އެސްޓީއޯ ފިހާރަ. ރޯދަ މަހު ކާބޯތަކެތި ފަސޭހަކަމާ އެކު ލިބޭނެ -- ފޮޓޯ: މިހާރު
21 ފެބުރުއަރީ 2024 - 12:22
12 comments
ކުރިއަށް އޮތް ރޯދަމަހު ކާބޯތަކެތި ފަސޭހަކަމާ އެކު ރައްޔިތުންނަށް ފޯރުކޮށްދިނުމަށް ތައްޔާރުވަމުން އަންނަ ކަމަށް އެސްޓީއޯއިން މިއަދު ބުނެފި އެވެ.
އެ ކުންފުނިން ބުނީ، އަންނަ މަހުގެ 11 ގައި ފަށާ ރޯދަމަހަށް އެސްޓީއޯ އިން އަސާސީ ކާބޯތަކެތި އެއްވެސް ދަތިކަމެއް ނެތި ފޯރުކޮށްދޭނެ ކަމަށާއި އެ ކަމަށް ބޭނުންވާ މަސައްކަތްތައް ކުރަމުން އަންނަ ކަމަށެވެ.
އެސްޓީއޯ އިން މި އަހަރު ވެސް ރޯދަމަހަށް ހާއްސަކޮށް ފިޔާ، އަލުވި ބިސް އެތެރެ ކުރާނެ އެވެ. އާންމުކޮށް ކެއުންބުއިމުގައި ބޭނުންކުރާ އެހެން ބާވަތްތައް ވެސް މި ފަހަރު އެސްޓީއޯ އިން އެތެރެ ކުރަން މަސައްކަތް ކުރާނެ ކަމަށް އެ ކުންފުނިން ބުންޏެވެ.
މި ވަގުތު އެސްޓީއޯ އިން އަންނަނީ ގެންނަ ކާބޯތަކެތި ބަހައްޓާނެ ސްޓޯރޭޖުތަކުގެ ޖާގަތައް ހަދަމުންނެވެ.
އިންޑިއާ އިން ރާއްޖެ އަށް ފިޔާ އެތެރެކުރުން ހުއްޓާލި ކަމަށް ދެއްކެވޭ ވާހަކަތަކާ ގުޅޭ ގޮތުން އެސްޓީއޯއިން ބުނީ ފިޔާ ލިބުމުގައި އެއްވެސް ދަތިކަމެއް ނެތް ކަމަށެވެ.
"ކުރިއެކޭ ވެސް އެއްފަދައިން އެސްޓީއޯ އިން ސްޓޭބަލް ސަޕްލައިއެއްގައި ފިޔާ ފޯރުކޮށްދެމުންދާނެ. ފާއިތުވި ދެ މަހުގެ މާކެޓް ޓްރެންޑަށް ބަލާ ކަމުގައިވާ ނަމަ ރާއްޖޭގެ މާކެޓްގައި ފިޔާގެ އަގު އަންނަނީ ތިރިވަމުން،" އެސްޓީއޯއިން މީޑިއާއާ ހިއްސާކުރި މެސެޖުގައިވެ އެވެ.
އިންޑިއާ އިން ފިޔާ އެކްސްޕޯޓު ކުރުން ބައެއް ގައުމުތަކަށް ހުއްޓާލި ނަމަވެސް، އެ ލިސްޓުގައި ރާއްޖެ ނުހިމެނޭ ކަމަށް ރާއްޖޭގައި ހުންނަ އިންޑިއާގެ ހައި ކޮމިޝަނުން ވެސް މިއަދު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނާތްް
22 February 2024
އިންޑިޔާއަށް ބަރޯސާނުވެ އަމިއްލަޔަށް ކަންކުރަން ދަސްކޮށްދެެއްވި ހިއްވަރުގަދަ ރައީސް އަށް ޝުކުރިއްޔާ.
މަސްއޫދްް
22 February 2024
ސާބަހޭ ރައީސް. ދިވެހިން ހާލުގަޖެހިޔަނުދޭނެ މި ވެރިކަމެއްގައެއް.
ނަވީންް
22 February 2024
ސާބަހޭ ރައީސް މުއިއްޒު. މިހާރު އެނގޭ ވަކި ބަޔަކަށް ކޮންމެހެން ބަރޯސާ ވާންޖެހޭ ކަންކަމެއް ނޫންކަން މިއީ.
އަމްޝާދްް
22 February 2024
މިގައުމު ބަނޑަށް ޖެހޭނެ ކަމަށް ބުނެ ފަތުރަމުންދާ ދޮގު ވާހަކަތަކަށް ފުރިހަމަ ރައްދެއް.
މުސްތަފާާާ
22 February 2024
އިންޑިޔާ އިން ފިޔާ ނުދިނީމާ ފިޔާ ރާއްޖެއަށް ލިބޭނެ އިތުރު ގޮތެއް ނެތްކަމަށް ބަޔަކުމީހުން ދެކުމަކީ ކުންހީއެއް.
އަލީމު
21 February 2024
ރޯދަމަހަކީ ކެއުން މަދުކޮށް އަޅުކަން ގިނަކުރަންޖެހޭ މަހެއްނޫންތަ؟ އެހެންވީމަ ކޯބޯތަކެތީގެ އަގު ދާނީދަށައް! ދީނުގައި ވާގޮތައްނޫޅެންޔާ އަގުބޮޑުވެސްވާނެ!
ބޯބުރާންތި
21 February 2024
ރަނގަޅު ވާހަކައެއް. އެކަމަކު މިހާރުގެ މޮޑަން ދިވެހިންނަކަށް ރޯދަހިފޭ ކަމަކަށް ނުވޭ ގެއަށް ފިޔާ ބަސްތާއަކާ ދެތިން ބިސް ކޭހާ އަލުވި ބަސްތާއަކާ ގެރިކިރު ކޭހަކާ ހަނޑޫ ހަކުރު ފުށް ބަސްތާއަކާ މިހެންގޮސް ބޮޑު އިސްރާފުގަނޑެއް ނުކޮށް. ރޯދައަށް ތިބޭއިރު ލައްކަގިނަ ތަކެތި ތައްޔާރު ކުރާނެ. އެއިން ގިނަ އެއްޗެހި ދާނީ ގޮނޑަށް. މިއީ ހަގީގަތް.
ރާވެރިބޭ
21 February 2024
ނޫނޭ. ރޯދަމަހު އޮންނާނީ ގިނައިން ކައިފަ ރޭގަނޑު ހަތަރުދަމު ހޭލާ ހުރެފަ ދުވާލު ހަތަރުދަމު ނިދުން.
ކާސީމްބެ
21 February 2024
ހުޅުމާލޭގަ ކާސިންބެ އަށް ދެވޭނެ ކަހަލަ ފިހާރައެއް ނެތް. ސަބަބަކީ ބައްތި ފޯނެއަ ގެންގުލޫން
ދަލޭކަ
21 February 2024
ކުރިޔައްއޮތް ރޯދަމަހާ ދިމާކޮށް ތަކެތީގެ އަގު ދުވަހަކުވެސް މައްޗަށް ނުދާވަރަށް މިދަނީ އުފުލެމުން. 50ބިލިއަން ރުފިޔާގެ ބަޖެޓެއް ފާސްކޮއްގެން ކޯންޗެއް ތިހަދަނީނޫންދޯ ކަލޭމެން ކުދިން މޮޅު ސަރުކާރެއް ތިގެނެސްދިނީ.
ރޭކާނުލާ
21 February 2024
އެސްޓީއޯ އިން ގެނަޔަސް ދޫކުރަނީ ބޮޑުކޮށް . އަގެއް ހެވެއްނުކުރެޭ. ރޯދަމަސް އައުމުގެ 2 މަސްކުރިން ތަކެތީގެ އަގު މައްޗަށްދާކަން ފާހަގަވޭ. 270ރ އަށް ވިއްކާ ބިސްކޭސް 450ރ އަށް އަރާ . ދެން އެސްޓީއޯ އިން އަގުހެޔޮކުރާކަމަށް ހަދާފައ 390ރ އަށް ދީފާނެ. މީ ޖަހާ ސަކަރާތަކީ. އާއްމު ރޭޓަކަށް ނުގެނޭ . މީ ހަމަ 7 އަހަރުގެ ދިރާސާ
ކަތިވަޅި
21 February 2024
ބޮލު ނާށިގަނޑުގަ ކުރަލާފަ މިއުޅޭ ވިޔަފާރިވެރިން އާންމުންގެ ދިޔަ ފެލާލުމުގެ ކުރިން އެސްޓީއޯއިން ތިކަން އަވަސްކުރޭ. ރޯދަމަސް ކައިރިވުމަކީ ވިޔަފާރިވެރިން އާންމު ރައްޔިތުންގެ ދިޔަ ފެލާލަން އަންނަ އަންނަ އީދެއް.