ޚަބަރު / ރައީސް އޮފީސް

އެކަނިވެރި މައިންގެ އިނާޔަތް އަންނަ އަހަރު ބޮޑުކުރާނަން: ރައީސް

އަންހެނަކު، ކުއްޖަކު ގޮވައިގެން މޫދުގައި.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

05 ފެބުރުއަރީ 2024 - 10:32

18 comments

އެކަނިވެރި މައިންގެ އިނާޔަތް އަންނަ އަހަރު ބޮޑުކުރާނެ ކަމަށް، ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

އާންމުންގެ ސުވާލުތަކަށް ޖަވާބު ދެއްވުމަށް "ރައީސްގެ ޖަވާބު" ނަމުގައި ސަރުކާރުން ފަށާފައިވާ ސީރީޒްގެ ދަށުން، ފުވައްމުލަކު އަންހެނަކު ކުރި ސުވާލަށް ޖަވާބު ދެއްވަމުން ރައީސް ވިދާޅުވީ އެކަނިވެރި މައިންގެ އިނާޔަތް ބޮޑުކުރުމަކީ އެ މަނިކުފާނުގެ ވައުދެއް ކަމަށެވެ.

އެ ވައުދު ފުއްދާނެ ކަމަށާއި އެކަމަކު އިގުތިސޯދު ރަނގަޅުކުރުމަށް ކަންކަން ހުރުމުން މި އަހަރުގެ ބަޖެޓުގެ ތެރެއިން އެކަން ކުރުމަކީ ހަމަޖެހިފައިވާ ކަމެއް ނޫން ކަމަށް ވިދާޅުވި އެވެ. ނަމަވެސް، އަންނަ އަހަރު އެ މަސައްކަތްތައް ކުރާނެ ކަމަށް ވިދާޅުވި އެވެ.

"މި އަންނަ އަހަރަކީ އެކަނިވެރި މައިންގެ އިނާޔަތް ބޮޑުކުރެވިގެންދާނެ އަހަރަކަށް ހަދާނަން. މި އަހަރު ވެސް މަސައްކަތްކުރެވިގެން ދަނީ. ވަރަށް އިސްކަންދޭ ކަމެއް އަޅުގަނޑުމެން." ރައީސް ވިދާޅުވި އެވެ.

އޭނާގެ ސުވާލާ ގުޅިގެން ރައީސް ވިދާޅުވީ ޔަތީމު ކުދިން އަދި މުޖުތަމައުގައި ހަވާސާ ވެފައިވާ ކުދިންނަށް ކުރިއަށްވުރެ ބޮޑަށް ސަމާލުކަންދީ، އަޅާލުން ދޭނެ ކަމަށެވެ.

ކުރީގެ ރައީސް މުހައްމަދު ނަޝީދުގެ ވެރިކަމުގައި ދޭން ފެށި އެ އެލަވަންސަށް، ކުރީގެ ރައީސް އަބްދުﷲ ޔާމީންގެ ވެރިކަމުގައި 2016 ގައި ވެސް ބަދަލުތަކެއް ގެނަ އެވެ. އެގޮތުން ތިބި ކުދިންގެ މައްޗަށް ބިނާކޮށް، ކޮންމެ ކުއްޖަކަށް 1،000ރ.ގެ މަގުން މަހެއްގެ މައްޗަށް އެފަދަ އާއިލާއަކަށް ގިނަވެގެން 3،000ރ. ލިބެ އެވެ. ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި އެ އަދަދު 10،000ރ. އަށް އިތުރުކުރި އެވެ. ރިޔާސީ އިންތިހާބުގެ ކެމްޕެއިންގައި ރައީސް ވަނީ މިހާރު ދޭ ޖުމްލަ އަދަދު 12،000ރ. އާ ހަމައަށް އިތުރުކޮށްދިނުމަށް ވައުދުވެވަޑައިގެންފަ އެވެ.

އެންސްޕާ ރައީސް އޮފީސް ރައީސް ޑރ. މުހައްމަދު މުއިއްޒު

18 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިޔާޒް

06 February 2024

މަށަށް ދެރައީ މިކަމަށްވެސް ފާޑު ކިޔާ މީހުން އުޅޭތީް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިދަރުު

06 February 2024

އެކަނި ވެރި މައިންނަށް އެލަވަންސް ބޮޑުކޮށްގެން ވާނެ އެއްވެސް ދެރައެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިޔާމްް

06 February 2024

ރައީސް މުޢިއްޒަކީ ހިތްހެޔޮ ރައީސެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސަންގު

05 February 2024

ކަން ގޯހެއް ނޫން. ކުރަންވީ ކަމަކީ އާމްދަނީ އާ މުދަލަށް ބަލާފައި (ނިކަމެތިން ކަމަށް ބެލެވޭ މިންގަޑަށް ރިޢާޔަތް ކޮށް) 18 އަހަރު ނުވާ ކުދިންތިބި ޢާއިލާ ތަކުގެ ކޮންމެ ކުއްޖަކަށް ވަކިވަރެއް ސަރުކާރުން ދޭންވީ. އެކަނިވެރިވެދާނެ ދޯ ވަރަށް މުއްސަނދި މީހުންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯނަން

05 February 2024

އެކަނި ވެރި މައެއް ނޫނަސް، ވަރިކޮށްފަ، ކައިވެނި ނުކޮށް، ބަފައިން އަދި އާއިލާއިން އަޅާނުލާ އަންހެނުންވެސް ވަރަށްގިނަ. ( އެ ފެންވަރަށް ކިޔެވިފަ އާމްދަނީ ލިބޭނެ އިތުރު ގޮތެއްނެތް) ބައިތުލް މާލުން ޚަރަދު ކުރަންޔާ، ވަލިއްޔުލް އަމުރަށް ބަދަލު އަރާ އެންމެނަށް ޚަރަދުކުރުން މުހިއްމު. އެހެން ނޫނީ އެއްބަޔަކު އިތުރަށް ދާނީ ނިކަމެތިވަމުން.