ކުރީ އަހަރެއްގެ ރޯދަވީއްލުމަށް ރެސްޓޯރަންޓެއްގެ ވެއިޓަރުންތަކެއް ކާ އެއްޗެހި ގެންދަނީ.
05 މާޗް 2024 - 20:15
4 comments
ކުރިއަށް އޮތް ރޯދަމަހު ކެފޭ/ރެސްޓޯރަންޓްތަކާއި މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިތައް ސަރުކާރުން މިއަދު ކަނޑައަޅައިފި އެވެ.
އިކޮނޮމިކް މިނިސްޓްރީން ބުނީ، އަންނަ ހަފުތާގައި ފަށާ ރޯދަމަހުގެ ދުވަސްތަކުގައި ކެފޭ/ރެސްޓޯރަންޓުތައް ހުޅުވާފައި ބެހެއްޓޭނީ ކޮންމެ ދުވަހެއްގެ ހަވީރު 5:30 އިން މެންދަމު ތިނެއް ޖަހަންދެން ކަމަށެވެ.
މުދާ ވިއްކާ ތަންތަން ނުވަތަ ފިހާރަތައް ހުޅުވާފައި ބެހެއްޓޭނެ އެންމެ ލަސްގަޑިއަކީ އެ މިނިސްޓްރީން ބުނިގޮތުގައި ދަންވަރު އެކެއް ޖަހަންދެންނެވެ. ރޯދަމަހުގެ ދުވަސްތަކުގައި ފިހާރަތަށް ހުޅުވޭނީ ފަތިހު 5:30 ގެ ފަހުން ކަމަށް ސަރުކާރުން ވަނީ ކަނޑައަޅައިފަ އެވެ.
ކަލަންޑަރުގައިވާ ގޮތުން ރޯދަމަސް ފެށެނީ އަންނަ ހޯމަ ދުވަހު ކަމަށް ވިޔަސް ކެފޭ/ރެސްޓޯރަންޓް އަދި ފިހާރަތައް ހުޅުވުމަށް ކަނޑައެޅި އާ ވަގުތަށް އަންނަ ހުކުރު ދުވަހުން ފެށިގެން އަމަލު ކުރާނެ ކަމަށް މިނިސްޓްރީން ބުންޏެވެ.
އިކޮނޮމިކް މިނިސްޓްރީން ބުނީ، ރޯދަމަސް ނިމި، ޝައްވާލް މަހުގެ ފުރަތަމަ ހަތް ދުވަހާ ހިސާބަށް ވެސް ފިހާރަތައް ހުޅުވޭނެ އެންމެ ލަސްގަޑިއަކީ ދަންވަރު އެކެއް ޖަހަންދެން ކަމަށެވެ. ކެފޭ/ރެސްޓޯރަންޓުތައް ވެސް ރޯދަމަހުގެ ދުވަސްތަކެކޭ އެއްގޮތަށް ޝައްވާލް މަހުގެ ފުރަތަމަ ހަތް ދުވަހާ ހަމައަށް ހުޅުވާފައި ބެހެއްޓޭނީ މެންދަމު ތިނެއް ޖަހަންދެން ކަމަށް އެ މިނިސްޓްރީން ބުންޏެވެ.
ރޯދަމަސް ފަދަ ހާއްސަ ދުވަސްތައް ފިޔަވައި އެހެން ދުވަސްވަތކުގައި ކެފޭ/ރެސްޓޯރަންޓުތައް ހުޅުވާފައި ބަހައްޓަން ސަރުކާރުން ހުއްދަ ދީފައި އޮންނަނީ ފަތިހުން ފެށިގެން ދަންވަރު އެކެއް ޖަންދެންނެވެ. ސައުވީސް ގަޑިއިރަށް ހުއްދަ ދީފައިވާ ފިހާރަތައް ފިޔަވައި އެހެން ފިހާރަތައް އާންމު އުސޫލުން ހުޅުވާފައި ބެހެއްޓޭނެ އެންމެ ލަސް ގަޑިއަކީ ރޭގަނޑު 11:00 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަންދަރު
05 March 2024
ތިއީ އެއްވެސް ގޮތަކަށް ހަމަޖެހޭ ކަމެއްނޫން. ރޯދަމަހަކީ ވިޔަފާރިއާ ކެއިންބުއިމުގެ އީދަކަށް ހަދާކަށް ނުޖެހޭ. ނުލިބޭނެ ވޯޓެއް.
ދިހަރޯދަ
05 March 2024
މިސަރުކާރުން ސުންނަތް 10 ރޯދަ ބަދަލުގައި 3 ދުވަހުގެ ޑިސްކައުންޓަކާއެކު 7 ދުވަހަށް ބަދަލުކުރީތީ ޝުކުރިއްޔާ.
އޮނަރަބްލް އަފީފު ދީދީ
05 March 2024
ކޮންޒާތަކަށް ހިންގާންއުޅޭ ވެރިކަމެއް.! ސިވިލް ސާވަންޓުންނަށް ރޯދަމަހު ފަހު ދިހައެއް އެއްކޮށް ބަންދުކޮށްދީފައި ރާއްޖޭގެ ޕްރައިވެޓް ސެކްޓަރގެ ތެރެއިން ދިވެހިން އެންމެގިނަ އަދަދަކަށް ވަޒީފާ އަދާކުރާ ހޯލްސޭލް ރީޓައިލް ވިޔަފާރީގައި މަސައްކަތްކުރާ ދިވެހިންނަށް ތިހާލު ޖެއްސާއިރު ކޮބާތޯ އެމީހުންނާއި އެމީހުންގެ ފިރިންނާއި އަނބި ދަރިންގެ ޙައްޤު!؟ މިއީ ރަނގަޅު ނިޔަތެއްނެތި ކަންކަން ކުރާތީ ދިމާވާގޮތް. ފަހު 10 ބަންދު ކުރީވެސް ކަން ދައްކަންކަން މިއިން އިގޭ.
ބޮއެހަލާކު
06 March 2024
ގަޑިތަކެއް ނެރެފަ ހުއްޓަކަސް ކޮންމެ ހެން ނުޖެހެ އޭ އެ ގަޑި ޖެހެންދެން ހުޅުވާފަ ބަހައްޓާކަށް. ތިބުނާ ފިހާރަތަކުގެ ވެރިން މުވައްޒަފުންނާ ދޭތެރޭގަ ވިސްނާނަމަ ހަމަ އަވަހަށް ވެސް ބަންދު ކުރަންވީ އޭ. މީގަ ނެތޭ ވަކި އަވަހަށް ބަންދު ކޮށްގެން ގާނޫނީ ކުށަކަށް ވާވަރުގެ ވާހަކަ އެއް. ސަރުކާރު ގެ މައްސަލައެއް ނޫން މީކީ. އަސްލު މައްްސަލަޔަކީ އޮންރަބަލް އަފީފު ދީދީ ގެ ސިކުނޑީގެ މައްސަލައެއް ހެން ހީވަނީ. ރަމަޟާން މުބާރަކް އަފީފު ދީދީ އަށް.