ކުރީގެ ރައީސް މައުމޫން. ބައެއް މެމްބަރުންގެ އަޑު ކަޑުވާލަން މަޖިލިސް ތެރެއިން ކުރާ މަސައްކަތް މައުމޫން ކުށްވެރި ކުރެއްވި. -- ފޮޓޯ: ނިޝާން އަލީ/މިހާރު
16 ފެބުރުއަރީ 2017 - 18:45
13 comments
ރައްޔިތުންގެ މަޖިލީހުގެ ބައެއް މެމްބަރުންގެ އަޑު ކަޑުވާލަން ކުރަމުންދާ މަސައްކަތް ހުއްޓާލުމަށް ޕީޕީއެމްގެ ރައީސް މައުމޫން އަބްދުލްގައްޔޫމް މިއަދު ގޮވާލައްވައިފި އެވެ.
މައުމޫން ނެރުއްވި ބަޔާނެއްގައި ވިދާޅުވީ ކޮންމެ މެންބަރަކީ އެ ދާއިރާއެއްގެ މީހުންގެ އިތުރުން އެންމެހައި ރައްޔިތުންގެ ހައްގުގައި މަސައްކަތް ކުރައްވަމުން ގެންދަވާ މެންބަރުން ކަމަށެވެ.
މަޖިލީހަށް ހުށަހެޅޭ ކޮންމެ މައްސަލައެއް ނުވަތަ ބިލެއްގައި، ޕާޓީތަކަށާއި މިނިވަން މެންބަރުންނަށް ކަނޑައަޅުއްވާފައިވާ ވަގުތުތަކުގައި، ކޮންމެ މެންބަރެއް ވެސް އެ މެންބަރެއްގެ ނުވަތަ އެ ދާއިރާގެ މީހުންގެ ހިޔާލު ހުށަހަޅުއްވައި ބަހުސް ކުރެއްވުމަށް ބޭނުންވާނެ ކަމަށް އެ މަނިކުފާނު ވިދާޅުވި އެވެ.
ނަމަވެސް މި ފަހަކަށް އައިސް މަޖިލީހުގެ ތަޅުމުގައި ބަހުސް ކުރައްވަން ބޭނުންފުޅުވާ މެންބަރުންނަށް ވަގުތު ދެއްވުމުގައި ތަފާތު ކުރުންތަކެއް ގެންގުޅުއްވާ ކަމަށް ކަމަށް މައުމޫން ވިދާޅުވި އެވެ.
މަޖިލިސް ތަޅުމުގައި މެންބަރުންނަށް ވަގުތު ދެއްވުމުގައި ޒިންމާ ނަންގަވައިގެން ތިއްބެވި އެންމެހާ ފަރާތްތަކުން މަޖިލީހުގައި ހެދިފައިވާ ގަވާއިދުތަކާއި އުސޫލުތަކަށް ކަމޭ ހިއްތަވާ ހަމަހަމަ ކަން ގެންގުޅުއްވުމަކީ އެ ފަރާތްތަކުގެ ޒިންމާއެއް ކަމަށް ވެސް މައުމޫން ވިދާޅުވި އެވެ.
"އެހެންކަމުން މަޖިލީހުގައި ހިމެނިވަޑައިގަންނަވާ ބައެއް ދާއިރާތައް ތަމްސީލު ކުރައްވާ ބައެއް އިއްޒަތްތެރި މެންބަރުންނަށް ފުރުސަތު ނުދީ، ބައެއް ދާއިރާތަކުގެ ރައްޔިތުންގެ އަޑު މަޖިލީހުން ކަނޑުވާލެއްވުމަށް ކުރައްވަމުން ގެންދަވާ މަސައްކަތް ކުށްވެރިކުރަމެވެ،" މައުމޫން ވިދާޅުވި އެވެ.
މައުމޫން ފާހަގަކުރެއްވި މެމްބަރުންގެ ތެރޭގައި މައުމޫންގެ ދަރިކަލުން އަދި ދިއްގަރު ދާއިރާގެ މެމްބަރު ފާރިސް މައުމޫން، ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ)، ތިމަރަފުށީ ދާއިރާގެ މެމްބަރު މުހައްމަދު މުސްތަފާ އަދި ނޮޅިވަރަމު ދާއިރާގެ މެމްބަރު ހުސައިން އަރީފް ހިމެނިވަޑައިގަންނަވަ އެވެ.
މައުމޫން ވަނީ ޑިމޮކްރަސީގެ ރިވެތި އުސޫލާއި ހަމަތަކުގެ މަތިން ވަކި މެންބަރަކާ މެދު ތަފާތު ކުރެއްވުން ނުގެން ގުޅުއްވައި، ހުރިހާ މެންބަރުންނަށް ވެސް ދާއިރާތަކުގައި ދިރިއުޅޭ މީހުންގެ ހިޔާލުތައް ހުށަހެޅުއްވުމަށް ހަމަހަމަ ފުރުސަތުތަކެއް މަޖިލީހުގެ ތަޅުމުގައި ހޯއްދަވައި ދެއްވުމަށް ގޮވާލައްވާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސސ
18 February 2017
ރާޖަބަކުސާ ގެ ނާކާމިޔާބީ އާއި ސިރިސޭނާގެ ކާމިޔާބީގެ ސިއްރު! ރާޖަބަކުސާ ވެރިކަން ކާމިޔާބު ކުރުމައްޓަކައި ވަރަށް ގިނަގުނަ ބަދަލްތަ ސަރުކާރަށް ގެނައި މަޖިލިސް ޢައުލައްބިއްޔަތު ހޯދި ސިޔާސީ ލީޑަރުން ޖަލައްލި އެގޮތުން ފޮންސެކާ ޖަލުހުކުމުުގައި. އިންތިހާބު ކައިރިވެ ރިޔާސީ ކެޑިޑޭޓުންގެ ނަން އިލެކްޝަނަށް ދާން އުޅެނިކޮށް ކެބިނެޓްގެ ހެލްތު މިނިސްޓާ ކެބިނެޓް ދޫކޮށް ސިޔާސީ ވާދަވެރިންގެ ފަޅިޔަށް ޖެހިލިތަނާ އެފަޅިބޮޑުވެ ކާމިޔާބުވި!
ގަލަމް
17 February 2017
ޢެމްޑީޕީ މެމްބަރުން އޭރުގެ ޑީއާރުޕީ މެމްބަރުންނަށް އުދަގޫކޮށް އަޑުކެނޑުވިއިރު މަނިކުފާނު އަމިއްލަ ޕާޓީގެ މެމްބަރުންނަށް ދިމާވި ދަތި އުދސގުލުގެވާހައެއް އޭރު ނުދައްކަވާ. ޢޭރު އދިކޮޅު ލީޑަރ. ޢެކަމަކު ހައްޕު. ޢެހެންވީމަ މިބުނަނީ ތީ ސިޔާސީ ކަމެއްނޫނޭ.
ޖަޑިބު
17 February 2017
ރައަްޔިތުންގެ އަޑުކަނޑުވާލެއްވުމަށް ކުރަމުންދާ މަސައްކަތް މިހާރުންމިހާރަށް ހުއްޓާލާ! ހުރިހާބޭފުލުންވެސް އަޅުގަޑާއިއެކު ބާރަށް ހުއްޓާލާ ވިދާލުވޭ. މިހާރުންމިހާރަށް ހުއްޓާލާ!
ދޮންސީދީ
17 February 2017
މަނިކުފާނު 30 އަހަރުވަންދެން ރަތްޔިތުން ބޭތިއްބީ އަޑުކަނޑުވާފަނޫންތޯ ދެން މިހާރު މަނިކުފާނު ޖައްސަވާ ބެރަކާ ކިޔުއްވާ ލަވަޔަކާ ދިމަލެއްނުވޭ އިނގޭތޯ
wަލިފުތު
17 February 2017
ބަސް ނުވިކޭ އޮޑިއެއްގެ ދިރުބާ ކޮޅަށް ނާރާށެވެ.
އަދުގެއަޑު
17 February 2017
30އަހަރު ދިވެހިންގެ އަޑު ކަނޑުވާލާއިގެން އުޅުއްވި ބޭފުޅެއްގެ ވާހަކަ މިއީ.
ތުއްތޮންބެ
17 February 2017
މަނިކުފާނުގެ ރަން ތިރީސް އަހަރުން ފުދިއްޖެ. ދެން އެހެން ބޭފުޅުންނަށް ވެސް މަނިކުފާނު ފުރުސަތު ދެއްވާ، ފެޔަށް ޖެހިވަޑައިގަންނަވާ. އެއީ ޑިމޮކުރަސީގެ ރީތި ގޮތަކީ ވެސް. ވެރިކަމަކީ ވެސް މުޅި އުމުރަށް ކުރެއްވޭނެ ކަމެއް ނޫން. ވެރިކަން ދެއްވި ފަރާތުން އެ ގެންދަވަންވީމަ ގެންދަވާނެ
ލީދަރ
17 February 2017
މީ ހިތްވަރުގަދަ ލީޑަރެއް
އެޒަމާން.
17 February 2017
1978 ނޮވެންބަރ 11 ވަނަދުވަހު ދިވެހިރާއްޖޭގެ ހުރިހާކަމެއް ސުމަކުން ފައްޓާގެން މިހިސާބަށް ދިވެހިން މިދެކޭ ތަރަށްގީ ގެނެސްދެއްވި ބާނީ އަކީ ރައީސް މައުމޫން.
ބާބީ
16 February 2017
މިދަތި އުދަގޫ ދުވަސްވަރު މަނިކުފާނު ތިޔަ ކުރައްވާ އިޚްލާސްތެރި މަސައްކަތް ޕުޅުތަކަށްޓަކައި ޝުކުރުދަންނަވަން.