ޚަބަރު / ފުވައްމުލައް

ފުވައްމުލަކުގެ ޗަސްބިމުގައި އަނެއްކާ ވެސް ރޯވެއްޖެ

ފުވައްމުލަކު ހޯދަނޑު އަވަށުގެ ކުޅީގައި މިރޭ ރޯވެ އަނދަނީ.-- ފޮޓޯ: އެމްއެންޑީއެފް

އާސިމާ ނިޒާރު، މިހާރު

13 ފެބުރުއަރީ 2017 - 20:54

2 comments

ފުވައްމުލަކުގެ ޗަސްބިން ސަރަހައްދުގައި އަނެއްކާ ވެސް މިރޭ އަލިފާން ރޯވެއްޖެ އެވެ.

މިިދިޔަ ހުކުރުދުވަހު ވެސް ފުވައްމުލަކުގެ ކުޅީގެ ދެކުނު ފަރާތުގައި އަލިފާން ރޯވި އެވެ.

މިރޭ އަލިފާން ރޯވީ ކުޅީގެ އުތުރު ފަރާތުގަ އެވެ.

ފުވައްމުލަކު އަތޮޅު ކައުންސިލްގެ ނައިބު ރައީސް ހުސެއިން ޝާފީ ވިދާޅުވީ އެ ރަށުގެ ކުޅި ފަދަ ތަންތަނުގައި އަލިފާން ރޯވުން އާއްމު ވަމުންދާއިރު، އެއީ ބަޔަކު ގަސްދުގައި ކުރާ ކަމެއް ކަމަށް ލަފާ ކުރެވޭ ކަމަށެވެ.

ފުވައްމުލަކު ހޯދަނޑު އަވަށުގެ ކުޅީގައި މިރޭ ރޯވެ އަނދަނީ.-- ފޮޓޯ: އެމްއެންޑީއެފް

"ބައެއް ފަހަރު ކުޅެ ސަކަރާތް ޖެހުމުގެ ތެރޭގައި ވެސް އެބަހުރި އަލިފާން ރޯވެފައި. މިހާރު މި ބެލެވެނީ ބަޔަކު ގަސްތުގައި ކުރާ ކަމެއް ކަމަށް،" ޝާފީ ވިދާޅުވި އެވެ.

އޭނާ ވިދާޅުވިގޮތުގައި ޗަސްބިމުގައި އަލިފާން ރޯވެގެން އުޅޭކަމުގެ މައުލޫމާތު ލިބުނީ މިރޭ 7:30ހާއިރު އެވެ. އެ އަލިފާންގަނޑު އަދިވެސް ނިއްވާ ނުލެވޭ ކަމަށް ޝާފީ ވިދާޅުވި އެވެ.

އެމްއެންޑީއެފުން ބުނީ އަލިފާން ނިއްވާލުމަށް ޗަސްބިން ސަރަހައްދުގައި ސިފައިން ހަރަކާތްތެރިވަމުން އަންނަ ކަމަށެވެ.

ފުވައްމުލައް އަލިފާނުގެ ހާދިސާ އެމްއެންޑީއެފް ފަޔާ އެންޑް ރެސްކިއު

2 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙައްމަދު

14 February 2017

ރޯކުރަނީ ގަސްދުގަ. އެކަމަކު ރޯވެ މުޅިތަން އަނދަމުންދާއިރު ފުވައްމުލަކު ރައްޔިތުންނާއި ވެރިން ކުޅިބަލާ ފޮޓޮ ނެގުމުގަ. އަލިފާން ނިންވަން މަސައްކަތްކުރާ މީހުންނަށް އެހީތެރިވެދީ ހަދާކަށް ނޫޅެ. މިއަދުގެ ކޮމިއުނިޓީގެ ހާލަތު