުފޫޒުން ރަނގަޅު ކަޓުލިބޭ ތަނަކަށް ތިހިރީލާފަ ދިވެހިރާއްޖެދެކެ ލޯބިވާ މީހެއްގެ ހައިސިއްޔަތުން މުއިޒްއަށް ދަންނަވަން މީނައަށް ކޮންމެހެން ވަޒީރުކަން ދޭންޖެހެންޏާ ރައީސް އޮފީހުގެ މިނިސްޓަރަކަށް މީނަ ބަދަލުކޮށްދީ ނޫނީ އިންތިހާބުތަކުން އެކަން ބޮޑުކޮށް ފެންނާނެ
މާކެޓް
15 January 2024
ޢެމްއެމްޕީއާރުސީއަށް ލައިގެން އުޅެނީވެސް ހޯމް މިނިސްޓްރީގެ ކައުންޓަރުގަ އިންނަ ކަހަލަ ކުއްޖެއް.އެކަހަލަ މަގާމުތަކުގަ ތިބެންވާނީ ތަންކޮޅެއް އާޖުފާޖުއެގޭ ސީޒަންޑް މީހުން.
ބަކުރުބޭ
15 January 2024
ޓުއަރިޒަމް މިނިސްޓަރަކަށް ފައިސަލް ހުރިއްޔާވާނީ ކީއް؟ އޭނަ ކަމެއްކޮށްގެންތަ ތިޔަ އުޅެނީ. ޓުއަރިޒަމް ކުރިއަރުވަން މީގެކުރިންވެސް މަސައްކަތްކުރީ އިންވެސްޓަރުން، ދެންވެސް ކުރަންޖެހޭނީ އެމީހުން. ސަރުކާރަކީ ކަންކަން ފަހިކޮށްދޭން އޮތް ތަނެއް. އިންޑިއާމީހުން މީގެކުރިންވެސް އެމްޑީޕީ މީހުންނާ ގުޅިގެން އެކަންކުރޭ. މިހާރުވެސް އެކުރަނީ އެކަން. ސަރުކާރުންކުރިކަމެއްނޫން އެއީކީ، އިންޑިއާމީހުންވެސް ރާއްޖޭގ ރައީސަށް ކާޓޫނުކުރަހާ ކަންކަން އަބަދުވެސް ކުރޭ.
ޑޮކްޓާރ. ބަނާނާ
15 January 2024
ފިއިންޑިއާ އިން ޓްއަރިޒަމް ބޯއިކޮޓް ކުރާއިރު މަނިކުފާނު ކޮންކަމެއްތޯ ރާއްޖެ ޕްރޮމޯޓް ކުރަން ކުރެވުނީ. ޓްއަރިޒަމް ކުރިއަރުވަން ބޭނުންނަމަ ތިކަން ކުރެވޭނެ ތަޖުރިބާ ހުރިބޭފުޅަކާ ހަވާލުކުރައްވާފަ ތިބޭޅާ ގެއަށް ދޭ!
ފޮތިކޮޅު
15 January 2024
ރާއްޖޭގެ އިޤްތިސާދުގެ 90 އިންސައްތަ އާމްދަނީ ދަައުލަތަށް ވައްދާ ބަޔަކީ ރިސޯޓް ބޯއީސް ކަން ޔަގީން،އެކަމަކު އެކަން ދަންނަނީ ކިތަށް ވެރިންތޯ ސުވާލު ކޮށްލަބަލަ،ރެއާދުވާލު އަނބިދަރިން ދޫކޮށް މަސައްކަތުގައި ހޭދަކުރާއިރު ހިތަށް ކުރާނެ އަސަރު ވިސްނާލަން އެނގެނީ ކިތަށް މީހުންނަށްތޯއެވެ؟ހުސްއެކަނި މަސްވެރިންނޭ ލޯބޯ ފިއްސައިގެން އުޅެނީ އެހެން ބުނެވޭކަށްނެތެވެ،މިއަދާ ހަމައަށް އެކަން ބަލައި ގަތީ ކޮންބަޔަކުތޯއެވެ.
ބާބް
15 January 2024
ކަލޭ ގޭގައި އޮންނަންވީނުން ތިވައްތަރަށް ވާހަކަ ނުދައްކައި.
ރިސޯޓްބޯއީގަމާރުކާއެވެ.
16 January 2024
ފޮތިކޮޅު، ތިމާގެ މަސައްކަތް ބަލާނުގަންނަކަމަށް ތިމާ ހީކުރިޔަސް، ބަލާގަންނަކަން ތިމާއަށް ލިބޭފައިސާއިން ހެކިދޭނެ. ކަލޭމެން ތިތަންތަނުގަ ނެތަސް އެތައްސަތޭކަ މިލިއަނެއް ހަރަދުކޮށް ތިތަން ހެދިބަޔަ، އެހެން ބަޔަކު ލާގެންވެސް ތިތަތަން ހިންގާނެ. ހެޔޮކޮށްވިއްޔާ ތިތަންތަނުގަ އުޅޭނީވެސް އެއްމެ ދަށް މަގާމުތަކުގަ.
އެޗް އެމް
15 January 2024
މަނިކުފާނު ގައުމަށްޓަކައި ޓުއަރިމަށްޓަކައި ތިޔަ މަގާމު ދޫކޮށްލާފަ އެހެން ގޮތަކުން ގައުމަށް ހިދުމަތް ކުރަން ހިޔާރުކުރުން އެދެން.