ކޮމިޝަނާ ޖެނެރަލް އޮފް ޓެކްސޭޝަންގެ މަގާމުގެ ލިޔުން އޮކްޓޫބަރު 31، 2019 ގައި އޭރުގެ ރައީސް އިބްރާހިމް މުހައްމަދު ސޯލިހު، ފަތުހުﷲ އާ ހަވާލު ކޮށްދެއްވަނީ.
27 ޖެނުއަރީ 2024 - 14:10
18 comments
ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި އިދިކޮޅު އެމްޑީޕީގެ ޓިކެޓުގައި ތ. ތިމަރަފުށި ދާއިރާ އަށް ނުކުންނަވަން ކޮމިޝަނާ ޖެނެރަލް އޮފް ޓެކްސޭޝަން ފަތުހުﷲ ޖަމީލް އެ މަގާމުން އިސްތިއުފާ ދެއްވަން ނިންމަވައިފި އެވެ.
"މިހާރު" އަށް އެނގިފައިވާ ގޮތުގައި ޓެކްސް ކޮމިޝަނަރުގެ މަގާމުން އިސްތިއުފާ ދެއްވާކަން ތިމަރަފުއްޓަށް އުފަން ފަތުހުﷲ ވަނީ އެ އިދާރާގެ އިސް މުވައްޒަފުންނާ ބައްދަލުކުރައްވައި މިދިޔަ ހަފުތާގައި އަންގަވައިފަ އެވެ. އެހެންވެ، ވަރަށް އަވަހަށް އިސްތިއުފާ ދެއްވާނެ ކަމަށް މައުލޫމާތު އެނގިވަޑައިގަންނަވާ ބޭފުޅަކު ވިދާޅުވި އެވެ.
ދައުލަތުގެ ޓެކްސް އިދާރާ މީރާގައި ގިނަ ދުވަސްތަކެއް ވަންދެން މަސައްކަތް ކުރައްވަމުން ގެންދަވާ ފަތުހުﷲ ޓެކްސް ކޮމިޝަނަރުގެ މަގާމަށް އައްުޔަންކުރަން ރައްޔިތުންގެ މަޖިލިހުން ފާސްކުރީ އެމްޑީޕީގެ ވެރިކަމުގައި އޮކްޓޫބަރު 28، 2019 ގަ އެވެ. ޓެކްސް ކޮމިޝަނަރުގެ މަގާމަށް އައްޔަން ކުރުމުގެ ކުރިން އެންމެ ފަހުން މީރާގައި އޭނާ އަދާކުރެއްވީ ޑިރެކްޓަ ޖެނެރަލްގެ މަގާމެވެ.
ކުރިން ހިންގި ޑިޕާޓްމަންޓް އޮފް އިންލެންޑް ރެވެނިއު އޮތޯރިޓީގައި އުޅުއްވުމަށް ފަހު، މީރާގައި ފަތުހުﷲ ގެ ފުރަތަމަ ވަޒީފާއަކީ ރެވެނިއު އޮފިސަރު ކަމެވެ. އޭގެ ފަހުން ސީނިއާ ރެވެނިއު އޮފިސަރު ކަން ވެސް ކުރެއްވުމަށް ފަހު ފަތުހުﷲ އެތަނުގެ ޑިރެކްޓަރު ޖެނެރަލް ކަމުގެ މަގާމަށް ހަމަޖެއްސީ 2010 ގަ އެވެ.
އެކަމަކު، ވަކި ހިސާބަކުން މީރާ އިން ވަކިވެވަޑައިގަތުމަށް ފަހު، ޓެކްސް ކޮމިޝަނަ ޖެނެރަލްގެ މަގާމަށް އައްޔަން ކުރެއްވުމާ ހިސާބަށް 2016 ވަނަ އަހަރުން ފެށިގެން އޭނާ އުޅުއްވީ ދިރާގުގެ ޓެކްސް، ރިސްކް އެންޑް ކޮމްޕްލެއަންސްގެ މެނޭޖަރަކަށެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުނބުށޭމު
28 January 2024
ތައުލީމާއި ތަޖްރިބާއާއި ހުނަރާ ލިބިގެން ދައުލަތުގެ މަތީ މަގާމުތަކުގައި ބޮޑެތި ޒިންމާތަކާ ހަވާލުވެގެން ތިބޭ މީހުން މަގާމު ދޫކޮށްލާފައި ރިސްކެއް ނަގައިގެންވެސް މެންބަރުކަމަށް ކުރިމަތިލާކަމީ، އެފަދަ ބޮޑެތި ޒިންމާއާއި މަސްއޫލިއްޔަތާ ހަވާލުވެތިބި މީހުންނަށްވުރެ ފަރުދީގޮތުން މާބޮޑު ޒިންމާއެއް މަސްއޫލިއްޔަތެއްނެތް މަޖިލީހުގެ މެންބަރުންގެ މުސާރައާއި އިނާޔަތްތައް އިންތިހާއަށް ބޮޑުކަމުގެ ހެއްކެކެވެ. އުފުލަންޖެހޭ ޒިންމާއާއި މަސްއޫލިއްޔަތުގެ ނިސްބަތުން އުޖޫރ
އަބްޑޫޅް +
28 January 2024
ޓެކިސް ނަގާ މީހަކަށް ވުރެން ގިނައިން މިންބަރުކަމުން ލިބޭނެ.
ކައުންސެލަރު...
28 January 2024
ކޮންމެމީހަކުވެސް ރުފިޔާގެ ފަހަތުން.
ގައުމު
27 January 2024
ގައުމު ގަނޑު ފީވެއްޖެ ބާފަންތޮށި ގަނޑަކަށް ވުރެން. ބައު ދަގަނޑަށް ވުރެން ދަށްވެއްޖެ ދިވެހިން އަގުން.
ކޭމީހާ
27 January 2024
މާލީ އިދާރާތަކުގައި އިސް މަގާމުތައް އަދާކުރާ ފަރާތްތަކުން ސިޔާސީ މަގާމުތަކަށް ކުރިމަތިލާ ރައްޔިތުން ބަލައި ނުގަތުމުން އަލުން އަނބުރާ މިފަދަ މަގާމުތަކަށް ނާދެވޭނެ އުސޫލުތަކާއި ގާނޫނުތައް ސިންގަޕޫރު ފަދަ ކުރިއަރާފައިވާ ގައުމުތަކުގައި އޮންނާނީ ވޯޓު ނުދޭނަމޭ ބުނާ މީހުންގެ ރައްކަލަކަށް . މިފަދަ ގާނޫނެއް ރާއްޖެއަށް ވެސް މުހިންމު. ބަދަލު ހިފާނެ ފުރުސަތެއް ނުލިބޭނެ.
ދެރަ
27 January 2024
މަޖިލިސް 1 ދައުރު ފުރިހަމަ ކުރިއަސް މުޅިޢުމުރަށް، ކޮންމެ މަހަކު 25000 ރުފިޔާ ލިބެމުން ދޭ. ޢެހެން މަޤާމެއްގައި އިޚްލާޞްތެރިކަމާއެކު މުޅި ޢުމުރު ހުސްކުރިއަސް ލިބޭ މާލީ މަންފާއެއްނެތް. ކުރިމަގަށް ރަގަޅުު ނިންމުމެއް ކާމިޔާބަށް އެދެން، އިންޝާ ﷲ
ދުވެލިބަލި
27 January 2024
މިވާ ގޮތް ވަރަށް ސާފު
އަދޫގެ ސަޅިބައިސީ
27 January 2024
ތިމާގެ ޅިޔަން ފަހަރިއެއް ވައްޓާލާނެ ތަނެއް މަތިވީ.ހިމާރެއް ވިޔަސް ގެނެއްސިއްޔާ މުސާލަލިބޭ ތަނެއްތިޔަވީ
55559
27 January 2024
ފަތުހުﷲ އަކީ ޓެކްސް ދާއިރާގައި ޓެކްނިކަލީ ވަރަށް ރަގަޅު ބޭފުޅެއް އެހެންނަމަވެސް އެހާ ހިނގުންތެރި ބޭފުޅެއްނޫން.
އުދުހޭ
27 January 2024
އިދާރާތަކުގެ އެންމެ އިސްމީހަކަށް ރަގަޅުވާނީ ހިންގުންތެރި މީހެއް، އޭގެ ދަށުން ޓެކްނިކަލް މީހުން. މިސާލަކަށް މީރުކޮށް ކައްކާ ޝެފަކު އެއީ ވަރަށް މުހިންމު މީހެއް އެކަމަކު އެކްޒެކެޓިވް ޝެފުގެ މަގާމަށް ބޭނުންވާނީ ގިނަ ޝެފުން ބޭނުންކޮށްގެން ރަގަޅު ރަހަތަށް ނެރެވޭ ހިންގުންތެރި މީހެއް.
3
27 January 2024
ރައްޔިތުންނަށްޓަކާ މޮޔަފުޅުނުވާށެވެ.