އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް.
16 ފެބުރުއަރީ 2017 - 14:40
4 comments
ގާހިރާ (ފެބްރުއަރީ 16) - ފަލަސްތީނާއި އިޒްރޭލުގެ ސުލްހަ އަށް އޮތް ހަމައެކަނި ހައްލަކީ ދެ ދައުލަތް އުފެއްދުން ކަމަށް އދ.ގެ ސެކްރެޓަަރީ ޖެނެރަލް އެންޓޯނިއޯ ގުޓަރޭޒް ވިދާޅުވެއްޖެ އެވެ.
މިސްރުގެ ރައީސް އަބްދުލް ފައްތާހު އަލް ސީސީއާ ބައްދަލު ކުރެއްވުމަށް ފަހު ގުޓަރޭޒް ވިދާޅުވީ ދެ ދައުލަތް އުފެއްދުމަށް އުސޫލެއްގެ ގޮތުން އެއްބަސްވެފައިވާ ކަމަށާއި އެކަން ހާސިލް ކުރަން ކުރެވެން ހުރި ހުރިހާ ކަމެއް ކުރަން ޖެހޭ ކަމަށެވެ.
ގާހިރާ ޔުނިވާސިޓީގައި ވާހަކަ ދައްކަވަމުން ވެސް ގުޓަރޭޒް ވިދާޅުވެފައި ވަނީ އިޒްރޭލް- ފަލަސްތީނު މައްސަލަ އަކީ މެދުއިރުމަތީގެ ހަމަނުޖެހުންތަކުގެ "މަންމަ" ކަމަށެވެ.
"ދެ ދައުލަތް އުފައްދައިގެން މެދުއިރުމައްޗަށް ހޯދާ ހައްލަށް ޕްލޭން ބީއެއް ނެތް،" ގުޓަރޭޒް ވިދާޅުވި އެވެ.
އދ.ގެ ސެކްރެޓަރީ ޖެނެރަލް މިމޭރުމުން ވާހަކަ ދައްކަވާފައިވާ އިރު އިޒްރޭލުގެ ބޮޑު ވަޒީރު ބެންޖަމިން ނަތަންޔާހޫއާ ބައްދަލު ކުރައްވާ އެމެރިކާގެ ރައީސް ޑޮނަލްޑް ޓްރަމްޕް ވަނީ ދެ ދައުލަތް އުފައްދައިގެން ފަލަސްތީނު-އިޒްރޭލް މައްސަލަ އަށް ހައްލު ހޯދަން ޒަމާނުއްސުރެ އެމެރިކާ އިން ގެންގުޅުނު ސިޔާސަތު ދޫކޮށްލަވާނެ ކަމަށް ވިދާޅުވެފަ އެވެ.
ފަލަސްތީނުން ބުނެފައި ވަނީ އެމެރިކާގެ ރައީސް ދައްކަވާފައި ވަނީ ވަރަށް ޒިންމާދާރުކަން ކުޑަ ވާހަކަތަކެއް ކަމަށެވެ. ޕީއެލްއޯގެ ސެކްރެޓަރީ-ޖެނެރަލް ސައީބު އަރަކާތު ވިދާޅުވީ ފަލަސްތީނާ މެދު ތަފާތު ކުރާ ކޮންމެ ސިޔާސަތަކާ ދެކޮޅު ހަދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
21 February 2018
ސަލާމަތީމަޖިލީހުން ފާސްކޮށް ދެދައުލަތް އިއުލާންކުރީމަ އެވީއެއްނު
މަމީހާ
15 May 2017
އެއްބަޔަކު ލާބަލަ މެކްސިކަން ޑެޒާޓް އަށް. އެވެސް ހަމަ ހަނަފަސް ބިމެއް ވިއްޔާ.
އަބްދުއްލާ އަލީ
16 February 2017
ދެދައުލަތް އުފެއްދުމަކީ ފުރަތަމަ ކުރަންޖެހާ ކަންތައް ،ދެދަވްލަތް އުފެއްދުމުން އެދެދަވްލަތުގެ ސުލްހަ އާއެކު އިޒްރާއީލް ގެ ވަށައިގެންވާ ގައުމުތައް އިޒްރާއީލާ ސުލްހަވާނެ. ސުލްހަ ފަހަށް ބާއްވާ ފުރަތަމަ ދެ ދަވްލަތް އުފައްދާ ، ކިތައްމެ ގިނަޒަމާންތަކަށް ވާހަކަ ދެއްކިޔަސް ސުލްހަ ގާއިމްނުކުރެވޭނެ ، އަމަ އެކަނި ހައްލަކީ ފުރަތަމަ ދެ ދަވްލަތް އޭގެ ފަހުން ސުލްހައިގެ ވާހަކަޔާ ބިން ބެހުމާ ސަލާމަތީ ބާރުތަކާ އިގްތިސާދީ ކަންކަން ގާއިމްކުރުމާ ، މިކަހަލަ ހުރިހާ ވާހަކަ އެއް ކުރިޔަށްދާނެ . ހަމަ އެކަނި ނިންމަންވީ ފުރަތަމަ ދެ ދަވްލަތް <
މމ
16 February 2017
ތިކަން ކުރެވެން އޮތީވެސް މުސްލިމުންނަށް ނުކުރުންވެސް އޮތީ މުސްލިމުންގެ އަތްމަތީގައި . މިހާރުވެސް މުސްލިމްހުރިހާ ގައުމަކުން އިޒްރޭލަކީ ދައުލަތެއް ނޫންކަމަށް ކަނޑަ އަޅާބަލަ . އޭރުން ފަލަސްތީނަކީ ދައުލަެއްކަމަށް އެމެރިކާވެސް އެއްބަސްވާނެ.