އިންފޮމޭޝަން ކޮމިޝަނަރު އާހިދު
03 މާޗް 2024 - 11:35
9 comments
ދައުލަތުގެ އިދާރާތަކުން އަމިއްލަ އިސް ނެގުމުގެ މަތިން މައުލޫމާތު ޝާއިއު ކުރާ މިންވަރު ވަރަށް ދަށް ކަމަށް އިންފޮމޭޝަން ކޮމިޝަނަރުގެ އޮފީސް (އައިކޮމް) އިން ބުނެފި އެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން ބައެއް މައުލޫމާތުތަކަކީ ދައުލަތުގެ އިދާރާތަކުން އަމިއްލަ އިސްނެގުމުގެ މަތިން ޝާއިއު ކުރަން ޖެހޭ މައުލޫމާތުތަކެކެވެ.
އައިކޮމް އިން ބުނީ ދައުލަތުން އެ މައުލޫމާތުތައް ޝާއިއު ކުރާ މިންވަރު ބެލުމަށްޓަކައި އެ އިދާރާ އާއި ޓްރާންސްޕޭރަންސީ މޯލްޑިވްސް އިން މޮނިޓާ ކުރި އިރު 935 އިދާރާތަކުގެ ތެރެއިން ގާނޫނު ލާޒިމް ކުރާ ހުރިހާ މައުލޫމާތެއް ޝާއިއު ކޮށްފައި ވަނީ ހަތް އިދާރާއަކުން ކަމަށެވެ.
އެއީ ދެ ސިޓީ ކައުންސިލާއި ހަތަރު މިނިވަން މުވައްސަސާއަކާއި ޑްރަގް ކޯޓު ކަމަށް އައިކޮމް އިން ބުންޏެވެ.
މީގެ އިތުރުން މައުލޫމާތު ޝާއިއު ކުރުމަށް ވެބްސައިޓެއް ހުރީ 494 އިދާރާއެއްގައި ކަމަށާއި 47 ޕަސެންޓް އިދާރާތަކުގައި ވެބްސައިޓެއް ނެތް ކަމަށް އައިކޮމް އިން ބުންޏެވެ.
ވެބްސައިޓު އެންމެ މަދުން ހުރީ ސިއްހީ ހިދުމަތް ދޭ އިދާރާތަކުގައި ކަމަށާއި ސަރުކާރުގެ 22 ހޮސްޕިޓަލުގެ ތެރެއިން ވެބްސައިޓު ގާއިމް ކޮށްފައި ވަނީ ނުވަ ހޮސްޕިޓަލެއްގައި ކަމަށް އައިކޮމް އިން ބުންޏެވެ. އަދި 164 ސިއްހީ މަރުކަޒު ހިންގާ އިރު އެއްވެސް ތަނެއްގެ ވެބްސައިޓެއް ނުހުންނަ ކަމަށް ވެސް އެ ކޮމިޝަނުން ބުންޏެވެ.
ސިޔާސީ ޕާޓީތަކުގެ ތެރެއިން ފަސް ޕާޓީއެއް މޮނިޓާ ކުރިއިރު މައުލޫމާތު ހާމަ ކުރާ މިންވަރު ދަށް ކަން ފާހަގަ ކުރެވޭ ކަމަށް ވެސް އައިކޮމް އިން ބުންޏެވެ.
އަދި މިނިސްޓްރީތަކުގެ ދަށުން ހިންގާ 53 އިދާރާއެއްގެ ތެރެއިން 40 އިދާރާއެއްގެ ވެބްސައިޓު ހުރި ކަމަށް ވެސް އެ ކޮމިޝަނުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
04 March 2024
ސިޔާސީ ވިޔަސް ތަންފުކެއް ބޮޑު. ޕާޓީން އަންގައިގެން ވޯޓު ދުވަސްވަރާ ދިމާކޮށް ދިން ބަޔާނެއް ދޯތީ. ކުރީ ސަރުކާރުގައި ކޮންމެވެސް މިނިސްޓަރަކު ރާއްޖޭންބޭރަށް ކުރި ބޭކާރު ދަތުރުތަކުގެ މައުލޫމާތު ނުދީގެން އުޅުނުއިރު އަދި ކޮންމެ މައުލޫމާތެއް ގައުމީ ސަލާމަތަޢް ނުރައްކާވެގެން ސިއްރުކުރި އިރު އޮތީ ނިދާފައިދޯ. ޕާޓީ ބޮޑުން ކޮއްޓާތީ ހޭލެވިގެން ބުނިއެއްޗެއްދޯ
މެން
03 March 2024
ތި އައި ކޮމް އަކީ އެމްޑިޕީގެ ޕަޕެޓެއް އެމްޑިޕީ ވެރިކަމުގާ އައިކޮމް ކަނުވާނެ އެމްޑިޕީވެރިކންގެއްލުނީމަ ލޮލައްފެނި އަގަފަލާނެ
ފެންނަގޮތް
03 March 2024
ކުރިން އެދިގެންވެސް މައުލޫމާތު ނުދޭ، ނުދޭން ވެގެން ކޯޓަށްވެސް ދޭ
65466
03 March 2024
މިއުޅެނީ 2 ފަހަރުން ހަމަޔަށް މަސައްކަތްކުރަނެ މީހުން ނެތިގެން. ރަށްރަށުގަ ހުންނަ އޮފީސްތަކުގެ ގަނެތެޅެން މި ޖެހެނީ ހުންނަ އެޑްމިނިސްޓްރޭޓިވް އޮފިސަރ ލެއްވިހާ ކަމެއް ކުރަމުން. ފުޅިމަދު އުނގުރި ހެދިގެން 4465 ގެ މުސާރަޔަކަށް ގަނެތެޅިފަ އިތުރު މަސައްކަތެއް ކުރާމެ ވަރެއް ނުހުރޭ
ނިންޖާ-ޓީ
03 March 2024
ޑްރަގް ކޯޓަކީ ނަމޫނާ ކޯޓެއް. އަހަރެން މަސައްކަތް ކުރަނީ އެންޑީއޭގައި. އަބަދުވެސް ވަރަށް ފަސޭހަ ކޯޓާ ޑީލުކުރަން. މަރުހަބާ ޑްރަގް ކޯޓު.
ސައީމާ
03 March 2024
ޝުކުރިއްޔާ ޑްރަގް ކޯޓު. މުޅި ޖުޑީޝަރީން، ޤާނޫނުގައި ބުނާ ކަންކަން ހާމަކޮށްފައިވާ ހަމައެކަނި ކޯޓަކީ ތިޔަ ކޯޓު. އެހެން ކޯޓުތައްވެސް މިހެން ހާމަކަން ބޮޑުކޮށް މައުލޫމާތު ދޭންޖެހޭ.
ޖެއްސު
03 March 2024
ނިމިދިޔަ ސަރުކާރުގަ ނުކެރުނު ތިވަރުވެސް ހާމަ ކޮއްލާކައް. 0 ލިބޭނީ މައޫލޫ މާތެއް ހޯދަންދާއޮރައް ގައުމީ ސަލާމަތައް ނުރައްކާގެން އެމައުލޫ މާތެއް ނުލިބޭ ހުރިހާ މައުލޫމަތައް ވާގޮތް
ރޯބުހުތާންދޮގުމުޅިންވެސް
03 March 2024
އެ ސަރުކާރު ގޯސްވެގެންތާ މި ސަރުކާރު ގެނެސްފަމިވަނީ، އެހެންވީމާ ދެން މި ސަރުކާރުން ހުރިހާކަމެއް ރަނގަޅުކުރަން އުޅެބަލަ، އެކަމަކު ފެންނަމުންދަނީ އެއާމުޅިން ތަފާތު މަންޒަރެއް، މީހުންގެ ލޮލުގައި ކަނު އަނދުންއަޅުވާފަ ކޮންމެވެސް ނާޖާއިޒު މަންފާއެއް ނެގޭތޯ ބަލާތަން، ވީ ވަޢުދުމަތިން މިހާރު ހަނދާނެއްނުވެސްނެތް، އެންމެފަހުން މިހާރު މިކިއަނީ މަޖިލީހުން ވަޢުދު ފުއްދިއަކަނުދިނޭ އޭއްޗެކޭ މީއްޗެކޭ
ސިޔާސީމައުލޫމާތު
03 March 2024
ސިޔާސީ ޕާޓީތަކުން ހިންގާ ކަންކަން ހާމަކުރަންވެއްޖިއްޔާ ރައްޔިތުން ކަރުނައަޅައި ރޯނެ. އެއަށްވުރެ މުޑުދާރުކޮށް ކަންކަން ކުރާ ބަޔަކު އުޅޭ އެއްވެސް ދާއިރާއެއް ނެތޭ ބުނާނެ. އެހާވެސް ކަންކަން ކޮށްފައި ހުންނަ ގޮތް ހުތުރުވެފައި މުޑުދާރުވާނެ. ވޯޓެއް ހޯދުމަށް ހަދާފައި ނުހަދާނެ ދޮގެއްވެސް ނޯންނާނެ. ޗާލާކީކަން ދައްކައިގެން ސަޅިބައިސާ ކަނޑައިގެން އުޅުނެއްކަމަކު މިއީ ކަމުގެ ހަގީގަތް. މި ދަލުގައި ގައުމު މިއޮތީ ޖެހިފައި.