ބިންވެރިންގެ ސައްލާގައި ސްޓޭޓް މިނިސްޓަރު ދިލްޝާން އަބްދުﷲ (ވ ދެ ވަނަ އަށް) - ފޮޓޯ: ނިޝާން އަލީ/ މިހާރު
21 ޖެނުއަރީ 2024 - 15:33
26 comments
ހުޅުމާލޭ ފޭސް ތިނެއްގެ ލޭންޑް ޔޫސް ޕްލޭން މިހާރު އެއްކޮށް ފައިނަލް ކޮށްފައިވާ ކަމަށާއި ގުޅިފަޅުގެ ލޭންޑް ޔޫސް ޕްލޭންވެސް ނިމިފައިވާ ކަމަށް ހައުސިން މިނިސްޓްރީން ރޭ ބުނެފި އެވެ.
ބިންވެރިންގެ ސައްލާގެ ނަމުގައި އަމިއްލަ ހަތަރު ޖަމިއްޔާއެއް ގުޅިގެން ބޭއްވި ބައްދަލުވުމުގައި ބައިވެރިވެވަޑައިގެންނެވި ހައުސިން މިނިސްޓްރީގެ ސްޓޭޓް މިނިސްޓަރު ދިލްޝާން އަބްދުﷲ ވިދާޅުވީ، ހުޅުމާލެ އާއި ގުޅިފަޅާއި ގިރާވަރުން ފުރަތަމަ ގޯތިތައް ދިން އިރު އެ ތަނުގެ ތަފުސީލީ ލޭންޑް ޔޫސް ޕްލޭނެއް ހަދާފައި ނެތް ކަމަށެވެ.
އޭނާ ވިދާޅުވީ، ގުޅިފަޅުގެ ލޭންޑް ޔޫސް ޕްލޭންގެ 10 ވަރަކަށް ޕަސެންޓުގައި މައްސަލައެއް އުޅޭތީ މިހާރު ކުރަނީ އެކަންކަން ރަނގަޅު ކުރުމުގެ މަސައްކަތް ކަމަށެވެ.
"މި ހަފުތާ ތެރޭގައި ދެ އެލްޔޫޕީ ރައްޔިތުންނާ ހަމައަށް ނެރެވޭ ވަރަށް މަސައްކަތް ކުރެވިފައި އޮތީ،" ދިލްޝާން ވިދާޅުވި އެވެ.
ރޭ ކުރިއަށް ދިޔަ ބިންވެރިންގެ ސައްލާގެ ތެރެއިން -- ފޮޓޯ: ނިޝާން އަލީ/ މިހާރު
ގިރާވަރުގެ ލޭންޑް ޔޫސް ޕްލޭން ހެދުމުގެ މަސައްކަތް ކުރަމުން އަންނީ ގުޅިފަޅު ޕޯޓު ތިލަފުއްޓަށް ބަދަލުކުރަން އިތުރަށް ހިއްކާ ބިމާއި އިތުރަށް ގިރާވަރުން ހިއްކާ ބިން ވެސް ހިމަނައިގެން ކަމަށް ދިލްޝާން ވިދާޅުވި އެވެ.
ގިރާވަރު ލޭންޑް ޔޫސް ޕްލެން ހެދުމުގައި ބިންވެރިންގެ ޖަމިއްޔާތަކުގެ ހިޔާލާއި މަޝްވަރާ ހޯދާނެ ކަމުގެ ޔަގީން ކަން ސަރުކާރުން ދީފައިވާ ކަމަށް އެ ޖަމިއްޔާތަކުން ރޭ ވަނީ ބުނެފަ އެވެ.
ރޭގެ ބައްދަލުވުން ބޭއްވީ ގިރާވަރު މާލެ ސިޓިޝަން އެސޯސިއޭޝަނާއި ގުޅިފަޅު ރައްޔިތުންގެ އެސޯސިއޭޝަނާއި މާލެ ރަށްވެހިންގެ ޖަމިއްޔާ އަދި ހުޅުމާލެ ރައްޔިތުންގެ ކޮމިޓީ ގުޅިގެންނެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ވަނީ ހުޅުމާލެ 2 އާއި އަލަށް ހިއްކާ ހުޅުމާލެ 3 އާއި ގުޅިފަޅާއި ގިރާވަރުފަޅުން 9،000 ގޯތި ދޭން ނިންމައިފަ އެވެ. އޭގެ ތެރެއިން ގިނަ މީހުންނަށް ރަޖިސްޓަރީ އަދި ބައެއް މީހުންނަށް ބިންތައް ވެސް ހަވާލު ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިގްބާލް މުހައްމަދު
22 January 2024
މިކަން ކުރަން އިބޫއަށް ނުވެސް ކެރުނު. ހެހެ
ގުރާ
22 January 2024
ހުޅުމާލެ3 އާއި ގުޅިފަޅުގެ އެލްޔޫޕީ އާއްމުކުރާއިރު ކޮބާ ގިރާވަރު މީހުންގެ އެލްޔޫޕީ؟ އިންސާފުން ކަންކުރުން ރަނގަޅުވާނެ. ފޯމުތައްލާ ގުރުއަތުނަގާ ގޯތި ރަޖިސްޓަރީވެސް ހަވާލުކުރިގޮތަށް މިކަމުގައި އިސްފަސް ނުކުރުން ބުއްދިވެރި.
މޫސާ ޔައިޝް
22 January 2024
ދެން އިނގޭނެ ކަންކަން ރޭވިފަ ހުރި ގޮތް މި ބިންތަކުން. ހިއްކަނީވެސް، ޕްލޭންވެސް މިކުރަނީ މިސަރުކާރުން. އިބޫ ދިނީ ހުސް ގަޑެއް. މުއިއްޒް ގަދަ
އަޖްމަލް
22 January 2024
މިހެންވެ ބުނަނީ މި ސަރުކާރު އިހްލާސްތެރި ވާނެޔޭ. ވަކި ބަޔަކު މޭޔަރއަކަށް ހޮވުނީމަ އުދަގޫ ނުޖައްސާނެޔޭ. ގާނޫން މަތިކުރާ ކަންކަން ކުރާނެޔޭ.
ހާމިދު މުހައްމަދު
22 January 2024
ރައްޔިތުން ވިސްނާ. އެއްވެސް ކަހަލަ ޕްލޭނެއް ނެތި ސޯލިހް ބިން ގޯތި ދިނީ. އެހެންވީމަ ބިން ލިބޭ ތަނެއްވެސް ހަގީގަތުގަ ނޯންނާނެ.
އަފްސަލް ހަމީދު
22 January 2024
ހަދާން ވަނީ މުއިއްޒް މޭޔަރ އަކަށް ހުއްޓާ މާލޭގެ ލޭންޑް ޔޫސް ޕްލޭން އިބޫ ފާސްނުކޮށްދިން ހަދާން. ނަމަވެސް މުއިއްޒް މިޔަށްވެސް ހުރަސް ނާޅާ. ސަޅި
އަމަން މުހައްމަދު
22 January 2024
އެއްވެސް ލޭންޑް ޔޫސް ޕްލޭނެއް ނަހަދާ އިބޫ ބިން ދިނީ. އެވެސް ނުހިއްކާ
އަލީމްބެ
23 January 2024
ލޯމަރައިގެން ބަލަން އުޅުނީމަ ނުފެންނާނެ އެއްވެސް އެއްޗެއް، އިބޫ ގޯތިދިނީ އެލްޔޫޕީ ހަދާފަ، އެ ބަދަލުކޮއްފަ މިސަރުކާރުން ނެރޭވާހަކަ އެބުނަނީ
ލިޔާ ސޮރު
22 January 2024
އިބޫކިހިނެއް ޕްލޭނެއް ނެތި ގެތަށް ބަހާލި. ޔަގީން އިބޫ ގެތަށް ބަހާލި އިރު އެތަންތާ މިސްކިތެއް ސްކޫލެއް ހޮސްޕިޓަލެއް އަޅާނެ ޖާގަވެސް ނީންނާނެކަން
ބަދުރުު
22 January 2024
މާލެ ރައްޔިތުންނަށް ހެޔޮ ގޮތް ހަދާދޭނީ ރައީސް މުޢިއްޒު. އާދަމް އާޒިމް ކުރަންޏާ ކުރާނީ ޖެއްސުން
ނިޔާޒްް
22 January 2024
ކޮބާ ތި ޑިމޮކްރަސީގެ ބައްޕަމެން ވެރިކަމުގަ ތިބިއިރު ތި ލޭންޑް ޔޫސް ޕްލޭންގަނޑު ފާސްކޮށްލާކަށްވެސް ނުކެރުނު. އެހާވެސް ހަރާންކޯރު ބައެއް ތި އެމްޑީޕީއަކީ.