ފުލުހުންތަކެއް މަގުމަތީގައި ހަރަކާތްތެރިވަނީ: ޓޯކުރި ސައިކަލެއް އޮޅިގެން ނައްތާލުމުން ބަދަލު ދޭން ވަނީ ހުކުމް ކޮށްފައި --- ފޮޓޯ/މިހާރު
15 ޖެނުއަރީ 2024 - 14:58
15 comments
ފުލުހުން ޓޯކުރި ސައިކަލެއް އޮޅިގެން ނައްތާލެވިފައިވާތީ ސައިކަލުގެ ވެރިފަރާތަށް 82،000ރ. ގެ ބަދަލެއް ދޭން ފުލުހުންގެ މައްޗަށް ސިވިލް ކޯޓުން މިއަދު ހުކުމްކޮށްފި އެވެ.
އޭޕްރީލް، 2022 ގައި ހުޅުމާލޭގައި ހިނގި އެކްސިޑެންޓަކާ ގުޅިގެން ފުލުހުން ޓޯކުރި ސައިކަލެއް ހުޅުމާލޭ ޓޯ ޔާޑުގައި ހުއްޓާ ގެއްލިފައިވާ ކަމަށް ފުލުހުން ބުނުމުން ސައިކަލުގެ ވެރިފަރާތުން ފުލުހުންނާ ދެކޮޅަށް ދައުވާކުރީ ގެއްލުމުގެ ބަދަލު ހޯދުމަށެވެ.
ކޯޓުގައި ދައުލަތުން ވަނީ އެ ސައިކަލު އޮޅިގެން ނައްތާލެވިފައިވާ ކަމަށް ބުނެފަ އެވެ.
ކޯޓުގެ ހުކުމުގައިވަނީ ސައިކަލުގެ އަގު ކަމަށްވާ 57،000ރ. އާއި ސައިކަލުގެ ވެރިފަރާތުން އެ މައްސަލާގައި ވަކީލަށް ހަރަދު ކުރަން ޖެހުނު 25،000ރ. އާ އެކު ޖުމްލަ 82،000ރ. ދައުލަތުން އެ މީހާއަށް ދައްކަން ޖެހޭނެ ކަމަށެވެ. އެހެންވެ، އެ ފައިސާ ހަތް ދުވަސް ތެރޭގައި ދައްކަން ހުކުމުގައި އަންގާފައިވެ އެވެ.
އެ މައްސަލާގައި ޕިއުނިޓިވް ޑެމޭޖަސްގެ ގޮތުގައި 19،000ރ. ނަގައިދޭން އެދުނަސް ކޯޓުގެ ހުކުމުގައިވަނީ އެ ފައިސާ ނަގައި ނުދެވޭނެ ކަމަށެވެ. ސަބަބަކީ އެ ބާވަތުގެ ބަދަލަކީ ގަސްދުގައި ކުރާ ކަންކަމަށް ނަގައިދޭ ބަދަލެއް ކަމަށްވާއިރު، އެ މައްސަލާގައި ސައިކަލު ނައްތާލެވުނީ އޮޅިގެން ކަމަށް ވާތީ ކަމަށް ހުކުމުގައިވެ އެވެ. އަދި ސައިކަލަށް އިތުރު ހަރަދެއް ކޮށްފައި ވިޔަސް، އެ ހަރަދު ހޯދުމަށް އިތުރު ދައުވާއެއް ކުރުމުގެ ހައްގެއް ނޯންނާނެ ކަމަށް ވެސް ހުކުމުގައިވެ އެވެ.
މީގެ ކުރިން ފުލުހުންގެ ޓޯކުރި ކާރެއް އުސޫލާ ހިލާފަށް ނައްތާލި މައްސަލައެއްގައި ކާރުގެ އަސްލު އަގު ކަމަށްވާ 250،000ރ. ބަދަލެއްގެ ގޮތުގައި ދޭން ސިވިލް ކޯޓުން މިދިޔަ އަހަރު ހުކުމްކުރި އެވެ. އޭރު ބަދަލު ދޭން ޖެހުނީ ކާރު ޓޯކުރި ކަން އިއުލާން ކުރުމުގެ ކުރިން ކާރު ނައްތާލާފައިވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިއީ ރާވައިގެން ކުރާ ކަމެއްބާ؟
16 January 2024
ޓޯކުރާ ވެހިކަލްގެ ވެރިމީހާއާއި ފުލުހުންގެ ތެރެއިން މީހަކާއި ގުޅިގެން ޤަޞްތުގައި ވެހިކަލް ނައްތާލާފައި އޮޅިގެން ކަމަށް ބުނަނީ ބާ؟
MySuperGreenDOTcom
15 January 2024
ކާރު ޓޯކުރުމަށްފަހުނައްތާލީ ޓޯކުރިކަން އިއުލާނުކުރުމުގެ ކުރިން، ހެހެ، ޕުރޮފެޝަނަލްކަންދޯ! ނައްތާލަނީޔޭ ކިޔާފައި ތިޔަތަނުގައި އުޅޭމީހުން ތިއެއްޗެހި ބަދަލުކޮށްގެން ބޭނުންކުރަނީކީނޫންތަ؟ އޮޅިގެން މީހުންގެ ސައިލަކުނައްތާލެވޭތަ؟ މިދަށްކަނީ ދެތިންރުފިޔާއަށް ލިބޭ ކުޑަކުޑަ އެއްޗެއްގެވާހައެއްނޫންވިއްޔާ، އޮޅިގެނޭކިޔާފަ ކޮންމެފަދަކަމެއްވެސް ތިމީހުންކޮށްފާނެތާ! އޮޅިނެގޭބުނުމުން ދޭހަވަނީ އިހުމާލު ފަރުވާކުޑަކަން، ވަކިވަކި މުއައްޒަފުންނަށް ފިޔަވަޅުއަޅަންޖެހޭ
ކޮރަލް
15 January 2024
ޓޯ ކުރާ ސައިކަލް ތަކުގެ ސްޕެއަރ ތައް ގެއްލޭ މައްސަލަ ނޫސެވެރީން ބަލާލަ ބަލާށެވެ . ވެހިކަލް ، ސައިކަލް ނައްތާ ލާއިރު އޮންނަނީ ޓޯ ކުރާ އިރު އޮންނަ ގޮތަކަށް ނޫނެވެ . ޕޮލިސް ނީލަމަކަށް ދިޔަ އިރު ހުރީ ސައިކަލް ތަކުގެ މައިގަނޑު އެކަންޔެވެ .
ސަކަރާތް
15 January 2024
އެއްޗެހިނައްތާލަން ފޯރިއެއް ހުރޭދޯ. ސްޓިކާ ޖަހަންވެސް އެހާމެ ފޯރިހުރޭ. އެކަމަކު ބާރުސްޕީޑުގައި ދުމެއްޖަހާފަ ނުގަވާއިދުން ދުއްވާ ޕާޓޭވައްތަރު މިހުން ބޭނުންގޮތަކަށް އުޅުނަސް އަޅައެއްވެސް ނުލާ. އަންގާފައި އޮންނަނީ ބާ ވީއައިޕީންނާ ނުބެހެން.
ފަގުޑި
15 January 2024
ތީ މިރާއްޖޭގެ ޕޮލިހުންގެ ފެންވަރު. "އޮޅިގެން ނައްތާލެވުނީއޭ" ބުނެލީމަ ހުރިހާކަމެއް އެ ނިމުނީ. އެއްވެސް ތަހުގީގެއް ރިޕޯޓެން ނެތް. އެކަކުވެސް ޒިންމާ ވާކައް ނުޖެހުނު. ރައްޔިތުންގެ ޓެކްސް ފައިސާއިން 82،000 އެދިޔައީ ހަލާސްވެގެން. މި ވަރު ބަޔަކައް ކޮން ރައްޔިތުންގެ ހިމާޔަތެއް ފޯރުކޮއްދެވޭނީ....
ސަސި
15 January 2024
އޮޅިގެން ނައްތާލުން، ކޮފީ އެޅުން، ރެކޯރޑިން ފުހެވުން. ކްރައިމް ސީންގެ ފޮޓޯ ލީކްވުން، ގޯސްކޮށް ހައްޔަރުކުރުން. މިއީ ހަމަ މިރާއްޖޭގަ ހިނގާ ކަންކަން.
ހޯހޯހޯ
16 January 2024
އާއްމުކޮށް ހިނގާކަންކަން
ދުމައްޓޭ
15 January 2024
މާލޭ ސަރަހައްދަށް ވެހިކަލް ރަޖިސްޓަރީ ކޮށްދިނުން ހުއްޓާލާކަށް ނުވޭތަ؟ ކޮންމެ 18 އަހަރު ފުރޭ މީހާހަކަށް ސައިކަލެއް ރަޖިސްޓަރީ ކޮށްފަ ކޮންމެ ގެއަކަށް ކާރަކާއި ޕިކަޕެއް ރަޖިސްޓަރީ ކޮށްގެން ތި ދުއްވާ ޕާކްކޮށްހަދަނީ ކޮންތާކުތަ؟
ޚިޔާލެއް
15 January 2024
ޙުޅުމާލެ ފޭސް 2 ގައި.
ހެހެހޭ
16 January 2024
ދުމައްޓޭ ގޭ ދޮރުމަތީ ޕާކު ކުރާގޮތަށް ވިސްނައިގެން 4 ސައިކަލާ، 10 ކާރު ގަނެފިން.
1828
15 January 2024
މިފައިސާވެސް ސައިކަލުގެ ވެރިފަރާތަށް ދޭން ޖެހެނީ ދައުލަތުން ތޯ؟ އެހެން ކަމަަށްވާނަމަ ފުލުހުންގެ ޒިންމާއެއް މިކަމުގައި ނެތެއްނު؟ މި ގެއްލުމުގެ ބަދަލު އެ ސައިކަލްތައް ނައްތާލަން ހުއްދަ ދިން އޮފިސަރުގެ އަތުން ދައުލަތަށް ހޯދެން ޖެހޭނެ.
ކޮކޖި
15 January 2024
ފުލުހުންނާއި ސިފައިން ނުޖެހޭނެ އެއްވެސް ކަމަކަށް ޒިންމާ ވާކަށް. ދައުލަތުން އެ ހަރަދު ހަމަޖައްސާނެ.
ހޯހޯހޯ
16 January 2024
ޒިންމާދާރުކުރުވަން ޖެހޭނީ
ރަދީފު ބިން ރަފައިދާ
15 January 2024
މަގޭ ސައިކަލުވެސް ޕޮލިހުން ގެންގޮސް މިހެންވާނެނަމަ!
ބިންމާބެ
15 January 2024
އެކަހަލަ ކަމެއް ހިންގާލާފަ އެއޮތީ….އެކްސިޑެންޓް އެއް ހިނގައިގެނޯ ސައިކު ޓޯކުރީ… ރަނގަޅަށް ވިއްޔާ ސައިކު ފުނޑުނީ …ތިވާނީ ޕޮލިސް މީހެއްގެ…ނުވަތަ އޭން މީހެއްގެ ތިމާގެ/ރައްޓެއްސެއްގެ އެއްޗަކަށް….އާ ސައިކަކާ އެކަމުގަ އުޅުނު މީހުން ސައިބޯށާ ލާރިކޮޅެއް ދަމައި ގަތީ….