މިސްކިތް ހެދުމުގެ އެއްބަސްވުމުގައި މިނިސްޓަރު
24 ޖެނުއަރީ 2024 - 11:29
19 comments
ޒިކުރާ މިސްކިތް އަލުން އިމާރާތްކުރުމަށް، އެ މަސައްކަތް ކުރިން ވެސް ހަވާލުކުރި އެސްޖޭ ކުންފުންޏަށް މިއަދު ހަވާލުކޮށްފި އެވެ.
އިސްލާމިކް މިނިސްޓްރީގައި ބޭއްވި ރަސްމިއްޔާތުގައި، ޒިކުރާ މިސްކިތް މިހާރު ވެސް ހުރި ބިމުގައި ތިން ބުރީގެ މިސްކިތް އިމާރާތްކުރުމުގެ އެއްބަސްވުމުގައި ސޮއިކޮށްފައިވަނީ މިނިސްޓަރު ޑރ. މުހައްމަދު ޝަހީމް އަލީ ސައީދު އަދި އެސްޖޭގެ ޑިރެކްޓަރު ޝިހާދު އިބްރާހިމެވެ.
އެކަން ކުރަނީ އެސްޖޭގެ އަމިއްލަ ހަރަދުގަ އެވެ.
ޒިކުރާ މިސްކިތުގެ އިތުރުން، މިނިސްޓްރީން ވަނީ އަމިއްލަ ހަރަދުގައި ހުޅުމާލޭގައި އިތުރު ދެ މިސްކިތެއް އެޅުމުގެ އެޅުމުގެ އެއްބަސްވުމުގައި ސޮއިކޮށްފަ އެވެ. އެއީ އަލީމް ފައުންޑޭޝަން އަދި ލީސާ މޯލްޑިވްސް އިން އިމާރާތްކުރާ ދެ މިސްކިތެވެ.
ހުޅުމާލޭގައި މިސްކިތް އެޅުމަށް އިސްލާމިކް މިނިސްޓަރު ޑރ. ޝަހީމް އަދި ލީސާ މޯލްޑިވްސް އިން މިއަދު ސޮއިކުރަނީ.-- ފޮޓޯ: ފަޔާޒު މޫސާ/ މިހާރު
ޝަހީމް ވިދާޅުވީ މާލޭގައި މީހުން ބައިބޯ ސަރަހައްދެއްގައި ވަގުތީ މިސްކިތެއް ހުރުމަކީ އެންމެ އެކަށީގެންވާ ކަމެއް ނޫން ކަމަށެވެ. އެ މިސްކިތް ވެސް ދެ އަހަރުގެ ތެރޭގައި ނިންމާލެވޭނެ ކަމަށް އޭނާ ވިދާޅުވި އެވެ.
މިނިސްޓަރު ވިދާޅުވީ އަމިއްލަ ހަރަދުގައި މިސްކިތް ބިނާކުރުމަކީ ވަރަށް މާތްކަމެއް ކަމަށެވެ. ދުނިޔޭގައި ދޫކުރެވޭ އެންމެ ހެޔޮ ކަންކަމަކީ ވަގުފު ކަންކަން ކަމަށާއި މާލެ ސަރަހައްދުގައި ފުރުގާން މިސްކިތް ފިޔަވައި ބާކީ ހުރީ އަމިއްލަ ފަރާތްތަކުން އެޅި މިސްކިތްތައް ކަން އޭނާ ފާހަގަކުރެއްވި އެވެ.
މި ފަހަރު ހުޅުމާލޭގައި ހަދާ ދެ މިސްކިތުގައި އެއްފަހަރާ 2،000-3،000 މީހުންނަށް ނަމާދުކުރެވޭނެ ކަމަށް އޭނާ ވިދާޅުވި އެވެ.
އަމިއްލަ ހަރަދުގައި މާލެ ސަރަހައްދުގައި މިސްކިތް އަޅައިދޭން ނިންމި ފަރާތްތަކާއެކު ސޮއިކުރުމަށް މިއަދު ބޭއްވި ރަސްމިއްޔާތުގައި އިސްލާމިކް މިނިސްޓްރީގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: ފަޔާޒު މޫސާ/ މިހާރު
މިސްކިތް އެޅުމަށް މިނިސްޓްރީއާ އެކު ސޮއިކުރިއަސް، އެޗްޑީސީއާ ގުޅިގެން ކުރަންޖެހޭ ކަންކަމުގައި މިނިސްޓްރީން މެދުވެރިވާނެ ކަމަށް ޝަހީމް ވިދާޅުވި އެވެ.
ޒިކުރާ މިސްކިތް ހުރި ބިމުގައި 10 ބުރީގެ އޮފީސް އިމާރާތަކާ އެކު މިސްކިތެއް ހަދަން ކުރީގެ ރައީސް އަބްދުﷲ ޔާމީންގެ ސަރުކާރުން އެސްޖޭ ކޮންސްޓްރަކްޝަނާ ހަވާލުކުރި އެވެ. އެކަމަކު ބާ މިސްކިތް ވެސް ތަޅާލި ފަހުން ނިމިދިޔަ ސަރުކާރުން އެ އެއްބަސްވުން ބާތިލްކުރުމުން، ގެއްލުމުގެ ބަދަލު ހޯދަން އެ ކުންފުނިން ކޯޓަށް ހުށަހެޅި އެވެ. އެއާ އެކު، މިސްކިތް އަޅަން އިކުއިޒިޝަންގެ ގޮތުގައި އެސްޖޭއަށް އޭރު ދިން 30 މިލިއަން ރުފިޔާ ހޯދަން ދައުލަތުން ވެސް ކޯޓަށް ހުށަހެޅި އެވެ.
ނަމަވެސް، އެސްޖޭގެ ހަރަދުގައި ހުޅުމާލޭގައި މިސްކިތެއް އަޅާ ގޮތަށް ކޯޓުން ދެ ފަރާތުން ވެސް ވަނީ ކޯޓުން ބޭރުން އެ މައްސަލަ ނިންމައިފަ އެވެ. އޭގެ ފަހުން، ޒިކުރާ މިސްކިތް ހުރި ބިމުގައި އެސްޖޭއިން ވަނީ ވަގުތީ މިސްކިތެއް ހަދައިފަ އެވެ. ފައްސަތޭކަ މީހުންގެ ޖާގައިގެ މިސްކިތް ހުޅުވާފައިވަނީ އޭޕްރީލް 23، 2021ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙާަން
24 January 2024
ޙެންވޭރު ބޯޅަ ދަނޑު ކުރިމަތީގަ ކަންމަށްޗަށްވާ ގޮތަށް ހުރި ކޮރިމިނަލް އިނވެސްޓިގޭޝަންގެ ޕޮލިސް އިމާރާތް ނިމުނީ ކިތައް އަހަރުން ތޯ ބަލާލަބަލަ. އަހަރެން ކުޑައިރުއްސުރެ އެތައް ހަދަނީ. ޢިހަޢް ދުވަހު އެތަން އެހުޅުވީ،. ޙާދަ ބޮޑު ގެއްލުމެކޭ ލަސްވުމަކީ ދައުލަތަށް ލިބޭ...ރައްޔިތުން މިކަމާ ވިސްނާ. ޢެމިހުން ނުވިސްނާނެ
ގުދުގުދުލީބެއްޔާގެ ތެދުބަސް
24 January 2024
ބޮޑުއެތިގަނޑެއް ކާލާފާ. ހޮޑަށް އެދޫކޮށްލަނީ އެތިފުށެއް.
ޢަލީ ކުރުސީ
24 January 2024
އެސް.ޖޭ ގެ ކިބައިން ސަލާމަތްވި ސަރުކާރެއް އަދި ނާދޭ!
ފޮނިޓައްޕު ހަސަނު
24 January 2024
އެސްޖޭ އަޅާ އެންގަނޑު ރަނގަޅީ. މަސް ބޭނޭނީ ފިލިޖަހައި އަދި ރަނގަޅު އެންގަޑު އަޅައި ހެދީމަ. އިންޑިއާގެ މެޑްރާސްގައި އިންނަ އެމް.އެމް. އެކްސްޕޯޓުން ވެސް މިރާއްޖޭގައި މައުމޫނުގެ ވެރިކަމުން ފެށިގެން ގޮސް މިއަދާއި ހަމައަށް ވެސް ފިލިޖަހައި ވަރުގަދަ އެންގަނޑު އަޅައިގެން ބާނަމުން ދަނީ.
ހައްލަކީ
24 January 2024
ޙައްލަކީ އެސްޖޭ! އެހެންވީމަ.
ޕިކްސް
24 January 2024
މިސްކިތް އެޅުމަކީ މިމީހުން ޑިއުޓީފްރީ މުދާ އެތެރެކުރުމަށް ޖަހާ މަޅިއެއް. އަބަދުވެސް ހަދަމުންދާ ކޮންމެވެސް މިސްކިތެއް ހުންނާނެ މުއްދަކަށް ނުނިންމާނެ.
މިމީހުން
24 January 2024
މިމީހުން ބޯހުންނާނެ. މޮޅުވާނެ.
ބާބޫޖީ
24 January 2024
ކުރީ ދުވަހަކު ހުޅުމާލެއިން ފެނުނީ އެސްޖޭ މޯލް އަކާ ... ހިތަށް އެރީ މިމީހުންނަށޭ ދުނިޔެ އުޅެން އެނގެނީ.
ނިމޭނެބާ
24 January 2024
އެސްޖޭ އާ ހަވާލު ކުރާ އެއްވެސް ތަނެއް ނިމޭތަ؟ ފޭސް 2 ގެ މިސްކިތް މިހާރު 2 އަހަރު ވަނީ. ސައުތު ރީޖަނަލް ކަސްޓަމްސް އޮފީސް މީހާރު 2 އަހަރަށް ވުރެ ގިނަ ވެއްޖެ. ތިލަފުށީގަ ހަދާ ކެމިކަލް ގުދަން ވެސް 2 އަހަރު ވެއްޖެ. އެތައް ރަށެއްގައި އެތައް ހައުސިންގ ޔުނިޓެއް ފިނިހަކަ ދުވެލީގަ. ޒިކުރާ މިސްކިތް ކުރިން ހެދި ގޮތް އެނގޭއިރުވެސް އަނެއްކާވެސް އެސްޖޭ އަށް
ބަރުބާދު
24 January 2024
ހުސް މަކަރު ވެރިންގެ ދުނިޔެ މަކަރާޖަހައިގެން ކާލަނީ، ސުވާލަކީ 100 މިލިއަން ދަށުންދަމާފަ 10 މިލިއަންގެ މިސްކިތެއް އަޅަނީ އަނދުންދަޅެއް ކަމައް ހީކޮއްބާއޭ!!!.
އެސްޖޭ
24 January 2024
ގަދަވާނެ. ތެދުވެރިވާނެ. ގަޑިއަށް ނިންމާނެ
ހަސަނޭެ
24 January 2024
ހެޔޮ ނިޔަތުގަ ކުރާނަމަ ވ މާތް ކަމެއް. އެކަމު މިސްކިތްއަޅާ މުއްދަތުގަ މާސިންގަ ބިމެއް ހިލޭ ލިބޭ (މިސްކިތް އަޅާ ބިން ނޫން) އެތަނުގަ ގުދަން ހަދާ މުދާ ވިއްކާ، އެކޮމިޑޭޝަން ބްލޮކް އަޅާ. ޑިއުޓީ ފްރީކޮށް ހެސްކިޔާފަ މުދާ ގެނެސް ވިއްކާ. ހަމަ ބޮޑު ސްކޭމްއެއް.
ދުން
24 January 2024
ޒިކުރާ މިސްކިތް ހުރި ބިމުގައި އެސްޖޭއިން ވަނީ ވަގުތީ މިސްކިތެއް ހަދައިފަ އެވެ. މައުލޫމާތު ޗެކުކޮށްލުން ރަގަޅެވެ. ވަގުތީ މިސްކިތް ހެދުމުގެ މަސައްކަތުގައި އުޅުނީ ދިވެހި ސިފައިންނެވެ.
މި ހާލު
24 January 2024
މީހަކު ހޭބަޔެއް ނުވާނެތަ. ހުމާލޭ ފޭސްދޭއްގައި އެސްޖޭއާ މިސްކިތެއް އަޅަން ހަވާލުކޮށް މަސައްކަތްފެށިތާ އަހަރަކަށްވުރެ ގިނަދުވަސްވީއިރު އަދި ތަނބުތައް ޖަހާ ނުނިމޭ. މިވަރު ބަޔަކަށް އަނެއް މިސްކިތް. ޔާމީނުގެ ސަރުކާރުގަ ތިތަނުގަ 10ބުރިއަށް ހަދަންބުނި އިމާރާތް ނުހެދިގެން އެންމެފަހުން ސިފައިން ނުކުމެ ވަގުތީ މިސްކިތެއް ހަދާފަ އެހެރީ. ޒިޔާދަށް ކުށް ސާބިތުނުވި ހުކުމްގެ އިސްތިއުނާފު ޕީޖީން އަނބުރާ ގެންގޮސްފި https://mihaaru.com/news/130235 ދިވެހިންގެރާއްޖެ
ސްސި.
24 January 2024
އެސް ޖޭ ވަރުގެ ބަޔަކު ނެތެއްނު، ހަވާލުކުރާ މަސައްކަތް ނުނިއްމާ އެތައްއަހަރެއްވާއިރުވެސް އެޅޭނެ ފިޔަވަޅެއް ނެތްތާ އެވަރަށް ޕުރޮޖެކްޓުވެސް ލިބޭ.